Қалалық мәслихаттың 2013 жылғы 12 желтоқсандағы №16/155 " Мұқтаж азаматтардың жекелеген санаттарына әлеуметтік көмек көрсету үшін атаулы және мереке күндерінің тізбесін, оны көрсету еселігін бекіту, сондай-ақ әлеуметтік көмектің мөлшерін белгілеу туралы" шешіміне өзгерістер енгізу туралы

Күшін жойған

Маңғыстау облысы Ақтау қалалық мәслихатының 2016 жылғы 17 мамырдағы № 2/23 шешімі. Маңғыстау облысы Әділет департаментінде 2016 жылғы 17 маусымда № 3064 болып тіркелді. Күші жойылды-Маңғыстау облысы Ақтау қалалық мәслихатының 2016 жылғы 21 қазандағы № 5/58 шешімімен

      Ескерту. Күші жойылды - Маңғыстау облысы Ақтау қалалық мәслихатының 21.10.2016 № 5/58 шешімімен (жарияланған күнінен кейін күнтізбелік он күн өткен соң қолданысқа енгізіледі).
      РҚАО-ның ескертпесі.
      Құжаттың мәтінінде түпнұсқаның пунктуациясы мен орфографиясы сақталған.
      Қазақстан Республикасының 2008 жылғы 4 желтоқсандағы Бюджет кодексіне, Қазақстан Республикасының 1992 жылғы 18 желтоқсандағы "Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы", 1993 жылғы 14 сәуiрдегі "Жаппай саяси қуғын-сүргiндер құрбандарын ақтау туралы", 1995 жылғы 28 сәуірдегі "Ұлы Отан соғысының қатысушылары мен мүгедектерiне және соларға теңестiрiлген адамдарға берiлетiн жеңiлдiктер мен оларды әлеуметтiк қорғау туралы", 2001 жылғы 23 қантардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңдарына, Қазақстан Республикасы Үкіметінің 2013 жылғы 21 мамырдағы № 504 "Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы" қаулысына сәйкес Ақтау қалалық мәслихаты ШЕШІМ ҚАБЫЛДАДЫ:
      1. Қалалық мәслихаттың 2013 жылғы 12 желтоқсандағы №16/155 "Мұқтаж азаматтардың жекелеген санаттарына әлеуметтік көмек көрсету үшін атаулы және мереке күндерінің тізбесін, оны көрсету еселігін бекіту, сондай-ақ әлеуметтік көмектің мөлшерін белгілеу туралы" шешіміне (нормативтік құқықтық актілерді мемлекеттік тіркеу Тізілімінде № 2339 болып тіркелген, 2014 жылғы 21 қаңтарда "Әділет" ақпараттық-құқықтық жүйесінде және 2014 жылғы 1 ақпанында № 20-21 "Маңғыстау" газетінде жарияланған) келесі өзгерістер енгізілсін:
      1) көрсетілген шешімнің тақырыбы келесі мазмұндағы жаңа редакцияда жазылсын:
      "Мұқтаж азаматтардың жекелеген санаттарының тізбесін айқындау және әлеуметтік көмектің мөлшерлерін белгілеу туралы";
      2) көрсетілген шешімнің 2 қосымшасы осы шешімнің қосымшасына сәйкес жаңа редакцияда жазылсын.
      2. Ақтау қалалық мәслихатының аппарат басшысы (Д.Телегенова) осы шешімнің Маңғыстау облысының әділет департаментінде мемлекеттік тіркелгеннен кейін, оның "Әділет" ақпараттық-құқықтық жүйесінде және бұқаралық ақпарат құралдарында ресми жариялануын қамтамасыз етсін.
      3. Осы шешімнің орындалысын бақылау қалалық мәслихаттың әлеуметтік мәселелері және заңдылық пен құқық тәртібі мәселелері жөніндегі тұрақты комиссиясына (Ы. Көшербай) жүктелсін.
      4. Осы шешім Маңғыстау облысының әділет департаментінде мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
      Сессия төрайымы Ж.Үмбетова
      Қалалық мәслихат хатшысы М.Молдағұлов

      "КЕЛІСІЛДІ"
      "Ақтау қалалық жұмыспен қамту
      және әлеуметтік бағдарламалар бөлімі"
      мемлекеттік мекемесінің басшысы
      Г. Хайрлиева
      "25" мамыр 2016 жылы
      "КЕЛІСІЛДІ"
      "Ақтау қалалық экономика және
      бюджеттік жоспарлау бөлімі" мемлекеттік
      мекемесінің басшысы А. Ким
      "25" мамыр 2016 жылы

  Ақтау қалалық мәслихатының 2016 жылғы 17 мамырдағы №2/23 шешіміне қосымша

Мұқтаж азаматтардың жекелеген санаттарының тізбесі және әлеуметтік көмектің мөлшерлері


п/п
Атаулы және мерекелік күндер
Мұқтаж азаматтардың жекелеген санаттары
Әлеуметтік көмек мөлшерлері
1
21-23 наурыз –
Наурыз мейрамы
 
"Алтын алқа", "Күміс алқа" салпыншақтарымен марапатталған көп балалы аналар немесе бұрын "Батыр ана" атағын алған, I және II дәрежедегі "Ана даңқы" орденімен марапатталғандарға
2 айлық есептік көрсеткіш
Барлық топтағы мүгедектер, 16-18 жастағы барлық топтағы мүгедек балалар, 16 жасқа дейінгі мүгедек балалар, мүгедектігі бойынша арнаулы мемлекеттік жәрдемақы алушыларға
5 айлық есептік көрсеткіш
 
2
26 сәуір – Чернобыль атом электр станциясындағы
апат күні

Чернобыль АЭС-сіндегі апаттың салдарынан мүгедек болып қалғандарға
60 айлық есептік көрсеткіш
1986–1987 жылдардағы Чернобыль АЭС-ндегі апат зардаптарын жоюға қатысушыларға
50 айлық есептік көрсеткіш
1988–1989 жылдардағы Чернобыль АЭС-індегі апат зардаптарын жоюға қатысушыларға
20 айлық есептік көрсеткіш
3
1 мамыр – Қазақстан халқының бірлігі мерекесі
Барлық топтағы мүгедектер, 16-18 жастағы барлық топтағы мүгедек балалар, 16 жасқа дейінгі мүгедек балалар, мүгедектігі бойынша арнаулы мемлекеттік жәрдемақы алушыларға
5 айлық есептік көрсеткіш
4
9 мамыр – Жеңіс күні
 
Ұлы Отан соғысының қатысушыларына және мүгедектеріне
100 айлық есептік көрсеткіш
Ұлы Отан соғысының мүгедектеріне жеңілдіктер мен кепілдіктер жағынан теңестірілген адамдарға (Чернобыль АЭС-індегі апаттың салдарынан мүгедек болып қалғандарынан басқа)
60 айлық есептік көрсеткіш
Ұлы Отан соғысының мүгедектеріне жеңілдіктер мен кепілдіктер жағынан теңестірілген адамдарға (1986-1987 жылдардағы Чернобыль АЭС-індегі апат зардаптарын жоюға қатысушылардан басқа)
50 айлық есептік көрсеткіш
Ұлы Отан соғысы жылдарында тылдағы жанқиярлық еңбегі мен мінсіз әскери қызметі үшін бұрынғы КСР Одағының ордендерімен және медальдарымен марапатталған адамдар, сондай-ақ 1941 жылғы 22 маусым - 1945 жылғы 9 мамыр аралығында кемiнде алты ай жұмыс iстеген (әскери қызмет өткерген) және Ұлы Отан соғысы жылдарында тылдағы жанқиярлық еңбегi мен мiнсiз әскери қызметі үшін бұрынғы КСР Одағының ордендерiмен және медальдарымен марапатталмаған адамдар
40 айлық есептік көрсеткіш
Қазақстан Республикасының "Қазақстан Республикасындағы арнайы мемлекеттік жәрдемақы туралы" Заңының 4 бабының 2) тармақшасында көрсетілген Ұлы Отан соғысы жылдарында қаза тапқан жауынгерлердің екінші рет некеге тұрмаған жесiрлерi
40 айлық есептік көрсеткіш
Ауғанстандағы немесе соғыс қимылдары жүргiзiлген басқа мемлекеттердегі соғыс қимылдары кезiнде қаза тапқан (хабар-ошарсыз кеткен) немесе жаралану, контузия алу, мертiгу, ауру салдарынан қайтыс болған әскери қызметшiлердiң, арнаулы мемлекеттік органдар қызметкерлерінің отбасылары; бейбiт уақытта әскери қызмет, арнаулы мемлекеттік органдарда қызмет атқару кезiнде қаза тапқан (қайтыс болған) әскери қызметшiлердiң, арнаулы мемлекеттік органдар қызметкерлерінің отбасылары, қызметтік мiндеттерiн атқару кезiнде қаза тапқан iшкi iстер органдары қызметкерлерiнiң отбасылары; Чернобыль АЭС-індегі апаттың және азаматтық немесе әскери мақсаттағы объектiлердегi басқа да радиациялық апаттар мен авариялардың салдарын жою кезiнде қаза тапқандардың отбасылары; сәуле аурулары салдарынан қайтыс болғандардың немесе қайтыс болған мүгедектердiң, сондай-ақ қайтыс болуы Чернобыль АЭС-індегі апаттың және азаматтық немесе әскери мақсаттағы объектiлердегі басқа да радиациялық апаттар мен авариялардың және ядролық сынақтардың әсерiне белгiленген тәртiппен байланысты болған азаматтардың отбасылары
40 айлық есептік көрсеткіш
Қайтыс болған соғыс мүгедектерінің және соларға теңестірілген мүгедектердің әйелі (ері), сондай-ақ қайтыс болған соғысқа қатысушылардың, партизандардың, астыртын әрекет жасаушылардың, "Ленинградты қорғағаны үшін" медалімен немесе "Қоршаудағы Ленинградтың тұрғынына" белгісімен марапатталған азаматтардың, жалпы сырқаттанудың, еңбекте мертігудің және басқа да себептердің (құқыққа қарсыларын қоспағанда) салдарынан мүгедек деп танылғандардың екінші рет некеге отырмаған әйелі (ері)
40 айлық есептік көрсеткіш
5
1 маусым – Балаларды қорғау күні
16-18 жастағы барлық топтағы мүгедек балалар, 16 жасқа дейінгі мүгедек балалар
5 айлық есептік көрсеткіш
6
29 тамыз – Семей сынақ ядролық полигонының жабылу күні
Семей сынақ ядролық полигонында ядролық сынақ салдарынан зардап шеккен тұлғаларға
20 000 теңге
7
30 тамыз – Қазақстан Республикасының Конституция күні
 
Асыраушысынан айырылуы бойынша мемлекеттік әлеуметтік жәрдемақы (балаларға) алушыларға
8 айлық есептік көрсеткіш
Қазақстан Республикасына сіңірген ерекше еңбегі үшін зейнетақы тағайындалған тұлғаларға
60 айлық есептік көрсеткіш
Маңғыстау облысы алдында сіңірген ерекше еңбегі үшін дербес зейнетақы тағайындалған, Қазақстан Республикасының "Қазақстан Республикасындағы арнаулы мемлекеттік жәрдемақы туралы" Заңына сәйкес арнаулы мемлекеттік әлеуметтік жәрдемақы алмайтын тұлғаларға
36 айлық есептік көрсеткіш
 
Барлық топтағы мүгедектер, 16-18 жастағы барлық топтағы мүгедек балалар, 16 жасқа дейінгі мүгедек балалар, мүгедектігі бойынша арнаулы мемлекеттік жәрдемақы алушыларға
5 айлық есептік көрсеткіш

8
1 қазан – Халықаралық қарттар күні
Жасы бойынша мемлекеттік әлеуметтік жәрдемақы алушылар және 70 жастан жоғары зейнеткерлерге
2 айлық есептік көрсеткіш
9
6 қазан – Қазақстан Республикасының мүгедектер күні
Барлық топтағы мүгедектер, 16 жастан 18 жасқа дейінгі барлық топтағы мүгедек балалар, 16 жасқа дейінгі мүгедек балалар, мүгедектігі бойынша арнаулы мемлекеттік жәрдемақы алушылар
5 айлық есептік көрсеткіш
10
16-17 желтоқсан - Қазақстан Республикасының тәуелсіздік күні
Барлық топтағы мүгедектер, 16-18 жастағы барлық топтағы мүгедек балалар, 16 жасқа дейінгі мүгедек балалар, мүгедектігі бойынша арнаулы мемлекеттік жәрдемақы алушыларға
5 айлық есептік көрсеткіш
 
Қазақстандағы 1986 жылғы 17-18 желтоқсан оқиғаларына қатысқаны үшін, осы оқиғаларда қасақана кісі өлтіргені және милиция қызметкерінің, халық жасақшысының өміріне қастандық жасағаны үшін сотталған, өздеріне қатысты қылмыстық істерді қайта қараудың қолданылып жүрген тәртібі сақталатын адамдарды қоспағанда, саяси қуғын-сүргінге ұшырағандарға
50 айлық есептік көрсеткіш
 

      Ескерту:
Аббревиатураларды ажыратып жазу:

      "Чернобыль АЭС" - "Чернобыль атом электр станциясы"

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады