Ертіс ауданы әкімдігінің 2015 жылғы 17 шілдедегі "Ертіс ауданының шалғайдағы елді мекендерінде тұратын балаларды жалпы білім беру мектептеріне тасымалдау схемалары мен тәртібін бекіту туралы" № 214/6 қаулысына өзгерістер енгізу туралы

Павлодар облысы Ертіс аудандық әкімдігінің 2016 жылғы 15 тамыздағы № 202/5 қаулысы. Павлодар облысының Әділет департаментінде 2016 жылғы 5 қыркүйекте № 5230 болып тіркелді

Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабы 2-тармағына, Қазақстан Республикасының 2003 жылғы 4 шілдедегі "Автомобиль көлігі туралы" Заңының 14-бабы 3-тармағының 3-1) тармақшасына сәйкес, Ертіс ауданының әкімдігі ҚАУЛЫ ЕТЕДІ:
1. Ертіс ауданы әкімдігінің 2015 жылғы 17 шілдедегі "Ертіс ауданының шалғайдағы елді мекендерінде тұратын балаларды жалпы білім беру мектептеріне тасымалдау схемалары мен тәртібін бекіту туралы" № 214/6 қаулысына (Нормативтік құқықтық актілерді мемлекеттік тіркеу тізілімінде 2015 жылғы 30 шілдеде № 4631 болып тіркелген, 2015 жылғы 8 тамызда аудандық № 31 "Ертіс Нұры" және № 31 "Иртыш" газетінде жарияланған) келесі өзгерістер енгізілсін:
көрсетілген қаулының 1 және 3 қосымшалары жойылсын.
2. Осы қаулының орындалуын бақылау Ертіс ауданы әкімінің жетекшілік ететін орынбасарына жүктелсін.
3. Осы қаулы алғаш ресми жарияланған күнінен бастап қолданысқа енгізіледі.

Аудан әкімі

В. Дубовицкий