"Құқықтық актілер туралы" 2016 жылғы 6 сәуірдегі Қазақстан Республикасының Заңы 50-бабының 2-тармағына сәйкес БҰЙЫРАМЫН:
1. Қоса беріліп отырған өзгерістер енгізілетін ақпарат және коммуникациялар саласындағы кейбір нормативтік құқықтық бұйрықтардың тізбесі бекітілсін.
2. Қазақстан Республикасы Ақпарат және коммуникациялар министрлігінің Заң департаменті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық мемлекеттік тіркелген күнінен бастап күнтізбелік он күн ішінде оның қағаз және электрондық түріндегі көшірмелерін қазақ және орыс тілдерінде "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жолдауды;
3) осы бұйрықты Қазақстан Республикасы Ақпарат және коммуникациялар министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ақпарат және коммуникациялар вице-министрлеріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Ақпарат және коммуникациялар министрі |
Д. Абаев |
"КЕЛІСІЛДІ"
Қазақстан Республикасының
Ұлттық экономика министрі
___________ Т. Сүлейменов
2017 жылғы 7 қыркүйек
| Қазақстан Республикасы Ақпарат және коммуникациялар министрінің 2017 жылғы 17 тамыздағы № 309 бұйрығымен бекітілген |
Ақпарат және коммуникациялар саласындағы өзгерістер енгізілетін кейбір нормативтік құқықтық бұйрықтардың тізбесі
1. "Мiндеттi теле-, радиоарналардың тiзбесiн қалыптастыру бойынша конкурс өткiзу қағидаларын бекiту туралы" Қазақстан Республикасы Инвестициялар және даму министрінің 2015 жылғы 24 сәуірдегі № 488 бұйрығына (Нормативтік құқықтық актілерді мемлекеттік тіркеу тізілімінде № 11271 болып тіркелген, 2015 жылғы 2 шілдеде "Әділет" ақпараттық-құқықтық жүйесінде жарияланған) мынадай өзгерістер енгізілсін:
көрсетілген бұйрықпен бекітілген Мiндеттi теле-, радиоарналардың тiзбесiн қалыптастыру бойынша конкурс өткiзу қағидаларында:
7-тармақ мынадай редакцияда жазылсын:
"7. Конкурсты өткізу туралы ақпараттық хабарлама өткізілетін күнге дейін кемінде күнтізбелік жиырма күн бұрын ресми бұқаралық ақпарат құралдарында және Қазақстан Республикасы Ақпарат және коммуникациялар министрлігінің www.miс.gov.kz интернет-ресурсында жарияланады.";
25-тармақ мынадай редакцияда жазылсын:
"25. Конкурстың қорытындысы Комиссия төрағасы мен мүшелері қол қойған хаттамамен ресімделеді. Конкурстың қорытындылары туралы ақпараттық хабарлама екі жұмыс күні ішінде Қазақстан Республикасы Ақпарат және коммуникациялар министрлігінің www.miс.gov.kz интернет-ресурсында орналастырылады.".
2. "Телерадио хабарларын тарату мақсаты үшін жиілік белдеулерін, радиожиіліктерді (радиожиілік арналарын) бөлу қағидаларын бекіту туралы" Қазақстан Республикасы Инвестициялар және даму министрінің 2015 жылғы 24 сәуірдегі № 489 бұйрығына (Нормативтік құқықтық актілерді мемлекеттік тіркеу тізілімінде № 11264 болып тіркелген, 2015 жылғы 2 шілдеде "Әділет" ақпараттық-құқықтық жүйесінде және 2015 жылғы 2 шілдеде "Казахстанская правда" газетінің № 123 (27999) жарияланған) мынадай өзгерістер енгізілсін:
көрсетілген бұйрықпен бекітілген Телерадио хабарларын тарату мақсаты үшін жиілік белдеулерін, радиожиіліктерді (радиожиілік арналарын) бөлу қағидаларында:
7-тармақ мынадай редакцияда жазылсын:
"7. Конкурсты өткізу туралы ақпараттық хабарлама өткізілетін күнге дейін кемінде күнтізбелік жиырма күн бұрын ресми бұқаралық ақпарат құралдарында және Қазақстан Республикасының Ақпарат және коммуникациялар министрлігінің www.miс.gov.kz интернет-ресурсында жарияланады.";
27-тармақ мынадай редакцияда жазылсын:
"27. Конкурстың қорытындысы Комиссия төрағасы мен мүшелері қол қойған хаттамамен ресімделеді. Конкурстың қорытындылары туралы ақпараттық хабарлама екі жұмыс күні ішінде Қазақстан Республикасы Ақпарат және коммуникациялар министрлігінің www.miс.gov.kz интернет-ресурсында орналастырылады.".
3. "Телерадио хабарларын таратудың ұлттық операторы тарататын еркін қолжетімді теле-, радиоарналардың тізбесін қалыптастыру бойынша конкурс өткізу қағидаларын бекіту туралы" Қазақстан Республикасы Инвестициялар және даму министрінің 2015 жылғы 28 сәуірдегі № 494 бұйрығына (Нормативтік құқықтық актілерді мемлекеттік тіркеу тізілімінде № 11272 болып тіркелген, 2015 жылғы 2 шілдеде "Әділет" ақпараттық-құқықтық жүйесінде және 2015 жылғы 2 шілдеде "Казахстанская правда" газетінің № 123 (27999) жарияланған) мынадай өзгерістер енгізілсін:
көрсетілген бұйрықпен бекітілген Телерадио хабарларын таратудың ұлттық операторы тарататын еркін қолжетімді теле-, радиоарналардың тізбесін қалыптастыру бойынша конкурс өткізу қағидаларында:
6-тармақ мынадай редакцияда жазылсын:
"6. Конкурсты өткізу туралы ақпараттық хабарлама өткізілетін күнге дейін кемінде күнтізбелік жиырма күн бұрын ресми бұқаралық ақпарат құралдарында және Қазақстан Республикасы Ақпарат және коммуникациялар министрлігінің www.miс.gov.kz интернет-ресурсында жарияланады.";
21-тармақ мынадай редакцияда жазылсын:
"21. Конкурстың қорытындысы Комиссия төрағасы мен мүшелері қол қойған хаттамамен ресімделеді. Конкурстың қорытындылары туралы ақпараттық хабарлама екі жұмыс күні ішінде Қазақстан Республикасы Ақпарат және коммуникациялар министрлігінің www.miс.gov.kz интернет-ресурсында орналастырылады.".
4. "Ұялы байланыс желілерінде абоненттік нөмірді көшіру қағидаларын және ұялы байланыс желілерінде абоненттік нөмірді көшіру қызметтерін енгізу күнін бекіту туралы" Қазақстан Республикасы Инвестициялар және даму министрінің міндетін атқарушысының 2015 жылғы 26 қарашадағы № 1105 бұйрығына (Нормативтік құқықтық актілерді мемлекеттік тіркеу тізілімінде № 12464 болып тіркелген, 2015 жылғы 28 желтоқсанда "Әділет" ақпараттық-құқықтық жүйесінде жарияланған) мынадай өзгеріс енгізілсін:
көрсетілген бұйрықпен бекітілген Ұялы байланыс желілерінде абоненттік нөмірді көшіру қағидаларында және ұялы байланыс желілерінде абоненттік нөмірді көшіру қызметтерін енгізу күнінде:
43-тармақ мынадай редакцияда жазылсын:
"43. АНОДҚ жұмыс істеуін және АНОДҚ-ға қолжетімділікті қамтамасыз етудің бағаларын қалыптастыруды АНОДҚ операторы Қазақстан Республикасы Ұлттық экономика министрінің 2016 жылғы 15 наурыздағы № 134 бұйрығымен бекітілген Мемлекеттік монополия субъектісі өндіретін және өткізетін тауарларға, жұмыстарға, көрсетілетін қызметтерге баға белгілеу қағидаларына (Нормативтік құқықтық актілерді мемлекеттік тіркеу тізілімінде № 13588 болып тіркелген) сәйкес жүзеге асырады.".
5. Күші жойылды – ҚР Ақпарат және коммуникациялар министрінің 18.04.2018 № 158 (01.11.2018 бастап қолданысқа енгізіледі) бұйрығымен.6. "Ақпараттандырудың сервистік моделін іске асыру қағидаларын бекіту туралы" Қазақстан Республикасы Инвестициялар және даму министрінің міндетін атқарушысының 2016 жылғы 28 қаңтардағы № 129 бұйрығына (Нормативтік құқықтық актілерді мемлекеттік тіркеу тізілімінде № 13282 болып тіркелген, 2016 жылғы 14 наурызда "Әділет" ақпараттық-құқықтық жүйесінде жарияланған) мынадай өзгеріс енгізілсін:
көрсетілген бұйрықпен бекітілген Ақпараттандырудың сервистік моделін іске асыру қағидаларында:
90-тармақ мынадай редакцияда жазылсын:
"90. Мемлекеттік органдардың АК-қызметтерді көрсету мәселелері жөніндегі сұрау салулары Қазақстан Республикасы Инвестициялар және даму министрінің міндетін атқарушысының 2016 жылғы 26 қаңтардағы № 83 бұйрығымен (Мемлекеттік регламетінің нормативтік құқықтық актілердің тізілімінде № 13324 болып тіркелген) бекітілген Бірыңғай байланыс-орталығы қызметінің қағидаларында белгіленген тәртіппен шешіледі.
Серіктес мемлекеттік органдардың оның жұмысымен байланысты сұрау салуларын орындау процесінде АКИ объектінің (объектілерінің) немесе сервистік бағдарламалық өнімнің техникалық қолдауын қамтамасыз етеді.".
