"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңына, "Азаматтық қорғау туралы" Қазақстан Республикасының 2014 жылғы 11 сәуірдегі Заңына, "Табиғи және техногендік сипаттағы төтенше жағдайлардың сыныптамасын белгілеу туралы" Қазақстан Республикасы Үкіметінің 2014 жылғы 2 шілдедегі № 756 қаулысына сәйкес, адам шығына және тұрғындарды қауіпсіз жерге көшіру қажеттілігіне әкеп соққан Шахан кенті 3 шағын аудан 4 тұрғын үйдің жартылай қирауына байланысты, Шахтинск қаласының әкімі ШЕШТІ:
1. Шахтинск қаласының Шахан кентінде техногендік сипаттағы төтенше жағдай жариялансын.
2. Төтенше жағдайды жою басшысы болып Шахтинск қаласы әкімінің орынбасары К. К. Тлеубергенов тағайындалсын және осы шешімнен туындайтын тиісті іс-шараларды жүргізу тапсырылсын.
3. Осы шешімнің орындалуына бақылау жасауды өзіме қалдырамын.
4. Осы шешім алғашқы ресми жарияланған күнінен бастап қолданысқа енгізіледі.
| Қала әкімі | С. Аймаков |
