БҰЙЫРАМЫН:
1. "Қазақстан Республикасы Қарулы Күштері тұрғын үй комиссияларының қызметі қағидаларын бекіту туралы" Қазақстан Республикасы Қорғаныс министрінің 2017 жылғы 2 тамыздағы № 405 бұйрығына (Нормативтік құқықтық актілерді мемлекеттік тіркеу тізілімінде № 15646 болып тіркелген, 2017 жылғы 20 қыркүйекте Қазақстан Республикасы нормативтік құқықтық актілерінің эталондық бақылау банкінде жарияланған) мынадай өзгеріс енгізілсін:
көрсетілген бұйрықпен бекітілген Қазақстан Республикасы Қарулы Күштері тұрғын үй комиссияларының қызметі қағидалары осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Қарулы Күштерінің Әскерлерді пәтерлерге орналастыру бас басқармасы Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықтың көшірмесін мемлекеттік тіркелген күннен бастап күнтізбелік он күн ішінде қағаз және электрондық түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкінде ресми жариялау және оған енгізу үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;
3) осы бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсында орналастыруды;
4) мемлекеттік тіркелген күннен бастап күнтізбелік он күн ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Қорғаныс министрлігінің Заң департаментіне жолдауды қамтамасыз етсін.
3. Осы бұйрықтың орындалуын бақылау Қазақстан Республикасы Қорғаныс министрінің орынбасары генерал-лейтенант Т.Ж. Жанжүменовке жүктелсін.
4. Осы бұйрық лауазымды адамдарға, оларға қатысты бөлігінде жеткізілсін.
5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Қорғаныс министрінің міндетін уақытша атқарушы генерал-лейтенант |
М. Майкеев |
| Қазақстан Республикасы Қорғаныс министрінің 2018 жылғы 26 маусымдағы № 435 бұйрығына қосымша |
|
| Қазақстан Республикасы Қорғаныс министрінің 2017 жылғы 2 тамыздағы № 405 бұйрығымен бекітілген |
Қазақстан Республикасы Қарулы Күштері тұрғын үй комиссияларының қызметі қағидалары
1-тарау. Жалпы ережелер
1. Осы Қазақстан Республикасы Қарулы Күштері тұрғын үй комиссияларының қызметі қағидалары (бұдан әрі – Қағидалар) Қазақстан Республикасы Қарулы Күштері тұрғын үй комиссияларының (бұдан әрі – Комиссия) қызметі тәртібін айқындайды.
2. Тұрғынжайға мұқтаж әскери қызметшілер мен олардың отбасы мүшелерін және қызметтік тұрғын үй қорын есепке алу жөніндегі функциялар, сондай-ақ тұрғын үй қатынастары бойынша басқа да мәселелер жүктелген Қазақстан Республикасы Қарулы Күштерінің жауапты құрылымдық бөлімшесі болып Қазақстан Республикасы Қорғаныс министрлігінің аудандық пайдалану бөлімдері (бұдан әрі – ҚР ҚМ АПБ) айқындалды.
2-тарау. Тұрғын үй комиссиясының қызмет тәртібі
3. Комиссия тақ саннан (кемінде бес адамнан) және дауыс беру құқығы жоқ Комиссияның хатшысынан құрылады.
4. Комиссияның құрамына мыналар кіреді:
1) Комиссия төрағасы – ҚР ҚМ АПБ бастығы;
2) ҚР ҚМ АПБ бастығының құқықтық жұмыстар жөніндегі көмекшісі;
3) ҚР ҚМ АПБ қаржы қызметінің өкілі;
4) ҚР ҚМ АПБ кадр қызметінің өкілі;
5) ҚР ҚМ АПБ тұрғын үй бөлімінің (тобының) бастығы;
6) Комиссия хатшысы – ҚР ҚМ АПБ тұрғын үй бөлімінің (тобының) инспекторы.
5. Комиссияның құрамы ҚР ҚМ АПБ бастығының бұйрығымен бекітіледі.
6. Комисссияның қызметі:
1) Қазақстан Республикасы Үкіметінің 2018 жылғы 12 ақпандағы № 49 қаулысымен бекітілген Әскери қызметшілерді қызметтік тұрғынжаймен қамтамасыз ету, тұрғын үй төлемдерінің мөлшерін есептеу, оларды тағайындау, қайта есептеу, жүзеге асыру, тоқтату, тоқтата тұру және қайта бастау қағидаларымен айқындалған тәртіппен оларды тұрғын үйге мұқтаж деп тану үшін өтініш жасаған әскери қызметшілердің баянаттарын қарауды;
2) жалға алу не бұрын жалға берілген тұрғын үйді ауыстыру үшін өтініш жасаған әскери қызметшілердің және әскери қызметте күнтізбелік есептеумен он және одан көп жыл, бірақ жиырма жылдан аз болған және жекешелендіруге жатпайтын, оның ішінде жабық және оқшауланған әскери қалашықтардың, шекара заставаларының және өзге де жабық объектілердің аумағында орналасуы салдарынан жекешелендіруге жатпайтын қызметтік тұрғынжайда тұратын және әскери қызметте болудың шекті жасына толуына, денсаулық жағдайына немесе штаттардың қысқартылуына байланысты 2018 жылғы 1 қаңтарға дейін әскери қызметтен шығарылған адамдардың баянаттарын қарауды;
3) әскери қызметшілердің және әскери қызметте тұрған адамдардың баянаттарын қанағаттандыру туралы хаттамалық шешім қабылдауды не әскери қызметшілерге және әскери қызметте тұрған адамдарға дәлелді түрде бас тартуды шығаруды;
4) тұрғын үйді жалдау шартын жасау мәселесін қарауды;
5) Қазақстан Республикасы Үкіметінің 2013 жылғы 2 шілдедегі № 673 қаулысымен бекітілген Мемлекеттік тұрғын үй қорынан берілетін тұрғын үйлерді жекешелендіру қағидаларымен айқындалған тәртіппен тұрғын үйді жекешелендіру туралы мәселелерді шешу үшін өтініш жасаған әскери қызметшінің баянатын қарауды;
6) "Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының 73-бабында айқындалған жағдайларда тұрғын үйге мұқтаж әскери қызметшіні есептен шығару туралы хаттамалық шешім қабылдауды;
7) әскери қызметшілердің және әскери қызметте тұрған адамдардың баянаттарын, сондай-ақ оларға қоса берілетін құжаттарды, Комиссияның хаттамалық шешімдерін сақтауды, материалдарды ресімдеуді;
8) жабық және оқшауланған әскери қалашықтардың тұрғын үй қорын көрсетілген әскери қалашықтарда орналасқан әскери бөлімдер командирлерінің қолдаухаты бойынша бөлуді қамтиды.
7. Комиссия қажеттілігіне қарай, бірақ айына бір реттен сиретпей отырыс өткізеді. Егер оған оның құрамының кемінде үштен екісі қатысса, Комиссияның отырысы заңды деп саналады.
8. Комиссияның шешімі дауыс беру арқылы көпшілік дауыспен қабылданады.
Комиссияның шешімі хаттама түрінде (еркін нысанда) ресімделеді және оған Комиссияның мүшелері қол қояды.
Комиссия мүшелері Комиссияның хаттамасында көрсетілген мәліметтердің толықтығы мен дұрыстығына жауап береді.
Шешім әрбір әскери қызметші бойынша жеке қабылданады.
9. Комиссияның хатшысы Комиссия отырысының хаттамасын жүргізеді.
10. Егер оны қатысып отырған мүшелер қатарынан үштен екісі қабылдаса, Комиссияның шешімі заңды болады.
11. Комиссия өз қызметін уәкілетті органды таратқан не қайта ұйымдастырған кезде тоқтатады.
