Қазалы ауданының кейбір ауылдарын қайта атау туралы

Бірлескен Қызылорда облысы әкімдігінің 2018 жылғы 18 шілдедегі № 1173 қаулысы және Қызылорда облыстық мәслихатының 2018 жылғы 18 шілдедегі № 226 шешімі. Қызылорда облысының Әділет департаментінде 2018 жылғы 25 шілдеде № 6392 болып тіркелді

"Қазақстан Республикасының әкімшілік-аумақтық құрылысы туралы" Қазақстан Республикасының 1993 жылғы 8 желтоқсандағы Заңының 11-бабының 4-тармақшасына және облыстық ономастика комиссиясының 2018 жылғы 12 маусымдағы № 2 қорытындысына сәйкес Қызылорда облысының әкімдігі ҚАУЛЫ ЕТЕДІ және Қызылорда облыстық мәслихаты ШЕШІМ ҚАБЫЛДАДЫ:

1. Қазалы ауданының кейбір ауылдары:

1) Өркендеу ауылдық округінің Өркендеу ауылы "Жанкент" ауылы;

2) Тасарық ауылдық округінің Отгон ауылы "Тасөткел" ауылы болып қайта аталсын.

2. Осы қаулы мен шешім алғашқы ресми жарияланған күнінен бастап қолданысқа енгізіледі.

Қызылорда облысының әкімі	Қ. Көшербаев
Қызылорда облыстық мәслихатының кезекті 21-сессиясының төрағасы	К. Үйреков
Қызылорда облыстық мәслихатының хатшысы	Н. Байқадамов