Қызылорда қаласында қоғамдық тәртiптi қамтамасыз етуге қатысатын азаматтарды көтермелеудiң түрлерi мен тәртiбiн, сондай-ақ ақшалай сыйақының мөлшерiн айқындау туралы

Жаңа

Қызылорда облысы Қызылорда қаласы әкімдігінің 2019 жылғы 19 шілдедегі № 13832 қаулысы. Қызылорда облысының Әділет департаментінде 2019 жылғы 19 шілдеде № 6852 болып тіркелді

      "Қоғамдық тәртіпті қамтамасыз етуге азаматтардың қатысуы туралы" Қазақстан Республикасының 2004 жылғы 9 шілдедегі Заңының 3-бабы, 2-тармағының 3) тармақшасына сәйкес Қызылорда қаласының әкiмдiгiҚАУЛЫ ЕТЕДI:

      1. Осы қаулының қосымшасына сәйкес Қызылорда қаласында қоғамдық тәртiптi қамтамасыз етуге қатысатын азаматтарды көтермелеудiң түрлерi мен тәртiбi, сондай-ақ ақшалай сыйақының мөлшерi айқындалсын.

      2. "Қоғамдық тәртiптi қамтамасыз етуге қатысатын азаматтарды көтермелеудiң түрлерi мен тәртiбiн, сондай-ақ оларға ақшалай сыйақының мөлшерiн айқындау туралы" Қызылорда қаласы әкiмдiгiнiң 2018 жылғы 23 қаңтардағы №10232 қаулысының (нормативтiк құқықтық актiлердi мемлекеттiк тiркеу Тiзiлiмiнде №6164 тiркелген, Қазақстан Республикасы нормативтiк құқықтық актiлерiнiң эталондық бақылау банкiнде 2018 жылғы 16 ақпанда жарияланған) күші жойылды деп танылсын.

      3. "Қазақстан Республикасы Ішкі істер министрлігінің Қызылорда облысының Полиция департаменті Қызылорда қаласының Полиция басқармасы" мемлекеттік мекемесі (келісім бойынша) осы қаулыны іске асыру мақсатында тиісті іс-шараларды өткізуін қамтамасыз етсін.

      4. Осы қаулының орындалуын бақылау жетекшiлiк ететiн Қызылорда қаласы әкiмiнiң орынбасарына жүктелсiн.

      5. Осы қаулы алғашқы ресми жарияланған күнінен бастап қолданысқа енгізіледі.

      Қала әкімінің міндетін атқарушы Б. Нуридинов
      "КЕЛІСІЛДІ"
"Қазақстан Республикасы
Iшкi iстер министрлiгiнің
Қызылорда облысының
Полиция департаментi
Қызылорда қаласының
полиция басқармасы"
мемлекеттiк мекемесiмен

  Қызылорда қаласы әкімдігінің 2019 жылғы 19 шілдедегі №13832 қаулысына қосымша

Қызылорда қаласында қоғамдық тәртіпті қамтамасыз етуге қатысатын азаматтарды көтермелеудің түрлері мен тәртібі, сондай-ақ оларға ақшалай сыйақының мөлшері

1. Көтермелеудің түрлері

      1. Қоғамдық тәртіпті қамтамасыз етуге қатысатын азаматтарды көтермелеудің түрлері:

      1) алғыс жариялау;

      2) грамотамен марапаттау;

      3) ақшалай сыйақы беру.

2. Көтермелеудің тәртібі

      2. Қылмыстың алдын алуға және жолын кесуге жәрдемдескен қоғамдық тәртiптi қамтамасыз етуге қатысатын азаматтарды көтермелеу мәселелерiн Қызылорда қаласы әкімдігімен құрылатын қоғамдық тәртіпті қамтамасыз етуге қатысатын азаматтарды көтермелеу жөніндегі қалалық комиссия (бұдан әрі - Комиссия) қарайды.

      3. Қылмыстың алдын алуға және жолын кесуге, қоғамдық тәртiптi қорғауға, қоғамдық қауiпсiздiктi қамтамасыз етуге белсендi қатысатын азаматтарды көтермелеу жөнiндегi ұсыныстарды Комиссияға қарауға "Қазақстан Республикасы Ішкі істер министірлігі Қызылорда облысының полиция департаментi Қызылорда қаласының полиция басқармасы" мемлекеттiк мекемесi (бұдан әрi – Полиция басқармасы) енгiзедi.

      4. Комиссияның құрамына қалалық жергiлiктi өкiлдi және атқарушы органдарының, Полиция басқармасының өкiлдерi енгiзiледi.

      5. Комиссия қабылдаған шешiм –көтермелеу үшiн, ал комиссия қабылдаған шешiмге сәйкес "Қазақстан Республикасы Ішкі істер министірлігі Қызылорда облысының полиция департаментi бастығының бұйрығы - көтермелеуге ақы төлеу үшiн негiз болып табылады.

      6. Қоғамдық тәртіпті қамтамасыз етуге қатысқан азаматтарға көтермелеу шараларын Полиция басқармасы салтанатты жағдайда жүзеге асырады.

3. Ақшалай сыйақының мөлшері

      7. Ақшалай сыйақының мөлшерiн комиссия қоғамдық тәртiптi қамтамасыз етуге көтермеленетiн адамның қосқан үлесiн және ол немесе оның қатысуымен жолы кесiлген құқыққа қарсы әрекеттiң нәтижесiнде келтiрiлуi мүмкiн залалдың көлемiн ескере отырып белгiлейдi және ол, әдетте, 10 есе айлық есептiк көрсеткiштен аспайды.

      8. Ақшалай сыйақыны төлеудi көтермелеуге ұсыныс енгiзген Полиция басқармасы облыстық бюджет қаражаты есебiнен жүргiзедi.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады