Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы", 2004 жылғы 9 шілдедегі "Қоғамдық тәртіпті қамтамасыз етуге азаматтардың қатысуы туралы" Заңдарына сәйкес аудан әкімдігі ҚАУЛЫ ЕТЕДІ:
1. Осы қауылының қосымшасына сәйкес, Жаңақала ауданында қоғамдық тәртіпті қамтамасыз етуге қатысатын азаматтарды көтермелеудің түрлері мен тәртібі, сондай-ақ оларға ақшалай сыйақының мөлшері айқындалсын.
2. Аудан әкімі аппаратының басшысы (А.Карменов) осы қаулының әділет органдарында мемлекеттік тіркелуін, Қазақстан Республикасының нормативтік құқықтық актілерін эталондық бақылау банкінде және бұқаралық ақпарат құралдарында оның ресми жариялануын қамтамасыз етсін.
3. Осы қаулының орындалуын бақылау аудан әкiмiнiң орынбасары Ж.Нұрғожинге жүктелсiн.
4. Осы қаулы алғашқы ресми жарияланған күнінен бастап қолданысқа енгізіледі.
"КЕЛІСІЛДІ"
"Қазақстан Республикасы Ішкі істер
министрлігі Батыс Қазақстан облысы
полиция департаментінің Жаңақала
ауданының полиция бөлімі"
мемлекеттік мекемесінің бастығы
________________ У.Абугалиев
"6" маусым 2019 жыл.
| Аудан әкiмдiгiнiң 2019 жылғы 6 маусымдағы №69 қаулысына қосымша |
Жаңақала ауданында қоғамдық тәртіпті қамтамасыз етуге қатысатын азаматтарды көтермелеудің түрлері мен тәртібі, сондай-ақ ақшалай сыйақының мөлшері
1. Қоғамдық тәртіпті қамтамасыз етуге қатысатын азаматтарды көтермелеудің түрлері:
1) алғыс хат жариялау;
2) грамотамен марапаттау;
3) ақшалай сыйақы беру.
2. Қоғамдық тәртіпті қамтамасыз етуге қатысатын азаматтарды көтермелеу мәселелерін қоғамдық тәртіпті сақтауға қатысатын азаматтарды көтермелеу жөніндегі аудандық комиссия (бұдан әрi – Комиссия) қарайды.
3. Қоғамдық тәртіпті қамтамасыз етуге белсенді қатысатын азаматтарды көтермелеу туралы ұсынымды Комиссияға қарауға "Қазақстан Республикасы Ішкі істер министрлігі Батыс Қазақстан облысы полиция департаментінің Жаңақала ауданының полиция бөлімі" мемлекеттік мекемесі (бұдан әрi – полиция бөлімі) енгізеді.
4. Комиссия қабылдайтын шешiм көтермелеу үшiн негiз болып табылады.
5. Ақшалай сыйақының мөлшерiн Комиссия белгiлейді және 10 есе айлық есептiк көрсеткiштен аспайды.
6. Ақшалай сыйақы төлеу облыстық бюджет қаражаты есебiнен Батыс Қазақстан облысының полиция департаментімен жүргiзіледі.
