Қазақстан Республикасының балық шаруашылығы сутоғандарында заңды және жеке тұлғалар үшін балық пен өзге су жануарлары ресурстарын пайдалану құқыларын толтыру процедурасын жүйелеу мақсатында, Бұйырамын:
1. Қазақстан Республикасы сутоғандарында балық ресурстарын және өзге су жануарларын пайдаланудың тәртібі туралы Нұсқау бекітілсін.
2. Балық ресурстарын қорғау бөлімі (Қ.Б.Сүлейменов) қажетті
материалдарды дайындап, Қазақстан Республикасының Әділет министрлігіне "Қазақстан Республикасы сутоғандарында балық ресурстарын және өзге су жануарларын пайдалануды толтырудың тәртібі туралы Нұсқауды" тіркеу үшін жіберсін.
3. Осы бұйрықтың орындалуын қадағалау Төрағаның бірінші орынбасары М.С.Ахметовке жүктелсін.
Төраға
Орбалаңшарком
1999 ж. 26.04
N 84 бұйрығымен
бекітілді
Қазақстан Республикасы сутоғандарында балық
ресурстарын және өзге де су жануарларын
пайдалануды толтырудың тәртібі туралы
Нұсқау
1. Жалпы ережелер
1.Бұл нұсқау Қазақстан Республикасының "Жануарлар дүниесiн қорғау, өсiмiн молайту және пайдалану туралы"
Заңына
және Қазақстан Республикасы Үкiметiнiң 1998 ж. 22 сәуiрдегi N 382 "Қазақстан Республикасы Ауыл шаруашылығы министрлiгi Орман балық және аңшылық шаруашылықтары комитетiн құру туралы"
қаулысына
сай жасалынды.
2. Нұсқау, балық шаруашылығын мемлекеттiк басқарудың аумақтық арнайы уәкiлеттi органының қарауына жататын сутоғандарда балық ресурстарын пайдалануды заңды тұлғалар мен жеке кәсiпкерлер (табиғатты пайдаланушылар) үшiн балық пен өзге де су жануарларын кәсiптiк аулауды (олжалаудың) толтырудың тәртiбiн анықтайды.
3. Заңды және жеке тұлғалардың, сондай-ақ жеке кәсiпкер ретiнде тiркелген азаматтардың балық пен өзге де су жануарларын кәсiптiк аулауы (олжалау), жануарлар дүниесiн мемлекеттiк басқарудың арнайы уәкiлеттi органы - Орман, балық және аңшылық шаруашылықтары комитетi немесе оның балық қорларын қорғау, өсiмiн молайту мен балық аулауды реттеу бойынша аумақтық органдары арнайы рұқсат қағаз негiздерiнде жүзеге асады.
4. Арнайы рұқсат қағаз бойынша балық пен өзге де су жануарларын кәсiптiк аулау (олжалау) объектiлерi болып, Қазақстан Республикасы Үкiметiнiң 1999 жылғы 22 желтоқсандағы N 1434
қаулысымен
бекiтiлген балық аулаудың объектiлерi табылады, заңсыз аулау, олжалау немесе жойып жiбергенi үшiн, Қазақстан Республикасы Министрлер Кабинетiнiң 1993 жылғы 15 қыркүйектегi N 889 қаулысымен бекiтiлген ставкалар көлемi бойынша, қолданып жүрген заңға сай, материялдық зиянның орны толтырылады.
5. Су жануарларын кәсiптiк пайдалану - балық пен өзге де су жануарларын кәсiптiк аулау, Қазақстан Республикасы Үкiметiнiң 1998 жылғы 28 шiлдедегi N 711
қаулысына
сай, су жануарларын кәсiптiк пайдаланудың төлем ставкаларына сай және рыноктың балық пен балық өнiмдерiне деген өзгерiп отырар сұраныстарын есепке ала отырып, ақылы түрде болады.
2. Балық ресурстарын және өзге де су жануарларын
пайдалануға келiсiм-шартты толтыру тәртiбi
6. Орман, балық және аңшылық шаруашылықтары комитетi және оның балық қорларын қорғау, өсiмiн молайту мен балық аулауды реттеу бойынша аумақтық облыс аралық (бассейiндiк және облыстық) органдары (әрi қарай аталды-арнайы уәкiлеттi орган) балық пен өзге де су жануарларын олжалаудың кәсiптiк аулауына мәлiмдемелер қабылдап, табиғатты пайдаланушыларға балық пен өзге де су жануарларын кәсiптiк аулауға рұқсат берiп, келiсiм-шарттарға отырады.
7. Арнайы уәкiлеттi орган табиғатты пайдаланушылардан заңды және жеке тұлғалардан түскен балық пен өзге су жануарларын олжалау үшiн кәсiптiк аулауға мәлiмдемелерге талдау негiзiнде, облыстық атқарушы өкiмет органына - нақты табиғатты пайдаланушыға немесе табиғатты пайдаланушылар тобына балықты кәсіптiк аулау мен балық шаруашылығы сутоғанын (учаскенi) бекiтiп беруге хұқы беру туралы ұсыныс дайындап ұсынады.
8. Облыстық атқарушы өкiмет органы, бассейiндiк (облыстық) арнайы уәкiлеттi орган енгiзген ұсыныс негiзiнде балық пен өзге де су жануарларына кәсiптiк аулауға хұқы беру туралы шешiм шығарады.
9. Арнайы уәкiлеттi орган қараған, табиғатты пайдаланушының балық пен өзге де су жануарларын олжалау үшiн кәсiптiк аулауға Мәлiмдемесi, сонымен қатар облыстық атқарушы өкiмет органының бұл табиғатты пайдаланушыға балықты кәсiптiк аулауға және балық шаруашылығы сутоғанын немесе балық кәсiптiк учаскенi бекiтiп беруге хұқы беру туралы қанағатты шешiмi, арнайы уәкiлеттi орган мен табиғатты пайдаланушы арасында, келiсiм шарт жасасуға негіз болады.
10. Келiсiм-шарт жасасу және балық пен өзге су жануарларын кәсiптiк аулауға рұқсат алу үшiн мәлiмдеушi (табиғатты пайдаланушы) арнайы уәкiлеттi органға ұсынады:
1) балық пен өзге су жануарларын кәсiптік аулауға мәлiмдеме, төмендегiлердi көрсетумен:
- заңды тұлғалар үшiн - атауы және ұйымдық хұқылық түрi, заңды мекен-жайы, банкiдегi есеп-шот нөмiрi;
- жеке кәсiпкерлер үшiн - фамилиясы, аты, әкесiнiң аты, төлқұжат көрсеткiштерi (серия нөмiр, қашан, қайдан берiлдi, тұрғылықты жерi), көрсетiлген iс-әрекеттер түрiмен айналысуға хұқы берер, салық органында тiркелгенi туралы мөрi бар құжат;
- балық пен өзге су жануарларын кәсiптiк аулау түрлерi (өнеркәсiптiк аулау, ғылыми-зерттеу мақсаты үшiн соның iшiнде ғылыми-кәсiптiк аулау, балықсулық жұмыстар немесе ихтиофаунаның жыртқыштар мен өнiмсiз түрлерiне мелиоративтiк жұмыстар жүргiзуге);
- келiсiм-шартты жасасу мерзiмi;
- балық пен өзге де су жануарларын аулаудың мәлiмденген көлемi, (данасы, кг. тонналар) кәсiптiк объектiлер мен олжаның түрлiк құрамын көрсетумен;
- балық пен өзге де су жануарларын аулау (олжалау) құралдарының атауы, саны және көлемi;
2) Құрылтайлық құжаттар көшiрмелерi (олар нотариуста сенiмденiрiлмесе, түпнұсқа көрсетiледi);
3) Кәсiпорынның тiркелгендiгi туралы көшiрмесi және облыстық атқарушы өкiмет органының балықты кәсiптiк аулауға хұқы беру және балық өнеркәсiптiк сутоғанын (учаскенi) бекiту туралы шешiмiнiң көшiрмесi;
4) Мәлiмдеушiнi, барлық меншiк пен шаруашылық түрiндегi кәсiпорындар мен ұйымдардың Бiрегей мемлекеттiк тiзiмiнiң (реестр) құрамына алынғаны туралы статистика бойынша Мемлекеттiк (аймақтық, облыстық) орган берген куәлiк көшiрмесi;
5) Есепке алынғандығы туралы және мемлекет алдында берешегi жоқтығы туралы салық органынан анықтама.
11. Ғылыми-зерттеу мақсаттары (ғылыми-кәсiптiк аулау) үшiн балық аулауға немесе балықсулық жұмыстарды жүзеге асыру үшiн мәлiмдеушi ойға алған iс-әрекетiне жататын балық шаруашылығы сутоғандары мен су жануарлары түрлерiнiң қосымша тiзiмiн ұсынады. Сондай-ақ арнайы уәкiлеттi органмен бекiтiлген және келiсiлген, көзделген жұмыстардың ғылыми бағдарламасы мен биологиялық негiзделуi ұсынылуы қажет. Балық аулау мен балық шикiзаты iзденiстер режимiнiң өзгерiстерi бойынша ғылыми бағдарламалар мен биологиялық негiздеулер республикалық арнайы уәкiлеттi органның ғылыми кәсiптiк кеңесiнде (ҒКК) қорытынды берiлiп, қарастырылады.
12. Мәлiмдеушiден осы Нұсқаудың 10-11 пунктарында қаралмаған құжаттарды талап етуге тыйым салынады. Келiсiм-шарт жасауға және рұқсат алуға қажеттi құжаттар арнайы уәкiлеттi органда тiзiмге алынады.
Жеке кәсiпкер ретiнде тiркелген заңды және жеке тұлғалардың балық пен өзге су жануарларын кәсiптiк аулауға келiсiм-шарты маусымға, жылға немесе бiрнеше жылға жасалыуы мүмкiн.
13. Балық пен өзге де су жануарларын кәсiптiк аулауға келiсiм-шарт жасаудан және рұқсат беруден бас тарту туралы, мәлiмдеушiге шешiм қабылданған соң бас тарту себебi көрсетiлген ескертпе 5 күн iшiнде хат түрiнде жiберiледi.
Келiсiм-шарт жасаудан бас тартуға негiз болып табылатындар:
- мәлiмдеушiнiң ұсынған құжаттарында шынайы емес, немесе кереғар ақпараттардың болуы;
- мәлiмдеген iс-әрекеттiң жүзеге асырылуы үшiн қажеттi жағдайлар және балық ресурстары мен өзге де су жануарларын ұтымды пайдаланудың жағдайларының сай келмеуiн тапқан, арнайы уәкiлеттi органның немесе ҒКК-ның терiс қорытындысы;
- балық аулауға жылдық немесе нақты балық шаруашылығы сутоғанына квотаның азаюына байланысты.
3. Балық пен өзге де су жануарларын
кәсіптiк аулауға рұқсат
14. Арнайы уәкiлеттi орган берген рұқсат қағаз, бекiтiлген мерзiм бойында балық пен өзге де су жануарларын алынуы мүмкiн (рұқсат етiлген) көлемiн көрсетедi, кәсiптi бастауға негiз болады. Балық аулаудың рұқсат етiлген көлемi (лимит) рұқсат қағазда бiр жылға немесе маусымға көрсетiледi.
"Сутоғандар жануарлар дүниесiн пайдаланушыға" бiр жылға немесе маусымға бөлу, алдын-ала төлеу арқылы болмақ.
Арнайы уәкiлеттi органның қалауынша, лимит пайдаланушының мүмкiндiктерiне қарай бөлiкке бөлiнiп төленуi мүмкiн, бұл жағдайда рұқсат тек лимиттiң төленген бөлiгiне ғана берiледi. Келесi төлемдердiң түсуiне орай, рұқсат қалған бөлiкке берiлмек.
15. Берiлген рұқсатты өзге заңды тұлғаға немесе жеке кәсiпкерге беруге тыйым салынады. Егерде, келiсiм-шарт бойынша рұқсат етiлген iс әрекет түрiн рұқсат қағаз иегерi бiрнеше жекелеген (сутоғандар, балық кәсiптiк учаскелер, кемелер) суларда жүргiзсе, осы объектiлерде үнемi болуы тиiс рұқсат қағаздың расталған көшiрмесi берiледi. Рұқсат қағаз көшiрмесi арнайы уәкiлеттi органда тiркеледi.
16. Балықты кәсiптiк аулаудың келiсiм-шарты жануарлар дүниесiн пайдаланушы мен жануарлар дүниесiн басқарудың арнайы уәкiлеттi органы арасында жасалады.
Келiсiм-шартта көзделедi:
- шаруашылық және өзге де iс-әрекетке рұқсат етiлген экономикалық талаптар;
- бекiтiлген ставкаларға сай, балық пен балық өнiмдерiне рынок сұранысының маусымдық (жылдық) өзгерiстерiн ескере отырып жануарлар дүниесiн пайдаланғаны үшiн (балықты кәсiптiк аулау мен өзге де су жануарларын олжалау) төлемдер көлемi және төлеу мерзiмi;
- сутоған (учаске) жануарлар дүниесiн пайдаланғаны үшiн сутоған жануарлар дүниесiн пайдалану және сутоғанды (учаскенi) бекiту туралы келiсiм-шартқа қол қойылған соң 5 күн мерзiмде алдын-ала төлеу;
- балық пен өзге су жануарларын олжалауға хұқы беретiн рұқсат қағазда көрсетiлген бөлiнген жылдық (маусымдық) лимит көлемiн толық төлеу;
- бөлiнген сутоғанды (учаскенi) өзге ұйымдарға беруге тыйым салынуы және балық кәсiптiк учаскеде бөгде адамдар мен көлiктердiң болуына рұқсат етiлмеуi;
- қолданып жүрген Қазақстан Республикасында балық аулаушылық және өзге су жануарларын аулау Тәртiбi мен олардың нормативтерiнде көрсетiлген табиғатты пайдаланушының барлық мiндеттерiн орындау;
- бекiтiлген сутоғанда (учаскеде) балық қорлары мен олардың өсiмiн молайту жағдайларын қорғау;
- арнайы уәкiлеттi орган өкiлiнiң талабы бойынша қажеттi мәлiметтi беру;
- "жануарлар дүниесiн пайдаланушыға" берiлген жеңiлдiктер;
- келiсiм-шарт жайы мен талаптарын бұзғаны үшiн екi жақтың мiндеттерi мен жауапкершiлiктерi;
- келiсiм-шарттың қолданыс мерзiмi;
- келiсiм-шарттың ажырамас бөлiгi болып табылатын қажеттi құжаттар тiзiмi;
- Қазақстан Республикасы заңдарына қайшы келмес өзге де талаптар.
17. Жануарлар дүниесiн басқарудың арнайы уәкiлеттi органы мен "жануарлар дүниесiн пайдаланушының" арасындағы кәсiптiк балық аулауға келiсiмi негiзiнде, арнайы уәкiлеттi орган жануарлар дүниесiн пайдалануға рұқсат қағаз бередi (балық пен өзге де су жануарларын кәсiптiк аулауға).
Заңды тұлғаның жойылғаны кезiнде немесе жеке тұлғаның балықты кәсiптiк аулауға жеке кәсiпкер ретiнде арнайы уәкiлеттi орган берген рұқсат қағаз бойынша мемлекеттiк тiркелуi туралы куәлiктiң әрекет мерзiмi бiткен уақытта заңдылық күшiн жояды.
Заңды тұлғаның қайта құрылуы немесе атының өзгеруi, жеке кәсiпкердiң төлқұжат мәлiметтерi өзгергенде, рұқсат қағаз жоғалғанда немесе iс-әрекет түрi ауысқанда, рұқсат қағаз иесi 5 күн мерзiм iшiнде келiсiм-шарт пен рұқсат қағазды қайта толтыру туралы өтiнiш беруi керек. Рұқсат қағазды қайта толтыру, оны алудың бекiтiлген тәртiбiне сай болады.
18. Рұқсат қағаз бланклары қатаң есептегi құжат болып табылады, есептiк сериясы мен нөмiрi бар, және басшының қолы мен жануарлар дүниесiн басқарудың арнайы уәкiлеттi органы мөрiмен расталады.
19. Арнайы уәкiлеттi орган өздерi берген рұқсаттың әрекетiн төменгi жағдайларда тоқтата алады немесе жоя алады:
- рұқсат алу үшiн берiлген құжаттарда мәлiметтердiң шынайы болмауы анықталса;
- жануарлар дүниесiн пайдаланудың келiсiм-шарттық талаптарын рұқсат иесi бұзғанда;
- рұқсат иелерiнiң мемлекеттiк орган предписаниялары мен өкiмдерiн орындамаса немесе заңды тұлғаның сондай-ақ жеке кәсiпкердiң iс-әрекетiн Қазақстан Республикасы заңына сай тоқтатса;
- заңды тұлға жойылса немесе жеке кәсiпкердiң мемлекеттiк тiзiлуi туралы куәлiгi әрекетiн тоқтатса;
- егер рұқсат қағаз аймақтық (облыстық) арнайы уәкiлеттi органда тiркелмесе.
20. Уәкiлеттi орган рұқсат қағаз әрекетiн тоқтатқанда немесе оны жойғаны туралы шешiм қабылдағанда 5 күн мерзiм iшiнде, рұқсат қағаз иесiне және Қазақстан Республикасының Мемлекеттiк салық қызметiне бұл жайында хабарлайды.
Рұқсат қағаз iс-әрекетiн тоқтатуға алып келген жағдайлар өзгерген кезде, рұқсат қағаз әрекеттерi әрi қарай қайта қолданысқа түседi.
Рұқсат қағаз қайта қолданысқа түскен болып, арнайы уәкiлеттi орган шешiмi қабылданғаннан соң есептеледi, бұл жайында табиғатты пайдаланушыға 5 күн мерзiм iшiнде хабарландырылады.
21. Балықты және өзге де су жануарларын кәсiптiк аулауда заңды тұлғалар, сондай-ақ жеке кәсiпкерде рұқсаттың болуын, кәсiптi жүргiзудегi талаптардың орындалуын және рұқсат етiлген балық түрлерiн аулауды қадағалауды Орман, балық және аңшылық шаруашылықтары комитетi мен оның аумақтық арнайы уәкiлеттi органдары жүзеге асырады.
Қадағалау табиғатты пайдаланушының iс-әрекетiн тексеру жолымен жүзеге асырылады.
Тексерулердiң жиiлiгi мен мерзiмдерiн, бекiтiлген тәртiппен рұқсат қағазды берген арнайы уәкiлеттi орган анықтайды.
22. Бекiтiлген лимиттан артық балықты аулағаны (олжалау) үшiн, әрбiр бас үшiн (ең төменгi есептiк көрсеткiш) материалдық зиянның орнын толтыру ставкалары мөлшерi бойынша бекiтiлген тәртiпте төлем төлейдi.
23. Уәкiлеттi орган берiлген, тіркелген, тоқтатылған және жойылған рұқсаттар реестрiн жүргiзедi.
24. Арнайы уәкiлеттi орган басшылары мен лауазым иелерi, Қазақстан Республикасы Yкiметi бекiткен балық пен өзге де су жануарларын кәсiптiк аулаудың тәртiбi бұзылғандығы немесе қажеттi деңгейде орындамағандары үшiн қолданылып жүрген заңдарға сай жауапқа тартылады.
25. Арнайы уәкiлеттi органның балық пен өзге де су жануарларын кәсiптiк аулауды реттеу бойынша мәселелерi жөнiндегi шешiмдер мен iс-әрекеттерiне шағым беру, бекiтiлген тәртiп бойынша сот органдарында қаралуы мүмкiн.
26. Арнайы бланкалар түрлерi - балық пен өзге де су жануарларын кәсiптiк аулауға мәлiмдемелер, сутоғандар жануарлар дүниесiн пайдалану туралы және сутоғанды (учаскенi) бекiтiп беру келiсiм-шарты, балықшаруашылығы сутоғанының (учаскенiң) төлқұжаты, балық пен өзге де су жануарларын кәсiптiк аулауға рұқсат қағаз және балықшылар бригадасының (звеноның) кәсiптiк журналы қатаң есептегi құжаттар болып табылады және Орбалаңшарком Төрағасының бұйрығымен бекiтiледi.
