Қазақстан Республикасы Ішкі істер министрлігінің колледждеріне қабылдау ережелерін бекіту туралы

Күшін жойған

Бұйрық Қазақстан Республикасы Ішкі істер министрлігі 1999 жылғы 22 мамыр N 265 Қазақстан Республикасы Әділет министрлігінде 1999 жылғы 28 шілдеде тіркелді. Тіркеу N 859. Күші жойылды - ҚР Ішкі істер министрінің 2001 жылғы 16 маусымдағы N 473 бұйрығы. ~V011585

      Қазақстан Республикасының "Білім туралы"  Z990389_  Заңына сәйкес бұйырамын: 
      1. Қазақстан Республикасы Ішкі істер министрлігінің колледждеріне қабылдау ережелері қосымшаға сай бекітілсін. 
      2. ІІББ, ІІБ, КІІБ бастықтары осы ережелерді жеке құрамға оқытуды ұйымдастырсын және оқуға талапкерлермен таныстырсын.
      3. Қазақстан Республикасы Ішкі істер министрлігі колледждерінің басшылары қабылдау емтиханын ұйымдастыру және талапкерлерді оқуға қабылдауда осы Ережелердің талаптарын қатаң сақтасын.
      4. Қазақстан Республикасы Ішкі істер министрлігінің 1998 жылғы 7 мамырдағы N 140  V980611_  бұйрығының 1-ші тармағының, 1.2-ші тармақшасының күші жойылды деп саналсын.   

     Қазақстан Республикасы
     Ішкі істер министрі -
     Ішкі әскер қолбасшысы 
     генерал-лейтенант

                                          Қазақстан Республикасы
                                         Ішкіісминінің 22 мамырдағы
                                           N 265 бұйрығына қосымша 
 
          Қазақстан Республикасы Iшкi iстер министрлiгiнiң 
                      колледждерiне қабылдау ережелерi 

      1. Қазақстан Республикасы Ішкiiсминiнiң колледждерiне орта немесе арнайы орта бiлiмi бар, iшкi iстер органдары қызметкерлерiне қойылатын талаптарға жауап беретiн, денсаулық жағдайы бойынша әскери қызметке және оқуға жарамды Қазақстан Республикасының азаматтары қабылданады. 
      2. Қазақстан Республикасы Iшкiiсминiнiң колледждерiне оқуға түсушiлер қабылдау емтихандарын қазақ және орыс тiлдерiнде тапсыра алады. 
      3. Қабылдау емтихандары (тесттiк сынақ) жалпы орта мектептiң жоғары сатыларының оқу бағдарламасы көлемiнде үш пәннен жүргiзiледi. Соның iшiнде қазақ немесе орыс тiлi және Қазақстан тарихы пәндерi болуы мiндеттi. Қазақстан Республикасы Ішкiiсминiнiң колледждерiне түсушiлер, қабылдау емтиханының алдында, Қазақстан Республикасының Үкiметiнiң 1999 жылғы 24 маусымдағы N 774 "Қазақстан Республикасы тұрғындарының дене шынықтыру дайындығының Президенттiк тесттерi туралы" қаулысымен бекiтiлген нормативтерге сәйкес дене шынықтыру дайындығынан сынақ тапсырады. 
      Дене шынықтыру дайындығынан сынақ тапсыра алмағандар тесттiк сынаққа жiберiлмейдi. 
      4. Тесттiк сынақ мына пәндер бойынша жүргiзiледi: 
      N 0202 "Құқыққорғау қызметi", N 0216 "Құқықтану" мамандығы бойынша: 
      - жалпы тарих; 
      - Қазақстан тарихы; 
      - қазақ және орыс тiлi. 
      Оқу орындарының қабылдау комиссиясы қызметтен қол үзбей оқудың түсу емтихандарының тiзiмi мен өткiзу түрiн белгiлейдi. 
      5. Әрбiр пәннен тест сұрақтарының саны 20-25 шегiнде, ал үш пәннен жалпы саны 75 болуы керек. Дұрыс жауап бiр ұпаймен бағаланады. Кешендi тестiлеу пәндерiнен алған талапкердiң жауабының жалпы ұпай саны 30 пайыз немесе одан аз болса "екiге" бағаланады. 
      Кешендi тестiлеуге астрономиялық екi сағат берiледi. 
      6. Қабылдау емтихандарының мерзiмi күндiзгi оқу факультеттерiне тамыздың 1-нен 10 дейiнгi кезеңде, сырттай оқу факультеттерiне 3-нен 10 дейiнгi кезеңде жүргiзiледi. 
      7. Белгiленген үлгіде оқу орындарына қабылдаудың қорытындысы бойынша статистикалық есеп ІІМ Кадр және тәрбие жұмысы департаментiнiң Оқу орындары басқармасына күндізгi оқу бойынша тамыздың 20-дейiн, сырттай оқыту бойынша қыркүйектiң 25-дейiн жiберiледi. 
      8. Оқуға қабылдау мамандықтар және оқу тiлдерi бойынша бөлек, ІІМ, ІІББ, ІІБ, КІІБ бөлген қабылдау орындарын ескере отырып, қабылдау емтихандарының нәтижелерiн ескере отырып конкурстық негiзде жүргiзiледi. 
      9. Емтихансыз: 
      - ерекше үлгідегi "Алтын белгi" аттестатының иегерлерi; 
      - республикалық пән олимпиадалардың сол ағымдағы жылдың жеңiмпаздары - I, II, ІII дәрежелi дипломдарымен қабылдау емтиханының негiзгi пәнiнен марапатталғандар қабылданады. 
      Олимпиаданың пәнi таңдаған мамандықтың негiзгi пәнiне сәйкес келмеген жағдайда қабылдау емтиханына енетiн сол пәннен талапкерге ең жоғары ұпай саны қойылады, ал басқа пәндерден босатылмайды және жалпыға бiрдей негiзде қабылданады. 
      10. Жалпы конкурс бойынша, қабылдау емтихандарынан алған ұпайларының көрсеткiштерi бойынша барлық басқа талапкерлер оқуға қабылданады. Ұпайларының көрсеткiштерi бiрдей болған жағдайда оқуға қабылдауға басымдылық құқыққа ие: 
      - жетiм балалар мен ата-ананың қамқорлығынсыз қалған балалар; 
      - қызметтiк мiндетiн атқару кезiнде қаза тапқан немесе мүгедек болған iшкi iстер органдары қызметкерлерiнiң балалары; 
      - iшкi iстер органдары қызметкерлерi, iшкi әскерлердiң әскери қызметшiлерi; 
      - жалпы бiлiм беретiн орта мектептi үздiк аттестат пен арнайы орта оқу орындарын үздiк дипломмен бiтiргендер; 
      - ауыл тұрғындары. 
      Осы ережелерге сәйкес оқуға қабылдануға жеңілдiк құқығы бар талапкерлер тиiстi құжаттарын тапсыруға мiндеттi. 
      11. Қабылдау емтихандарын қайта тапсыруға рұқсат етiлмейдi. 
      12. Дұрыс жауаптардың кодтары кешендi тест өткiзiлгеннен кейiн iлiнуi тиiс. Кешендi тест өткiзiлгеннен кейiн бiр тәулiк iшiнде талапкерлердiң назарына тест нәтижелерi берiледi. 
      13. Қабылдау емтихандарының аппеляциясы тест нәтижелерiн жариялағаннан кейiн бiр тәулiк iшiнде берiлуi қажет. Алынған баға қабылдау комиссиясының дәлелдi шешiмiмен ғана өзгертiледi. 
      14. Колледждерге қабылдау мамандықтар және оқу тiлдерi бойынша бөлек жоғары оқу орнының қабылдау комиссиясының ашық жиналысында өтедi. 
      15. Қабылдау ережелерi, және де қабылдау комиссиясының оқуға қабылдауды ұйымдастыру және өткiзу, емтихандардың кестесi, қабылдау мерзiмi туралы мәлiметтер талапкерлер назарына уақытында берiлуi қажет. 
      16. Қабылдау комиссиясының оқуға қабылдау туралы шешiмi колледж бастығының бұйрығымен ресiмделедi. Қызметтен қол үзiп оқуға қабылданған адамдарды iссапарға жiберуге және сырттай оқуға түскен адамдарды демалыс, басқа да жеңiлдiктер беруге бұйрықтың көшiрмесi негiз болып табылады. 
      17. Конкурстан өтпеген талапкерлер iшкi iстер органдарына, iшкi әскерлердiң әскери бөлiмдерiнiң қарамағына жiберiлiп, қабылданбаған себебi көрсетiлген жеке iстерi қайтарылады.
      18. Оқу орындарында сабақтар колледждер оқу жоспарында және оқу процесiнiң кестесiнде белгiленген мерзiмдерде басталады. Сабаққа себепсiз 10 күн қатыспаған тыңдаушылар оқудан шығарылады. 
     Оқудан шығарылғандардың орнына қабылдау комиссиясы сабақ басталған күннен бастап 1 айдың iшiнде конкурстан өтпеген адамдарды қабылдай алады. 
      19. Осы қабылдау ережелерiнде кесiмделмеген мәселелердi Қазақстан Республикасы Ішкiiсминiнiң колледждерiнiң қабылдау комиссиялары шешедi.

     Қазақстан Республикасы 
     Iшкi iстер министрлiгi
     Кадр және тәрбие жұмысы
        Департаментiнiң
     Оқу орындары басқармасы  

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады