Байланыс формасы

Қазақстан Республикасы Қылмыстық iс жүргiзу кодексiн күшiне енгiзу туралы

Күшін жойған

Қазақстан Республикасының 1997 жылғы 13 желтоқсандағы N 207 Заңы. Күші жойылды - Қазақстан Республикасының 2014 жылғы 4 шілдедегі № 231-V Кодексімен

      Ескерту. Күші жойылды - ҚР 04.07.2014 № 231-V Кодексімен (01.01.2015 бастап қолданысқа енгізіледі).

      1-бап. Қазақстан Республикасының Қылмыстық iс жүргiзу кодексi, осы Заңмен күшiне енгiзудiң өзге мерзiмдерi белгiленген ережелерiн қоспағанда, 1998 жылғы 1 қаңтардан бастап күшiне енгiзiлсiн. 
      2-бап. 1998 жылғы 1 қаңтардан бастап "Қазақ КСР-iнiң Қылмыстық iс жүргiзу кодексiн бекiту туралы" 1959 жылғы 22 шiлдедегi Қазақ КСР Заңымен бекiтiлген Қазақ КСР-iнiң Қылмыстық iс жүргiзу кодексiнiң, сондай-ақ 1959 жылғы 22 шiлдеден 1998 жылғы 1 қаңтарға дейiнгi кезеңде Қазақ КСР-iнiң Қылмыстық iс жүргiзу кодексiне өзгерiстер мен толықтырулар енгiзген барлық заңдардың күшi жойылды деп танылсын. 
      Қазақстан Республикасының аумағында қолданылып жүрген заңдар мен өзге де нормативтiк құқықтық актiлер Қазақстан Республикасының Қылмыстық iс жүргiзу кодексiне сәйкес келтiрiлуге тиiс. 
      Бұдан былай Қазақстан Республикасының Қылмыстық iс жүргiзу кодексiне сәйкес келтiрiлгенге дейiн аталған заңдар мен нормативтiк құқықтық актiлер Қазақстан Республикасының Қылмыстық iс жүргiзу кодексiне қайшы келмейтiн бөлiгiнде қолданыла бередi. 
      3-бап. "Қазақ КСР-iнiң Қылмыстық және Қылмыстық iс жүргiзу кодекстерiн күшiне енгiзу тәртiбi туралы" 1959 жылғы 28 желтоқсандағы Қазақ КСР Жоғарғы Кеңесi Президиумы Жарлығының (Қазақ КСР Жоғарғы Кеңесi мен Үкiметiнiң Ведомостары, 1960 ж., N 4) күшi жойылды деп танылсын.
      4-бап. <*>
      5-бап. <*>
       ЕСКЕРТУ. 4-5-баптар алып тасталды - Қазақстан Республикасының 2001.07.11.  N 238 Заңымен.  
      5-1 бап. <*>
      ЕСКЕРТУ. 5-1-бап алып тасталды - Қазақстан Республикасының  2001.07.11.  N 238 Заңымен. 
      6-бап. Тиiстi органдар Қазақстан Республикасының iс жүргiзу заңдарына сәйкес қабылдаған iс жүргiзу әрекеттерi мен iс жүргiзу шешiмдерi, осы Заңмен олардың атын өзгертуге байланысты, заңды күшiн жоймайды. 
       ЕСКЕРТУ. 6-баппен толықтырылды - Қазақстан Республикасының 2001.07.11.  N 238 Заңымен. 

     Қазақстан Республикасының
     Президентi 

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады