Қазақстан Республикасының Үкіметі ҚАУЛЫ ЕТЕДІ:
«Қазақстан Республикасының кейбір заңнамалық актілеріне мемлекеттік сатып алу мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.
Қазақстан Республикасының
Премьер-Министрі С. Ахметов
Жоба
ҚАЗАҚСТАН РЕСПУБЛИКАСЫНЫҢ ЗАҢЫ Қазақстан Республикасының кейбір заңнамалық актілеріне мемлекеттік сатып алу мәселелері бойынша өзгерістер мен толықтырулар енгізу туралы
1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:
1. 2001 жылғы 30 қаңтардағы Қазақстан Республикасының Әкімшілік құқық бұзушылық туралы кодексіне (Қазақстан Республикасы Парламентінің Жаршысы, 2001 ж., № 5-6, 24-құжат; № 17-18, 241-құжат; № 21-22, 281-құжат; 2002 ж., № 4, 33-құжат; № 17, 155-құжат; 2003 ж., № 1-2, 3-құжат; № 4, 25-құжат; № 5, 30-құжат; № 11, 56, 64, 68-құжаттар; № 14,109-құжат; № 15, 122, 139-құжаттар; № 18, 142-құжат; № 21-22, 160-құжат; № 23, 171-құжат; 2004 ж., № 6, 42-құжат; № 10, 55-құжат; № 15, 86-құжат; № 17, 97-құжат; № 23, 139, 140-құжаттар; № 24, 153-құжат; 2005 ж., № 5, 5-құжат; № 7-8, 19-құжат; № 9, 26-құжат; № 13, 53-құжат; № 14, 58-құжат; № 17-18, 72-құжат; № 21-22, 86, 87-құжаттар; № 23, 104-құжат; 2006 ж., № 1, 5-құжат; № 2, 19, 20-құжаттар; № 3, 22-құжат; № 5-6, 31-құжат; № 8, 45-құжат; № 10, 52-құжат; № 11, 55-құжат; № 12, 72, 77-құжаттар; № 13, 85, 86-құжаттар; № 15, 92, 95-құжаттар; № 16, 98, 102-құжаттар; № 23, 141-құжат; 2007 ж., № 1, 4-құжат; № 2, 16, 18-құжаттар; № 3, 20, 23-құжаттар; № 4, 28, 33-құжаттар; № 5-6, 40-құжат; № 9, 67-құжат; № 10, 69-құжат; № 12, 88-құжат; № 13, 99-құжат; № 15, 106-құжат; № 16, 131-құжат; № 17, 136, 139, 140-құжаттар; 18, 143, 144-құжаттар; № 19, 146, 147-құжаттар; № 20, 152-құжат; № 24, 180-құжат; 2008 ж., № 6-7,27-құжат; № 12, 48, 51-құжаттар; № 13-14, 54, 57, 58-құжаттар; № 15-16, 62-құжат; № 20, 88-құжат; № 21, 97-құжат; № 23, 114-құжат; № 24, 126, 128, 129-құжаттар; 2009 ж., № 2-3, 7, 21-құжаттар; № 9-10, 47, 48-құжаттар; № 13-14, 62, 63-құжаттар; № 15-16, 70, 72, 73, 74, 75, 76-құжаттар; № 17, 79, 80, 82-құжаттар; № 18, 84, 86-құжаттар; № 19, 88-құжат; № 23, 97, 115, 117-құжаттар; № 24, 121, 122, 125, 129, 130, 133, 134-құжаттар; 2010 ж., № 1-2, 1, 4, 5-құжаттар; № 5, 23-құжат; № 7, 28, 32-құжаттар; № 8, 41-құжат; № 9, 44-құжат; № 11, 58-құжат; № 13, 67-құжат; № 15, 71-құжат; № 17-18, 112,
114-құжаттар; № 20-21, 119-құжат; № 22, 128, 130-құжаттар; № 24, 146, 49-құжаттар; 2011 ж., № 1, 2, 3, 7, 9-құжаттар; № 2, 19, 25, 26, 28-құжаттар; № 3, 32-құжат; № 6, 50-құжат; № 8, 64-құжат; № 11, 102-құжат; № 12, 111-құжат, № 13, 115, 116-құжаттар; № 14, 117-құжат; № 16, 128, 129-құжаттар; № 17, 136-құжат; № 19, 145-құжат; № 21, 161-құжат; № 24, 196-құжат; 2012 ж., № 1, 5-құжат; № 2, 9, 11, 13, 14, 16-құжаттар; № 3, 21, 22, 25, 26, 27-құжаттар; № 4, 32-құжат; № 5, 35, 36-құжаттар; № 8, 64-құжат; № 10, 77-құжат; № 12, 84, 85-құжаттар; № 13, 91-құжат; № 14, 92, 93, 94-құжаттар; № 15, 97-құжат; № 20, 121-құжат; № 23-24, 125-құжат; 2013 ж., № 1, 2, 3-құжаттар; № 2, 10, 11, 13-құжаттар; № 4, 21, 72-құжаттар; № 7, 36-құжат; № 8, 50- құжат; № 9, 51- құжат; № 10-11, 54, 56-құжаттар; № 13, 62-құжат; № 14, 72, 74, 75-құжаттар; № 15, 77, 78, 79, 81, 82-құжаттар; № 16, 83-құжат):
1) 167-бапта:
бірінші, алтыншы, 6-3 және сегізінші бөліктер мынадай редакцияда жазылсын:
«1. Қазақстан Республикасының мемлекеттiк сатып алу туралы заңнамасында көзделген жағдайларды қоспағанда, сатып алынатын тауарлардың, жұмыстардың, көрсетілетін қызметтердiң жекелеген әлеуетті өнім берушілерге тиесілігін айқындайтын сипаттамаларды көрсету арқылы Қазақстан Республикасының мемлекеттiк сатып алу туралы заңнамасының конкурстық не аукциондық құжаттамаға, сондай-ақ баға ұсыныстарын сұрату тәсілімен мемлекеттік сатып алуды жүзеге асыру кезінде орналастырылатын ақпаратта қойылатын талаптарын бұзу, -
лауазымды адамдарға елу айлық есептiк көрсеткiш мөлшерiнде айыппұл салуға әкеп соғады.»;
«6. Әлеуетті өнім берушілерге және (немесе) олар тартатын қосалқы мердігерлерге (бірлесіп орындаушыларға) конкурстық не аукциондық құжаттамада Қазақстан Республикасының мемлекеттік сатып алу туралы заңнамасында көзделмеген біліктілік талаптарын белгілеу, -
лауазымды адамдарға жүз айлық есептік көрсеткіш мөлшерінде айыппұл салуға әкеп соғады.»;
«6-3. Әлеуетті өнім берушіні және (немесе) олар тартатын қосалқы мердігерлерді (бірлесіп орындаушыларды) Қазақстан Республикасының мемлекеттік сатып алу туралы заңнамасында көзделмеген негіздер бойынша біліктілік талаптарына және (немесе) конкурстық не аукциондық құжаттаманың талаптарына сай емес деп негізсіз тану, -
лауазымды адамдарға елу айлық есептік көрсеткіш мөлшерінде айыппұл салуға әкеп соғады.»;
«8. Мынадай:
өнім берушілер өздерімен жасалған мемлекеттік сатып алу туралы шарттар бойынша өз міндеттемелерін орындамаған не тиісінше орындамаған;
жеңімпаздар деп айқындалған әлеуетті өнім берушілер мемлекеттік сатып алу туралы шарт жасасудан жалтарған жағдайларда, тапсырыс берушінің әлеуетті өнім берушілерді, өнім берушілерді мемлекеттік сатып алуға жосықсыз қатысушылар деп тану туралы қуыным арызбен сотқа жүгінбеу және (немесе) уақтылы жүгінбеуі -
лауазымды адамдарға отыз айлық есептік көрсеткіш мөлшерінде айыппұл салуға әкеп соғады.»;
ескертпеде:
төртінші, алтыншы, тоғызыншы және оныншы абзацтар мынадай редакцияда жазылсын:
«үшінші бөлікте - бірінші басшыны не жауапты хатшыны немесе Қазақстан Республикасының Президенті айқындайтын жауапты хатшының өкілеттіктерін жүзеге асыратын өзге де лауазымды адамды, тапсырыс берушіні не оның міндеттерін атқарушы адамды;»;
«алтыншы бөлікте - бірінші басшыны не жауапты хатшыны немесе Қазақстан Республикасының Президенті айқындайтын жауапты хатшының өкілеттіктерін жүзеге асыратын өзге де лауазымды адамды, тапсырыс берушіні не оның міндеттерін атқарушы адамды;»;
«сегізінші және тоғызыншы бөліктерде - бірінші басшыны не жауапты хатшыны немесе Қазақстан Республикасының Президенті айқындайтын жауапты хатшының өкілеттіктерін жүзеге асыратын өзге лауазымды адамды, тапсырыс берушінің не оның міндеттерін атқарушы адамды;»;
6-3-бөлікте - конкурстық не аукциондық комиссияның төрағасын және оның орынбасарын, сондай-ақ конкурстық не аукциондық комиссияның мүшелерін.».
2. 2008 жылғы 4 желтоқсандағы Қазақстан Республикасының Бюджет кодексiне (Қазақстан Республикасы Парламентінің Жаршысы, 2008 ж., № 21, 93-құжат; 2009 ж., № 23, 112-құжат; № 24, 129-құжат; 2010 ж., № 5, 23-құжат; № 7, 29, 32-құжаттар; № 15, 71-құжат; № 24, 146, 149, 150-құжаттар; 2011 ж., № 2, 21, 25-құжаттар; № 4, 37-құжат; № 6, 50-құжат; № 7, 54-құжат; № 11, 102-құжат; № 13, 115-құжат; № 15, 125-құжат; № 16, 129-құжат; № 20, 151-құжат; № 24, 196-құжат; 2012 ж., № 1, 5-құжат; № 2, 16-құжат; № 3, 21-құжат; № 4, 30, 32-құжаттар; № 5, 36, 41-құжаттар; № 8, 64-құжат; № 13, 91-құжат; № 14, 94-құжат; № 18-19, 119-құжат; № 23-24, 125-құжат; 2013 ж., № 2, 13-құжат; № 5-6, 30-құжат; № 8, 50-құжат; № 9, 51-құжат; № 14, 72-құжат; № 15, 81, 82-құжаттар; № 16, 83-құжат):
1) 68-баптың 4-тармағының екінші абзацы мынадай редакцияда жазылсын:
«бюджеттік бағдарламалар әкімшілерінің бюджеттiк өтiнiмдерiн олардың Қазақстан Республикасының бюджеттік және өзге де заңнамасына, әлеуметтiк-экономикалық даму болжамына, мемлекеттiк қызмет көрсетудің қолданыстағы заттай нормалары мен стандарттарына сәйкестігі тұрғысынан, бұл ретте бюджеттік өтінімдерді қарау кезінде әрбір бюджеттік бағдарламалар бойынша шығыстар түрлері бойынша есептеу кезінде бағдар ретінде мемлекеттік сатып алу туралы заңнамада белгіленген тауарларға, жұмыстарға, көрсетілетін қызметтерге бағалардың деректер базасы да (жылдық кезеңде мемлекеттік сатып алудың қорытындылары бойынша қалыптасқан орташа өлшемді баға) пайдаланылады;».
3. «Қазақстан Республикасындағы сәулет, қала құрылысы және құрылыс қызметі туралы» 2001 жылғы 16 шілдедегі Қазақстан Республикасының Заңына (Қазақстан Республикасы Парламентінің Жаршысы, 2001 ж., № 17-18, 243-құжат; 2004 ж., № 23, 142-құжат; 2005 ж., № 6, 10-құжат; № 7-8, 19-құжат; 2006 ж., № 1, 5-құжат; № 3, 22-құжат; № 15, 95-құжат; № 23, 144-құжат; № 24, 148-құжат; 2007 ж., № 1, 4-құжат; № 2, 18-құжат; № 16, 129-құжат; 2008 ж., № 21, 97-құжат; № 24, 129-құжат; 2009 ж., № 15-16, 76-құжат; № 18, 84-құжат; 2010 ж., № 5, 23-құжат; 2011 ж., № 1, 2-құжат; № 6, 50-құжат; № 11, 102-құжат; № 12, 111-құжат; 2012 ж., № 3, 21, 27-құжаттар; № 4, 32-құжат; № 8, 64-құжат; № 14, 92, 95-құжаттар; № 15, 97-құжат; 2013 ж., № 9, 51-құжат; № 13, 63-құжат; № 14, 72, 75-құжаттар):
64-бапта:
4-тармақтың үшінші бөлігі алып тасталсын;
7-тармақтың бірінші бөлігінің 2) тармақшасы алып тасталсын.
4. «Мемлекеттік сатып алу туралы» 2007 жылғы 21 шілдедегі Қазақстан Республикасының Заңына (Қазақстан Республикасы Парламентінің Жаршысы, 2007 ж., № 17, 135-құжат; 2008 ж., № 13-14, 58-құжат; № 20, 87-құжат; № 21, 97-құжат; № 24, 128-құжат; 2009 ж., № 2-3, 21-құжат; № 9-10, 47, 49-құжаттар; № 15-16, 74-құжат; № 17, 78, 82-құжаттар; № 24, 129, 133-құжаттар; 2010 ж., № 5, 23-құжат; № 7, 28, 29-құжаттар; № 15, 71-құжат; № 17-18, 108-құжат; № 24, 146-құжат; 2011 ж., № 2, 26-құжат; № 4, 37-құжат; № 6, 49-құжат; № 11, 102-құжат; № 13, 115-құжат; № 20, 151-құжат; № 21, 161, 171-құжаттар; 2012 ж., № 2, 11-құжат; № 3, 22-құжат; № 6, 43-құжат; № 8, 64-құжат; № 12, 83-құжат; № 13, 91-құжат; № 14, 92, 94-құжаттар; № 15, 97-құжат; 2013 ж., № 1, 2-құжат; № 10-11, 56-құжат; № 14, 75-құжат; № 15, 76-құжат):
1) 1-бапта:
9) тармақша алып тасталсын;
12) тармақша мынадай редакцияда жазылсын:
«конкурстық комиссия – осы Заңда көзделген конкурс тәсiлiмен мемлекеттік сатып алуды жүргізу рәсiмдерiн орындау үшін мемлекеттік сатып алуды ұйымдастырушы, мемлекеттік сатып алуды бірыңғай ұйымдастырушы құратын алқалы орган;
18) тармақша мынадай редакцияда жазылсын:
«18) мемлекеттік сатып алу – мыналарды:
жеке тұлғалардан еңбек шарттары бойынша сатып алынатын қызметтерді;
кәсiпкерлiк қызмет субъектiлерi болып табылмайтын жеке тұлғалардан өтемдi қызмет көрсету шарттары бойынша сатып алынатын қызметтерді;
мемлекеттік тапсырманы және оны орындау шеңберінде сатып алынатын мемлекеттік тапсырманы тауарларды, жұмыстарды, көрсетілетін қызметтерді;
жарналар (салымдар), оның iшiнде заңды тұлғалардың жарғылық капиталына енгiзудi қоспағанда, осы Заңда, сондай-ақ Қазақстан Республикасының азаматтық заңнамасында белгiленген тәртіппен жүзеге асырылатын, тапсырыс берушінiң жұмыс iстеуiн, сондай-ақ мемлекеттiк функцияларды не жарғылық қызметiн орындауын қамтамасыз ету үшiн қажеттi тауарларды, жұмыстарды, көрсетілетін қызметтердi тапсырыс берушілердiң ақылы негiзде сатып алуы;»;
25) тармақша мынадай редакцияда жазылсын:
«25) мемлекеттiк сатып алуды ұйымдастырушы – мемлекеттiк сатып алуды ұйымдастыруды және өткiзудi жүзеге асыратын заңды тұлға не оны құрған заңды тұлғаның атынан, не Қазақстан Республикасы Үкіметінің және облыстың, республикалық маңызы бар қаланың және Қазақстан Республикасының астанасы әкімінің шешімі бойынша әрекет ететiн құрылымдық бөлiмше;»;
27) тармақша алып тасталсын;
30) және 31) тармақшалар мынадай редакцияда жазылсын:
«30) сараптама комиссиясы – сатып алынатын тауарлардың, жұмыстардың, қызметтердiң техникалық тапсырмасын және (немесе) техникалық өзіндік ерекшелiгiн әзiрлеуге қатысу және (немесе) әлеуеттi өнiм берушiлер ұсыныстарының сатып алынатын тауарлардың, жұмыстардың, көрсетiлетiн қызметтердiң техникалық өзіндік ерекшелiгiне сәйкестiгiне қатысты сараптамалық қорытынды дайындау, сондай-ақ үздік техникалық өзіндік ерекшелікті (үздік техникалық өзіндік ерекшеліктерді) айқындау үшін тартылатын, мемлекеттiк сатып алуды ұйымдастырушы не тапсырыс беруші құратын алқалы орган;
31) сарапшы – сатып алынатын тауарлардың, жұмыстардың, көрсетілетін қызметтердiң техникалық тапсырмасын және (немесе) техникалық өзіндік ерекшелiгiн әзiрлеуге қатысу және (немесе) әлеуеттi өнiм берушi ұсыныстарының сатып алынатын тауарлардың, жұмыстардың, көрсетiлетiн қызметтердiң техникалық өзіндік ерекшелiгiне сәйкестiгiне қатысты сараптамалық қорытынды дайындау, сондай-ақ үздік техникалық өзіндік ерекшелікті (үздік техникалық өзіндік ерекшеліктерді) айқындау үшін тартылатын, мемлекеттiк сатып алуды ұйымдастырушы не тапсырыс беруші айқындаған жеке тұлға;
мынадай мазмұндағы 33-1), 34-1), 40, 41, 42) және 43) тармақшалармен толықтырылсын:
«33-1) тауарлардың, жұмыстардың, көрсетілетін қызметтердің анықтамалығы (бұдан әрі – анықтамалық) – өзінің бірегей коды бар, мемлекеттік сатып алудың нысанасы болып табылатын тауарлардың, жұмыстардың, көрсетілетін қызметтердің жүйеленген тізбесі;»;
«34-1) ұлттық режим – шетелде шығарылған тауарларды, жұмыстарды, көрсетілетін қызметтерді және осындай тауарларды, жұмыстарды, көрсетілетін қызметтерді ұсынатын әлеуетті өнім берушілерді, егер мұндай режимді ұсыну туралы талап Қазақстан Республикасы ратификациялаған халықаралық шарттарда белгіленсе, отандық тауарлармен, жұмыстармен, көрсетілетін қызметтермен және және осындай тауарларды, жұмыстарды, көрсетілетін қызметтерді ұсынатын әлеуетті өнім берушілермен тең жағдайларда мемлекеттік сатып алуға қатысуға жіберуді көздейтін режим;»;
«40) мемлекеттік сатып алуды бірыңғай ұйымдастырушы (бұдан әрі – бірыңғай ұйымдастырушы) – Қазақстан Республикасының Үкіметі айқындайтын бюджеттік бағдарламалар не тауарлар, жұмыстар, көрсетілетін қызметтер бойынша мемлекеттік сатып алуды ұйымдастыру және жүргізу рәсімдерін орындауды жүзеге асыратын мемлекеттік мекеме болып табылатын мемлекеттiк сатып алуды ұйымдастырушы;
41) тауарларға, жұмыстарға, көрсетілетін қызметтерге бағалардың деректер базасы – мемлекеттік сатып алу қорытындысы бойынша тауарларға, жұмыстарға, көрсетілетін қызметтерге қалыптасқан баға туралы мәліметтерді қамтитын мемлекеттік сатып алу веб-порталының бір бөлігі болып табылатын ақпараттық кіші жүйе;
42) мемлекеттік сатып алу туралы электрондық шарт – электрондық цифрлық қолтаңба арқылы қол қойылған және мемлекеттік сатып алу веб-порталында жасалатын электрондық-цифрлық нысандағы мемлекеттік сатып алу туралы шарт;
43) үздік техникалық өзіндік ерекшелік (үздік техникалық өзіндік ерекшеліктер) – өз сипаттамалары бойынша тапсырыс беруші мәлімдеген техникалық және сапалық сипаттамалардан асып түсетін тапсырыс беруші үшін қажет сатып алынатын тауарлардың/көрсетілетін қызметтердің сипаттамасын қамтитын техникалық өзіндік ерекшелік (техникалық өзіндік ерекшеліктер).»;
2) 3-баптың 5) тармақшасы алып тасталсын;
3) 4-бапта:
1-тармақта:
мынадай мазмұндағы 11-1) тармақшамен толықтырылсын:
«11-1) банк қызметіне байланысты қаржылық қызметтерді сатып алу;»;
31) және 31-1) тармақшалар мынадай редакцияда жазылсын:
«31) мемлекеттiк органның тауарларды, жұмыстарды, көрсетiлетiн қызметтердi дауыс беретiн акцияларының (жарғылық капиталға қатысу үлестерiнiң) жүз пайызы мемлекетке тиесiлi, тиiстi өкiлеттiктерi Қазақстан Республикасының заңдарында, Қазақстан Республикасы Президентінің жарлықтарында белгiленген акционерлiк қоғамдардан және шаруашылық серiктестiктерден сатып алуы;
31-1) мемлекеттік органның тауарларды, жұмыстарды, көрсетілетін қызметтерді өзі Қазақстан Республикасының мемлекеттік мүлік туралы заңнамасына сәйкес басқаруды жүзеге асыратын мемлекеттік кәсіпорындардан, мұндай сатып алу Қазақстан Республикасының заңдарында, Қазақстан Республикасы Президентінің жарлықтарында көзделген жағдайда сатып алуы;»;
37), 51), 53), 56) және 59) тармақшалар алып тасталсын;
мынадай мазмұндағы 65) тармақшамен толықтырылсын:
«65) Қазақстан Республикасы Президентінің шешімі (тапсырмасы) бойынша Қазақстан Республикасының Үкіметі айқындайтын адамнан нақты тауарды, көрсетілетін қызметті сатып алу.»;
2 және 3-тармақтар мынадай редакцияда жазылсын:
«2. Осы баптың 1-тармағында көзделген жағдайларда мемлекеттiк сатып алу Қазақстан Республикасының азаматтық заңнамасына сәйкес осы Заңның 3-бабының 1) тармақшасында көзделген мемлекеттiк сатып алуды құқықтық реттеу қағидаты сақтала отырып, жүзеге асырылады.
3. Осы баптың 1-тармағының 5), 6), 9-1), 11-1), 13), 21-1), 21-2), 33-1), 38), 48), 55) және 64) тармақшаларының ережелері мемлекеттік органдар мен мемлекеттік мекемелер жүзеге асыратын мемлекеттік сатып алуға қолданылмайды.»;
4) 5-бапта:
3-тармақтың екінші бөлігінің 1) тармақшасы мынадай редакцияда жазылсын:
«1) мемлекеттік сатып алуды жүзеге асыру үшiн бөлiнген соманы қоса алғанда, анықтамалыққа сәйкес тауарлардың, жұмыстардың, көрсетiлетiн қызметтердiң номенклатурасы;»;
5-тармақтың бірінші бөлігі мынадай редакцияда жазылсын:
«5. Тапсырыс берушiлер мемлекеттiк сатып алудың жылдық жоспарына өзгерiстер және (немесе) толықтырулар енгізуге құқылы.»;
7-тармақтың екінші бөлігі мынадай редакцияда жазылсын:
«Тапсырыс берушілер мемлекеттік сатып алуды жүзеге асыру туралы шешімді тиісті бюджет бекітілгенге дейін екі кезеңді рәсімдерді пайдалана отырып, конкурс тәсілімен мемлекеттік сатып алуды өткізген жағдайда ғана қабылдауға құқылы.»;
5) 7-бапта:
3-тармақ алып тасталсын;
5-тармақ мынадай редакцияда жазылсын:
5. Бірыңғай мемлекеттік сатып алуды өткiзу мақсатында:
1) Қазақстан Республикасының Үкiметi тапсырыс берушілер үшін мемлекеттік сатып алудың бірыңғай ұйымдастырушысын айқындайды;
тауарларды, жұмыстарды, көрсетілетін қызметтерді мемлекеттік сатып алуды ұйымдастыруды және өткізуді Қазақстан Республикасының Үкіметі айқындайтын бюджеттік бағдарламалардың тізбесі және (немесе) тауарлар, жұмыстар, көрсетілетін қызметтер бойынша мемлекеттік сатып алудың бірыңғай ұйымдастырушысы орындайды;
2) тиiстi әкiмшiлiк-аумақтық бiрлiктiң әкiмi бірнеше тапсырыс берушiлер үшiн, олардың ішінен мемлекеттiк сатып алудың бiрыңғай ұйымдастырушысын айқындауға құқылы;
3) облыстың, республикалық маңызы бар қаланың және Қазақстан Республикасы астанасының әкімі тапсырыс берушілер үшін мемлекеттік сатып алудың бірыңғай ұйымдастырушысын айқындайды;
тауарларды, жұмыстарды, көрсетілетін қызметтерді мемлекеттік сатып алуды ұйымдастыруды және өткізуді Қазақстан Республикасының тиісті облысының, республикалық маңызы бар қаласының және астанасының әкімі айқындайтын бюджеттік бағдарламалар және (немесе) тауарлар, жұмыстар, көрсетілетін қызметтер бойынша мемлекеттік сатып алудың бірыңғай ұйымдастырушысы орындайды;
4) тапсырыс берушi тапсырыс берушiге ведомстволық бағынысты бiрнеше мемлекеттiк мекеме немесе онымен үлестес тұлғалар үшiн мемлекеттiк сатып алудың бiрыңғай ұйымдастырушысы ретiнде әрекет етуге құқылы;
5) тапсырыс берушi тапсырыс берушiге ведомстволық бағынысты бiрнеше мемлекеттiк мекемелер үшiн олардың ішінен мемлекеттiк сатып алудың бiрыңғай ұйымдастырушысын айқындауға құқылы;
6) Қазақстан Республикасының Ұлттық Банкі оларға қатысты өзі құрылтайшы (уәкілетті орган) не акционер болып табылатын заңды тұлғалар үшін мемлекеттік сатып алудың бірыңғай ұйымдастырушысы ретінде болуға құқылы.»;
6-тармақ алып тасталсын;
6) мынадай мазмұндағы 7-1-баппен толықтырылсын:
«7-1-бап. Мемлекеттік сатып алудың бірыңғай ұйымдастырушысының мемлекеттік сатып алуды жүзеге асыру ерекшеліктері
1. Мемлекеттік сатып алудың бірыңғай ұйымдастырушысы осы Заңның 7-бабы 5-тармағының 1), 2) және 3) тармақшаларында көзделген жағдайларда мемлекеттік сатып алуды мынадай кезектеп өткізілетін кезеңдерді:
1) тапсырыс беруші мемлекеттік сатып алудың бірыңғай ұйымдастырушыға электрондық мемлекеттік сатып алуды жүргізу қағидаларында белгіленген құжаттарды қамтитын мемлекеттік сатып алуды ұйымдастыруға және өткізуге тапсырма ұсынуды;
2) мемлекеттік сатып алудың бірыңғай ұйымдастырушысы тапсырыс беруші ұсынған электрондық мемлекеттік сатып алуды өткізу қағидаларында белгіленген құжаттарды қамтитын тапсырма негізінде конкурстық немесе аукциондық құжаттаманы әзірлеуді және бекітуді;
3) мемлекеттік сатып алудың бірыңғай ұйымдастырушысы конкурстық не аукциондық комиссияның құрамын анықтауды және бекітуді;
мемлекеттiк сатып алудың бірыңғай ұйымдастырушысы анықтайтын және бекiтетін конкурстық не аукциондық комиссияның құрамына, тапсырыс берушінің өкiлдерi де кiредi;
4) мемлекеттік сатып алудың бірыңғай ұйымдастырушысы конкурстық (аукциондық) құжаттамаға өзгерістер және (немесе) толықтырулар енгізуді;
5) мемлекеттік сатып алудың бірыңғай ұйымдастырушысы мемлекеттік сатып алу жүргізу туралы хабарландыру орналастыруды;
6) мемлекеттік сатып алудың бірыңғай ұйымдастырушысы олар туралы мәліметтер мемлекеттік сатып алу туралы шарт жобасына конкурстық (аукциондық) құжаттама және (немесе) конкурстық (аукциондық) құжаттаманың техникалық ерекшелігін алған адамдарды тіркеу журналына енгізілген мемлекеттік сатып алу веб-порталында автоматты түрде тіркелген адамдар тарапынан ұсыныстар мен ескертулерді тапсырыс берушіге жіберуді;
7) конкурс (аукцион) тәсілімен мемлекеттік сатып алу жеңімпазын анықтауды;
8) тапсырыс берушінің жеңімпазбен мемлекеттік сатып алу туралы шартты осы Заңда және электрондық мемлекеттік сатып алуды өткізу қағидаларында белгіленген тәртіппен мемлекеттік сатып алудың қорытындылары туралы хаттама негізінде жасасуды сақтай отырып, жүзеге асырады.
2. Осы Заңның 7-бабы 5-тармағының 1), 2) және 3) тармақшаларында көзделген жағдайларда мемлекеттік сатып алудың бірыңғай ұйымдастырушысының мемлекеттік сатып алуды ұйымдастыруы және өткізуі осы Заңда және электрондық мемлекеттік сатып алуды жүргізу қағидаларында белгіленген тәртіпте жүзеге асырылады.»;
7) 8-бапта:
4-тармақ мынадай редакцияда жазылсын:
«4. Әлеуеттi өнiм берушi өзiнiң осы бапта белгiленген бiлiктiлiк талаптарына сәйкестiгiн растау үшiн мемлекеттiк сатып алуды ұйымдастырушыға электрондық мемлекеттiк сатып алуды өткізу қағидаларында көзделген тиiстi құжаттарды табыс етеді.»;
7-тармақтың үшінші бөлігі мынадай редакцияда жазылсын:
«Қосалқы мердiгерлерге (бiрлесіп орындаушыларға) жұмыстарды орындау не қызметтерді көрсету үшiн берiлуi мүмкiн жұмыстар мен көрсетiлетiн қызметтердiң шектi көлемi элетрондық мемлекеттiк сатып алуды өткізу қағидаларында белгiленедi.»;
8) 9-баптың 1-тармағының 1) тармақшасы мынадай редакцияда жазылсын:
«1) әлеуеттi өнiм берушiнiң және (немесе) ол тартатын жұмыстардың не көрсетiлетiн қызметтердiң қосалқы мердiгерiнiң (бiрлесіп орындаушысының) бiлiктiлiк талаптарына сәйкестiгiн растау үшiн құжат (құжаттар) табыс етпеуі;»;
9) 10-бапта:
2-тармақ мынадай редакцияда жазылсын:
«2. Әлеуеттi өнiм берушi табыс ететін бiлiктiлiк талаптары бойынша ақпараттың дәйектілігін тапсырыс берушi, мемлекеттiк сатып алуды ұйымдастырушы, мемлекеттiк сатып алудың бірыңғай ұйымдастырушысы, уәкiлеттi орган не мемлекеттiк қаржылық бақылау органдары мемлекеттiк сатып алуды жүзеге асырудың кез келген кезеңiнде анықтауы мүмкiн.»;
3-тармақтың бірінші бөлігінің 2) тармақшасы мынадай редакцияда жазылсын:
«2) осындай фактi анықталған күннен бастап күнтізбелік отыз күннен кешiктiрмей, бiлiктiлiк талаптары бойынша дәйексіз ақпарат ұсынған әлеуеттi өнiм берушiнi мемлекеттiк сатып алуға жосықсыз қатысушы деп тану туралы талап-арызды сотқа беруге мiндеттi.»;
10) 11-бапта:
4-тармақта:
алтыншы бөлік мынадай редакцияда жазылсын:
«Осы тармақтың бiрiншi бөлiгiнiң 2), 3) және 4) тармақшаларында көзделген жағдайларда, тапсырыс берушi әлеуеттi өнiм берушiнiң немесе өнiм берушiнiң Қазақстан Республикасының мемлекеттiк сатып алу туралы заңнамасын бұзу фактiсi туралы өзiне белгiлi болған күннен бастап күнтізбелік отыз күннен кешiктiрмей, мұндай әлеуеттi өнiм берушiнi немесе өнiм берушiнi мемлекеттiк сатып алуға жосықсыз қатысушы деп тану туралы талап-арызбен сотқа жүгiнуге мiндеттi.»;
мынадай мазмұндағы жетінші бөлікпен толықтырылсын:
«Осы тармақтың бірінші бөлігінің 1) және 2) тармақшаларында көзделген жағдайларда, мемлекеттік сатып алудың бірыңғай ұйымдастырушысы оған әлеуетті өнім берушінің Қазақстан Республикасының мемлекеттік сатып алу туралы заңнамасын бұзу фактісі туралы белгілі болған күннен бастап күнтізбелік отыз күннен кешіктірмей осындай әлеуетті өнім берушіні мемлекеттiк сатып алуға жосықсыз қатысушы деп тану туралы талап-арызбен сотқа жүгiнуге міндетті.»;
11) 12-баптың 6-тармағы алып тасталсын;
12) 13-бапта:
9) тармақша алып тасталсын;
мынадай мазмұндағы 9-1) тармақшамен толықтырылсын:
«9-1) отандық тауар өндірушілер өндіретін және олардан сатып алынатын тауарлардың жекелеген түрлерінің тізбесін бекітеді;»;
19) тармақша мынадай редакцияда жазылсын:
«19) Қазақстан Республикасының мүгедектер қоғамдық бірлестіктері құрған, тауарлар өндіретін, жұмыстарды орындайтын, қызметтер көрсететін ұйымдардың тізбесін, олар өндіретін, орындайтын, көрсететін тауарлардың, жұмыстардың, көрсетілетін қызметтердің тізбесін бекітеді, сондай-ақ олардан осындай тауарларды, жұмыстарды, көрсетілетін қызметтерді сатып алу тәртібін айқындайды;»;
24) тармақша алып тасталсын;
24-3) тармақша мынадай редакцияда жазылсын:
«24-3) конкурстың не аукционның қорытындысы шығарылғанға және мемлекеттiк сатып алу туралы шарт күшiне енгенге дейiнгi кезеңге тапсырыс берушiлер бiр көзден сатып алатын күн сайынғы немесе апта сайынғы қажеттi тауарлардың, жұмыстардың, көрсетiлетiн қызметтердiң тiзбесiн бекiтедi;»;
мынадай мазмұндағы 24-4), 24-5) және 24-6) тармақшалармен толықтырылсын:
«24-4) мемлекеттік сатып алуды бірыңғай ұйымдастырушыны айқындайды;
24-5) мемлекеттік сатып алуды бірыңғай ұйымдастырушы тауарларды, жұмыстарды, көрсетілетін қызметтерді мемлекеттік сатып алуды ұйымдастыру және өткізу тәртібін айқындайды;
«24-6) бюджеттік бағдарламалардың, сондай-ақ мемлекеттік сатып алуды осы Заңның 7-бабы 5-тармағының 1) тармақшасына сәйкес бірыңғай ұйымдастырушы жүзеге асыратын тауарлардың, жұмыстардың, көрсетілетін қызметтердің тізбесін бекітеді;»;
13) 14-бапта:
6) және 10) тармақшалар мынадай редакцияда жазылсын:
«6) Қазақстан Республикасының индустриялық-инновациялық қызметті мемлекеттік қолдау туралы заңнамасында көзделген мемлекеттік сатып алу веб-порталы интеграцияланған тауарлардың, жұмыстардың, көрсетілетін қызметтердің және оларды жеткізушілердің деректер базасына енгізілген отандық тауар өндірушілерден сатып алу туралы ақпаратты ескере отырып, есептiлiктi жинау, жинақтау және талдау тәртiбiн айқындайды;»;
«10) мемлекеттік сатып алудың веб-порталы жұмысының техникалық істен шығуы туындаған жағдайда мемлекеттік сатып алудың веб-порталы жұмысының тәртібін анықтайды;»;
9) тармақша алып тасталсын;
мынадай мазмұндағы 9-1) тармақшамен толықтырылсын:
«9-1) мемлекеттiк сатып алу веб-порталын пайдалану тәртiбiн айқындайды;»;
14) 14-1-бапта:
8) тармақша мынадай редакцияда жазылсын:
«8) мемлекеттiк сатып алу саласындағы есептiлiктi техникалық сүйемелдеудi қамтамасыз етедi;»;
мынадай мазмұндағы 10) тармақшамен толықтырылсын:
«10) анықтамалықты енгізе отырып, тауарларға, жұмыстарға, көрсетілетін қызметтерге бағалардың деректер базасын енгізуді және сүйемелдеуді жүзеге асырады.»;
15) 15-бапта:
2-тармақта:
1) тармақша мынадай редакцияда жазылсын:
«1) тапсырыс берушi, мемлекеттiк сатып алуды ұйымдастырушы, бірыңғай ұйымдастырушы конкурстық комиссия, аукциондық комиссия, сараптама комиссиясы, сарапшы;»;
мынадай мазмұндағы 5) тармақшамен толықтырылсын:
«5) электрондық мемлекеттік сатып алу саласындағы бірыңғай оператор.»;
5-тармақтың 1) тармақшасы мынадай редакцияда жазылсын:
«1) тапсырыс берушiнiң, мемлекеттiк сатып алуды ұйымдастырушының, бірыңғай ұйымдастырушының не конкурстық комиссияның, аукциондық комиссияның, сараптама комиссиясының, сарапшының iс-әрекетiне (әрекетсiздiгiне), шешiмдерiне шағымдана отырып, әлеуеттi өнiм берушiнің, конкурсқа не аукционға қатысушының, өнiм берушiнің не олардың уәкiлеттi өкiлiнің жазбаша өтiнiші. Мұндай шағымды қарау осы Заңның 45-бабында көзделген талаптар сақталған кезде жүзеге асырылады;»;
16) 16-баптың 4-тармағы мынадай редакцияда жазылсын:
«4. Конкурсқа қатысуға өтiнiмдердi қарау қорытындылары бойынша айқындалған бiлiктiлiк талаптарына және конкурстық құжаттаманың талаптарына сәйкес келетiн және конкурстық комиссия конкурсқа қатысушы деп таныған әлеуеттi өнiм берушiлер қатысады.
Конкурс тәсiлiмен мемлекеттiк сатып алу:
1) конкурсқа қатысуға ұсынылған өтінімдер болмаған;
2) конкурсқа қатысуға екіден кем өтінім ұсынылған;
3) конкурсқа қатысуға бір де бір әлеуетті өнім беруші жіберілмеген;
4) конкурсқа қатысуға бір әлеуетті өнім беруші жіберілген;
5) конкурсқа қатысушылардың ұсынған конкурстық баға ұсыныстары болмаған;
6) конкурсқа қатысушылардың екіден кем конкурстық баға ұсыныстарын берген;
7) осы Заңның 26-бабының 4-тармағында көзделген жағдайларда конкурсқа қатысушылардың конкурстық баға ұсыныстары қабылданбағаннан кейiн конкурсқа қатысушылардың екiден кем конкурстық баға ұсыныстары бағалануға және салыстыруға жатқызылған;
8) конкурс жеңiмпазы мемлекеттiк сатып алу туралы шарт жасасудан жалтарған жағдайлардың бiрi болғанда өтпей қалды деп есептеледі.»;
17) 17-бапта:
1-тармақ мынадай редакцияда жазылсын:
«1. Конкурстық құжаттаманы мемлекеттiк сатып алуды ұйымдастырушы Қазақстан Республикасының мемлекеттiк құпиялар туралы заңнамасының талаптарын ескере отырып, электрондық мемлекеттiк сатып алуды өткiзу қағидаларында айқындалған конкурстық құжаттаманың электрондық нысаны негiзiнде қазақ және орыс тiлдерiнде әзiрлейдi.»;
2-тармақта:
2), 8), 13), 14), 15) және 16) тармақшалар мынадай редакцияда жазылсын:
«2) болған жағдайда ұлттық немесе үкіметтік емес стандартты көрсете отырып, ал қажет болған жағдайда нормативтік-техникалық құжаттаманы көрсете отырып, сатып алынатын тауарлардың, жұмыстардың, көрсетiлетiн қызметтердiң, техникалық өзіндік ерекшеліктерінің сипаты мен талап етiлетiн техникалық, сапалық және пайдалану сипаттамалары.
Жобалау-сметалық құжаттаманы талап ететін жұмыстарды мемлекеттік сатып алуды жүзеге асыру кезінде сипаттаудың және сатып алынатын жұмыстардың талап етілетін техникалық, сапалық және пайдалану сипаттамаларының орнына конкурстық құжаттама белгіленген тәртіппен бекітілген жобалау-сметалық құжаттаманы қамтуға тиіс;»;
«8) қосылған құн салығын қоспағанда, конкурстық баға ұсынысының мазмұнына қойылатын талаптар, оның iшiнде сатып алынатын тауарлардың, жұмыстардың, көрсетiлетiн қызметтердiң бағаларынан басқа, оларды тасымалдау мен сақтандыру шығыстарын, кеден баждарын, салықтар мен алымдарды, сондай-ақ тауарларды жеткізу, жұмыстарды орындау, қызметтер көрсету шарттарында көзделген өзге де шығыстарды төлеудi көрсету;»;
«13) конкурсқа қатысуға өтiнiмдерді ұсынудың тәртiбi, тәсiлi мен соңғы мерзiмi және конкурсқа қатысуға өтiнiмнiң қолданыста болуының талап етiлетiн мерзiмi;
14) әлеуеттi өнiм берушiлер олардың көмегiмен конкурстық құжаттаманың мазмұны бойынша түсiнiктемелер сұрата алатын тәсiлдер;
15) конкурсқа қатысуға өтiнiмдерді ашу күнi және уақыты;
16) конкурсқа қатысуға өтiнiмдерді ашу, конкурсқа қатысуға өтiнiмдердi қарау, конкурстық баға ұсыныстарын бағалау мен салыстыру рәсiмдерiнiң сипаттамасы;
4-тармақ мынадай редакцияда жазылсын:
«4. Неғұрлым сапалы тауарды, жұмысты, көрсетiлетiн қызметтi ұсынатын конкурсқа қатысушыны айқындау үшiн мемлекеттiк сатып алуды ұйымдастырушы конкурстық құжаттамада конкурсқа қатысушылардың конкурстық баға ұсынысына әсер ететiн мынадай критерийлердi:
1) әлеуеттi өнiм берушiде:
өткiзiлетiн мемлекеттiк сатып алудың нысанасы болып табылатын тауарлар, жұмыстар, көрсетiлетiн қызметтер нарығында жұмыс тәжiрибесiнiң;
Қазақстан Республикасының техникалық реттеу туралы заңнамасына сәйкес ұсынылатын тауарларды ерiктi түрде сертификаттауды растайтын құжаттың;
ұлттық стандарт талаптарына сәйкес сапаның сертификатталған менеджмент жүйесiнiң (сертификатталған жүйелерiнiң);
ұлттық стандарттар талаптарына сәйкес қоршаған ортаны басқару менеджментiнiң сертификатталған жүйесiнiң (сертификатталған жүйелерiнiң) және (немесе) Қазақстан Республикасының техникалық реттеу туралы заңнамасына сәйкес экологиялық таза өнiм стандартына сәйкестiгіне растаудың болуын;
2) тауарлардың функционалдық, техникалық, сапалық сипаттамаларын және (немесе) сатып алынатын тауарларды пайдалануға, оларға техникалық қызмет көрсетуге және оларды жөндеуге арналған шығыстарды.»;
5 және 5-1-тармақтар алып тасталсын;
6-тармақ мынадай мазмұндағы үшінші бөлікпен толықтырылсын:
«Осы Заңның 7-бабы 5-тармағының 1), 2) және 2-1) тармақшаларына сәйкес айқындалған мемлекеттік сатып алуды бірыңғай ұйымдастырушы әзірлеген конкурстық құжаттаманы мемлекеттік сатып алуды бірыңғай ұйымдастырушының бірінші басшысы не оның міндетін атқаратын адам бекiтедi.»;
18) 18, 19 және 20-баптар мынадай редакцияда жазылсын:
«18-бап. Конкурс тәсiлiмен мемлекеттiк сатып алуды жүзеге асыру туралы хабарлама
Мемлекеттiк сатып алуды ұйымдастырушы конкурстық құжаттама бекiтiлген күннен бастап үш жұмыс күнiнен кешiктiрмей, бiрақ әлеуеттi өнiм берушiлердiң конкурсқа қатысуға өтiнiмдер ұсынуының соңғы күнiне дейiн кемiнде күнтiзбелiк жиырма күн бұрын конкурс тәсiлiмен электрондық мемлекеттiк сатып алуды жүзеге асыру туралы хабарландырудың мәтінін мемлекеттiк сатып алу веб-порталында жариялауға міндетті.
Конкурс тәсiлiмен электрондық мемлекеттiк сатып алуды қайтадан жүзеге асырған жағдайда мемлекеттiк сатып алуды ұйымдастырушы конкурстық құжаттама бекiтiлген күннен бастап үш жұмыс күнiнен кешiктiрмей, бiрақ конкурсқа қатысуға өтiнiмдер ұсынудың соңғы күнiне дейiн кемiнде күнтiзбелiк он күн бұрын, мемлекеттiк сатып алу веб-порталында конкурс тәсiлiмен электрондық мемлекеттiк сатып алуды қайтадан жүзеге асыру туралы хабарландыру мәтiнiн жариялауға мiндеттi.
19-бап. Конкурстық құжаттаманы ұсыну
Мемлекеттiк сатып алуды ұйымдастырушы конкурстық құжаттаманы мемлекеттiк сатып алу веб-порталында бекiтiлген конкурстық құжаттаманы жариялау арқылы мүдделi адамдарға ұсынады.
Конкурс тәсілімен электрондық мемлекеттiк сатып алуға қатысуға ниет білдірген мемлекеттiк сатып алу веб-порталындағы конкурстық құжаттаманың көшірмесін алған адамдар туралы мәліметтер мемлекеттiк сатып алу веб-порталында автоматты түрде тіркеледі.
20-бап. Конкурстық құжаттаманың ережелерiн түсiндiру
1. Өздері туралы мәлiметтер мемлекеттiк сатып алу веб-порталында автоматты түрде тiркелген адамдар осы Заңның 19-бабына сәйкес конкурсқа қатысуға өтiнiмдер берудiң соңғы мерзiмi өткенге дейiн кемінде күнтiзбелiк бес күн бұрын мемлекеттiк сатып алуды ұйымдастырушыға конкурстық құжаттаманың ережелерiн түсiндiру туралы сауалмен жүгiнуге құқылы. Конкурстық құжаттаманың ережелерiн түсiндiру туралы сауал конкурстық құжаттамада көрсетiлген тәсiлдермен мемлекеттiк сатып алуды ұйымдастырушыға жiберiлуге тиiс.
Мемлекеттiк сатып алуды ұйымдастырушы сауалды алған күннен бастап екі жұмыс күнi iшiнде оған жауап беруге және сауалдың кiмнен келiп түскенiн көрсетпестен конкурстық құжаттаманы алған әлеуетті өнім берушілерді автоматты түрде хабардар ете отырып, мемлекеттік сатып алу веб-порталында конкурстық құжаттаманың ережелерін түсіндіру мәтінін жариялауға міндетті.
2. Мемлекеттiк сатып алуды ұйымдастырушы конкурсқа қатысуға өтiнiмдер табыс етудiң соңғы күнi өткенге дейiн күнтiзбелiк үш күн мерзiмiнен кешiктiрмей өз бастамасы бойынша немесе осы Заңның 19-бабына сәйкес өздерi туралы мәлiметтер мемлекеттiк сатып алу веб-порталында автоматты түрде тiркелген адамдардың сауалына жауап ретiнде конкурстық құжаттамаға өзгерiстер және (немесе) толықтырулар енгiзуге құқылы. Конкурстық құжаттамаға өзгерiстер және (немесе) толықтырулар енгiзу осы Заңның 17-бабының 6-тармағында белгіленген тәртiппен бекiтiледi.
Мемлекеттiк сатып алуды ұйымдастырушы конкурстық құжаттамаға өзгерістер және (немесе) толықтырулар енгізу туралы шешім қабылданған күннен бастап бір жұмыс күнінен кешіктірмей енгізілген өзгерістердің және (немесе) толықтырулардың мәтінін өздері туралы мәліметтер осы Заңның 19-бабына сәйкес мемлекеттік сатып алу веб-порталында автоматты түрде тіркелген адамдарға жіберуге міндетті.
Конкурсқа қатысуға өтiнiмдер берудiң соңғы мерзiмi кемiнде күнтiзбелiк он күн мерзiміне ұзартылуға тиiс.»;
19) 21-баптың 2-тармағының екінші бөлігі мынадай редакцияда жазылсын:
«Конкурсқа қатысуға өтінімде қамтылуға тиiс мәлiметтер, сондай-ақ құжаттар электрондық мемлекеттік сатып алуды өткізу қағидаларында айқындалады.»;
20) 22-бап мынадай редакцияда жазылсын:
«22-бап. Конкурсқа қатысуға өтiнiмдер ұсыну
1. Әлеуеттi өнiм берушi конкурсқа қатысуға өтiнiмдi ұсынудың конкурстық құжаттамада көрсетiлген соңғы мерзiмi өткенге дейiн оны мемлекеттiк сатып алуды ұйымдастырушыға мемлекеттiк сатып алу веб-порталы арқылы электрондық құжат нысанында ұсынады.
Әлеуеттi өнiм берушiнiң конкурсқа қатысуға өтiнiмi:
1) әлеуеттi өнiм берушi бұрын осы конкурсқа қатысуға өтiнiм берген;
2) конкурсқа қатысуға өтiнiм мемлекеттiк сатып алу веб-порталына осы конкурсқа қатысуға өтiнiмдердi қабылдаудың соңғы мерзiмi өткеннен кейiн келiп түскен;
3) осы Заңның 6-бабы 1-тармағының 3), 3-1), 3-2) және 4) тармақшаларында көзделген жағдайларда оны мемлекеттiк сатып алу веб-порталының автоматты түрде қабылдамауына жатады.
2. Конкурс тәсiлiмен электрондық мемлекеттiк сатып алуға қатысуға әлеуеттi өнiм берушiлер берген өтiнiмдер мемлекеттiк сатып алу веб-порталында электрондық мемлекеттiк сатып алуды өткiзу қағидаларында көзделген конкурсқа қатысуға өтiнiмдердi электрондық тiркеу журналында автоматты түрде тiркеледi.
3. Әлеуеттi өнiм берушi конкурсқа қатысуға өтiнiмдердi ұсыну мерзiмi аяқталған кезден кешiктiрмей:
1) конкурсқа қатысуға енгiзiлген өтiнiмдi өзгертуге және (немесе) толықтыруға;
2) конкурсқа қатысуға өзi енгiзген өтiнiмдi қамтамасыз етудi қайтарып алу құқығын жоғалтпастан, өзiнiң конкурсқа қатысуға өтiнiмiн керi қайтарып алуға құқылы.
Конкурс тәсiлiмен электрондық мемлекеттiк сатып алуға қатысуға өтiнiмдердi ұсынудың соңғы мерзiмi өткеннен кейiн конкурсқа қатысуға өтiнiмге өзгерiстер және (немесе) толықтырулар енгiзуге, сол сияқты оны керi қайтарып алуға жол берiлмейдi.
4. Мемлекеттiк сатып алуды ұйымдастырушы конкурсқа қатысуға өтiнiмдердiң конкурстық құжаттамада белгiленген қолданылу мерзiмi өткенге дейiн күнтiзбелiк он күннен кешiктiрмей әлеуеттi өнiм берушiлерден олардың қолданылу мерзiмiн нақты уақыт кезеңiне ұзартуды сұратуға құқылы. Әлеуеттi өнiм берушi:
1) өзiнiң конкурсқа қатысуға өтiнiмiнiң қолданылу мерзiмi iшiнде конкурс тәсiлiмен өткiзiлетiн мемлекеттiк сатып алуға қатысу;
2) мұндай өтiнiмнiң қолданылу мерзiмi өткеннен кейiн өзi енгiзген конкурсқа қатысуға өтiнiмдi қамтамасыз етудi қайтарып алу құқығын жоғалтпастан, мұндай сауалды қабылдамауға құқылы.
5. Әлеуеттi өнiм берушi конкурс тәсiлiмен мемлекеттiк сатып алуға өзiнiң қатысуына байланысты барлық шығыстарды көтередi. Тапсырыс берушiнiң, мемлекеттiк сатып алуды ұйымдастырушының, мемлекеттік сатып алуды бірыңғай ұйымдастырушының, конкурстық комиссияның, сараптама комиссиясының, сарапшының, конкурс тәсiлiмен мемлекеттiк сатып алудың қорытындыларына қарамастан, мұндай шығыстарды өтеу жөнiндегi мiндеттемелердi мойнына алмайды.»;
21) 23-бап алып тасталсын;
22) 23-1-баптың 4-тармағының 1) тармақшасы мынадай редакцияда жазылсын:
«1) осы Заңның 26-1-бабының 2-тармағына сәйкес конкурстық баға ұсынысын бермеген, конкурсқа қатысушы деп танылған әлеуетті өнім берушіні қоспағанда, конкурсқа қатысушы деп танылған әлеуеттi өнiм берушi өзiнiң конкурстық баға ұсынысын белгiленген мерзiмде бермеген не керi қайтарып алған;»;
23) 24-бап алып тасталсын;
24) 25-бап мынадай редакцияда жазылсын:
«25-бап. Жұмыстар бойынша конкурсқа қатысуға өтiнiмдердi қарау, конкурсқа қатысуға рұқсат беру
1. Конкурстық комиссия конкурсқа қатысуға өтiнiмдердi қарауды бiлiктiлiк талаптарына және конкурстық құжаттаманың талаптарына сәйкес келетiн әлеуеттi өнiм берушiлердi айқындау және оларды конкурсқа қатысушы деп тану мақсатында жүзеге асырады.
2. Конкурстық комиссия конкурсқа қатысуға өтінімдерді қарау кезінде біліктілік талаптарына және конкурстық құжаттаманың талаптарына сәйкес келмейтін әлеуетті өнім берушілерді анықтайды.
3. Мемлекеттiк сатып алуды ұйымдастырушы әлеуеттi өнiм берушiлер ұсынатын жұмыстардың конкурстық құжаттаманың ажырамас бөлiгi болып табылатын техникалық өзіндік ерекшелiкке сәйкестігіне қатысты сараптама қорытындысын дайындауы үшiн сараптама комиссиясын құруға не сарапшыны айқындауға құқылы.
Осы Заңның 7-бабы 5-тармағының 1), 2) және 3) тармақшаларына сәйкес айқындалған мемлекеттік сатып алудың бірыңғай ұйымдастырушысы мемлекеттік сатып алуды ұйымдастыру және өткізу кезінде тапсырыс беруші конкурстық құжаттаманың ажырамас бөлігі болып табылатын әлеуетті өнім беруші ұсынатын техникалық өзіндік ерекшеліктерге жұмыстардың сәйкестігіне қатысты сараптама қорытындысын дайындау үшін сараптама комиссиясын құрады не сарапшыны айқындайды.
Мемлекеттiк сатып алуды ұйымдастырушыда не тапсырыс берушіде тиiстi бейiндегi мамандар болмаған жағдайда, ол мемлекеттiк қызметшiлердi не сатып алынатын тауарларға және көрсетілетін қызметтерге мамандығы сәйкес келетiн өзге мамандарды сарапшылар ретiнде жұмысқа тартады. Мемлекеттiк қызметшiлер сарапшылар ретiнде өтемсiз негiзде тартылады, ал өзге де мамандар тараптардың уағдаластығы бойынша ақылы да, өтемсiз де негiзде тартылады.
Сарапшылардың конкурстық комиссия шешiм қабылдаған кезде дауыс беруге құқығы жоқ.
Ақылы негiзде сарапшылар ретiнде тартылатын адамдарды таңдау осы Заңға сәйкес жүзеге асырылады.
4. Әлеуетті өнім берушілердің біліктілік талаптарына және конкурстық құжаттаманың талаптарына сәйкес келмеуі нысанасына конкурсқа қатысуға өтінімдерді қарау нәтижелері бойынша әлеуетті өнім берушілердің конкурсқа қатысуына алдын ала рұқсат беру туралы шешім қабылданған күні төраға және конкурстық комиссия отырысына қатысушы барлық мүшелері, сондай-ақ конкурс комиссиясының хатшысы қол қоятын конкурсқа қатысуға алдын ала рұқсат беру хаттамасы ресімделеді.
Конкурсқа қатысуға рұқсат берудің алдын ала хаттамасы әлеуетті өнім берушілердің біліктілік талаптарына және конкурстық құжаттаманың талаптарына сәйкес еместігі туралы себептерін көрсете отырып, ақпаратты қамтуға тиіс.
Әлеуетті өнім берушілер біліктілік талаптарына және конкурстық құжаттаманың талаптарына сәйкес келген жағдайда конкурсқа қатысуға рұқсат берудің алдын ала хаттамасы ресімделмейді.
5. Конкурстық комиссия біліктілік талаптарына және конкурстық құжаттаманың талаптарына сәйкес келмейтін әлеуетті өнім берушілерді анықтаған жағдайда, мұндай әлеуетті өнім берушілерге конкурсқа қатысуға алдын ала рұқсат беру хаттамасы жарияланған күннен бастап үш жұмыс күні ішінде конкурсқа қатысуға өтінімдерді біліктілік талаптарына және конкурстық құжаттаманың талаптарына сәйкес келтіруге құқық береді.
6. Осы баптың 5-тармағына сәйкес келтірілген конкурсқа қатысуға өтiнiмдердi қайта қарау кезiнде конкурстық комиссия:
1) конкурсқа қатысуға өтiнiмдердi қарауды, бағалауды және салыстыруды жеңiлдету үшiн әлеуеттi өнiм берушiлерден олардың өтiнiмдерiне байланысты материалдар мен түсiндiрмелердi жазбаша нысанда және (немесе) электрондық құжат нысанында сұратуға;
2) конкурсқа қатысуға өтiнiмдерде қамтылған мәлiметтердi нақтылау мақсатында қажеттi ақпаратты тиiстi жеке немесе заңды тұлғалардан, мемлекеттiк органдардан жазбаша нысанда және (немесе) электрондық құжат нысанында сұратуға құқылы.
Осы баптың 5-тармағында көзделген конкурсқа қатысуға өтінімдерді біліктілік талаптарына және конкурстық құжаттаманың талаптарына сәйкес келтіру мерзімі өткеннен кейін конкурсқа қатысуға өтiнiмдi жеткiлiксiз құжаттармен толықтырудан, конкурсқа қатысуға өтiнiмде ұсынылған құжаттарды ауыстырудан, тиісінше ресiмделмеген құжаттарды сәйкестікке келтіруден көрiнетiн конкурсқа қатысуға өтiнiмдi конкурстық құжаттаманың талаптарына сәйкес келтiруге байланысты конкурстық комиссияның сауал жiберуiне және өзге де iс-әрекеттерiне жол берiлмейдi.
Конкурстық комиссия, егер конкурсқа қатысуға өтiнiмде оның мәнiн қозғамай түзетуге болатын грамматикалық немесе арифметикалық қателер болса, конкурсқа қатысуға өтiнiмдi конкурстық құжаттаманың талаптарына сай келетін өтiнiм ретiнде қарайды.
7. Әлеуеттi өнiм берушi конкурсқа қатысуға өтінімдерді осы баптың 5-тармағына сәйкес келтіргеннен кейін, егер:
1) осы Заңда және электрондық мемлекеттiк сатып алуды өткiзу қағидаларында айқындалған негiздер бойынша оның және (немесе) оның қосалқы мердiгерiнiң бiлiктiлiк талаптарына сәйкес келмейтiндiгi айқындалса;
2) ол осы Заңның 6-бабының талаптарын бұзса;
3) осы Заңда және электрондық мемлекеттiк сатып алуды өткiзу қағидаларында айқындалған негiздер бойынша оның конкурсқа қатысуға өтiнiмiнiң конкурстық құжаттаманың талаптары мен шарттарына сәйкес келмейтiндiгi айқындалса конкурсқа қатысуға жiберiлмейдi (конкурсқа қатысушы деп танылмайды).
8. Егер әлеуеттi өнiм берушi осы баптың 6-тармағының 2) тармақшасында көзделген негiздер бойынша конкурсқа қатысуға жiберiлмесе:
1) конкурсқа қатысуға рұқсат беру туралы хаттамада осындай әлеуеттi өнiм берушiнiң конкурсқа қатысуға өтiнiмiн қабылдамаудың негiздемелерi көрсетiледi;
2) осы Заңның 6-бабының талаптарын бұзған әлеуеттi өнiм берушi туралы мәлiметтер мемлекеттiк сатып алуға жосықсыз қатысушылардың тiзiлiмiне енгiзiлуге жатады.
9. Конкурстық комиссия конкурсқа қатысуға өтiнiмдердi қайта қарау нәтижелерi бойынша:
1) бiлiктiлiк талаптарына және конкурстық құжаттаманың талаптарына сәйкес келетiн әлеуеттi өнiм берушiлердi айқындайды және оларды конкурсқа қатысушылар деп таниды;
2) конкурсқа қатысушыларға осы Заңның 17-бабының 4-тармағында көзделген критерийлердiң салыстырмалы мәнiн қолданады;
3) конкурсқа қатысуға рұқсат беру туралы хаттаманы ресiмдейдi.
Егер конкурс тәсiлiмен мемлекеттiк сатып алу лоттардан тұрса, онда конкурсқа қатысуға рұқсат беру туралы хаттамада әрбiр лот бойынша конкурсқа қатысушылар көрсетiледi. Конкурсқа қатысуға рұқсат беру туралы жалпы хаттаманы онда әрбiр лот бойынша конкурсқа қатысушыларды көрсету шартымен ресiмдеуге жол берiледi.
10. Конкурсқа қатысуға рұқсат беру туралы хаттамаға конкурстық комиссияның төрағасы және отырысқа қатысқан барлық мүшелерi, сондай-ақ конкурстық комиссияның хатшысы әлеуеттi өнiм берушiлердiң конкурсқа қатысуына рұқсат беру (конкурсқа қатысушылар деп тану) туралы шешiм қабылданған күнi қол қояды.
Конкурсқа қатысуға рұқсат беру туралы хаттаманы конкурстық комиссияның хатшысы рұқсат беру туралы шешiм қабылданған күнi, өтінімдері осы Заңның 22-бабының 2-тармағына сәйкес электрондық тiркеу журналында автоматты түрде тіркелген барлық әлеуеттi өнiм берушiлерге электрондық почта бойынша автоматты түрде хабарлай отырып, мемлекеттiк сатып алу веб-порталында жариялайды.
11. Конкурстық комиссияның конкурсқа қатысуға рұқсат беру туралы шешiмiне осы Заңның 45-бабында белгiленген тәртiппен шағым жасалуы мүмкiн.»;
25) мынадай мазмұндағы 25-1-баппен толықтырылсын:
«25-1-бап. Тауарлар мен көрсетілетін қызметтер бойынша конкурсқа қатысуға өтінімдерді қарау, конкурсқа қатысуға рұқсат беру
1. Конкурстық комиссия конкурсқа қатысуға өтiнiмдердi қарауды бiлiктiлiк талаптарына, конкурстық құжаттаманың талаптарына сәйкес келетін әлеуеттi өнiм берушiлердi айқындау, оның ішінде үздік техникалық өзіндік ерекшелікті (үздік техникалық өзіндік ерекшеліктерді) айқындау бөлігінде және оларды конкурс қатысушылары деп тану мақсатында жүзеге асырады.
2. Мемлекеттiк сатып алуды ұйымдастырушы әлеуеттi өнiм берушiлер ұсынатын тауарлардың және көрсетiлетiн қызметтердiң конкурстық құжаттаманың үздік техникалық өзіндік ерекшелікті (үздік техникалық ерекшеліктерді) айқындаудың ажырамас бөлiгi болып табылатын техникалық ерекшелiкке сәйкес келуiне қатысты сараптама қорытынды әзiрлеу және үздік техникалық өзіндік ерекшелікті айқындау үшiн сараптама комиссиясын құруға не сарапшыны айқындауға құқылы.
Мемлекеттік сатып алуды осы Заңның 7-бабы 5-тармағының 1), 2) және 3) тармақшаларына сәйкес айқындалған мемлекеттік сатып алудың бірыңғай ұйымдастырушысы ұйымдастырған және жүргізген кезде тапсырыс беруші әлеуетті өнім беруші ұсынатын тауарлар мен көрсетілетін қызметтердің үздік техникалық өзіндік ерекшеліктерге сәйкестігіне қатысты, конкурстық құжаттаманың ажырамас бөлігі болып табылатын сараптама қорытындыны дайындау және үздік техникалық ерекшелікті (үздік техникалық ерекшеліктерді) анықтау үшін сараптама комиссиясы құрады не сарапшыны анықтайды.
Мемлекеттiк сатып алуды ұйымдастырушыда не тапсырыс берушіде тиiстi бейiндегi мамандар болмаған жағдайда, ол мемлекеттiк қызметшiлердi не сатып алынатын тауарларға және көрсетілетін қызметтерге мамандығы сәйкес келетiн өзге де мамандарды сарапшылар ретiнде жұмысқа тартады. Мемлекеттiк қызметшiлер сарапшылар ретiнде өтеусiз негiзде тартылады, ал өзге мамандар тараптардың уағдаластығы бойынша ақылы да, өтеусiз де негiзде тартылады.
Конкурстық комиссия шешiм қабылдаған кезде сарапшылардың дауыс беруге құқығы жоқ.
Ақылы негiзде сарапшылар ретiнде тартылатын адамдарды таңдау осы Заңға сәйкес жүзеге асырылады.
3. Конкурсқа қатысуға өтінімдерді қарау кезінде конкурстық комиссия біліктілік талаптарына және конкурстық құжаттама талаптарына сәйкес келмейтін әлеуетті өнім берушілерді анықтайды.
4. Әлеуетті өнім берушілердің біліктілік талаптарына және конкурстық құжаттама талаптарына сәйкес келмеуі нысанасына конкурсқа қатысуға өтінімдерді қарау нәтижелері бойынша конкурсқа қатысуға алдын ала рұқсат беру хаттамасы ресімделеді, оған конкурстық комиссияның төрағасы және отырысқа қатысқан барлық мүшелерi, сондай-ақ конкурстық комиссияның хатшысы әлеуетті өнім берушілерге конкурсқа қатысуға алдын ала рұқсат беру туралы шешім қабылданған күні қол қояды.
Конкурсқа қатысуға алдын ала рұқсат беру хаттамасында әлеуетті өнім берушілердің біліктілік талаптарына және конкурстық құжаттама талаптарына сәйкес еместігі туралы себептер көрсетілген ақпарат қамтылуға тиіс.
Әлеуетті өнім берушілер біліктілік талаптарына және конкурстық құжаттама талаптарына сәйкес келген жағдайда конкурсқа қатысуға алдын ала рұқсат беру хаттамасы ресімделмейді.
Бұл ретте үздік техникалық өзіндік ерекшелікті (үздік техникалық өзіндік ерекшеліктерді) анықтай отырып, конкурсқа қатысуға рұқсат беру хаттамасы ресімделеді.
5. Конкурстық комиссия, біліктілік талаптарына және конкурстық құжаттама талаптарына сәйкес келмейтін әлеуетті өнім берушілер анықталған жағдайда, мұндай әлеуетті өнім берушілерге конкурсқа қатысуға өтінімдерін конкурсқа қатысуға алдын ала рұқсат беру хаттамасы жарияланған күннен бастап үш жұмыс күні ішінде біліктілік талаптарына және конкурстық құжаттама талаптарына сәйкес келтіру үшін құқық береді.
6. Осы баптың 5-тармағына сәйкес келтірілген конкурсқа қатысуға өтiнiмдерді қайта қарау кезiнде конкурстық комиссия:
1) конкурсқа қатысуға өтiнiмдердi қарауды, бағалауды және салыстыруды жеңiлдету үшiн әлеуеттi өнiм берушiлерден олардың өтiнiмдерiне байланысты материалдар мен түсiндiрмелердi жазбаша нысанда және (немесе) электрондық құжат нысанында сұратуға;
2) конкурсқа қатысуға өтiнiмдерде қамтылған мәлiметтердi нақтылау мақсатында тиiстi жеке немесе заңды тұлғалардан, мемлекеттiк органдардан қажеттi ақпаратты жазбаша нысанда және (немесе) электрондық құжат нысанында сұратуға құқылы.
Конкурсқа қатысуға өтінімді жетіспеген құжаттармен толықтыру, конкурсқа қатысуға өтінімде ұсынылған құжаттарды ауыстыру, тиісті түрде рәсімделмеген құжаттарды конкурсқа қатысуға өтінімдерді осы баптың 5-тармағында көзделген біліктілік талаптарына және конкурстық құжаттама талаптарына сәйкес келтіру мерзімі өтіп кеткеннен кейін сәйкес келтіру тұрғысынан конкурсқа қатысуға өтінімді конкурстық құжаттаманың талаптарына сәйкес келтіруге байланысты конкурстық комиссияның сауал жіберуіне және өзге де әрекеттеріне жол берілмейді.
Конкурстық комиссия, егер конкурсқа қатысуға өтiнiмде оның мәнiн қозғамай түзетуге болатын грамматикалық немесе арифметикалық қателер бар болса, конкурсқа қатысуға өтiнiмдi конкурстық құжаттаманың талаптарына сай келетін өтiнiм ретiнде қарайды.
7. Әлеуеттi өнiм берушi, егер:
1) осы Заңда және электрондық мемлекеттiк сатып алуды өткiзу қағидаларында айқындалған негiздер бойынша оның және (немесе) оның бiрлесіп орындаушысының бiлiктiлiк талаптарына сәйкес келмейтiндiгi айқындалса;
2) ол осы Заңның 6-бабының талаптарын бұзса;
3) осы Заңда және электрондық мемлекеттiк сатып алуды өткiзу қағидаларында айқындалған негiздер бойынша оның конкурсқа қатысуға өтiнiмiнiң конкурстық құжаттаманың талаптары мен шарттарына сәйкес келмейтiндiгi айқындалса, конкурсқа қатысуға өтінімдер осы баптың
5-тармағына сәйкес келтірілгеннен кейін конкурсқа қатысуға жiберiлмейдi (конкурсқа қатысушы деп танылмайды).
8. Егер әлеуеттi өнiм берушi осы баптың 7-тармағының 2) тармақшасында көзделген негiздер бойынша конкурсқа қатысуға жiберiлмесе, онда:
1) конкурсқа қатысуға рұқсат беру туралы хаттамада осындай әлеуеттi өнiм берушiнiң конкурсқа қатысуға өтiнiмiн қабылдамаудың негiздемелерi көрсетiледi;
2) осы Заңның 6-бабының талаптарын бұзған әлеуеттi өнiм берушi туралы мәлiметтер мемлекеттiк сатып алуға жосықсыз қатысушылардың тiзiлiмiне енгiзілуге жатады.
9. Конкурстық комиссия конкурсқа қатысуға өтiнiмдердi қайта қарау нәтижелерi бойынша:
1) бiлiктiлiк талаптарына және конкурстық құжаттаманың талаптарына сәйкес келетiн әлеуеттi өнiм берушiлердi айқындайды және оларды конкурсқа қатысушылар деп таниды;
2) конкурсқа қатысуға өтінімдерде қамтылған үздік техникалық өзіндік ерекшелікті (үздік техникалық өзіндік ерекшеліктерді), оның ішінде сараптама комиссиясының (сарапшының) қорытындысын ескере отырып, айқындайды;
3) конкурсқа қатысушыларға осы Заңның 17-бабының 4-тармағында көзделген критерийлердiң салыстырмалы мәнiн қолданады;
4) конкурсқа қатысуға рұқсат беру туралы хаттаманы ресiмдейдi.
Егер конкурс тәсiлiмен мемлекеттiк сатып алу лоттардан тұрса, онда конкурсқа қатысуға рұқсат беру туралы хаттамада әрбiр лот бойынша конкурсқа қатысушылар көрсетiледi. Конкурсқа қатысуға рұқсат беру туралы жалпы хаттаманы онда әрбiр лот бойынша конкурсқа қатысушыларды көрсету шартымен ресiмдеуге жол берiледi.
10. Конкурсқа қатысуға рұқсат беру туралы хаттамаға конкурстық комиссияның төрағасы және отырысқа қатысқан барлық мүшелерi, сондай-ақ конкурстық комиссияның хатшысы әлеуеттi өнiм берушiлердiң конкурсқа қатысуына рұқсат беру (конкурсқа қатысушылар деп тану) туралы шешiм қабылданған күні қол қояды.
Конкурсқа қатысуға рұқсат беру туралы хаттаманы конкурстық комиссияның хатшысы рұқсат беру туралы шешім қабылданған күні, өтінімдері осы Заңның 22-бабының 2-тармағына сәйкес электрондық тіркеу журналында автоматты түрде тіркелген барлық әлеуетті өнім берушілерге электорондық почта арқылы хабарлай отырып, мемлекеттік сатып алу веб-сайтында жариялайды.
11. Конкурстық комиссияның конкурсқа қатысуға рұқсат беру туралы шешiмiне осы Заңның 45-бабында белгiленген тәртiппен шағым жасалуы мүмкiн.
12. Үздік техникалық ерекшелікті (үздік техникалық ерекшеліктерді) анықтау оның (олардың) болмауы себебінен мүмкін болмаған жағдайда тапсырыс беруші мәлімдеген техникалық және сапалық сипаттамаларға сәйкес келетін техникалық ерекшеліктер қарауға жатады.»;
26) 26-бап алып тасталсын;
27) 26-1-бапта:
2-тармақ мынадай редакцияда жазылсын:
«2. Жұмыстарды мемлекеттік сатып алуды жүзеге асыру кезінде конкурсқа қатысуға жіберілген (конкурсқа қатысушы деп танылған) әлеуеттi өнiм берушi рұқсат беру туралы хаттама жарияланған сәттен бастап үш жұмыс күнiнен кешiктiрмей мемлекеттiк сатып алу веб-порталына конкурстық баға ұсыныстарын беруге тиiс.
Тауарларды және көрсетілетін қызметтерді мемлекеттік сатып алуды жүзеге асыру кезінде конкурсқа қатысуға жіберілген (конкурсқа қатысушы деп танылған) әлеуеттi өнiм берушi рұқсат беру туралы хаттама жарияланған сәттен бастап үш жұмыс күнiнен кешiктiрмей мемлекеттiк сатып алу веб-порталына осы Заңның 25-1-бабының 4-тармағына сәйкес алдын ала рұқсат беру хаттамасында көзделген бір техникалық ерекшелікке конкурстық баға ұсыныстарын электрондық мемлекеттік сатып алу өткізу қағидаларында көзделген тәртіппен береді.
Техникалық ерекшелігі үздік деп анықталмаған, конкурсқа қатысуға жіберілген (конкурсқа қатысушы деп танылған) әлеуеттi өнiм берушi осы Заңның 25-1-бабына сәйкес конкурстық баға ұсыныстарын бермеуге құқылы.»;
5-тармақтың үшінші бөлігі мынадай редакцияда жазылсын:
«Конкурстық баға ұсыныстарының шартты бағалары тең болған кезде конкурстың мәні болып табылатын сатып алынатын тауарлар, жұмыстар, көрсетiлетiн қызметтер нарығында мол жұмыс тәжiрибесi бар әлеуетті өнім беруші жеңiмпаз деп танылады. Тең шартты бағалары бар бірнеше әлеуетті өнім берушінің жұмыс тәжірибесі тең болған кезде конкурстық баға ұсынысы басқа әлеуетті өнім берушілердің ұсыныстарынан бұрын келіп түскен әлеуетті өнім беруші жеңiмпаз деп танылады.»;
28) 27-бап мынадай редакцияда жазылсын:
«27-бап. Конкурс тәсiлiмен мемлекеттiк сатып алудың қорытындылары туралы хаттама
1. Конкурс тәсiлiмен мемлекеттiк сатып алудың қорытындылары туралы хаттама конкурстық комиссияның барлық мүшелерін және әлеуетті өнім берушілер туралы мәліметтер конкурстық баға ұсыныстарын тіркеу журналына енгізілгендердің барлығын электрондық пошта арқылы бір уақытта хабардар ете отырып, мемлекеттiк сатып алу веб-порталында автоматты түрде қалыптастырылады және жарияланады.
2. Тапсырыс беруші мемлекеттiк сатып алу веб-порталында конкурс тәсiлiмен мемлекеттiк сатып алу қорытындылары туралы хаттама жарияланған күннен бастап бес жұмыс күні ішінде ол бойынша конкурс жеңімпазы анықталған техникалық ерекшелікті көрсете отырып, мемлекеттiк сатып алу туралы шарт жобасына қол қояды және конкурс жеңімпазына жібереді.»;
29) 29-бап мынадай мазмұндағы 3-тармақпен толықтырылсын:
«3. Әлеуетті өнім беруші егер екі кезеңді рәсімдерді пайдалана отырып, конкурс тәсілімен мемлекеттік сатып алудың бірінші кезеңіне қатысса, ол конкурсқа қатысуға өтінімді қамтамасыз етуді енгізбейді.»;
30) 31-баптың 1-тармағының 2) тармақшасы мынадай редакцияда жазылсын:
«2) олар болған кезде ұлттық немесе үкіметтік емес стандартты көрсете отырып, сатып алынатын тауарлардың, жұмыстардың, көрсетiлетiн қызметтердің қысқаша сипаттамасы;»;
31) 32 баптың 3) және 5) тармақшалары мынадай редакцияда жазылсын:
«3) егер осындай мемлекеттiк сатып алу тапсырыс берушiнiң мемлекеттiк сатып алуды өткiзу, бiрақ екi айдан аспайтын мерзiм iшiндегi қажеттiлiгiн қамтамасыз етуге қажеттi осындай тауарларды, жұмыстарды, көрсетiлетiн қызметтердi мемлекеттiк сатып алу көлемiнен аспайтын көлемде, Қазақстан Республикасының Үкiметi бекiткен тiзбе бойынша жылдың бiрiншi айы iшiнде жүзеге асырылған жағдайда, конкурс не аукцион тәсiлiмен мемлекеттiк сатып алу қорытындысын шығарғанға және мемлекеттiк сатып алу туралы шарт күшiне енгенге дейiнгi кезеңге күнделiктi және (немесе) апта сайынғы қажеттiлiктi мемлекеттiк сатып алуды жүзеге асыруға қажеттiлiк болса;»;
«5) аукцион тәсiлiмен мемлекеттiк сатып алу өтпедi деп танылса жүргізілуі мүмкін. Осы ереже аукцион тәсiлiмен мемлекеттiк сатып алу Қазақстан Республикасының заңдарына сәйкес жарамсыз деп танылған жағдайларға қолданылмайды;»;
32) 33-баптың 1-тармағының 2) тармақшасы мынадай редакцияда жазылсын:
«2) сатып алынатын тауарлардың, жұмыстардың көрсетiлетiн қызметтердiң, олар болған кезде ұлттық немесе үкіметтік емес стандартын көрсете отырып, сипаттамасы және талап етiлетiн техникалық, сапалық және пайдалану сипаты.
Сатып алынатын жұмыстардың сипаттамасы және талап етiлетiн техникалық, сапалық және пайдалану сипатының орнына жобалау-сметалық құжаттаманы талап ететін жұмыстарды мемлекеттiк сатып алуды жүзеге асыру кезiнде шақыруда белгіленген тәртіппен бекітілген жобалау-сметалық құжаттама қамтылуға тиіс;»;
33) 35-баптың 2-тармағы мынадай мазмұндағы екінші бөлікпен толықтырылсын:
«Тауарды, жұмысты, көрсетiлетiн қызметті жеткізетін (орындайтын, көрсететін) бірнеше орын болған жағдайда аукцион тәсілімен өткізілетін лотта тауарды, жұмысты, көрсетiлетiн қызметті жеткізетін (орындайтын, көрсететін) бірнеше орынды көрсетуге жол беріледі.»;
34) 35-1-бапта:
2-тармақта:
бірінші бөліктің бірінші абзацы мынадай редакцияда жазылсын:
«2. Осы Заңның 8-бабында белгiленген жалпы және арнайы бiлiктiлiк талаптарынан басқа аукциондық құжаттамада мынадай мәлiметтер қамтылады:»;
2) тармақша мынадай редакцияда жазылсын:
«2) олар болған кезде ұлттық немесе үкіметтік емес стандартты, ал егер қажет болған кезде нормативтік-техникалық құжаттаманы көрсете отырып, сатып алынатын тауарлардың, жұмыстардың, көрсетiлетiн қызметтердiң сипаттамасы және талап етiлетiн техникалық, сапалық және пайдалану сипаты.
Сатып алынатын жұмыстардың сипаттамасы және талап етiлетiн техникалық, сапалық және пайдалану сипатының орнына жобалау-сметалық құжаттаманы талап ететін жұмыстарды мемлекеттiк сатып алуды жүзеге асыру кезiнде аукциондық құжаттамада белгіленген тәртіппен бекітілген жобалау-сметалық құжаттама қамтылуы тиіс;»;
35) 35-1-баптың 4-тармағы мынадай мазмұндағы екінші бөлікпен толықтырылсын:
«Осы Заңның 7-бабы 5-тармағының 1), 2) және 2-1) тармақшаларына сәйкес анықталған мемлекеттік сатып алудың бірыңғай ұйымдастырушысы аукцион тәсілімен мемлекеттік сатып алуды жүзеге асырған жағдайда аукциондық құжаттаманы мемлекеттік сатып алудың бірыңғай ұйымдастырушысының бірінші басшысы не оның міндетін атқарушы адам бекітеді.»;
36) 35-4-баптың 6-тармағы мынадай редакцияда жазылсын:
«6. Әлеуеттi өнiм берушi өзiнiң аукцион тәсiлiмен мемлекеттiк сатып алуға қатысуына байланысты барлық шығыстарды көтередi. Тапсырыс берушi, мемлекеттiк сатып алуды ұйымдастырушысы, мемлекеттiк сатып алуды бірыңғай ұйымдастырушы, аукциондық комиссия, сараптама комиссиясы, сарапшы, электрондық мемлекеттiк сатып алу саласындағы бiрыңғай оператор аукцион тәсiлiмен мемлекеттiк сатып алудың қорытындыларына қарамастан, мұндай шығыстарды өтеу жөнiндегi мiндеттемелердi көтермейді.»;
37) 35-8-бапта:
2-тармақ мынадай редакцияда жазылсын:
«2. Аукциондық комиссия күнтiзбелiк жетi күннен кешiктiрiлмейтiн мерзiмде аукционға қатысуға өтiнiмдердiң екiншi бөлiгiн қарайды және аукционға қатысушылар деп танылған әлеуеттi өнiм берушiлердiң аукциондық құжаттамада белгiленген бiлiктiлiк талаптарына сәйкестiгi немесе сәйкес еместiгi туралы шешiм қабылдайды.
Әлеуеттi өнiм берушi аукциондық құжаттамада белгiленген бiлiктiлiк талаптарына сәйкес еместiгi туралы шешім қабылданған жағдайда мемлекеттiк сатып алу веб-порталында аукционға қатысуға өтiнiмдердiң екiншi бөлiктерiн қарау хаттамасы ресімделеді және жарияланады, оған аукционға қатысуға өтiнiмдердiң екiншi бөлiктерiн қарау хаттамасы ресімделген күні аукциондық комиссияның төрағасы мен отырысқа қатысқан барлық мүшелері, сондай-ақ аукциондық комиссияның хатшысы қол қояды.
Аукционға қатысуға өтiнiмдердiң екiншi бөлiктерiн қарау хаттамасында әлеуеттi өнiм берушiлердің аукциондық құжаттамада белгiленген бiлiктiлiк талаптарына сәйкес келмеу себептері көрсетілген ақпарат қамтылуға тиіс.
Аукциондық комиссия аукциондық құжаттамада белгiленген бiлiктiлiк талаптарына сәйкес келмейтін әлеуеттi өнiм берушiлерді анықтаған жағдайда мұндай әлеуеттi өнiм берушiлерге аукционға қатысуға өтiнiмдердiң екiншi бөлiктерiн қарау хаттамасы жарияланған күннен бастап үш жұмыс күні ішінде аукционға қатысуға өтiнiмдердiң екiншi бөлiктерiн аукциондық құжаттамада белгiленген бiлiктiлiк талаптарына сәйкес келтіру үшін құқық береді.»;
3-тармақтың екінші бөлігі мынадай редакцияда жазылсын:
«Аукциондық комиссияның аукционға қатысуға өтiнiмді аукциондық құжаттаманың талаптарына сәйкес келтіруге байланысты, жетіспейтін құжаттармен толықтыру, аукционға қатысуға өтiнiмде ұсынылған құжаттарды ауыстыру, аукционға қатысуға өтiнiмдерді осы баптың 2-тармағының төртінші бөлігінде көзделген, аукциондық құжатамада белгіленген біліктілік талаптарына аукционға қатысуға өтінімдерді сәйкестікке келтіру мерзімі өткеннен кейін тиісінше ресімделмеген құжаттарды сәйкес келтіру сияқты сұрау салулар жіберуге және өзге де іс-қимылдарына жол берілмейді.»;
мынадай мазмұндағы 5-1-тармақпен толықтырылсын:
«5-1. Егер аукционға қатысуға өтiнiмдердiң екiншi бөлiктерiн қарау нәтижелері бойынша аукциондық комиссия аукциондық құжаттамада белгiленген бiлiктiлiк талаптарына сәйкес келеді деп бір ғана әлеуетті өнім берушіні таныған болса, онда мұндай әлеуетті өнім беруші аукцион жеңімпазы деп танылады.»;
9-тармақтың бірінші бөлігі мынадай редакцияда жазылсын:
«9. Мемлекеттiк сатып алу туралы шарт жобасына аукцион жеңiмпазы не осы баптың 10 және 11-тармақтарында көзделген жағдайларда мемлекеттiк сатып алу туралы шарт жобасына тапсырыс берушi қол қойған күннен бастап жеті жұмыс күнi iшiнде мемлекеттік сатып алу туралы шарт жасасуға үміткер қол қоюға және ұсынуға тиiс.»;
38) 35-9-баптың 2-тармағының 3) тармақшасы мынадай редакцияда жазылсын:
«3) бiр көзден алу тәсiлiмен мемлекеттiк сатып алуды жүзеге асыру туралы шешімдердің бірін қабылдауға құқылы.»;
39) 37-бапта:
1-тармақ мынадай мазмұндағы үшінші бөлікпен толықтырылсын:
«Мемлекеттiк сатып алу туралы электрондық шарт жасасуға жол беріледі.»;
5-тармақтың бірінші және алтыншы бөліктері мынадай редакцияда жазылсын:
«5. Мемлекеттiк сатып алуды жүзеге асырудың қағидаларында не электрондық мемлекеттiк сатып алуды өткізу қағидаларында көзделген жағдайларда өнiм берушi мемлекеттiк сатып алу туралы шарт жасасқан күннен бастап он жұмыс күнi iшiнде мемлекеттiк сатып алу туралы шарттың орындалуын қамтамасыз етудi енгiзуге мiндеттi.»;
«Мемлекеттiк сатып алу туралы шарттың орындалуын қамтамасыз етудi енгiзу туралы талап тауар биржалары арқылы баға ұсыныстарын сұрату, осы Заңның 32-бабының 4) тармақшасының негізінде жүзеге асырылған бір көзден алу тәсiлiмен мемлекеттiк сатып алу қорытындылары бойынша айқындалған өнiм берушiлерге, сондай-ақ оны осы Заңның 8-бабының 8-тармағында көзделген жағдайда берген өнiм берушiлерге, осы Заңның 41-бабы 3-тармағының 5) тармақшасында көзделген жағдайда кәсіпкерлік қызмет субъектілері болып табылмайтын өнім берушілерге қолданылмайды.»;
11-тармақ алып тасталсын;
40) 38-баптың 1-тармағы мынадай редакцияда жазылсын:
«1. Егер әлеуеттi өнiм берушi мемлекеттiк сатып алу туралы қол қойылған шартты осы Заңда белгiленген мерзiмде тапсырыс берушiге ұсынбаса немесе мемлекеттiк сатып алу туралы шарт жасаса отырып, осы Заңның 37-бабының 5-тармағында көзделген жағдайларда мемлекеттiк сатып алу туралы шарттың орындалуын қамтамасыз етудi енгiзбесе, онда мұндай әлеуеттi өнiм берушi мемлекеттiк сатып алу туралы шарт жасасудан жалтарды деп танылады.»;
41) 41-баптың 3-тармағының 6) тармақшасы алып тасталсын;
42) 43, 44-баптар мынадай редакцияда жазылсын:
«43-бап. Заңды тұлғалардың уақытша бiрлестiгiнiң (консорциумның) мемлекеттiк сатып алуға қатысуының ерекше шарттары
Заңды тұлғалардың уақытша бiрлестiгiнiң (консорциумның) мемлекеттiк сатып алуға қатысуының ерекше шарттары электрондық мемлекеттiк сатып алуды өткізу қағидаларында айқындалады.
44-бап. Мемлекеттік сатып алуды жүзеге асыру кезінде ұлттық режимді қолдану
1. Мемлекеттік сатып алуды жүзеге асыру кезінде шет мемлекеттерден шыққан тауарларға, шетелдік әлеуетті өнім берушілер тиісінше орындайтын жұмыстарға, көрсететін қызметтерге Қазақстан Республикасы ратификациялаған халықаралық шарттарда көзделген жағдайларда және шарттарда қазақстандық тауарлармен, қазақстандық әлеуетті өнім берушілер тиісінше орындайтын жұмыстармен, көрсететін қызметтермен тең шарттар негізінде ұлттық режим қолданылады.
2. Елдің конституциялық құрылымының негіздерін қорғау, құқықтық тәртіпті, ұлттық қауіпсіздікті және қорғаныс қабілеттілігін қамтамасыз ету, Қазақстан Республикасының ішкі нарығын қорғау, ұлттық экономиканы дамыту, отандық тауар өндірушілерді қолдау мақсатында Қазақстан Республикасының Үкіметі шет мемлекеттерден шыққан тауарларға, шетелдік әлеуетті өнім берушілер тиісінше орындайтын жұмыстарға, көрсететін қызметтерге рұқсат беруге тыйым салу және мемлекеттік сатып алуды жүзеге асыру кезінде көрсетілген тауарларға, жұмыстарға, көрсетілетін қызметтерге рұқсат беруді шектеу белгілеген.
Көрсетілген тауарлардың шыққан елін анықтау Қазақстан Республикасының заңнамасына сәйкес жүзеге асырылады.
3. Қазақстан Республикасының Үкіметі Заңның осы бабының 2-тармағына сәйкес тыйым, шектеу белгілеген тауарларды, жұмыстарды, көрсетілетін қызметтерді қоспағанда, Қазақстан Республикасының Үкіметі шет мемлекеттерден шыққан тауарларды, шетелдік әлеуетті өнім берушілер тиісінше орындайтын жұмыстарды, көрсететін қызметтерді мемлекеттік сатып алуды жүзеге асыру кезінде рұқсат беру шарттарын белгілейді.»;
44) мынадай мазмұндағы 44-1-баппен толықтырылсын:
«44-1-бап. Әлеуетті өнім берушілердің жекелеген санаттарының мемлекеттік сатып алуға қатысуы
1. Әлеуетті өнім берушілердің жекелеген санаттарының мемлекеттік сатып алуға қатысуы осы Заңда көзделген жағдайларда айқындалады.
2. Мемлекеттік сатып алуды ұйымдастырушылар тауарлардың, жұмыстардың, көрсетілетін қызметтердің жеке түрлеріне мемлекеттік сатып алуды өткізу кезінде:
1) Қазақстан Республикасы мүгедектерінің қоғамдық бірлестіктері құрған, осындай тауарлар шығаратын ұйымдардан тауарларды (техникалық қосалқы (компенсаторлық) құралдарды) ағымдағы жылы осы тауарларды сатып алу үшін бөлінген сомалық мәндегі жалпы көлемнен 100 (жүз) пайыз көлемде;
2) Қазақстан Республикасы мүгедектерінің қоғамдық бірлестіктері құрған, тауарлар шығаратын ұйымдардан Заңның осы бабының 2-тармағының 1) тармақшасында көрсетілмеген өзге тауарларды ағымдағы жылы осы кемінде тауарларды сатып алу үшін бөлінген сомалық мәндегі жалпы көлемнен кемінде 50 (елу) пайыз көлемде;
3) Қазақстан Республикасы мүгедектерінің қоғамдық бірлестіктері құрған, жұмыстарды орындайтын, қызметтерді көрсететін ұйымдардан жұмыстар мен көрсетілетін қызметтерді ағымдағы жылы осы тауарларды, жұмыстарды және көрсетілетін қызметтерді сатып алу үшін бөлінген сомалық мәндегі жалпы көлемнен 100 (жүз) пайыз көлемде сатып алуды жүзеге асырады.
3. Қазақстан Республикасы мүгедектерінің қоғамдық бірлестіктері құрған, тауарларды шығаратын, жұмыстарды орындайтын, қызметтерді көрсететін ұйымдардың, Қазақстан Республикасы мүгедектерінің қоғамдық бірлестіктері құрған, тауарларды шығаратын, жұмыстарды орындайтын, қызметтерді көрсететін ұйымдардан сатып алынатын тауарлардың, жұмыстардың, көрсетілетін қызметтердің жеке түрлерінің тізбесін және оларды сатып алу тәртібін Қазақстан Республикасының Үкіметі айқындайды.
Бұл ретте Қазақстан Республикасы мүгедектерінің қоғамдық бірлестіктерінің аталған ұйымдары «Салық және бюджетке төленетін басқа да міндетті төлемдер туралы» (Салық кодексі) Қазақстан Республикасы Кодексінің 248-бабының бірінші бөлігі 13) тармақшасының екінші абзацында көзделген шарттарға сәйкес келуі тиіс.
4. Осы баптың 2-тармағында белгіленген ережелерді іске асыру үшін мемлекеттік сатып алуды ұйымдастырушы осы Заңда көзделген тәсілдермен мемлекеттік сатып алуды жүзеге асырады, бұл мемлекеттік сатып алуға қатысуға Қазақстан Республикасы мүгедектерінің қоғамдық бірлестіктері құрған, тауарларды шығаратын, жұмыстарды орындайтын, қызметтерді көрсететін ұйымдарға рұқсат етіледі.
Қазақстан Республикасы мүгедектерінің қоғамдық бірлестіктері құрған, жұмыстарды орындайтын, қызметтерді көрсететін ұйымдарға өткізілетін мемлекеттік сатып алудың мәні болып табылатын жұмыстарды орындау бойынша қосалқы мердігерлерді және қызмет көрсету бойынша бірлесіп орындаушыларды тартуға жол берілмейді.
Заңның осы бабының 2-тармағына сәйкес мемлекеттік сатып алуды жүзеге асыру кезінде мемлекеттік сатып алуды ұйымдастырушы хабарландыру мәтінінде мемлекеттік сатып алу Қазақстан Республикасы мүгедектерінің қоғамдық бірлестіктері құрған, тауарларды шығаратын, жұмыстарды орындайтын, қызметтерді көрсететін ұйымдар арасында ғана жүзеге асырылатынын көрсетеді.
5. Мемлекеттік сатып алу осы Заңның 16-бабының 4-тармағында көзделген негіздер бойынша өтпеді деп танылған жағдайда тапсырыс беруші Қазақстан Республикасы мүгедектерінің қоғамдық бірлестіктері құрған, жұмыстарды орындайтын, қызметтерді көрсететін ұйымдардан бір көзден алу тәсілімен мемлекеттік сатып алуды өткізу туралы шешім қабылдауға құқылы.
Қазақстан Республикасы мүгедектерінің қоғамдық бірлестіктері құрған, жұмыстарды орындайтын, қызметтерді көрсететін ұйымдардан бір көзден алу тәсілімен мемлекеттік сатып алу өтпеді деп танылған жағдайда тапсырыс беруші Қазақстан Республикасының мемлекеттік сатып алу туралы заңнамасына сәйкес өзге де әлеуетті өнім берушілер арасында мемлекеттік сатып алуды қайта өткізу туралы шешім қабылдауға құқылы.
6. Қазақстан Республикасының Үкіметі белгілеген тауарлардың, жұмыстардың, көрсетілетін қызметтердің жекелеген түрлерін конкурс тәсілімен мемлекеттік сатып алуды жүзеге асыру кезінде мемлекеттік сатып алуды ұйымдастырушылар Қазақстан Республикасының Үкіметі айқындаған тауарларды шығаратын, жұмыстарды орындайтын, қызметтерді көрсететін түзеу мекемелерінің мемлекеттік кәсіпорындарына конкурстық баға ұсынысын 15 пайыздық шартты азайған түрдегі басымдықты ұсынуға міндетті.
Осы тармақта көрсетілген басымдықты ұсыну тәртібі Қазақстан Республикасы Үкіметінің қаулысымен бекітілген Электрондық мемлекеттік сатып алуды өткізу қағидасында айқындалады.
7. Мемлекеттiк сатып алуды ұйымдастырушы осы Заңның 12-бабының 1-тармағында көзделген бөлікке бөлуге жіберілетін тәсілдермен тауарларды, жұмыстарды, көрсетілетін қызметтерді мемлекеттік сатып алуды жүзеге асыру кезінде ағымдағы жылы осы тауарларды, жұмыстарды, көрсетілетін қызметтерді сатып алу үшін бөлінген сомалық мәндегі жалпы көлемнен кем дегенде 15 (он бес) пайыз мөлшерінде шағын кәсіпкерлік субъектілерінен мемлекеттік сатып алуды жүзеге асыруға міндетті.
Бұл ретте бөлуге жіберілетін тауарлар, жұмыстар, көрсетілетін қызметтер көлемі тиісті қаржы жылына арналған республикалық бюджет туралы заңда белгіленген алпыс мың есе айлық есептік көрсеткіш сомалық мәннен аспауы тиіс.
8. Заңның осы бабының 6-тармағына сәйкес мемлекеттік сатып алуды жүзеге асыру кезінде мемлекеттік сатып алуды ұйымдастырушы хабарландыру мәтінінде мемлекеттік сатып алу шағын кәсіпкерлік субъектілері арасында ғана жүзеге асырылатынын көрсетеді.
9. Шағын кәсіпкерлік субъектілері арасында мемлекеттік сатып алу өтпеді деп танылған жағдайда сатып алуды ұйымдастырушы мемлекеттік сатып алуды Қазақстан Республикасының заңнамасында көзделген тәртіпте жалпы негізде жүзеге асыруға құқылы.
Бұл ретте сатып алу объектісі болып табылатын тауарлардың, жұмыстардың, көрсетілетін қызметтердің көлемі ағымдағы жылы осы тауарларды сатып алу үшін бөлінген жиынтық сомалық жылдық мәнде ескеріледі.
10. Сатып алуды ұйымдастырушы жұмыстарды, көрсетілетін қызметтерді мемлекеттік сатып алуды жүзеге асыру кезінде конкурстық (аукциондық) құжаттамада шағын кәсіпкерлік субъектісі болып табылмайтын әлеуетті өнім берушіге шағын кәсіпкерлік субъектілері қатарынан қосалқы мердігерлерді (бірлесіп орындаушыларды) мемлекеттік сатып алу туралы шартты орындауға тарту туралы талапты белгілеуге құқылы.
Бұл ретте қосалқы мердігерлер (бірлесіп орындаушылар) тартылатын жұмыстар, көрсетілетін қызметтер көлемі ағымдағы жылы осы тауарларды сатып алу үшін бөлінген жиынтық сомалық жылдық мәнде ескеріледі.»;
45) 45-бап мынадай редакцияда жазылсын:
«45-бап. Тапсырыс берушiнiң, мемлекеттiк сатып алуды ұйымдастырушының, комиссиялардың, сарапшының, мемлекеттiк сатып алу саласындағы бiрыңғай оператордың iс-әрекетiне (әрекетсiздiгiне) шағым жасау
Әлеуеттi өнiм берушi тапсырыс берушiнiң, мемлекеттiк сатып алуды ұйымдастырушының, мемлекеттiк сатып алуды бiрыңғай ұйымдастырушының комиссиялардың, сарапшының, мемлекеттiк сатып алу саласындағы бiрыңғай оператордың iс-әрекетiне (әрекетсiздiгiне), егер олардың iс-әрекеттерi (әрекетсiздiгi) әлеуеттi өнiм берушiнiң құқықтары мен заңды мүдделерiн бұзса, шағым жасауға құқылы. Тапсырыс берушiнiң:
1) мемлекеттiк сатып алу тәсiлiн таңдау туралы;
2) осы Заңның 5-бабының 10-тармағына сәйкес өзi қабылдаған мемлекеттiк сатып алуды жүзеге асырудан бас тарту туралы шешiмi мемлекеттiк бақылау органдарына шағымдануға жатпайды.»;
46) 47-1-бап мынадай редакцияда жазылсын:
«47-1-бап. Өтпелi ережелер
Осы Заңның 7-бабының 5-тармағы 2) тармақшасының ережесi 2015 жылғы 1 қаңтарға дейiн қолданылады.».
2-бап. Осы Заң 2015 жылғы 1 қаңтардан бастап қолданысқа енгізілетін, осы Заңның 1-бабының 4-тармағы 5) тармақшасының
сегізінші және тоғызыншы абзацтарын қоспағанда, ол алғаш ресми жарияланғанынан кейін күнтізбелік он күн өткен соң қолданысқа енгізіледі.
Қазақстан Республикасының
Президенті