"Қазақстан Республикасының әкiмшiлiк-аумақтық құрылысы туралы" Қазақстан Республикасының Заңына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының Заңына және Қазақстан Республикасы Үкіметінің жанындағы Республикалық ономастика комиссиясының 2014 жылғы 4 қыркүйектегі қорытындысына сәйкес Қызылорда облысының әкімдігі ҚАУЛЫ ЕТЕДІ және Қызылорда облыстық мәслихаты ШЕШІМ ҚАБЫЛДАДЫ:
Ескерту. Кіріспе жаңа редакцияда - Қызылорда облысы әкімдігінің 19.02.2025 № 37 бірлескен қаулысы және Қызылорда облыстық мәслихатының 19.02.2025 № 149 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) шешімімен.1. Қызылорда қаласының мына көшелері:
1) Береке көшесі Мерғали Ибраев есімімен;
2) Жалағаш көшесі Оралхан Камардинов есімімен;
3) Проектная көшесі Алексей Донской есімімен;
4) Сәулет - 9 көшесі Абайділдә Дәулетбаев есімімен;
5) Сәулет - 27 көшесі Шәдібай Абдуллаев есімімен;
6) "Саяхат - 2" көшесі Әнес Өтегенов есімімен;
7) "Саяхат - 4" көшесі Абылай Айдосов есімімен қайта аталсын.
2. Қызылорда қаласының "Арай" мөлтек ауданындағы Оралбек Әбдімомынов көшесіне параллель орналасқан оң жағындағы бірінші көшеге Ұзақ Оралбай есімі берілсін.
3. Алынып тасталды - Қызылорда облысы әкімдігінің 10.12.2015 № 261 қаулысы мен Қызылорда облыстық мәслихатының 10.12.2015 № 329 шешімімен (қаулы мен шешім алғаш ресми жарияланған күнінен кейін күнтізбелік он күн өткен соң қолданысқа енгізіледі).4. Осы қаулы мен шешім алғашқы ресми жарияланған күнінен бастап қолданысқа енгізіледі.
Қызылорда облысының әкімі | Қ. Көшербаев |
Қызылорда облыстық мәслихатының кезектен тыс 31-сессиясының төрағасы |
Қ. Бисенов |
Қызылорда облыстық мәслихаты хатшысының міндетін атқарушы |
Н. Ерманов |