Малая-Владимировка ауылдық округінің Бозтал ауылының шекарасын (шегін) белгілеу туралы

Шығыс Қазақстан облысы Бесқарағай аудандық мәслихатының 2014 жылғы 30 қыркүйектегі № 26/8-V шешімі және Бесқарағай аудандық әкімдігінің 2014 жылғы 29 қыркүйектегі № 426 бірлескен қаулысы. Шығыс Қазақстан облысының Әділет департаментінде 2014 жылғы 05 қарашада № 3527 болып тіркелді

РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 2003 жылғы 20 маусымдағы Жер кодексінің, 108-бабының 5-тармағына, «Қазақстан Республикасының әкімшілік-аумақтық құрылысы туралы» Қазақстан Республикасының 1993 жылғы 8 желтоқсандағы Заңының 5, 12 баптарына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабы 1-тармағының 13) тармақшасына, 31-бабы 1-тармағының 10) тармақшасына сәйкес, Бесқарағай аудандық мәслихаты ШЕШТІ және Бесқарағай аудандық әкімдігі ҚАУЛЫ ЕТЕДІ:
1. Қосымшаға сәйкес алаңдарда Малая-Владимировка ауылдық округінің Бозтал ауылының шекарасы (шегі) өзгертілсін, Малая-Владимировка ауылдық округінің Бозтал ауылының елді мекенінің шекарасын (шегін) белгілеудің жерге орналастыру жобасына сәйкес белгіленсін.
2. «Шығыс Қазақстан облысы Бесқарағай аудандық жер қатынастары бөлімі» мемлекеттік мекемесі (Калиновский В. Я.) жер-есебі құжаттарына қажетті өзгерістерді енгізсін.
3. Осы шешім және қаулы оның алғаш ресми жарияланған күнінен кейін күнтізбелік он күн өткен соң қолданысқа енгізіледі.

Сессия төрағасы Аудан әкімі Аудандық мәслихат хатшысы

Қ. ҚАИРХАНОВ Н. СЫДЫҚОВ Қ. САДЫҚОВ

Бесқарағай аудандық әкімдігінің бірлескен 2014 жылғы 29 қыркүйектегі № 426 қаулысына және Бесқарағай аудандық мәслихатының 2014 жылғы 30 қыркүйектегі № 26/8-V шешіміне қосымша

Малая-Владимировка ауылдық округінің Бозтал ауылының елді мекендерінің
Экспликациясы

Жерлердің атауы	Жалпы көлемі, га	Оның ішінде:
		егістік, га	Оның ішінде суармалы, га	Көпжылдық екпелер, га	тыңайма, га	шабындық, га	жайылым, га	Барлық а/ш алқаптары, га	Басқа да жерлер, га	Ағашты-бұталы жерлер, га
Есеп бойынша жерлердің көлемі	4413,0	5,0	-	-	3,0	-	4270,0	4278,0	135,0	-
Елді мекеннің шегіне кіреді	1841,6	899,0	-	-	-	-	927,4	1826,4	4,2	-
1. Ауыл шаруашылығы маңызындағы жерлер	156,8	-	-	-	-	-	156,8	156,8	-	-
2. Босалқы жерлер	1684,8	899,0	-	-	-	-	770,6	1669,6	4,2	11,0
Бозтал ауылының елді мекенінің аумағы	6254,6	904,0	-	-	3,0	-	5197,4	6104,4	139,2	11,0