1. "Қазақстан Республикасы Ауыл шаруашылығы министрлігінің Агроөнеркәсіп кешендегі мемлекеттік инспекция комитетінің ережесін бекіту туралы" Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2017 жылғы 1 маусымдағы № 221 бұйрығына (Қазақстан Республикасы Нормативтік құқықтық актілерінің эталондық бақылау банкінде 2017 жылғы 13 маусымда жарияланған) мынадай өзгерістер мен толықтыру енгізілсін:
көрсетілген бұйрықпен бекітілген Қазақстан Республикасы Ауыл шаруашылығы министрлігінің Агроөнеркәсіп кешендегі мемлекеттік инспекция комитеті туралы ережеде:
8-тармақ мынадай редакцияда жазылсын:
"8. Комитеттің заңды мекенжайы: Қазақстан Республикасы, 010000, Нұр-Сұлтан қаласы, Сарыарқа ауданы, Кенесары көшесі, 36-үй.";
10-тармақ мынадай редакцияда жазылсын:
"10. Осы Ережеге 1 және 2-қосымшаларға сәйкес Комитеттің облыстарда, республикалық маңызы бар қалаларда және астанада, қалалар мен аудандарда аумақтық бөлімшелері, оның ішінде фитосанитариялық бақылау бекеттері, сондай-ақ Комитеттің ведомстволық бағынысты ұйымдары бар.";
15-тармақта:
28) тармақша мынадай редакцияда жазылсын:
"28) жергілікті атқарушы органдардың Қазақстан Республикасының өсімдіктер карантині саласындағы заңнамасын сақтауына мемлекеттік бақылауды жүзеге асырады;";
мынадай мазмұндағы 5-1) тармақшамен толықтырылсын:
"5-1) өсімдіктерді қорғау құралдарының (пестицидтердің) импортына лицензия береді;";
20) тармақша мынадай редакцияда жазылсын:
"20) жергілікті атқарушы органдардың Қазақстан Республикасының өсімдіктерді қорғау саласындағы заңнамасын сақтауына бақылауды жүзеге асырады;";
17-тармақта:2) және 3) тармақшалар алып тасталсын;
6) тармақшалар мынадай редакцияда жазылсын:
"6) жергілікті атқарушы органдардың Қазақстан Республикасының астық заңнамасын сақтауына мемлекеттік бақылауды жүзеге асырады;";
9) тармақша алып тасталсын;
11) тармақша алып тасталсын;
14) тармақша мынадай редакцияда жазылсын:
"14) жергілікті атқарушы органдардың Қазақстан Республикасының асыл тұқымды мал шаруашылығы саласындағы заңнамасын сақтауына мемлекеттік бақылауды жүзеге асырады;";
19-тармақтың 6) және 7) тармақшалары алып тасталсын;
20-тармақтың 6) тармақшасы алып тасталсын;
көрсетілген Ережеге 1-қосымшада:
72-тармақ мынадай редакцияда жазылсын:
"72. "Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Алтай аудандық аумақтық инспекциясы" мемлекеттік мекемесі".";
101-тармақ мынадай редакцияда жазылсын:
"101. "Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Бәйтерек аудандық аумақтық инспекциясы" мемлекеттік мекемесі".";
213-тармақ мынадай редакцияда жазылсын:
"213. "Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Нұр-Сұлтан қаласы бойынша аумақтық инспекциясы" мемлекеттік мекемесі".".
2. Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті заңнамада белгіленген тәртіппен:
1) осы бұйрықтың көшірмесінің Қазақстан Республикасы Нормативтік құқықтық актілерінің эталондық бақылау банкіне енгізу үшін "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберілуін;
2) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын;
3) осы бұйрықтан туындайтын өзге де шаралардың қабылдануын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.
4. Осы бұйрық қол қойылған күнінен бастап қолданысқа енгізіледі.
|
Қазақстан Республикасының Ауыл шаруашылығы министрі |
С. Омаров |
