Еуразиялық экономикалық комиссия туралы ереженің (2014 жылғы 29 мамырдағы Еуразиялық экономикалық одақ туралы шартқа № 1 қосымша) 7 және 44-тармақтарына сәйкес Еуразиялық экономикалық комиссия Алқасы шешті:
1. Қосымшаға сәйкес Еуразиялық экономикалық комиссия Алқасының кейбір шешімдеріне өзгерістер енгізілсін.
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
Т. Саркисян |
| Еуразиялық экономикалық комиссия Алқасының 2017 жылғы 21 қарашадағы № 159 шешіміне ҚОСЫМША |
Еуразиялық экономикалық комиссия Алқасының шешімдеріне енгізілетін
ӨЗГЕРІСТЕР
1. Еуразиялық экономикалық комиссия Алқасының 2015 жылғы 27 сәуірдегі № 36 шешімімен бекітілген Еуразиялық экономикалық одаққа мүше мемлекеттердің еңбекшілерін әлеуметтік қамсыздандыру, зейнетақы құқықтарын сақтау, медициналық көмек көрсету және кәсіби қызметі мәселелері жөніндегі консультативтік комитет туралы ереже мынадай мазмұндағы 71-тармақпен толықтырылсын:
"71. Комитет төрағасының орынбасары болып Комитет қызметінің бағыттары жөніндегі мәселелер құзыретіне кіретін Комиссия департаментінің басшысы тағайындалады.
Комитет төрағасының орынбасары Комитет төрағасы болмаған жағдайда немесе оның тапсыруы бойынша Комитет төрағасының осы Ереженің 7-тармағында көзделген функцияларын орындайды.".
2. Еуразиялық экономикалық комиссия Алқасының 2016 жылғы 25 қазандағы № 139 шешімімен бекітілген Көші-қон саясаты жөніндегі консультативтік комитет туралы ережеде:
а) 6-тармақта:
бірінші абзацтағы "уәкілетті өкілдерінен" деген сөздер "басшыларынан (басшыларының орынбасарларынан)" деген сөздермен ауыстырылсын;
екінші абзац "Комитеттің құрамына" деген сөздерден кейін "мүше мемлекеттердің ұсыныстары бойынша" деген сөздермен толықтырылсын;
мынадай мазмұндағы абзацпен толықтырылсын:
"Уәкілетті органдар Комитеттегі уәкілетті органдар өкілдерін ауыстыру қажеттігі туралы Комиссияны дер кезінде хабардар етіп отырады, сондай-ақ оның құрамына өзгерістер енгізу жөнінде ұсыныстар береді.";
б) мынадай мазмұндағы 81-тармақпен толықтырылсын:
"81. Төрағаның орынбасары болып Комитет қызметінің бағыттары жөніндегі мәселелер құзыретіне кіретін Комиссия департаментінің басшысы тағайындалады.
Төрағаның орынбасары Төраға болмаған жағдайда немесе оның тапсыруы бойынша Төрағаның осы Ереженің 8-тармағында көзделген функцияларын орындайды.";
В) 9-тармақ "Комиссияның" деген сөзден кейін "Комитет қызметінің бағыттары жөніндегі мәселелер құзыретіне кіретін" деген сөздермен толықтырылсын.
