Еуразиялық экономикалық одақ шеңберіндегі ақпараттық-коммуникациялық технологиялар және ақпараттық өзара іс-қимыл туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 3 қосымша) 30-тармағына сәйкес техникалық регламенттер талаптарының сақталуын мемлекеттік бақылауды (қадағалауды) тиімді жүзеге асыруды қамтамасыз ету процестерін жеделдету және Еуразиялық экономикалық одаққа мүше мемлекеттердің техникалық реттеу саласындағы уәкілетті органдарының өзара іс-қимыл механизмін тестілік режимде іске қосу мақсатында Еуразиялық экономикалық комиссия Алқасы шешті:
1. Еуразиялық экономикалық одаққа мүше мемлекеттердің үкіметтерінен Еуразиялық экономикалық комиссиямен бірлесіп, Еуразиялық экономикалық одақтың техникалық регламенттерінің талаптарына сәйкес келмейтін өнім туралы хабардар ету жүйесін қалыптастыру жөніндегі пилоттық жобаны 2018 – 2019 жылдары іске асыруды қамтамасыз ету сұралсын.
2. Қоса беріліп отырған Еуразиялық экономикалық одақтың техникалық регламенттерінің талаптарына сәйкес келмейтін өнім туралы хабардар ету жүйесін қалыптастыру жөніндегі пилоттық жобаны 2018 – 2019 жылдары іске асыру жөніндегі іс-шаралар жоспары бекітілсін.
3. Осы Шешім ресми жарияланған күнінен бастап күнтізбелік 30 күн өткен соң күшіне енеді.
| Еуразиялық экономикалық комиссия | |
| Алқасының Төрағасы | Т. Саркисян |
| Еуразиялық экономикалық комиссия Алқасының 2018 жылғы 10 мамырдағы № 73 шешімімен БЕКІТІЛГЕН |
Еуразиялық экономикалық одақтың техникалық регламенттерінің талаптарына сәйкес келмейтін өнім туралы хабардар ету жүйесін қалыптастыру жөніндегі пилоттық жобаны 2018 – 2019 жылдары іске асыру жөніндегі іс-шаралар
ЖОСПАРЫ
Іс-шараның атауы | Орындаушы | Мерзім | Күтілетін нәтиже | ||
1 | 2 | 3 | 4 | ||
1. Еуразиялық экономикалық одақтың техникалық регламенттерінің талаптарына сәйкес келмейтін өнім туралы хабардар ету жүйесін қалыптастыру жөніндегі пилоттық жобаны (бұдан әрі тиісінше – хабардар ету жүйесі, Одақ) нормативтік қамтамасыз ету. Хабардар ету жүйесін қалыптастыру жөніндегі пилоттық жобаны іске асыру кезіндегі Одаққа мүше мемлекеттердің (бұдан әрі – мүше мемлекеттер) уәкілетті органдары мен Еуразиялық экономикалық комиссияның (бұдан әрі – Комиссия) өзара іс-қимылының уақытша тәртібін әзірлеу |
Комиссия, | 2018 жылғы III тоқсан |
Комиссия Алқасының уақытша тәртіпті бекіту туралы шешімі | ||
2. Хабардар ету жүйесін қалыптастыру жөніндегі пилоттық жобаны технологиялық және техникалық қамтамасыз ету: | |||||
а) "Қауіпті өнім туралы хабардар ету жүйесін қалыптастыру, жүргізу және пайдалану" жалпы процесін Одақтың интеграцияланған ақпараттық жүйесінің құралдарымен іске асыру кезіндегі ақпараттық өзара іс-қимылды регламенттейтін технологиялық құжаттардың жобаларын жаңарту (бұдан әрі тиісінше – технологиялық құжаттар, интеграцияланған жүйе, жалпы процесс) |
Комиссия, | осы жоспардың 1-тармағы орындалғаннан кейін 2 ай ішінде | технологиялық құжаттардың жобалары | ||
б) Комиссияның интеграциялық сегментінде технологиялық құжаттардың жобаларына сәйкес интеграциялық жүйе жалпы процесінің бағдарламалық қамтылымын жаңғырту | Комиссия | осы тармақтың "а" тармақшасы орындалғаннан кейін 2 ай ішінде | техникалық жұмыс жобасы | ||
в) мүше мемлекеттердің ұлттық сегменттерінде интеграцияланған жүйені пайдалану үшін жалпы процесті базалық іске асыру компоненттерін әзірлеу (қажет болған кезде) | Комиссия | осы тармақтың "а" тармақшасы орындалғаннан кейін 2 ай ішінде | техникалық жұмыс жобасы | ||
г) мүше мемлекеттердің ұлттық сегменттерінде интеграцияланған жүйені пайдалану үшін жалпы процесті базалық іске асыру компоненттерін беру (қажет болған кезде) |
Комиссия, | осы тармақтың "а" тармақшасы орындалғаннан кейін 3 ай ішінде | қабылдау-тапсыру актілері | ||
д) хабардар ету жүйесін қалыптастыру жөніндегі пилоттық жобаға қатысу үшін мүше мемлекеттер уәкілетті органдарының ақпараттық жүйелерін әзірлеу (пысықтау) және баптау | мүше мемлекеттер | осы тармақтың "а" тармақшасы орындалғаннан кейін 3 ай ішінде | техникалық жұмыс жобасы | ||
3. Хабардар ету жүйесін тестілік пайдалану: | |||||
а) мүше мемлекеттердің уәкілетті органдары мен Комиссияның ақпараттық жүйелері арасындағы ақпараттық өзара іс-қимылға кешенді тестілеу жүргізу |
Комиссия, | осы жоспардың 2-тармағының "а" тармақшасы орындалғаннан кейін 4 ай ішінде | хаттама | ||
б) хабардар ету жүйесіне тестілік пайдалануды жүргізу |
Комиссия, | осы жоспардың 2-тармағының "а" тармақшасы орындалғаннан кейін 5 – 7 ай ішінде | есеп | ||
4. Хабардар ету жүйесін қалыптастыру жөніндегі пилоттық жобаның қорытындысын шығару. Хабардар ету жүйесін тестілік пайдалану қорытындысы бойынша, сондай-ақ жалпы процесті іске асыру бойынша ұсынымдар, сондай-ақ Одақтың нормативтік-анықтамалық ақпаратының бірыңғай жүйесінің ресурстар құрамына енгізу үшін жалпы процестің анықтамалықтары мен сыныптауыштарын әзірлеу, жүргізу және пайдалану жөніндегі ұсыныстарды дайындау |
Комиссия, | осы жоспардың 2-тармағының "а" тармақшасы орындалғаннан кейін 8 ай ішінде | хаттама | ||
