2014 жылғы 29 мамырдағы Еуразиялық экономикалық одақ туралы шарттың 57-бабының 2-тармағына және Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық комиссияның Жұмыс регламентіне № 2 қосымшаның 20-тармағына сәйкес, Еуразиялық экономикалық комиссия Алқасы шешті:
1. Қосымшаға сәйкес Кеден одағы Комиссиясының 2010 жылғы 28 мамырдағы № 299 шешімімен бекітілген санитариялық-эпидемиологиялық қадағалауға (бақылауға) жататын өнімдерге (тауарларға) қойылатын бірыңғай санитариялық-эпидемиологиялық және гигиеналық талаптардың (ЕАЭО СЭҚ ТН кодтарына сәйкес) II тарауының 1-бөлімінің бірыңғай санитариялық талаптары белгіленген тауарлар тізбесіне өзгерістер енгізілсін.
2. Ресей Федерациясының Үкіметінен белгіленген тәртіппен "Тамақ өнімдерінің қауіпсіздігі туралы" Кеден одағының техникалық регламентіне (КО ТР 021/2011) глицидолға және 3-монохлорпропандиолға қайта есептегенде май қышқылдарының глицидил эфирлері құрамының рұқсат етілген деңгейлерін белгілеу бөлігінде өзгерістер енгізуді қамтамасыз ету сұралсын.
3. Осы Шешім осы Шешімнің 2-тармағында көзделген өзгерістер күшіне енген күннен бастап, бірақ осы Шешім ресми жарияланған күннен бастап 180 күнтізбелік күн өткеннен кейін күшіне енеді.
|
Еуразиялық экономикалық комиссия Алқасының Төрағасы |
Т. Саркисян |
| Еуразиялық экономикалық комиссия Алқасының 2019 жылғы 6 тамыздағы № 132 шешіміне ҚОСЫМША |
Санитариялық-эпидемиологиялық қадағалауға (бақылауға) жататын өнімдерге (тауарларға) қойылатын бірыңғай санитариялық-эпидемиологиялық және гигиеналық талаптардың ІІ тарауының 1-бөлімі бірыңғай санитариялық талаптар (ЕАЭО СЭҚ ТН кодтарына сәйкес) белгіленген тауарлар тізбесіне енгізілетін ӨЗГЕРІСТЕР
1. 7.1-тармағында: бірінші бағанда өнімнің атауы мынадай редакцияда жазылсын: "7.1. Адамның тамаққа және азық-түлік (тағамдық) шикізаты ретінде тікелей пайдалануына арналған өсімдік майлары";
мынадай позициямен толықтырылсын:
Көрсеткіштер | Рұқсат етілген деңгейлер мг/кг, аспайтын | Ескертулер |
Глицидолға шаққанда май қышқылдарының глицидил эфирлері | 1,0 |
2. 9.1-тармақ мынадай позициямен толықтырылсын:
Көрсеткіштер | Рұқсат етілген деңгейлер мг/кг, аспайтын | Ескертулер |
3-монохлорпропандиолдар | 0,02 | өсімдік ақуыздарының гидролизаттары, соя тұздығы үшін |
3. 12.1.1-тармақтың 2-тармақшасы "Микробиологиялық көрсеткіштер" көрсеткішінің алдында мынадай позициямен толықтырылсын:
Көрсеткіштер | Рұқсат етілген деңгейлер мг/кг, аспайтын | Ескертулер |
Глицидолға қайта есептегенде май қышқылдарының глицидил эфирлері | 0,05 | құрамында сүтсіз майлары бар құрғақ өнімдерге арналған |
0,006 | құрамында сүтсіз майлары бар сұйық өнімдер үшін |
4. 12.1.2-тармақтың 2-тармақшасында уытты элементтерге, антибиотиктерге, микротоксиндерге, пестицидтерге, меламинге, диоксиндерге қатысты бірінші позицияның бағанында ", глицидил эфирлері, глицидолға қайта есептегенде" деген сөздермен толықтырылсын.
5. 14.1 тармақтың 2 тармақшасы, 14.2 тармақтың 2 тармақшасы, 14.5 тармақтың 2 тармақшасы, 14.6 тармақтың 2 тармақшасы және 16 кіші бөлімнің 2 тармақшасы "Микробиологиялық көрсеткіштер" көрсеткішінің алдында мынадай позициямен толықтырылсын:
Көрсеткіштер | Рұқсат етілген деңгейлер мг/кг, аспайтын | Ескертулер |
Глицидолға қайта есептегенде май қышқылдарының глицидил эфирлері | 0,006 | құрамында сүтсіз майлары бар өнімдер үшін |
6. 18.7-тармақ мынадай позициямен толықтырылсын:
Көрсеткіштер | Рұқсат етілген деңгейлер мг/кг, аспайтын | Ескертулер |
Глицидолға қайта есептегенде май қышқылдарының глицидил эфирлері | 0,005 |
