Еуразиялық экономикалық одақ туралы 2014 жылғы 29 мамырдағы шарттың 57-бабының 2-тармағына, Еуразиялық экономикалық одақ шеңберіндегі техникалық реттеу туралы Хаттаманың 5-тармағына (көрсетілген Шартқа № 9 қосымша), Санитариялық, ветеринариялық-санитариялық және карантиндік фитосанитариялық шараларды қолдану туралы Хаттаманың 4-тармағының төртінші абзацына (көрсетілген Шартқа № 12 қосымша), Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық комиссияның Жұмыс регламентіне № 2 қосымшаның 9 және 21-тармақтарына сәйкес, және Еуразиялық экономикалық комиссия Кеңесінің 2022 жылғы 17 наурыздағы № 12 өкімімен бекітілген Макроэкономикалық тұрақтылықты қамтамасыз етуді қоса алғанда, Еуразиялық экономикалық одаққа мүше мемлекеттер экономикаларының тұрақтылығын арттыру жөніндегі шаралар тізбесінің 2.12-тармағын іске асыру мақсатында Еуразиялық экономикалық комиссия Алқасы шешті:
1. Еуразиялық экономикалық комиссия Алқасының 2017 жылғы 30 маусымдағы № 80 Шешімімен бекітілген өнімді мемлекеттік тіркеу туралы куәлікті ресімдеу қағидаларына мынадай өзгерістер енгізілсін:
8-тармақтың үшінші абзацының бірінші сөйлеміндегі "және сынақ зертханасымен (орталығымен) шарттың көшірмесін немесе сынақ зертханасының (орталығының) хатын қоса бере отырып" деген сөздер алып тасталсын;
16-тармақтағы "30 күнтізбелік" деген сөздер "15 жұмыс күні" деген сөздермен ауыстырылсын.
2. Осы Шешімнің 1-тармағында көрсетілген өзгерістер осы Шешім күшіне енген күннен бастап 12 ай ішінде қолданылады деп белгіленсін.
3. Осы Шешім ресми жарияланған күнінен бастап 30 күнтізбелік күн өткен соң күшіне енеді.
|
Еуразиялық экономикалық комиссия Алқасының Төрағасы |
М. Мясникович |
