1. "Еуразиялық үкіметаралық кеңестің "Еуразиялық экономикалық одақтың интеграцияланған ақпараттық жүйесінің ағымдағы жай-күйі және даму перспективалары туралы" 2022 жылғы 25 ақпандағы № 2 өкімін іске асыру барысы туралы" Еуразиялық экономикалық комиссияның баяндамасы назарға алынсын.
2. Еуразиялық экономикалық комиссия Еуразиялық экономикалық одаққа (бұдан әрі - Одақ) мүше мемлекеттермен бірлесе отырып:
2023 жылдың І тоқсанында Одақтың цифрлық күн тәртібі шеңберінде жұмысты қайта ауқымдау, сондай-ақ Одақтың цифрлық күн тәртібі шеңберінде бастамашылықтарды қарау және іске асыру рәсімдерін жетілдіру туралы мәселе әзірлесін;
2023 жылғы ІІ тоқсанда осы тармақтың екінші абзацы ескеріле отырып, Одақтың органдарының актілеріне өзгерістер енгізу туралы актілердің жобаларын әзірлесін;
2023 жылғы ІІ тоқсанда бизнес пен мемлекет арасында өзара іс-қимылды қамтамасыз етуге бағытталған, Одақтың интеграцияланған ақпараттық жүйесінің сенім білдірілген үшінші тарабының қызметінің куәландырушы орталығын пайдалану мүмкіндігін әзірлесін;
Сенім білдірудің трансшекаралық кеңістігін дамыту мақсаттарында 2023 жылғы ІІІ тоқсанда Одаққа мүше мемлекеттердің заңнамаларының талаптары және Еуразиялық үкіметаралық кеңестің "Мүше мемлекеттердің шаруашылық субъектілерінің атқарушы өкімет органдарымен трансшекаралық ақпараттық өзара іс-қимылы кезінде, электронды цифрлы қол қоюдың (электронды қол қоюдың) ұлттық криптографикалық стандарттарын пайдалану туралы" 2019 жылғы 30 сәуірдегі № 3 шешімінің 4-тармағын іске асыру ескеріле отырып, Одақтың сенім білдірілген үшінші тарабының сервистерінің және интеграцияланған ақпараттық жүйесінің деректер берудің қорғалған желісінің дайындығын қамтамасыз етсін.
3. Еуразиялық үкіметаралық кеңестің 2022 жылғы 25 ақпандағы № 2 өкіміне қосымшада белгіленген мерзімдерді сөзсіз сақтау қажеттілігі негізге алына отырып, Одаққа мүше мемлекеттердің үкіметтері Еуразиялық экономикалық комиссиямен бірлесе отырып, Одақ шеңберінде жалпы процестерге қосылу үшін қажетті іс-шараларды іске асыруды уақтылы қамтамасыз етсін.
4. Ішкі нарықтар, ақпараттандыру, ақпараттық-коммуникациялық технологиялар бойынша Алқа мүшесі (Министр) Еуразиялық экономикалық комиссия кеңесінің кезекті отырыстарында Еуразиялық экономикалық комиссияға осы өкімнің 3-тармағын іске асыру барысы туралы ақпарат ұсынсын.
5. Осы өкім ол Одақтың ресми сайтында жарияланған күннен бастап, 10 күнтізбелік күн өткен соң күшіне енеді.
Еуразиялық үкіметаралық кеңестің мүшелері:
Армения Республикасынан |
Беларусь Республика |
Қазақстан Республика |
Қырғыз Республика |
Ресей Федерация |
