ҚР ПҮАЖ-нда және
республикалық баспасөзде
жариялануға тиіс
1. Елде жүргізіліп жатқан реформаларды қолдауға бұқаралық ақпарат құралдары арқылы қосқан үлкен үлесін ескеріп, сондай-ақ Қазақстан Республикасы Президентінің бұқаралық ақпарат құралдары саласындағы сыйлықтарын беру және гранттарын тапсыру жөніндегі Қоғамдық комиссияның ұсынымдарын қарай келіп:
Қазақстан Республикасы Президентінің сыйлықтары:
"Айқын" және "Литер" республикалық қоғамдық-саяси газеттерінің шығармашылық ұжымына Қазақстанның ақпараттық кеңістігінде беделді орынға ие болған республикалық күнделікті басылымның жаңа форматын құрғандары үшін;
Шаштайұлы Жұмабайға - "Қазақстан" телеарнасының авторы әрі жүргізушісі, қазақ зиялылары өкілдерінің тұтастай қатарының өмірі мен қызметі туралы тарихи шындықты жаңғыртуға бағытталған публицистикалық бағдарламалар циклы үшін берілсін;
Қазақстан Республикасы Президентінің гранттары:
Доброта Любовь Дмитриевнаға - "Казахстанская правда" республикалық газетінің Оңтүстік Қазақстан облысы бойынша меншікті тілшісі, елде және өңірде жүргізіліп отырған экономикалық және әлеуметтік реформалар барысын кеңінен жариялағаны үшін;
Саухат Жұмагүл Берденқызына - "Астана" журналының бас редакторы, астананың жағымды бейнесін қалыптастыруға қосқан үлесі үшін;
Төлепберген Мейрамбекке - "Егемен Қазақстан" республикалық газетінің шолушысы, мемлекеттілік пен азаматтық қоғам институттарының дамуы мәселелеріне арналған публицистикалық материалдар циклы үшін;
"Надежда" өңірлік қоғамдық-саяси газеттің шығармашылық ұжымына (Батыс Қазақстан облысы) Жеңістің 60 жылдығына орай Ұлы Отан соғысы жылдарындағы қазақстандықтардың ерліктеріне арналған мақалалар циклы үшін;
"Астана ТВ" телеарнасындағы "Формула личности" телебағдарламасының шығармашылық ұжымына қазақстандық патриотизм мен бағдарлама кейіпкерлерінің үлгісінде оң мұраттар қалыптастыруға септігін тигізетін телевизиялық жобаны құрудағы жетістіктері үшін тапсырылсын;
Қазақстан Республикасы Президентінің Алғысы:
Молдашева Риза Асанқызына - "Семей таңы" өңірлік газетінің бас редакторы, өңірде мемлекеттік бағдарламаларды іске асыру барысын терең және жан-жақты көрсеткені үшін;
Мүсіреп Ғабитке - "Нұр-Астана" республикалық қоғамдық-саяси газетінің журналисі, ұлттық дәстүр мен мәдениетті дамыту мәселелеріне арналған мақалалар циклы үшін;
Садыханұлы Мағжанға - елорданың "Астана хабары" газетінің бас редакторы, астананың әлеуметтік-экономикалық және мәдени өмірін жан-жақты көрсеткені үшін;
Хасенова Күлімхан Бұрышбайқызына - "МИР" мемлекетаралық телерадиокомпаниясы қазақстандық филиалының бас редакторы, қоғамда ұлтаралық және конфессияаралық келісімді нығайтуға және ТМД елдерінде республикамыздың жағымды бейнесін қалыптастыруға қосқан үлесі үшін;
Шибаршин Евгений Васильевичке - "Алау" телерадиокомпаниясының редакторы (Қостанай облысы) өңірлік журналистиканың дамуына қосқан үлесі үшін жариялансын.
2. Осы өкім бұқаралық ақпарат құралдарында жариялансын.
Қазақстан Республикасының
Президенті
