Қазақстан Республикасының Үкiметi қаулы етеді:
1. "Қазақстан Республикасында Жерге құқықтарды қамтамасыз етудiң 2000-2003 жылдарға арналған бағдарламасы туралы" Қазақстан Республикасы Үкiметiнiң 2000 жылғы 16 ақпандағы N 253 P000253_ қаулысына (Қазақстан Республикасының ПҮКЖ-ы, 2000 ж., N 7, 94-құжат) мынадай өзгерiстер енгiзiлсiн:
1) көрсетiлген қаулымен бекiтiлген Қазақстан Республикасында Жерге құқықтарды қамтамасыз етудiң 2000-2003 жылдарға арналған бағдарламасындағы:
"2. Жердiң нақты меншiк иелерiн және жердi пайдаланушыларды қалыптастыру" деген бөлiмнiң алтыншы тобының "Шетелдiк жер пайдаланушылар" деген бесiншi абзацы алынып тасталсын;
2) көрсетiлген қаулымен бекiтiлген Қазақстан Республикасында Жерге
құқықтарды қамтамасыз етудiң 2000-2003 жылдарға арналған бағдарламасын
жүзеге асыру жөнiндегi iс-шаралардағы:
реттiк нөмiрi 1.2 - жолдағы:
5-бағанның екiншi және үшiншi абзацтарындағы "2000 жылдың 4-тоқсаны"
деген сөздер "2001 жылдың 2-тоқсаны" деген сөздермен ауыстырылсын;
2, 3, 4 және 5-бағандардың төртiншi абзацы алынып тасталсын;
реттiк нөмiрi 2.2 - жолдағы, 2, 3, 4 және 5-бағандардың үшiншi
абзацы алынып тасталсын.
2. Осы қаулы қол қойылған күнінен бастап күшiне енедi және
жариялауға жатады.
Қазақстан Республикасының
Премьер-Министрі
Оқығандар:
Багарова Ж.А.
Омарбекова А.Т.
