Қазақстан Республикасының Yкiметi қаулы етеді:
1. "Қазақстан Республикасының почта саласын дамытудың және почта-жинақ жүйесiн қалыптастырудың 2000-2003 жылдарға арналған бағдарламасы туралы" Қазақстан Республикасы Үкiметiнiң 2000 жылғы 15 қарашадағы N 1716 P001716_ қаулысына (Қазақстан Республикасының ПҮКЖ-ы, 2000 ж., N 49-50, 567-құжат) мынадай өзгерiстер енгiзiлсiн:
Қазақстан Республикасының почта саласын дамытудың және почта-жинақ жүйесiн қалыптастырудың 2000-2003 жылдарға арналған бағдарламасының бiрiншi кезеңiн iске асыру жөнiндегi 2000-2001 жылдарға арналған iс-шаралар жоспарында:
реттiк нөмiрi 1.10-жолда:
"Iс-шара" деген баған мынадай редакцияда жазылсын:
"Арнаулы байланыс қызметiнiң Қазақстан Республикасында мемлекеттiк органдардың ерекше маңызды хат-хабарларын және қымбат металдар, зергерлiк бұйымдар, аспаптар, аппаратуралар мен қорғаныс өнеркәсiбiнiң құрастырушы бұйымдары бар арнаулы жөнелтiмдерiн, сондай-ақ мемлекеттiк құпияны құрайтын мәлiметтердi және оларды тасығыштарды автомобильдермен
тасымалдауды ұйымдастыру жөнiндегi нұсқаулықты әзiрлеу";
"Аяқтау нысаны" деген бағанда "Үкiмет қаулысы" деген сөздер
"Бiрлескен бұйрық" деген сөздермен ауыстырылсын;
"Орындауға жауаптылар" деген баған мынадай редакцияда жазылсын:
"ҚР ККМ, ҚР IIМ, Қазпочта (келісім бойынша)".
2. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Багарова Ж.А.,
Қасымбеков Б.А.
