Байқоңыр қаласында тұратын Қазақстан Республикасының азаматтарын әлеуметтік қорғау мақсатында Қазақстан Республикасының Үкіметі қаулы етеді:
1. 2002 жылға арналған республикалық бюджетте табиғи және техногендік сипаттағы төтенше жағдайларды жоюға және өзге де күтпеген шығыстарға көзделген Қазақстан Республикасы Үкіметінің резервінен Байқоңыр қаласында тұратын және Қазақстан Республикасының заңнамасына сәйкес оларды алуға құқығы бар Қазақстан Республикасының азаматтарына мемлекеттік атаулы әлеуметтік көмек пен тұрғын үй көмегін көрсету үшін Қызылорда облысының әкіміне 99690200 (тоқсан тоғыз миллион алты жүз тоқсан мың екі жүз) теңге бөлінсін.
2. Қызылорда облысының әкімі Байқоңыр қаласында тұратын Қазақстан Республикасының заңнамасына сәйкес оларды алуға құқығы бар Қазақстан Республикасының азаматтарына арнаулы мемлекеттік жәрдемақыларды, мемлекеттік атаулы әлеуметтік көмек пен тұрғын үй көмегін төлеуді қамтамасыз етсін.
3. Қазақстан Республикасының Еңбек және халықты әлеуметтік қорғау министрлігі Байқоңыр қаласында тұратын және Қазақстан Республикасының заңнамасына сәйкес оларды алуға құқығы бар Қазақстан Республикасының азаматтарына 2002 жылға арналған республикалық бюджетте көзделген арнаулы
мемлекеттік жәрдемақыларды төлеуді қамтамасыз етсін.
4. Қазақстан Республикасының Қаржы министрлігі бөлінген қаражаттың
мақсатты пайдаланылуын бақылауды қамтамасыз етсін.
5. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Багарова Ж.А.,
Қасымбеков Б.А.
