Қазақстан Республикасының Yкiметi қаулы етеді:
1. Қазақстан Республикасының Үкiметі мен Украинаның Министрлер Кабинетi арасындағы Жастар саясаты саласындағы ынтымақтастық туралы келiсiмнiң жобасы мақұлдансын.
2. Қазақстан Республикасының Бiлiм және ғылым министрi Бiрғаным Сарықызы Әйтiмоваға Қазақстан Республикасының Үкiметi атынан Қазақстан Республикасының Yкiметі мен Украинаның Министрлер Кабинетi арасында Жастар саясаты саласындағы ынтымақтастық туралы келiсiм жасасуға өкiлеттiк берiлсiн.
Ескерту. 2-тармаққа өзгері енгізілді - ҚР Үкіметінің 2005.02.02. N 86 қаулысымен.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Жоба
Қазақстан Республикасының Yкіметi мен Украинаның
Министрлер Кабинетi арасындағы Жастар саясаты
саласындағы ынтымақтастық туралы
Келiсiм
Қазақстан Республикасының Үкiметi мен Украинаның Министрлер Кабинетi (бұдан әрi - Тараптар),
екi мемлекет халықтары арасындағы қарым-қатынасты нығайтуға және дәстүрлi достық байланыстарды дамытуға өзара ықыласты басшылыққа ала отырып,
өзара тығыз байланыстар жасауға және жастар саясаты саласындағы ынтымақтастық Қазақстан Республикасы мен Украинаның жас ұрпақ өкiлдерi арасындағы өзара түсiнiстiктi тереңдетуге жәрдемдесетiнiне сенiм бiлдiре отырып,
төмендегiлер туралы келiстi:
1-бап
Тараптар атқарушы билiктiң орталық органдарының, сондай-ақ жастар саясаты саласындағы қызметті жүзеге асыратын өзге де үкiметтік емес ұйымдардың (бұдан әрi - ынтымақтасушы ұйымдар) ынтымақтастығы арқылы жастардың байланыстарын нығайтуға және дамытуға жан-жақты жәрдемдесетiн болады.
2-бап
Тараптар мемлекеттерi ынтымақтасушы ұйымдар арасында тiкелей шарттар жасасу негiзiнде жастар саясаты саласындағы байланыстар мен ынтымақтастықты Тараптар:
ынтымақтасушы ұйымдар арасында бiрлескен жұмыстар, байланыстар мен өзара алмасулар үшiн қолайлы жағдайлар жасау;
жастар саясаты саласындағы жұмыс тәжiрибесiмен алмасу;
Қазақстан Республикасы мен Украинаның аумағында ортақ бағдарламаларды енгізуге және жастар мен балалар iс-шараларын (съездер, симпозиумдар, конгрестер, конференциялар, семинарлар, тренингтер, фестивальдер, форумдар, брифингтер, көрмелер, конкурстар, кездесулер) өткiзуге жәрдемдесу арқылы көтермелейтiн және қолдайтын болады.
3-бап
Тараптар өзара мүдденi бiлдiретiн мәселелер бойынша делегациялар, ақпараттар алмасуды қоса алғанда, барлық деңгейдегі ынтымақтасушы ұйымдармен тiкелей байланыстарды дамытуға жәрдемдесетiн болады. Ынтымақтасушы ұйымдар арасында тiкелей келiсiмдерге қол жеткiзiлген жағдайда бiрлескен бағдарламалар өткiзiлетін болады. Бағдарламалардан туындайтын мiндеттемелердiң орындалуы үшiн оларды өткiзетiн ынтымақтасушы ұйымдар жауапты болады.
4-бап
Тараптар балалар мен жастардың жазғы демалысын ұйымдастыру, каникул кезеңiнде мектеп оқушылары мен студенттер топтарының алмасулары үшін қолайлы жағдайлар жасайды.
5-бап
Тараптар мамандардың, жаттықтырушы-оқытушылардың, балалармен және жастармен жұмыс саласындағы басқа да мамандардың ынтымақтастығын көтермелейдi, сондай-ақ олардың тәжiрибе алмасуына жәрдемдеседi.
6-бап
Тараптар кәмелетке толмағандар iсi жөнiндегі қызметтер, жастарға арналған әлеуметтік қызметтер орталықтары мен олардың кәмелетке толмағандар мен жастарға психологиялық, заңгерлiк және басқа да көмек көрсететін мамандандырылған құралымдарымен тәжiрибе алмасады.
7-бап
Тараптар жұмыспен қамту бағдарламаларын әзiрлеу және iске асыру, сондай-ақ жастардың тұрғын үй проблемаларын шешуге бағытталған бағдарламалары саласында тәжірибе алмасуға жәрдемдеседi.
Тараптар жастардың еңбек және студенттік құрылыс жасақтарымен алмасуды көтермелейдi.
8-бап
Осы Келiсiмдi сәтті iске асыру мақсатында Тараптар өз мемлекеттерiнiң жастар саясатын қалыптастыру мен iске асыруға жауапты атқарушы билiктiң орталық органдарының өкiлдерiнен бiрлескен комиссия құрады.
Бiрлескен комиссия ынтымақтастық бағдарламасына және келесi мәжiлiске дейiнгi кезеңге алмасуларды келiсу мен тиiстi тiкелей шартқа қол қою мақсатында Қазақстан Республикасы мен Украинада кезектесiп, әдетте жылына кем дегенде бiр рет мәжiлiс өткiзедi.
9-бап
Осы Келiсiммен қамтылған барлық қызмет түрлерi Тараптар мемлекеттерiнiң нормативтік құқықтық кесiмдерiне сай жүзеге асырылуы және сәйкес келуi және Тараптар мемлекеттерiнiң бюджеттерiнде көзделген қаражат шегiнде, сондай-ақ мемлекеттердiң заңнамасымен тиым салынбаған басқа да көздерден қаржыландырылуы тиiс.
10-бап
Жастар алмасулары туралы тiкелей шарттар жасасу шеңберiндегi ынтымақтастық өзара қағидаттарда жүзеге асырылады, атап айтқанда:
жiберушi тарап өз делегациясының iс-шаралар өткiзiлетiн орынға және керi қайту - тасымалдау жөнiндегi шығыстарын, сондай-ақ өз мемлекетiнiң заңнамасына сәйкес шетелге шығу кезiнде көзделген сақтандырудың барлық түрлерiне байланысты шығыстарды өзiне алады;
қабылдаушы тарап өз мемлекетінiң заңнамасына сәйкес, келуi жөнiндегi, орналасуын, тамақтануын, iшкi көлiктік тасымалдарын қоса алғандағы шығыстарды, сондай-ақ басқа да қажеттi көмектi өздерiне алады.
11-бап
Осы Келiсiм Тараптар мемлекеттерi қатысушылары болып табылатын басқа да халықаралық шарттардан туындайтын Тараптардың құқықтары мен мiндеттерiн қозғамайды.
12-бап
Осы Келiсiмге Тараптардың өзара келiсiмi бойынша жекелеген хаттамалармен ресiмделетiн және осы келiсiмнiң ажырамас бөлiгiн құрайтын өзгерiстер мен толықтырулар енгiзiлуi мүмкiн.
13-бап
Осы Келiсiмнiң ережелерiн түсiндiру немесе қолдану кезiнде даулар мен қайшылықтар туындаған жағдайда, Тараптар оларды консультациялар және келiссөздер жолымен шешетiн болады.
14-бап
Осы Келiсiм, оның күшiне енуi үшiн Тараптар қажеттi мемлекетiшiлiк рәсiмдердiң орындағаны туралы соңғы жазбаша хабарламаны алған күннен бастап күшiне енедi.
Осы Келiсiм бес жыл мерзiмге жасалады және Тараптардың бiрi оның қолданылуын өзiнiң тоқтату ниетi туралы, тиiстi кезеңнiң бiтуiне дейiн алты ай бұрын басқа Тарапқа жазбаша хабарлама жiбергенге дейiн әркез келесi бес жыл мерзiмге автоматты түрде ұзартылып отырады. Осы Келiсiм әрекетiнiң тоқтатылуы Тараптардың осы Келiсiмнiң ережелерi негiзiнде келiсiлген және оның әрекетi тоқтатылған сәтке аяқталмаған жобалар мен бағдарламаларды орындауға, сондай-ақ осы Келiсiмдi iске асыру мақсатында жасалған шарттар мен келiсiмдердiң қолданылуына әсер етпейдi.
200_ жылғы "___" _______ қаласында әрқайсысы қазақ, украин және орыс тiлдерiнде екi данада жасалды, сондай-ақ барлық мәтiн бiр-бiрiмен дәлме-дәл.
Осы Келiсiмдi түсiндiруде қайшылықтар туындаған жағдайда Тараптар орыс тiлiндегі мәтiндi басшылыққа алатын болады.
Қазақстан Республикасының Украинаның
Yкiметі үшін Министрлер Кабинеті үшiн
