1. Қоса берiлiп отырған Ақша-кредит және валюта саясатын жүргiзуге арналған бiрыңғай тәсiлдер туралы келiсiмнiң жобасы мақұлдансын.
2. Ақша-кредит және валюта саясатын жүргiзуге арналған бiрыңғай тәсiлдер туралы келiсiмге қол қойылсын.
3. Осы қаулы қол қойылған күнінен бастап қолданысқа енгiзiледi.
Қазақстан Республикасының
Премьер-Министрі
Жоба
Ақша-кредит және валюта саясатын жүргiзуге арналған
бiрыңғай тәсiлдер туралы келiсiм
Бұдан әрi Тараптар деп аталатын
Беларусь Республикасының Үкiметi, Беларусь Республикасының Ұлттық банкi,
Қазақстан Республикасының Үкiметi, Қазақстан Республикасы Ұлттық Банкi,
Ресей Федерациясының Үкiметi, Ресей Федерациясының Орталық банкi,
Украина Үкiметi, Украина Ұлттық банкi,
2003 жылғы 19 қыркүйекте Ялтада қол қойылған Бiртұтас экономикалық кеңiстiк (бұдан әрi - БЭК) құру туралы келiсiмнiң ережелерiн басшылыққа ала отырып,
экономикалық ықпалдастықты тереңдетуге, өзара сауда-экономикалық қатынастарды дамытуға ұмтыла отырып,
БЭК құру туралы келiсiмге қатысушы мемлекеттердiң аумағында тауарлардың, қызметтердiң, капиталдың және жұмыс күшiнiң еркiн қозғалысын қамтамасыз етуге жәрдемдесу мақсатында,
Бiртұтас экономикалық кеңiстiк құру жөнiндегi үйлестiрiлген iс-шараларды жүзеге асырудың қажеттiлiгiн растай отырып,
валюта саласындағы ықпалдасу процестерiн дамыту үшiн негiз жасай отырып, мына төмендегiлер туралы келiстi
1-бап. Ақша-кредит және валюта саясатын жүргiзудiң
негiзгi қағидаттары
1.1. БЭК құру туралы келiсiмнiң 2-бабында айқындалған мiндеттердi шешу, валюта бағамдарының құбылмалылығын (тұрақсыздығын) азайтуға жағдай жасау үшiн Тараптар ұлттық валютаға деген сенiмдi қамтамасыз етуге бағытталған экономикалық саясатты жүргiзетiн болады.
1.2. Тараптар БЭК құру туралы келiсiмге қатысушы мемлекеттердiң iшкi бағаларының тұрақтылығына қол жеткiзу үшiн қажеттi ақша-кредит және валюта саясатын жүргiзудiң бiрыңғай тәсiлдерiн айқындау туралы уағдаласты.
1.3. Тараптар ақша-кредит және валюта саясатын жүргiзу кезiнде БЭК шеңберiнде ықпалдасу процестерiн дамытуға терiс әсер ететiн iс-әрекеттердi болдырмауға уағдаласты.
2-бап. Ақша-кредит және валюта саясатын келiсу
процесiнiң кезеңдiлiгi
2.1. БЭК құру туралы келiсiмде және БЭК құру туралы тұжырымдамада белгiленген Бiртұтас экономикалық кеңiстiктi кезең-кезеңiмен құру қағидатын назарға ала отырып, Тараптар БЭК құру туралы келiсiмге қатысушы мемлекеттердiң ақша-кредит және валюта саясатын келiсу процесiнiң сондай-ақ кезеңдiк сипатта болуы және ықпалдасу процестерiн дамыту үшiн қажеттi көлемде жүзеге асырылуы тиiс екендiгi туралы уағдаласты.
2.2. Тараптар БЭК құрудың БЭК құру тұжырымдамасына сәйкес еркiн сауда аймағын құру көзделетiн бiрiншi кезектегi кезеңiнде ақша-кредит және валюта саясатының әрбiр Тараптың iшкi бағалар тұрақтылығын қамтамасыз етуi үшiн қажеттi заңды қағидаттарын үйлестiрудi жүзеге асыру керектiгiн келiстi.
2.3. Егер ықпалдасу процестерiн одан әрi дамыту үшiн БЭК құру туралы келiсiмге қатысушы мемлекеттердiң орталық (ұлттық) банктерiнiң және үкiметтерiнiң ақша-кредит және валюта саясаты саласындағы өзара iс-қимылын тереңдету қажет болған жағдайда, Тараптар өзектi мәселелер бойынша жаңа қосымша келiсiмдер дайындаудың және оларға қол қоюдың қажеттiлiгi туралы уағдаласты.
2.4. БЭК құру туралы келiсiмге қатысушы мемлекеттердiң бағамдық саясатын үйлестiру экономикалық ықпалдастықтың күшейтiлуiне қарай жүзеге асырылады.
3-бап. Орталық (ұлттық) банктердiң тәуелсiздiгi
3.1. Тараптар ақша-кредит және валюта саясатын жүргiзуге арналған бiрыңғай тәсiлдердi қалыптастырудың негiзгi қағидаты орталық (ұлттық) банктердiң тәуелсiздiгi болып табылатынына келiстi.
3.2. БЭК құру туралы келiсiмге қатысушы мемлекеттердiң орталық (ұлттық) банктерi ұлттық заңнамада көзделген функциялар мен өкiлеттiктердi мемлекеттiк билiктiң басқа органдарына қарамастан жүзеге асырады.
3.3. Орталық (ұлттық) банктердiң тәуелсiздiгi БЭК құру туралы келiсiмге қатысушы мемлекеттердiң ұлттық заңнамасында бекiтiлуi тиiс.
4-бап. Бюджет тапшылығын қаржыландыру
4.1. БЭК құру туралы келiсiмге қатысушы мемлекеттердiң үкiметтерi орталық (ұлттық) банктердiң бюджет тапшылығын тiкелей қаржыландыруына жүгiнбейдi.
4.2. БЭК құру туралы келiсiмге қатысушы мемлекеттердiң орталық (ұлттық) банктерi бюджет тапшылығын қаржыландыру yшiн кредиттер бермейдi және бастапқы орналастыру кезiнде мемлекеттiк бағалы қағаздарды сатып алмайды.
4.3. Ақша-кредит саясатын тиiмдi жүргiзу үшiн Тараптар мемлекеттiк бағалы қағаздардың iшкi нарықтарын дамытуға және қолдауға ұмтылады.
5-бап. Бағамдық саясаттың қағидаттары
5.1. Тараптар БЭК құру туралы келiсiмге қатысушы мемлекеттердiң орталық (ұлттық) банктерiнiң Тараптар валюталардың өзара бағамдарын валюта нарығындағы сұраныс пен ұсыныс негiзiнде белгiлейтiн жағдайларды қоспағанда, валюталардың өзара бағамдарын АҚШ долларына шаққандағы кросс-бағамдар негiзiнде айқындайтынына келiстi.
5.2. БЭК құру туралы келiсiмге қатысушы мемлекеттiң ұлттық валютасының АҚШ долларына шаққандағы бағамы Тараптар валюталардың өзара бағамдарын валюта нарығындағы сұраныс пен ұсыныс негiзiнде белгiлейтiн жағдайларды қоспағанда, валюта нарығындағы сұраныс пен ұсыныс негiзiнде айқындалады.
5.3. Тараптар БЭК құру туралы келiсiмге қатысушы мемлекеттердiң валюта саясаты төлем теңгерiмiнiң барлық операциялары бойынша нарықтық валюта бағамы негiзiнде жүргiзiлетiнiне келiстi.
6-бап. Ұлттық валюталардың айырбасталымдылығы
6.1. Тараптар төлем теңгерiмiнiң ағымдағы операциялары бойынша ұлттық валюталардың айырбасталымдылығын қамтамасыз ету қажеттiлiгi туралы уағдаласты.
6.2. Тараптар ықпалдастық қатынастардың нығаюына қарай БЭК құру туралы келiсiмге қатысушы мемлекеттердiң капиталмен және төлем теңгерiмiнiң қаржы құралдарымен операциялар бойынша валюталарының өзара айырбасталымдылығын қамтамасыз етуге мiндеттенедi.
7-бап. Ақша-кредит саясатының мақсаттары
7.1. Тараптар БЭК құру туралы келiсiмге қатысушы мемлекеттердiң ақша-кредит саясатының басты мақсаты iшкi бағалардың тұрақтылығына қол жеткiзу және ұстап тұру болуы тиiс екенiне келiстi.
7.2. Iшкi бағалардың тұрақтылығына қол жеткiзу және ұстап тұру туралы ереже ақша-кредит саясатының басты мақсаты ретiнде БЭК құру туралы келiсiмге қатысушы мемлекеттердiң орталық (ұлттық) банктерi туралы ұлттық заңнамаларда белгiленуi тиiс.
8-бап. Ақша-кредит саясатының әдiстерi мен құралдары
8.1. Тараптар орталық (ұлттық) банктердiң қызметi нарықтық экономика және еркiн бәсекелестiк қағидаттарына сәйкес болуы тиiс екенiне келiстi.
8.2. БЭК құру туралы келiсiмге қатысушы мемлекеттердiң осы Келiсiмнiң 7-бабының 1-тармағында айқындалған ақша-кредит саясатының басты мақсатына қол жеткiзу орталық (ұлттық) банктердiң нарықтық әдiстер мен құралдарды пайдалануы негiзiнде жүзеге асырылуы тиiс.
8.3. Орталық (ұлттық) банктер қаржылық емес кәсiпорындар мен ұйымдарға кредиттер бермейдi.
9-бап. Ақша-кредит және валюта саясатының ашықтығы
9.1. Тараптар БЭК құру туралы келiсiмге қатысушы мемлекеттердiң ақша-кредит және валюта саясатын қалыптастыру мен жүргiзу процесiне қатысты ақпараттың қол жетiмдiлiгiн қамтамасыз ету қажеттiлiгi туралы уағдаласты.
9.2. Тараптар БЭК-тiң Интернет-сайтында орналастыру үшiн ақша-кредит және валюта саясатын қалыптастыру мен жүргiзуге қатысты ақпаратты ұсынуға мiндеттенедi.
9.3. БЭК Интернет-сайтында орналастыруға арналған ақпараттың көлемi, кезеңдiлiгi, мерзiмi және ұсыну тәртiбi қосымша хаттамамен айқындалады.
Осы Келiсiмнiң ережелерiн түсiндiруге және/немесе қолдануға қатысты Тараптар арасындағы даулар мен келiспеушiлiктер Тараптар арасында консультациялар мен келiссөздер жүргiзу жолымен шешiледi.
Келiсiмге қол жеткiзiлмеген жағдайда Тараптардың кез келгенi дауды Бiртұтас экономикалық кеңiстiк шеңберiндегi Дауларды шешу жөнiндегi органға шешуге бере алады.
Кез келген мемлекет осы Келiсiмнiң қатысушысы бола алады.
Осы Келiсiмге қосылу шарттары осы Келiсiмге қатысушы мемлекеттер және қосылушы мемлекет арасында жасалатын халықаралық шартта айқындалды.
13-бап. Өзгерiстер мен толықтырулар
Тараптардың өзара келiсiмi бойынша осы Келiсiмге хаттамамен ресiмделетiн өзгерiстер мен толықтырулар енгiзiлуi мүмкiн.
14-бап. Келiсiмнiң күшiне ену және одан шығу тәртiбi
Осы Келiсiмнiң күшiне ену және одан шығу тәртiбi Бiртұтас экономикалық кеңiстiк құру жөнiндегi халықаралық шарттардың күшiне ену және одан шығу тәртiбi туралы хаттамада айқындалады.
200 жылғы "___" ____________ _________ қаласында бiр түпнұсқа данада орыс тiлiнде жасалған. Түпнұсқа дана Депозитарийде сақталады. Депозитарийдiң функциялары Бiртұтас экономикалық кеңiстiктiң комиссиясына берiлгенге дейiн осы Келiсiмнiң Депозитарийi Қазақстан Республикасы болып табылады.
Депозитарий осы Келiсiмге қол қойған Тараптардың әрқайсысына оның расталған көшiрмесiн жiбередi.
Беларусь Республикасының Беларусь Республикасының
Yкiметi үшiн Ұлттық банкi үшiн
Қазақстан Республикасының Қазақстан Республикасы
Yкiметi үшiн Ұлттық Банкi үшiн
Ресей Федерациясының Ресей Федерациясының
Yкiметi үшiн Орталық банкi үшiн
Украинаның Украинаның Ұлттық
Үкiметi үшiн банкi үшiн
