Қазақстан Республикасының Үкiметi
ҚАУЛЫ ЕТЕДI:
1. Қоса берiлiп отырған Кредит-қаржы ұйымдарындағы жеке тұлғалардың салымдарына кепiлдiк беру (сақтандыру) жүйелерiн үйлестiру туралы келiсiм жобасы мақұлдансын.
2. Кредит-қаржы ұйымдарындағы жеке тұлғалардың салымдарына
кепiлдiк беру (сақтандыру) жүйелерiн үйлестiру туралы келiсiмге қол
қойылсын.
3. Осы қаулы қол қойылған күнiнен бастап қолданысқа енгiзiледi.
Қазақстан Республикасының
Премьер-Министрi
Кредит-қаржы ұйымдарындағы жеке тұлғалардың салымдарына
кепiлдiк беру (сақтандыру) жүйелерiн үйлестiру туралы
келiсiм
Бұдан әрi Тараптар деп аталатын 2003 жылғы 19 қыркүйектегi Бiртұтас экономикалық кеңiстiк құру туралы келiсiмге қатысушы мемлекеттердiң үкiметтерi, халықаралық саудадағы жалпыға бiрдей қабылданған нормалар мен ережелердi басшылыққа ала отырып,
Бiртұтас экономикалық кеңiстiк (бұдан әрi - БЭК) құру жөнiндегi үйлестiрiлген iс-шараларды жүзеге асыру және осы мақсаттар үшiн БЭК құру туралы келiсiмге қатысушы мемлекеттердiң жеке тұлғаларының салымдарына (депозиттерiне) (бұдан әрi - салымдар) кепiлдiк беру (сақтандыру) жүйелерiн үйлестiру қажеттiлiгiн растай отырып, төмендегiлер туралы келiстi:
Келiсiмге қатысушы мемлекеттердiң салымдарына кепiлдiк беру (сақтандыру) жүйесiн үйлестiру жөнiндегi келiсiлген iс-шаралардың мақсаты Келiсiмге қатысушы мемлекеттердiң кредит-қаржы ұйымдарындағы
салымдарға кепiлдiк берудiң (сақтандырудың) ең үздiк халықаралық банктiк практикаға негiзделген ұлттық жүйелерiн құруы болып табылады.
Мәлiмделген мақсаттарды iске асыру үшiн Тараптар кредит-қаржы
ұйымдарындағы салымдарға кепiлдiк беру (сақтандыру) саласындағы
нормативтiк құқықтық базаны құру жөнiндегi жұмысты жүзеге асыру
кезiнде ұлттық банктiк жүйелердiң ағымдағы жай-күйiн ескере отырып,
мынадай негiзгi қағидаттарды басшылыққа алуға мiндеттенедi:
кредит-қаржы ұйымдарының салымдарға кепiлдiк беру (сақтандыру)
жүйесiне қатысу мiндеттiлiгi;
кредит-қаржы ұйымдары өз мiндеттемелерiн орындамаған жағдайда
салымшылар үшiн қолайсыз салдардың туу тәуекелiн азайту;
салымдарға кепiлдiк беру (сақтандыру) жүйесi қызметiнiң ашықтығы;
салымдарға кепiлдiк беру (сақтандыру) жүйесiне қатысушы - кредит-қаржы ұйымдарының тұрақты жарналары есебiнен салымдарға мiндеттi кепiлдiк беру (сақтандыру) қорын қалыптастырудың жинақтаушылық сипаты;
салымдар бойынша өтемақы төлеудiң (төлемнiң шектiк мөлшерi) шектеулi сипаты;
салымдарға кепiлдiк беру (сақтандыру) жүйесiн қаржыландыруға және қолдауға мемлекеттiң қатысуы;
шетел азаматтарының немесе азаматтығы жоқ адамдардың салымдарына да Келiсiмге қатысушы мемлекеттердiң азаматтары сияқты шарттарда кепiлдiк беру (сақтандыру).
Кредит-қаржы ұйымдарындағы салымдарға кепiлдiк беру
(сақтандыру) саласында нормативтiк құқықтық база құру жөнiндегi iс-шараларды үйлестiру мақсатында Тараптар осы саланы заңнамалық реттеудiң жоспарланып отырған және жүзеге асырылатын өзгерiстерi туралы бiр-бiрiн хабардар етуге мiндеттенедi.
Тараптар қажет болған кезде салымдарға кепiлдiк беру (сақтандыру) саласында, оның iшiнде кредит-қаржы ұйымдарындағы салымдарға кепiлдiк беру (сақтандыру) саласындағы нормативтiк құқықтық базадағы БЭК құруға кедергi келтiретiн елеулi айырмашылықтар мәселелерi бойынша Тараптар пайдаланатын негiзгi тәсiлдер бойынша өзара консультациялар өткiзуге мiндеттенедi.
Осы Келiсiмнiң ережелерiн түсiндiруге және/немесе қолдануға қатысты Тараптардың арасындағы даулар мен келiспеушiлiктер Тараптар арасында консультациялар және келiссөздер жүргiзу жолымен шешiледi.
Келiсiмге қол жеткiзiлмеген жағдайда Тараптардың кез келгенi дауды БЭК шеңберiндегi Дауларды шешу жөнiндегi органға шешуге бере алады.
Кез келген мемлекет осы Келiсiмнiң қатысушысы бола алады.
Осы Келiсiмге қосылудың шарттары осы Келiсiмге қатысушы мемлекеттер мен қосылатын мемлекет арасында жасалатын халықаралық шартта айқындалады.
Осы Келiсiмге Тараптардың өзара келiсiмi бойынша хаттамамен
ресiмделетiн өзгерiстер мен толықтырулар енгiзiлуi мүмкiн.
Осы Келiсiмнiң күшiне ену және одан шығу тәртiбi Бiртұтас экономикалық кеңiстiк құру жөнiндегi халықаралық шарттардың күшiне ену және олардан шығу тәртiбi туралы хаттамада белгiленедi.
200 жылғы <__ >__________________________қаласында орыс тiлiнде бiр түпнұсқа данада жасалды. Түпнұсқа дана Депозитарийде сақталады. Депозитарийдiң функциялары БЭК комиссиясына берiлгенге дейiн Қазақстан Республикасы осы Келiсiмнiң Депозитарийi болып табылады.
Депозитарий осы Келiсiмге қол қойған Тараптардың әрқайсысына оның куәландырылған көшiрмесiн жiбередi.
Беларусь Республикасының Қазақстан Республикасының
Yкiметi үшiн Yкiметi үшiн
Ресей Федерациясының Украинаның
Yкiметi үшiн Министрлер Кабинетi үшiн
