Қазақстан Республикасының Yкiметi
ҚАУЛЫ ЕТЕДI
:
"Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келiсiмге өзгерiстер мен толықтырулар енгiзу туралы хаттаманы ратификациялау туралы" Қазақстан Республикасы Заңының жобасы Қазақстан Республикасының Парламентi Мәжiлiсiнiң қарауына енгiзiлсiн.
Қазақстан Республикасының
Премьер-Министрі
Жоба
ҚАЗАҚСТАН РЕСПУБЛИКАСЫНЫҢ 3AҢЫ
Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келiсiмге өзгерiстер мен толықтырулар енгiзу туралы хаттаманы ратификациялау туралы
Мәскеуде 2006 жылғы 4 сәуiрде қол қойылған Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келiсiмге өзгерiстер мен толықтырулар енгiзу туралы хаттама ратификациялансын.
Қазақстан Республикасының
Президентi
Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршілiгiн қамтамасыз ету шарттары туралы келiсiмге өзгерiстер мен толықтырулар енгiзу туралы
ХАТТАМА
Бұдан әрi Тараптар деп аталатын Қазақстан Республикасы мен Ресей Федерациясы,
Қазақстан Республикасы мен Ресей Федерациясы арасындағы 1995 жылғы 20 қаңтардағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келiсiмге (бұдан әрi - Келiсiм) мынадай өзгерiстер мен толықтырулар енгiзуге келiстi:
1) кiрiспедегi:
үшiншi абзац алып тасталсын;
төртiншi абзацта "Тәуелсiз Мемлекеттер Достастығына қатысушы-
мемлекеттердiң 1992 жылғы 9 қазандағы РҚҚ-72 Шартына қатысу туралы Шешiмiн," деген сөздер алып тасталсын;
2) 1-баптың екiншi абзацындағы "Жезқазған" деген сөз "Қарағанды" деген сөзбен ауыстырылсын;
3) 2-баптағы "Полигонның ӘШҚҚ-72 жөнiндегi Шарттың 4-бабында айтылған және 1978 жылғы 1 қарашадағы Шартқа Келiсiлген мәлiмдемеде бекiтiлген" деген сөздер алып тасталсын;
4) 4-бап мынадай редакцияда жазылсын:
"1. Қазақстан Республикасы жер учаскелерiн жалға беру шартымен Полигонның онда орналасқан жылжымалы және жылжымайтын мүлiк объектiлерiмен, сондай-ақ Приозерск қаласының жылжымалы және жылжымайтын мүлкiмен бiрге Ресей Федерациясына уақытша пайдалануға бередi.
2. Қазақстан Республикасының Үкiметi мен Ресей Федерациясының Yкiметi арасындағы Сарышаған сынақ полигонын жалға беру туралы 1996 жылғы 18 қазандағы шартқа сәйкес жер учаскелерiнiң, оның iшiнде онда орналасқан жылжымалы және жылжымайтын мүлiк объектiлерiмен бiрге жер учаскелерiнiң жалға берiлу кезеңiнде Ресей Федерациясының мүддесiнде Ресей Федерациясы Полигонды пайдаланғаны үшiн ақы төлеудi жүзеге асырады.";
5) 7-баптың 1-тармағында "статусы Тараптардың жеке келiсiмiмен" деген сөздер ", олардың құрамына кiретiн адамдар және олардың отбасы мүшелерiнiң мәртебесi, сондай-ақ Ресей Федерациясының құзыреттi органдарының Полигон аумағындағы заңдық құзыры мәселелерi Қазақстан Республикасы мен Ресей Федерациясы арасындағы Қазақстан Республикасының аумағында уақытша орналасқан Ресей Федерациясының әскери құрамаларының мәртебесi туралы 1995 жылғы 20 қаңтардағы келiсiммен және Тараптардың басқа да келiсiмдерiмен" деген сөздермен ауыстырылсын;
6) 9-бапта:
бiрiншi абзац мынадай редакцияда жазылсын:
"Полигон қызметi Қазақстан Республикасының Қорғаныс министрiмен келiсiм бойынша Ресей Федерациясының Қорғаныс министрi бекiтетiн Қазақстан Республикасының аумағында орналасқан Ресей Федерациясы Қорғаныс министрлiгiнiң Мемлекеттiк орталық түраралық полигонының құрылымдық бөлiмшелерi, объектiлерi және ұрыс алаңдары туралы ережемен (бұдан әрi - Полигон туралы ереже) регламенттеледi. Полигонның аталған жұмыстары үшiн:";
жетiншi абзацтағы "Қазақстан Республикасының Ғылым және жаңа технологиялар министрлiктерiмен" деген сөздер "Қазақстандық Тарап уәкiлеттiк берген ғылым және жаңа технологиялар мәселелерi жөнiндегi мемлекеттiк органымен" деген сөздермен ауыстырылсын;
7) 10-баптағы:
екiншi абзацтағы "қалпына келтiрудi және" деген сөздер алып тасталсын;
төртiншi абзацтың қазақша мәтiнi өзгерiссiз қалады;
тоғызыншы абзацтағы "қамтамасыз етудi мiндеттенедi." деген сөздер ";" деген белгiмен ауыстырылсын;
тоғызыншы абзацтан кейiн мынадай мазмұндағы абзацпен толықтырылсын:
"нысаналар мен ракеталар құлаған алқаптарды қайта өңдеудi (қажет болған жағдайда Тараптардың келiсiмi бойынша айқындалатын тәртiппен) қамтамасыз етудi мiндеттенедi.";
он бiрiншi абзац мынадай редакцияда жазылсын:
"Полигонның қолбасшылығы Қазақстан Республикасының жергiлiктi атқарушы билiк органдарымен бiрлесiп дүлей зiлзалаларды жоюға көмек көрсету кезiнде Полигон аумағының учаскелерiн пайдаланудың тәртiбiн айқындайды.";
мынадай мазмұндағы он үшiншi абзацпен толықтырылсын:
"Полигонның аумағын басқа мақсаттарда пайдалану кезiнде оның жоспарлы жұмыстарын уақытша тоқтату немесе шектеу Қазақстан Республикасы Қорғаныс министрлiгiнiң және Ресей Федерациясы Қорғаныс министрлiгiнiң бiрлескен шешiмдерi негiзiнде жүргiзiледi.";
8) 11-бап мынадай мазмұндағы абзацпен толықтырылсын:
"Полигонның аумағында жер кадастрын және мониторингтi жүргiзудi, жердiң мақсатты пайдаланылуын бақылауды Полигонның қолбасшылығымен келiсiлген тәртiппен және мерзiмдерде Қазақстан Республикасының жер ресурстарын басқару жөнiндегi уәкiлеттi мемлекеттiк органы жүзеге асырады.";
9) 13-бап мынадай редакцияда жазылсын:
"Ресей Тарапы Полигон аумағында геологиялық барлауды және пайдалы қазбалар өңдеудi жүргiзбейдi және Полигон аумағында аң аулауды, балық ұстауды және жабайы өсiмдiктердi жинауды Қазақстан Республикасының заңнамасына сәйкес қамтамасыз етедi.";
10) 15-бап мынадай редакцияда жазылсын:
"Қазақстан Республикасы Қорғаныс министрлiгiнiң Полигонда сынақтан өткен қару-жарақ пен әскери техниканың жаңа түрлерiн сатып алуға басым құқығы бар.";
11) 18-бап мынадай мазмұндағы абзацпен толықтырылсын:
"Әскери тасымалдаулар және олар үшiн есеп айырысуды жүзеге асыру тәртiбi Тараптардың жеке келiсiмiмен айқындалады.";
12) 22-бап бiрiншi абзацтан кейiн мынадай мазмұндағы абзацпен толықтырылсын:
"Тараптардың бақылау органдарын құпия мәлiметтердi қамтитын жұмыстар мен құжаттарға рұқсаттамасы нысандарының сәйкестiгi Тараптардың жеке келiсiмiмен айқындалады.";
13) 23-баптағы "Шартты" деген сөзден кейiн "және осы Келiсiмдi" деген сөздермен толықтырылсын.
Осы Хаттаманың ережелерiн түсiндiру және қолдану кезiнде туындаған барлық даулар мен келiспеушiлiктер өзара консультациялар мен келiссөздер жолымен шешiледi.
Тараптардың бiреуiнде бiрлескен шешiмдi талап ететiн мәселелер туындаған кезде осы Тарап екiншi Тарапты келiссөздер басталғанға дейiн 30 күннен кешiктiрмей ол туралы жазбаша хабардар етедi.
Осы Хаттама Тараптар оның күшiне енуi үшiн қажеттi мемлекетiшiлiк рәсiмдердi орындағаны туралы соңғы жазбаша хабарламаны дипломатиялық арналар бойынша алған күнiнен бастап күшiне енедi.
Осы Хаттама өз қолданысын Келiсiмнiң қолданысы тоқтатылған кезде бiр мезгiлде тоқтатады.
Мәскеу қаласында 2006 жылғы 4 сәуірде әрқайсысы қазақ және орыс тiлдерiнде екi данада жасалды әрi екi мәтiннiң күшi бiрдей.
ҚАЗАҚСТАН РЕСПУБЛИКАСЫ РЕСЕЙ ФЕДЕРАЦИЯСЫ
YШIН ҮШIН
