"Республикалық мемлекеттiк кәсiпорындардың шаруашылық жүргiзуiндегi немесе жедел басқаруындағы мүлiктi, оның iшiнде жекешелендiруге жатпайтын мемлекеттiк меншiк объектiлерiн мүлiктiк жалға беру ережесiн бекiту туралы" Қазақстан Республикасы Үкiметiнiң 2001 жылғы 7 наурыздағы N 336 қаулысына сәйкес Қазақстан Республикасының Үкiметi ҚАУЛЫ ЕТЕДI :
1. Қазақстан Республикасы Көлiк және коммуникация министрлiгi Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетiмен бiрлесiп заңнамада белгiленген тәртiппен:
1) "Қазаэронавигация" әуе жүрiсiн басқару, ұшуды радиотехникалық қамтамасыз етудiң жер үстiндегi құралдары мен электр байланысын техникалық пайдалану жөнiндегі республикалық мемлекеттік кәсiпорнының шаруашылық жүргiзуiндегi Алматы қаласы, Б.Майлин көшесi, 38 А мекен-жайында орналасқан, жалпы алаңы 1148 шаршы метр әкiмшiлiк ғимаратының үй-жайларын "Азаматтық авиация медициналық орталығы" еншiлес мемлекеттік кәсiпорнына мүлiктiк жалға берудi қамтамасыз етсiн;
2) осы қаулыдан туындайтын өзге де шараларды қабылдасын.
