"Қазақстан Республикасының кейбір заңнамалық актілеріне ұжымдық инвестициялау және жинақтаушы зейнетақы қорлары қызметінің мәселелері бойынша өзгерістер мен толықтырулар енгізу туралы"

Қазақстан Республикасы Үкіметінің 2007 жылғы 27 желтоқсандағы N 1302 Қаулысы.

Қазақстан Республикасы Заңының жобасы туралы Қазақстан Республикасының Үкіметі ҚАУЛЫ ЕТЕДІ:
"Қазақстан Республикасының кейбір заңнамалық актілеріне ұжымдық инвестициялау және жинақтаушы зейнетақы қорлары қызметінің мәселелері бойынша өзгерістер мен толықтырулар енгізу туралы" Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.

Қазақстан Республикасының
Премьер-Министрі

ҚАЗАҚСТАН РЕСПУБЛИКАСЫНЫҢ ЗАҢЫ

Қазақстан Республикасының кейбір заңнамалық актілеріне ұжымдық инвестициялау және жинақтаушы зейнетақы қорлары қызметінің мәселелері бойынша өзгерістер мен толықтырулар енгізу туралы

1-бап. Қазақстан Республикасының мына заңнамалық актілеріне өзгерістер мен толықтырулар енгізілсін:
1. 2001 жылғы 30 қаңтардағы Қазақстан Республикасының Әкімшілік құқық бұзушылық туралы кодексіне (Қазақстан Республикасы Парламентінің Жаршысы, 2001 ж., N 5-6, 24-құжат; N 17-18, 241-құжат; N 21-22, 281-құжат; 2002 ж., N 4, 33-құжат; N 17, 155-құжат; 2003 ж., N 1-2, 3-құжат; N 4, 25-құжат; N 5, 30-құжат; N 11, 56, 64, 68-құжаттар; N 14, 109-құжат; N 15, 122, 139-құжаттар; N 18, 142-құжат; N 21-22, 160-құжат; N 23, 171-құжат; 2004 ж., N 6, 42-құжат; N 10, 55-құжат; N 15, 86-құжат; N 17, 97-құжат; N 23, 139, 140-құжаттар; N 24, 153-құжат; 2005 ж., N 5, 5-құжат; N 7-8, 19-құжат; N 9, 26-құжат; N 13, 53-құжат; N 14, 58-құжат; N 17-18, 72-құжат; N 21-22, 86, 87-құжаттар; N 23, 104-құжат; 2006 ж., N 1, 5-құжат; N 2, 19, 20-құжаттар; N 3, 22-құжат; N 5-6, 31-құжат; N 8, 45-құжат; N 10, 52-құжат; N 11, 55-құжат; N 12, 72, 77-құжаттар; N 13, 85, 86-құжаттар; N 15, 92, 95-құжаттар; N 16, 98, 102-құжаттар; N 23, 141-құжат; 2007 ж., N 1, 4-құжат; N 2, 16, 18-құжаттар; N 3, 20, 23-құжаттар; N 4, 28, 33-құжаттар; N 5-6, 40-құжат; N 9, 67-құжат; N 10, 69-құжат; N 12, 88-құжат; N 13, 99-құжат; N 15, 106-құжат; N 16, 131-құжат; N 17, 136, 139, 140, 143, 144-құжаттар; N 19, 146, 147,152-құжаттар):
1) 88-бапта:
бірінші бөліктің екінші абзацы мынадай редакцияда жазылсын:
"лауазымды тұлғаға жиырма айлық есептік көрсеткіш, ал заңды тұлғаға елу айлық есептік көрсеткіш мөлшерінде айыппұл салуға әкеп соғады.";
мынадай мазмұндағы бесінші және алтыншы бөліктермен толықтырылсын:
"5. Жинақтаушы зейнетақы қорының Зейнетақы төлеу жөніндегі орталыққа міндетті зейнетақы жарналары есебінен зейнетақымен қамсыздандыру туралы салымшылармен жасалған және қолданылуы тоқтатылған шарттар туралы мәліметтерді табыс етпеуі, уақтылы табыс етпеуі, сол сияқты міндетті зейнетақы жарналары есебінен зейнетақымен қамсыздандыру туралы салымшылармен жасалған және қолданылуы тоқтатылған шарттар туралы шынайы емес мәліметтерді табыс етуі -лауазымды тұлғаға елу айлық есептік көрсеткіш, ал заңды тұлғаға жүз айлық есептік көрсеткіш мөлшерінде айыппұл салуға әкеп соғады.
6. Осы баптың бесінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған іс-әрекеттер -лауазымды тұлғаға жүз айлық есептік көрсеткіш, ал заңды тұлғаға екі жүз айлық есептік көрсеткіш мөлшерінде айыппұл салуға әкеп соғады.";
2) 172-2-бапта:
тақырыбы және бірінші абзацы "қорларының" деген сөзден кейін ", ашық жинақтаушы зейнетақы қорларының ірі қатысушыларының" деген сөздермен толықтырылсын;
екінші абзацта:
"лауазымды адамға" деген сөздердің алдынан "жеке тұлғаға елу айлық есептік көрсеткіш мөлшерінде," деген сөздермен толықтырылсын;
"- айлық есептік көрсеткіштің қырықтан жетпіске дейінгі" деген сөздер "жүз айлық есептік көрсеткіш" деген сөздермен, "айлық есептік көрсеткіштің төрт жүз елуге дейінгі" деген сөздер "екі жүз елу айлық есептік көрсеткіш" деген сөздермен ауыстырылсын;
3) мынадай мазмұндағы 179-3-баппен толықтырылсын:
"179-3-бап. Жинақтаушы зейнетақы қорларының және/немесе зейнетақы активтерін инвестициялық басқаруды жүзеге асыратын ұйымдардың Қазақстан Республикасының бухгалтерлік есеп және қаржылық есептілік туралы заңнамасын бұзуы, сондай-ақ пруденциалдық нормативтерді немесе басқа сақталуы міндетті нормалар мен лимиттерді орындамауы
1. Жинақтаушы зейнетақы қорларының, зейнетақы активтерін инвестициялық басқаруды жүзеге асыратын ұйымдардың Қазақстан Республикасының бухгалтерлік есеп және қаржылық есептілік туралы заңнамасын мыналар түрінде бұзуы:
бухгалтерлік есепті жүргізуден жалтару, егер бұл іс-әрекетте қылмыстық жаза қолданылатын әрекет белгілері болмаса;
ондағы көрсеткіштердің не пруденциалдық нормативтерді орындау жөніндегі мәліметтердің және (немесе) Қазақстан Республикасының зейнетақымен қамсыздандыру туралы заңнамасында айқындалған сақталуы міндетті басқа да нормалар мен лимиттердің бұрмалануына әкеп соққан қаржылық есептілікті жасау -
лауазымды тұлғаға жетпіс айлық есептік көрсеткіш, заңды тұлғаға үш жүз айлық есептік көрсеткіш мөлшерінде айыппұл салуға әкеп соғады.
2. Жинақтаушы зейнетақы қорларының, зейнетақы активтерін инвестициялық басқаруды жүзеге асыратын ұйымдардың уәкілетті орган белгілеген пруденциалдық нормативтерді және (немесе) басқа да сақталуы міндетті нормалар мен лимиттерді бірнеше рет (қатарынан он екі күнтізбелік ай ішінде екі және одан да көп рет) орындамауы-
заңды тұлғаға екі жүз айлық есептік көрсеткіш мөлшерінде айыппұл салуға әкеп соғады.";
4) 573-баптың бірінші бөлігіндегі:
"88 (бірінші бөлік)" деген сөздер "88 (бірінші, бесінші және алтыншы бөліктер)" деген сөздермен ауыстырылсын;
"175-2," деген цифрлардан кейін "179-3," деген цифрлармен толықтырылсын.
2. "Қазақстан Республикасындағы банктер және банк қызметі туралы" 1995 жылғы 31 тамыздағы Қазақстан Республикасының Заңына (Қазақстан Республикасы Жоғарғы Кеңесінің Жаршысы, 1995 ж., N 15-16, 106-құжат; Қазақстан Республикасы Парламентінің Жаршысы, 1996 ж., N 2, 184-құжат; N 15, 281-құжат; N 19, 370-құжат; 1997 ж., N 5, 58-құжат; N 13-14, 205-құжат; N 22, 333-құжат; 1998 ж., N 11-12, 176-құжат; N 17-18, 224-құжат; 1999 ж., N 20, 727-құжат; 2000 ж., N 3-4, 66-құжат; N 22, 408-құжат; 2001 ж., N 8, 52-құжат; N 9, 86-құжат; 2002 ж., N 17, 155-құжат; 2003 ж., N 5, 31-құжат; N 10, 51-құжат; N 11, 56, 67-құжаттар; N 15, 138, 139-құжаттар; 2004 ж., N 11-12, 66-құжат; N 15, 86-құжат; N 16, 91-құжат; N 23, 140-құжат; 2005 ж., N 7-8, 24-құжат; N 14, 55, 58-құжаттар; N 23, 104-құжат; 2006 ж., N 3, 22-құжат; N 4, 24-құжат; N 8, 45-құжат; N 11, 55-құжат; N 16, 99-құжат; 2007 ж., N 2, 18-құжат; N 4, 28, 33-құжаттар):
1) 2-бап мынадай редакцияда жазылсын:
"2-бап. Осы Заңда пайдаланылатын негізгі ұғымдар
Осы Заңда мынадай негізгі ұғымдар пайдаланылады:
1) бақылау - бір заңды тұлғаның мынадай шарттардың бірі: бір тұлғаның заңды тұлғалардың жарғылық капиталына қатысу үлестерінің не басқа тұлғаның орналастырылған акцияларының (артықшылықты және қоғам сатып алған акцияларды шегере отырып) елу процентінен астамына дербес не бір немесе бірнеше тұлғамен бірлесіп тікелей немесе жанама иеленуі не басқа заңды тұлға акцияларының елу процентінен астамымен дербес дауыс беру мүмкіндігінің болуы;
бір заңды тұлғаның басқа заңды тұлға директорлар кеңесінің немесе басқармасының кемінде жартысын сайлау мүмкіндігінің болуы;
бір заңды тұлғаның қаржылық есептілігін аудиторлық есепке сәйкес басқа заңды тұлғаның қаржылық есебіне қосқан кезде;
бір заңды тұлғаның қаржылық есептілігін секьюритилендіру туралы Қазақстан Республикасының заңнамасына сәйкес құрылған арнайы қаржы компаниясының қаржылық есептілігін қоспағанда, аудиторлық есепке сәйкес басқа заңды тұлғаның қаржылық есебіне қосқан кезде;
2) банк акцияларын жанама иелену (дауыс беру) - банктің, банктің ірі қатысушысының, банк холдингінің немесе заңды тұлғалардың акцияларын (жарғылық капиталға қатысу үлестерін) иелену арқылы банктің бірлескен ірі қатысушы, банк холдингі болып табылатын тұлғалардың шешімін айқындау мүмкіндігі;
3) банк конгломераты - бас ұйымнан және оның еншілес ұйымдарынан, сондай-ақ бас ұйым және (немесе) оның еншілес ұйымдары капиталына қомақты қатысатын ұйымдардан тұратын және мынадай шарттардың біріне сәйкес келетін заңды тұлғалар тобы:
банк бас ұйым болып табылады немесе еншілес ұйымдардың бірі банк болып табылады;
банк бас ұйым болып табылмайды, бірақ топтың қызметі негізінен банк секторында шоғырланған, яғни банктер мен банк операцияларының жекелеген түрлерін жүзеге асыратын ұйымдардың жиынтық активтерінің, топтың жиынтық активтеріне топтың қатынасы қырық және одан да көп процентті құрайды;
банк бас ұйым болып табылмайды, бірақ топта бір банк және өзге қаржылық ұйым бар.
Ұлттық басқарушы компания немесе ұлттық холдинг бас ұйым болып табылатын заңды тұлғалар тобы банк конгломератына жатпайды.
Егер заңды тұлғалар тобында бас ұйым - Қазақстан Республикасының резиденті емес-банк болатын болса, онда Қазақстан Республикасының резиденті-еншілес банк және оның еншілес ұйымдары, сондай-ақ еншілес банк және оның еншілес ұйымдары капиталына қомақты қатысатын ұйымдар банк конгломераты болып танылады;
4) банк холдингі - уәкілетті органның жазбаша келісіміне сәйкес банктің орналастырылған (артықшылықты және банк сатып алған акцияларды шегере отырып) акцияларының жиырма бес немесе одан астам процентін тікелей немесе жанама иеленетін (осындай иеленуші мемлекет немесе ұлттық холдинг не ұлттық басқарушы компания болып табылатын жағдайларды қоспағанда) немесе:
банктің дауыс беретін акцияларының жиырма бес немесе одан астам процентімен тікелей немесе жанама дауыс беруге;
шарттың күшіне қарай не өзгеше түрде банк қабылдайтын шешімдерді айқындауға немесе бақылау жасауға мүмкіндігі бар заңды тұлға;
5) банктің реттеуші меншікті капиталы (бұдан әрі - меншікті капитал) - банктің инвестициялары шегерілген капитал сомасы;
6) банктің ірі қатысушысы - уәкілетті органның жазбаша келісіміне сәйкес банктің орналастырылған (артықшылықты және банк сатып алған акцияларды шегере отырып) акцияларының он немесе одан астам процентін тікелей немесе жанама иеленетін (мемлекет немесе ұлттық холдинг не ұлттық басқарушы компания осындай иеленуші болып табылатын жағдайларды, сондай-ақ осы Заңда көзделген қоспағанда) немесе:
банктің дауыс беретін акцияларының он немесе одан астам процентімен тікелей немесе жанама дауыс беруге;
шарттың күшіне қарай не өзгеше түрде уәкілетті органның нормативтік құқықтық актілерінде айқындалған тәртіппен банк қабылдайтын шешімдерге ықпал ету мүмкіндігі бар жеке және заңды тұлға;
7) бас ұйым - басқа заңды тұлғаға бақылау жасайтын заңды тұлға;
8) депозит - бір тұлға (депозитор) басқа тұлғаға - банкке, оның ішінде Қазақстан Республикасының Ұлттық Банкіне (бұдан әрі - Ұлттық Банк) және Ұлттық почта операторына олар номиналды түрде қайтарылатын шартпен, алғашқы талап етуі бойынша немесе қандай да бір мерзімнен кейін толық немесе бөліп-бөліп, алдын ала келісілген үстемесімен не онсыз, депозиторға тікелей не оның тапсыруымен үшінші тұлғаға берілетініне қарамастан, беретін ақша;
9) еншілес ұйым - басқа заңды тұлға тарапынан бақылау жасалатын заңды тұлға;
10) жарғылық капиталға қатысу үлестерін жанама иелену не заңды тұлғалардың акцияларын иелену (акцияларымен дауыс беру) - заңды тұлғаның, заңды тұлғаның ірі қатысушысының немесе басқа заңды тұлғалардың акцияларын (жарғылық капиталдағы қатысу үлестерімен) иелену (акцияларымен дауыс беру) арқылы бірлесіп заңды тұлғаның ірі қатысушысы болып табылатын тұлғалардың шешімдерін анықтау мүмкіндігі;
11) заңды тұлғаның ірі қатысушысы - заңды тұлғаның жарғылық капиталға қатысу үлестерінің немесе дауыс беретін акцияларының он немесе одан астам процентін иеленетін (осындай иеленуші мемлекет немесе ұлттық холдинг не ұлттық басқарушы компания болып табылатын жағдайларды қоспағанда) жеке немесе заңды тұлға;
12) капиталға қомақты қатысу - дауыс беретін акциялардың (жарғылық капиталға қатысу үлестерінің) жиырма және одан астам процентін тікелей немесе жанама, дербес немесе бір не бірнеше тұлғамен бірлесіп иелену не акциялардың жиырма және одан астам процентімен дауыс беру мүмкіндігінің болуы;
13) мінсіз іскерлік бедел - кәсіпқойлықты, адалдықты, экономикалық қызмет саласындағы қылмыстары немесе орташа ауырлықтағы, ауыр және аса ауыр қылмыстары үшін алынбаған немесе өтелмеген сотталғандығы жоқ екенін растайтын фактілердің болуы.";
2) 8-баптың 5-тармағы мынадай мазмұндағы төртінші абзацпен толықтырылсын:
"банк пен арнайы қаржы компаниясы арасындағы секьюритилендіру мәмілесін жүзеге асыру аясында шығарылған секьюритилендіру туралы Қазақстан Республикасының заңнамасына сәйкес құрылған арнайы қаржы компаниясының облигацияларымен мәмілелерді жүзеге асыруға қолданылмайды.";
3) 11-1-бапта:
3-тармақ мынадай мазмұндағы 15) тармақшамен толықтырылсын:
"15) банк еншілес ұйымды - Қазақстан Республикасының резиденттері -банкті, сақтандыру (қайта сақтандыру) ұйымын, ашық жинақтаушы зейнетақы қорын құрған немесе сатып алған жағдайда, осы Заңмен немесе сақтандыру және сақтандыру қызметі, зейнетақымен қамсыздандыру туралы Қазақстан Республикасының заңнамасымен көзделген банк холдингі, банктің, сақтандыру (қайта сақтандыру) ұйымының, ашық жинақтаушы зейнетақы қорының ірі қатысушысы мәртебесін алуға берілетін құжаттар.";
5-тармақтың 7) тармақшасындағы "негіз болып табылады" деген сөз алынып тасталсын;
мынадай мазмұндағы 8) тармақшамен толықтырылсын:
"8) банк холдингі, Қазақстан Республикасының резиденттері - банктің, сақтандыру (қайта сақтандыру) ұйымының, ашық жинақтаушы зейнетақы қорының ірі қатысушысы мәртебесін алуға (банк еншілес ұйымды - Қазақстан Республикасының резиденттері - банкті, сақтандыру (қайта сақтандыру) ұйымын, ашық жинақтаушы зейнетақы қорын құрған немесе сатып алған жағдайда) келісім беру үшін осы Заңмен, сақтандыру және сақтандыру қызметі, зейнетақымен қамсыздандыру туралы Қазақстан Республикасының заңнамасымен көзделген талаптарды сақтамауы негіз болып табылады.";
мынадай мазмұндағы 5-1-тармақпен толықтырылсын:
"5-1. Осы бапта көзделген құжаттардың толық пакетін ұсынған және барлық талаптарды орындаған жағдайда уәкілетті орган еншілес ұйымды құруға немесе сатып алуға рұқсат береді және бір уақытта осы Заңға, сақтандыру және сақтандыру қызметі немесе зейнетақымен қамсыздандыру туралы Қазақстан Республикасының заңнамасына сәйкес банк холдингі, Қазақстан Республикасының резиденттері - банктің, сақтандыру (қайта сақтандыру) ұйымының немесе ашық жинақтаушы зейнетақы қорының ірі қатысушысы мәртебесін алуға келісім береді.";
4) 19-баптың 3-тармағының екінші бөлігінде "банктің уәкілеттік берілген органдары" деген сөздер "құрылтай жиналысы (жалғыз құрылтайшы) деген сөздермен ауыстырылсын";
5) 20-бапта:
2-тармақтың 2) тармақшасы мынадай редакцияда жазылсын:
"2) тізбесі уәкілетті органмен белгіленетін халықаралық қаржы ұйымдарында осы баппен белгіленген жұмыс стажы және (немесе) қаржылық қызмет көрсету және (немесе) оны реттеу және (немесе) қаржы ұйымдарына аудит жүргізу бойынша қызмет көрсету саласындағы жұмыс стажы жоқ;";
4-тармақта:
бірінші бөліктің 1), 2), 3) тармақшаларында "қаржылық қызмет көрсету және (немесе) оны реттеу саласында" деген сөздер алынып тасталсын;
екінші бөлікте "қаржылық қызмет көрсету және (немесе) оны реттеу саласында" деген сөздер "осы баптың 2-тармағының 2) тармақшасымен көзделген" деген сөздермен ауыстырылсын;
5-тармақтың екінші бөлігінде:
"құжаттар" деген сөз "құжаттардың толық пакетін" деген сөздермен ауыстырылсын;
"бұзуға" деген сөзден кейін "не еңбек шарты болмаған жағдайда осы басшы қызметкердің өкілеттіктерін тоқтату бойынша шаралар қабылдауға" деген сөздермен толықтырылсын;
9-тармақтың екінші бөлігі "бұзуға" деген сөзден кейін "не еңбек шарты болмаған жағдайда осы басшы қызметкердің өкілеттіктерін тоқтату бойынша шаралар қабылдауға" деген сөздермен толықтырылсын;
6) 26-баптың 2-тармағында:
а) тармақшасы "әзірлеуге," деген сөзден кейін "осы Заңның 20-бабына сәйкес басшы қызметкерлерді уәкілетті органмен келісуге," деген сөздермен толықтырылсын;
б) тармақшасында "белгіленген талаптарға сәйкес мөлшерде жарғылық капиталы болуға" деген сөздер "белгіленген ең төменгі мөлшерден кем емес мөлшерде жарғылық капиталды төлеуге" деген сөздермен ауыстырылсын;
7) 55-баптың үшінші бөлігі алынып тасталсын;
8) 74-1-баптың 2-тармағында:
"есепке алу және сақтау үшін банкке сеніп тапсырылған немесе оның қаржы құралдарына орналастырылған" деген сөздер "кастодиан банкке сақтау және есепке алу үшін сеніп тапсырылған" деген сөздермен ауыстырылсын;
"Зейнетақы активтері" деген сөздердің алдынан "Кастодиан банкке сақтау және есепке алу үшін сеніп тапсырылған" деген сөздермен толықтырылсын.
3. "Қазақстан Республикасында зейнетақымен қамсыздандыру туралы" 1997 жылғы 20 маусымдағы Қазақстан Республикасының Заңына (Қазақстан Республикасы Парламентінің Жаршысы, 1997 ж, N 12, 186-құжат; 1998 ж, N 24, 437-құжат; 1999 ж., N 8, 237-құжат; N 23, 925-құжат; 2001 ж., N 17-18, 245-құжат; N 20, 257-құжат; 2002 ж, N 1, 1-құжат; N 23-24, 198-құжат; 2003 ж, N 1-2, 9-құжат; N 11, 56-құжат; N 15, 139-құжат; N 21-22, 160-құжат; 2004 ж, N 11-12, 66-құжат; N 23, 140,142-құжаттар; 2005 ж, N 7-8, 19-құжат; N 11, 39-құжат; N 14, 55, 58-құжаттар; N 23, 104-құжат; 2006 ж, N 3, 22-құжат; N 8, 45-құжат; N 12, 69-құжат; N 23, 141-құжат; 2007 ж, N 2, 18-құжат; N 3, 20-құжат; N 4, 28, 30-құжаттар; N 9, 67-құжат; N 10, 69-құжат):
1) 1-бап мынадай редакцияда жазылсын:
"1 -бап. Осы Заңда пайдаланылатын негізгі ұғымдар
Осы Заңда мынадай негізгі ұғымдар пайдаланылады:
1) автоматтандырылған ақпараттық жүйе - жинақтаушы зейнетақы қорының жеке зейнетақы шотындағы зейнетақы активтерін және жинақталған қаражаттарын есепке алуды жүзеге асыруға қажетті және ақпараттың сенімділігін, сақталуын және оны рұқсатсыз кіруден қорғауды қамтамасыз ететін бағдарламалық қамтамасыз етілуі;
2) аффилиирленген тұлғалар - тікелей және (немесе) жанама түрде шешімдерді айқындауға және (немесе) әрқайсысы (тұлғалардың бірі) қабылдайтын шешімге ықпал етуге, соның ішінде жасалған мәмілеге орай, мүмкіндігі бар (өздеріне берілген өкілеттіктер шеңберінде бақылау және қадағалау функцияларын жүзеге асыратын мемлекеттік органдарды қоспағанда) жеке немесе заңды тұлғалар;
3) ашық жинақтаушы зейнетақы қорының акцияларын жанама иелену (дауыс беру) - ашық жинақтаушы зейнетақы қорының, ашық жинақтаушы зейнетақы қоры ірі қатысушысының немесе заңды тұлғаның акцияларын (жарғылық капиталына қатысу үлестерін) иелену арқылы ашық жинақтаушы зейнетақы қорының бірлескен ірі қатысушысы болып табылатын тұлғалардың шешімдерін айқындау мүмкіндігі;
4) ашық жинақтаушы зейнетақы қорының ірі қатысушысы - уәкілетті органның жазбаша келісіміне сәйкес ашық жинақтаушы зейнетақы қорының дауыс беретін акцияларының он немесе одан астам процентін тікелей немесе жанама иелене алатын (мемлекет осындай иеленуші болып табылатын жағдайларды, сондай-ақ осы Заңда көзделген жағдайларды қоспағанда) немесе:
ашық жинақтаушы зейнетақы қоры акцияларының он немесе одан астам дауыс беретін процентімен тікелей немесе жанама дауыс беру;
ашық жинақтаушы зейнетақы қоры қабылдайтын шешімдерге шартқа орай не уәкілетті органның нормативтік құқықтық актілерінде айқындалатын тәртіппен өзгеше түрде ықпал ету мүмкіндігіне ие Қазақстан Республикасының резиденті - жеке тұлға немесе заңды тұлға;
5) әлеуметтік жеке код - азаматқа, сондай-ақ осы Заңға сәйкес зейнетақымен қамсыздандыру құқығы қолданылатын адамдарға берілетін тұрақты жеке код;
6) бақылау - бір заңды тұлғаның басқа заңды тұлғаның шешімдерін айқындау мүмкіндігі, ол:
бір тұлға басқа тұлғаның дауыс беретін акцияларының елу процентінен астамын дербес не бір немесе бірнеше тұлғамен бірлесіп тікелей немесе жанама иеленетін не басқа заңды тұлға акцияларының елу процентінен астамымен дербес дауыс беру мүмкіндігі болатын;
бір заңды тұлғаның басқа заңды тұлғаның директорлар кеңесі немесе басқармасы құрамының кемінде жартысын сайлау мүмкіндігі болатын;
бір заңды тұлғаның қаржы есептілігі аудиторлық есепке сәйкес басқа заңды тұлғаның қаржы есептілігіне қосылатын;
бір заңды тұлғаның шартқа (растайтын құжаттарға) орай немесе уәкілетті органның нормативтік құқықтық актісінде көзделген жағдайларда өзгеше түрде басқа заңды тұлғаның шешімдерін айқындау мүмкіндігі болатын жағдайлардың бірі болған кезде туындайды;
7) бас ұйым - басқа заңды тұлғаға бақылау жасайтын заңды тұлға;
8) баспасөз басылымы - тізбесін уәкілетті орган белгілейтін мерзімді баспасөз басылымдары;
9) диверсификация - зейнетақы активтерінің жоғалып кету қатерін азайту мақсатында оларды уәкілетті орган белгілеген талаптарға сәйкес қаржы құралдарына орналастыру;
10) еншілес ұйым - өзіне қатысты басқа заңды тұлға бақылау жасайтын заңды тұлға;
11) ең төменгі зейнетақы - тиісті қаржы жылына арналған республикалық бюджет туралы заңмен белгіленген зейнетақы төлемдерінің ең төменгі мөлшері;
12) ерікті зейнетақы жарналары - Қазақстан Республикасының заңдарында және ерікті зейнетақы жарналары есебінен зейнетақымен қамсыздандыру туралы шартта белгіленетін тәртіппен салымшылардың ез бастамасымен алушының пайдасына жинақтаушы зейнетақы қорларына салатын ақшасы;
13) ерікті зейнетақы жарналарының салымшысы - ерікті зейнетақы жарналары есебінен зейнетақымен қамсыздандыру туралы шартқа сәйкес өзінің жеке қаражаты есебінен алушының пайдасына ерікті зейнетақы жарналарын жүзеге асыратын жеке немесе заңды тұлға;
14) ерікті зейнетақы жарналарының ставкасы - жинақтаушы зейнетақы қорына төленетін, ерікті зейнетақы жарналары есебінен зейнетақымен қамсыздандыру туралы шартта белгіленетін төлемнің мөлшері; ерікті кәсіптік зейнетақы жарналары - Қазақстан Республикасының Үкіметі белгілейтін кәсіптер тізбесі бойынша және Қазақстан Республикасының заңдарында және ерікті кәсіптік зейнетақы жарналары есебінен зейнетақымен қамсыздандыру туралы шартта белгіленген тәртіппен салымшылардың өз бастамасымен қызметкерлердің пайдасына жинақтаушы зейнетақы қорларына салатын ақшасы;
15) ерікті кәсіптік зейнетақы жарналарының салымшысы - ерікті кәсіптік зейнетақы жарналары есебінен зейнетақымен қамсыздандыру туралы шартқа сәйкес өзінің жеке қаражаты есебінен қызметкердің пайдасына ерікті кәсіптік зейнетақы жарналарын салуды жүзеге асыратын жеке немесе заңды тұлға;
16) ерікті кәсіптік зейнетақы жарналарының ставкасы - жинақтаушы зейнетақы қорына төленетін, ерікті кәсіптік зейнетақы жарналары есебінен зейнетақымен қамсыздандыру туралы шартта және осы Заңда белгіленген төлемнің мөлшері;
17) жеке зейнетақы шоты - салымшының (алушының) жинақтаушы зейнетақы қорындағы жеке атаулы шоты, онда Қазақстан Республикасының заңдарына сәйкес оның міндетті не ерікті зейнетақы жарналары немесе ерікті кәсіптік зейнетақы жарналары, инвестициялық кірісі, өсімпұл және өзге де түсімдер есепке алынады және содан зейнетақы төлемдері төленеді;
18) жинақталған зейнетақы қаражаты - міндетті зейнетақы жарналарын, ерікті зейнетақы жарналарын және ерікті кәсіптік зейнетақы жарналарын, инвестициялық кірісті, өсімпұлды және шарттарға, осы Заңға, Қазақстан Республикасының заңдарына сәйкес өзге де түсімдерді қоса алғанда, салымшының (алушының) жеке зейнетақы шоттарында есептелетін ақша;
19) жинақталған зейнетақы қаражатының нақты құны - жинақталған зейнетақы қаражатының Қазақстан Республикасы мемлекеттік статистикасының уәкілетті органы есептен шығаратын тұтыну бағалары индексіне үйлестірілген нақты құны;
20) жинақтаушы зейнетақы қоры - зейнетақы жарналарын тартуды және зейнетақы төлемдері жөніндегі қызметті, сондай-ақ Қазақстан Республикасының заңдарында белгіленген тәртіппен зейнетақы активтерін инвестициялық басқару жөніндегі қызметті жүзеге асыратын заңды тұлға;
21) жинақтаушы зейнетақы қорында бөлектеп есеп жүргізу - заңды тұлға ретінде жинақтаушы зейнетақы қорының бухгалтерлік балансына зейнетақы активтерін енгізбеу;
22) заңды тұлғаның жарғылық капиталындағы қатысу үлестерін жанама иелену не акцияларын иелену (олармен дауыс беру) - басқа заңды тұлғалардың акцияларын (жарғылық капиталдағы қатысу үлестерін иелену (олармен дауыс беру) арқылы заңды тұлғаның, заңды тұлғаның ірі қатысушысының немесе бірлесіп заңды тұлғаның ірі қатысушысы болып табылатын тұлғалардың шешімдерін айқындау мүмкіндігі;
23) зейнетақы - Орталықтан, жинақтаушы зейнетақы қорларынан төленетін зейнетақы төлемдерінің жиынтығы;
24) зейнетақы активтері - зейнетақы төлемдері мен аударымдарын, сондай-ақ жинақтаушы зейнетақы қорларынан аударымдарды Қазақстан Республикасының заңдарында белгіленген тәртіппен қамтамасыз етуге және жүзеге асыруға арналған ақша, бағалы қағаздар, өзге де қаржы құралдары;
25) зейнетақы активтерін инвестициялық басқаруды жүзеге асыратын ұйым - жинақтаушы зейнетақы қорларының зейнетақы активтерін инвестициялық басқаруды жүзеге асыратын заңды тұлға;
26) зейнетақы төлемдері:
Орталықтан - 1998 жылғы 1 қаңтардағы жай-күйі бойынша кемінде алты ай еңбек стажы бар жеке адамдарға еңбек стажына бара-бар түрде жүзеге асырылатын ақша қаражатын төлеу;
жинақтаушы зейнетақы қорларынан - алушыларға жүзеге асырылатын жинақталған зейнетақы қаражатын төлеу;
27) зейнетақы төлемдерін алушы (бұдан әрі - алушы) - Орталықтан зейнетақы төлемдері тағайындалған және (немесе) жинақтаушы зейнетақы қорынан зейнетақы төлемдерін алуға құқығы бар жеке адам;
28) зейнетақылық аннуитет шарты - сақтандыру шарты, оған сәйкес сақтанушы (зейнетақы төлемдерін алушы) сақтандыру ұйымына жинақталған зейнетақы қаражатының сомасын беруге міндеттенеді, ал сақтандыру ұйымы сақтанушының (зейнетақы төлемдерін алушының) пайдасына өмір бойына немесе белгілі бір уақыт кезеңі ішінде сақтандыру төлемдерін жүзеге асыруға міндеттенеді;
30) зейнетақымен қамсыздандыру туралы шарт - зейнетақы жарналарымен, жинақталған қаражаттарымен және төлемдер алумен байланысты құқықтық қатынастарды белгілеу, өзгерту немесе тоқтату туралы, бір жағынан жинақтаушы зейнетақы қоры және екінші жағынан салымшы және (немесе) алушы жасасатын шарт;
31) инвестициялық декларация - зейнетақы ережесіне қосымша болып табылатын және инвестициялау объектілерінің тізбесін, зейнетақы активтеріне қатысты инвестициялық қызметтің мақсаттарын, стратегияларын, талаптарын және шектеулерін, зейнетақы активтерін хеджирлеу және әртараптандыру талаптарын анықтайтын құжат;
32) инвестициялық кіріс - жинақтаушы зейнетақы қорларының зейнетақы активтерін инвестициялау нәтижесінде алынатын ақша;
33) инвестициялық портфель - зейнетақы активтерінің құрамына кіретін қаржы құралдары жиынтығы;
34) капиталға қомақты қатысу - дауыс беретін акциялардың (жарғылық капиталға қатысу үлестерінің) жиырма және одан да көп процентін тікелей немесе жанама, дербес немесе бір немесе бірнеше тұлғамен бірлесіп иелену не акциялардың жиырма және одан да көп процентімен дауыс беру мүмкіндігінің болуы;
35) кастодиан банк - бағалы қағаздар жөніндегі құқықтарды тіркеу мен есепке алу, құжаттамалық бағалы қағаздарды сақтау және клиенттердің ақшасын есепке алу жөніндегі қызметті жүзеге асырушы банк;
36) кастодиандық шарт - кастодиан банк пен оның клиенті жасасатын бағалы қағаздар мен ақшаны жауапкершілікпен сақтау және есепке алу туралы шарт;
37) мемлекеттік базалық зейнетақы төлемі - Қазақстан Республикасының азаматтарына осы Заңмен белгіленген зейнеткерлік жасқа жеткен соң берілетін ай сайынғы ақшалай төлем;
38) міндетті зейнетақы жарналары - осы Заңға сәйкес, жинақтаушы зейнетақы қорларына Қазақстан Республикасының заңдарында белгіленетін тәртіппен салынатын ақша;
39) міндетті зейнетақы жарналарын төлеу жөніндегі агент (бұдан әрі -агент) - Қазақстан Республикасында қызметін тұрақты мекеме арқылы жүзеге асыратын шетелдік заңды тұлғаны қоса алғанда, жеке немесе заңды тұлға, сондай-ақ Қазақстан Республикасының заңдарында белгіленген тәртіппен міндетті зейнетақы жарналарын есептеп шығаратын, ұстап қалатын (есептеп қосатын) және аударатын шетелдік заңды тұлғалардың филиалдары, өкілдіктері;
40) міндетті зейнетақы жарналарының салымшысы - міндетті зейнетақы жарналары есебінен зейнетақымен қамсыздандыру туралы шарт жасасқан және жинақтаушы зейнетақы қорында жеке зейнетақы шоты бар жеке тұлға;
41) міндетті зейнетақы жарналарының ставкасы - салымшының зейнетақы жарналарын есептеу үшін алынатын кірісіне проценттік қатынаспен көрсетілген жинақтаушы зейнетақы қорына төлем мөлшері;
42) мінсіз іскерлік бедел - кәсібилікті, адалдықты, экономикалық қызмет саласындағы қылмыстар немесе ауырлығы орташа, ауыр және аса ауыр қылмыстар үшін алынбаған немесе өтелмеген соттылықтың жоқ екендігін растайтын фактілердің болуы;
43) орталық атқарушы орган - халықты әлеуметтік қорғау саласында реттеуді жүзеге асыратын мемлекеттік орган;
44) Орталықтан зейнетақы төлемдерін тағайындайтын органдар - уәкілетті мемлекеттік органдар;
45) пруденциалдық норматив - жинақтаушы зейнетақы қорының және зейнетақы активтерін инвестициялық басқаруды жүзеге асыратын ұйымның қаржылық орнықтылығын қамтамасыз ету үшін Қазақстан Республикасының заңдарында белгіленетін экономикалық талаптар;
46) сақтандыру ұйымы (сақтандырушы) - уәкілетті органның тиісті лицензиясы негізінде "өмірді сақтандыру" саласында сақтандыру шарттарының жасалуы мен орындалуы жөніндегі қызметті жүзеге асыратын заңды тұлға;
47) сатып алу сомасы - зейнетақы аннуитеті шарты мерзімінен бұрын бұзылған кезде сақтанушының (зейнетақы төлемдерін алушының) сақтандыру ұйымынан алуға құқығы бар ақша сомасы;
48) уәкілетті орган - жинақтаушы зейнетақы қорларының, зейнетақы активтерін инвестициялық басқаруды жүзеге асыратын ұйымдардың, кастодиан банктердің, сақтандыру ұйымдарының қызметін реттеу мен қадағалау жөніндегі функциялар мен өкілеттіктерді жүзеге асыратын мемлекеттік орган;
49) уәкілетті ұйым (бұдан әрі - Орталық) - осы Заңның талаптарындағы міндеттерді жүзеге асыруға Қазақстан Республикасының Үкіметі уәкілдік берген заңды тұлға.";
2) 18-баптың 2-тармағында:
мынадай мазмұндағы 2-2) тармақшамен толықтырылсын:
"2-2) салымшы зейнетақы төлемдеріне құқық алған сәтте нақты енгізген міндетті зейнетақы жарналарының мөлшерін келесі қаржы жылына инфляцияның жобалы деңгейін ескеріп анықтауды;"
4-2) тармақшасы мынадай редакцияда жазылсын:
"4-2) жинақтаушы зейнетақы қорларына жинақталған зейнетақы қаражаттарын және салымшылардың (алушылардың) міндетті зейнетақы жарналарынан қалыптасқан жинақталған зейнетақы қаражаттарын бір жинақтаушы зейнетақы қорынан басқасына аударуды жүзеге асыру туралы электронды хабарламалар жіберу;
3) 22-баптың 2-тармағы мынадай редакцияда жазылсын:
"2. Міндетті зейнетақы жарналарының салымшысы міндетті зейнетақы жарналарын төлеу үшін бір ғана жинақтаушы зейнетақы қорын таңдап алуға және онымен міндетті зейнетақы жарналары есебінен зейнетақымен қамсыздандыру туралы шарт жасасуға міндетті. Жарналарды біреуге төлеуге және жинақталған зейнетақы қаражатының бір бөлігін басқа жинақтаушы зейнетақы қорында сақтауға, осы бапта белгіленген жағдайды қоспағанда, тиісінше салымшыда міндетті зейнетақы жарналары есебінен екі және одан артық зейнетақымен қамсыздандыру туралы шарттың болуына жол берілмейді.
Жинақталған зейнетақы қаражаттарын бір жинақтаушы зейнетақы қорынан екіншісіне аударым жасау кезеңінде салымшының әр түрлі жинақтаушы зейнетақы қорларымен жасасқан міндетті зейнетақы жарналары есебінен екі зейнетақымен қамсыздандыру туралы шартының болуына жол беріледі.";
4) 23-1-баптың 1-тармағының 1) тармақшасында "елу бес жасқа" деген сөздер "елу жасқа" деген сөздермен ауыстырылсын;
5) 23-3-баптың 2-тармағында:
"не" деген сөз "және (немесе)" деген сөздермен ауыстырылсын;
мынадай мазмұндағы екінші бөлікпен толықтырылсын:
"Егер осы тармақтың бірінші бөлігінде көрсетілген тұлғалардың жинақталған зейнетақы қаражаттарының сомасы сақтандыру ұйымымен жасалған зейнетақы аннуитеті шарты сомасынан асқан жағдайда, осы айырма салымшыға (алушыға) жинақталған зейнетақы қорынан белгіленген кесте бойынша зейнетақы төлемдері түрінде төленеді.";
6) 25-бапта:
2-тармақта "қарыздары бойынша" деген сөздерден кейін "тыйым салуға немесе зейнетақы активтері мен жинақталған зейнетақы қаражаттарын" деген сөздермен ауыстырылсын, "жатпайды" деген сөз "жол берілмейді" деген сөздермен ауыстырылсын;
2-1-тармақтың 5) тармақшасы алынып тасталсын;
4-тармақта "он бес еселенген" деген сөздер "жиырма бес еселенген" деген сөздермен ауыстырылсын;
7) 27-бапта:
1-тармақта:
1) тармақша мынадай редакцияда жазылсын:
"1) міндетті зейнетақы жарналары есебінен зейнетақымен қамсыздандыру туралы шарт жасасу үшін жинақтаушы зейнетақы қорын таңдауға және осы Заңның 34-1-бабының 5-тармағында белгіленген жағдайды қоспағанда, өзінің жинақталған зейнетақы қаражаттарын осы жинақтаушы зейнетақы қоры қалыптастыратын инвестициялық портфельдердің біреуінде немесе бірнешеуінде сақтауға;";
мынадай мазмұндағы 6-1) тармақшамен толықтырылсын:
"6-1) осы Заңның 34-1-бабының 5-тармағында белгіленген жағдайды қоспағанда, өзінің жинақталған зейнетақы қаражаттарын инвестициялық портфельдің бір түрінен басқасына уәкілетті органның нормативтік құқықтық актілерінде белгіленген тәртіппен аударым жасауға;";
3-тармақтың 1) тармақшасы "және" деген сөзден кейін "осы Заңның 22-бабының 2-тармағының екінші бөлігінде көрсетілген жағдайды қоспағанда," деген сөздермен толықтырылсын;
8)27-1-бапта:
1-тармақ мынадай редакцияда жазылсын:
"1. Жинақталған зейнетақы қаражаттардың бір жинақтаушы зейнетақы қорынан басқасына аударылуы Орталықтың хабарламасы бойынша уәкілетті органның нормативтік құқықтық актісімен белгіленген тәртіппен жүзеге асырылады.
Жинақталған зейнетақы қаражаттардың бір жинақтаушы зейнетақы қорының ішіндегі инвестициялық портфельдің бір түрінен екіншісіне аударылуы салымшының (алушының) жеке өтініші бойынша уәкілетті органның нормативтік құқықтық актісімен белгіленген тәртіппен жүзеге асырылады.";
2-тармақта:
бірінші бөлігі "қорын" деген сөзден кейін "және (немесе) инвестициялық портфелін" деген сөздермен толықтырылсын;
екінші бөлігінде "одан жинақталған зейнетақы қаражаттарын аудару жүзеге асырылатын" деген сөздер "салымшының (алушының) жинақталған зейнетақы қаражаттарын басқа жинақтаушы зейнетақы қорына немесе бір жинақтаушы зейнетақы қорының ішінде басқа инвестициялық портфельге аударым жасау мақсатында" деген сөздермен ауыстырылсын;
9) 29-бапта:
1 -тармақ:
мынадай мазмұндағы 5-2) тармақшамен толықтырылсын:
"5-2) жинақтаушы зейнетақы қоры қалыптастыратын инвестициялық портфельдер туралы мәліметтерді;";
мынадай мазмұндағы екінші бөлікпен толықтырылсын:
"Жинақтаушы зейнетақы қорларының әрбір қалыптастырылатын инвестициялық портфелі бойынша инвестициялық декларациялар зейнетақы ережелеріне қосымша болып табылады.";
мынадай мазмұндағы үшінші бөлігімен толықтырылсын:
"Жинақтаушы зейнетақы қорларының әрбір инвестициялық портфелі бойынша инвестициялық декларациялары, сондай-ақ оларға өзгерістер мен толықтырулар, тізбесі уәкілетті органның нормативтік құқықтық актісімен белгіленген мерзімдік баспасөз басылымдарында зейнетақы ережелерін (оларға өзгертулерін) уәкілетті органмен келісілген күннен бастап 15 күнтізбелік күн ішінде жариялануы тиіс";
29-бабының 2-тармағы "ережелерін" деген сөзден кейін ", сондай-ақ олардың өзгертулерін және толықтыруларын" деген сөздермен толықтырылсын;
10) 31-баптың 4-тармағында:
бірінші бөлігінде "есептелетін" деген сөз "инвестициялық портфельдің әрбір түрі бойынша есептелген" деген сөздермен ауыстырылсын;
екінші бөлігінде:
"зейнетақы активтері бойынша" деген сөздер "инвестициялық портфельдің әрбір түрі бойынша есептелетін" деген сөздермен ауыстырылсын;
"кірістіліктің" деген сөздің алдында "инвестициялық портфельдің әрбір түрі бойынша" деген сөздермен толықтырылсын;
үшінші бөлігі "активтеріне қатысты" деген сөздердің алдында "инвестициялық портфелдерінің әрбір түрінің" деген сөздермен толықтырылсын;
төртінші бөлігінде "есептелетін" деген сөз "инвестициялық портфельдің әрбір түрі бойынша есептелген" деген сөздермен ауыстырылсын;
11) 31-1-бабында:
3-тармақ мынадай мазмұндағы екінші бөлікпен толықтырылсын:
"Міндетті зейнетақы жарналары есебінен қалыптастырылған жинақталған зейнетақы қаражаттарының қалған бөлігі салымшыға (алушыға) ол осы Заңның 9-бабының 1-тармағында көрсетілген жасқа келгенде жинақтаушы зейнетақы қорынан белгіленген кесте бойынша зейнетақы төлемдері түрінде төленеді.";
мынадай мазмұндағы 5-тармақпен толықтырылсын:
"5. Осы баптың 2, 4-тармақтарында көрсетілген тұлғалардың жинақталған зейнетақы қаражаттарының сомасы зейнетақы аннуитет шартының сомасынан асқан жағдайда, осы айырма салымшыға (алушыға) ол осы Заңның 9-бабының 1-тармағында көрсетілген жасқа келгенде жинақтаушы зейнетақы қорынан белгіленген кесте бойынша зейнетақы төлемдері түрінде төленеді.";
12) мынадай мазмұндағы 34-1-баппен толықтырылсын:
34-1-бап. Жинақтаушы зейнетақы қорлардағы инвестициялық
портфельдер
1. Жинақтаушы зейнетақы қоры зейнетақы активтері есебінен инвестициялық портфельдердің мынадай түрлерін қалыптастыруға міндетті:
1) консервативті, оның активтері акцияларды қоспағанда, қаржы құралдарына инвестицияланады;
2) орташа, оның активтері қаржы құралдарына, оның ішінде отыз пайыздан аспайтын мөлшерде акцияларға инвестицияланады;
2. Жинақтаушы зейнетақы қоры қосымша активтері қаржы құралдарына, оның ішінде сексен пайыздан аспайтын мөлшерде акцияларға инвестицияланатын агрессивті инвестициялық портфельді қосымша қалыптастыруға құқылы.
3. Жинақталған зейнетақы активтерін қаржы құралдарына инвестициялаудың тәртібі мен шарттары, оның ішінде инвестициялау объектілерінің тізбесі, қаржы құралдарының түрлері бойынша инвестициялардың мөлшері және инвестициялық портфельдің әр түрі бойынша инвестициялардың жиынтық мөлшері, хеджирлеу жөніндегі талаптар уәкілетті органның нормативтік құқықтық актілерінде және жинақтаушы зейнетақы қорының инвестициялық декларациясында белгіленеді.
4. Жинақтаушы зейнетақы қоры инвестициялық декларацияны инвестициялық портфельдің әрбір түріне әзірлейді.
Жинақтаушы зейнетақы қоры инвестициялық декларацияға өзгерістерді жылына екі реттен жиі емес енгізуге құқылы.
5. Зейнеткерлік жасқа жеткенге жеті жыл және одан аз уақыт қалған тұлғалардың міндетті зейнетақы жарналары есебінен қалыптастырылған жинақталған зейнетақы қаражаттарын жинақтаушы зейнетақы қоры олардың келісімінсіз бұдан әрі осы немесе басқа қандай да бір жинақтаушы зейнетақы қорының агрессивті не орташа инвестициялық портфелдеріне аударым жасау құқығынсыз, консервативті инвестициялық портфельге аударым жасайды.";
13) 36-баптың 2-тармағы алынып тасталсын;
14) 36-2-баптың 2-тармағының 3) тармақшасында "аяқталған" деген сөзден кейін "соңғы" деген сөзбен толықтырылсын;
15) 40-бапта:
2-тармақтың 2) тармақшасы мынадай редакцияда жазылсын:
"2) тізбесі уәкілетті органмен белгіленетін, халықаралық қаржы ұйымдарында осы баппен белгіленген жұмыс стажы және (немесе) қаржылық қызмет көрсету және (немесе) оны реттеу және (немесе) қаржы ұйымдарына аудит жүргізу бойынша қызмет көрсету саласындағы жұмыс стажы жоқ;";
4-тармақта:
1), 2) тармақшаларында "қаржылық қызмет көрсету және (немесе) оны реттеу саласында" деген сөздер алынып тасталсын;
екінші бөлікте "қаржылық қызмет көрсету және (немесе) оны реттеу саласында" деген сөздер "осы баптың 2-тармағының 2) тармақшасында көзделген" деген сөздермен ауыстырылсын;
5-тармақта:
бірінші бөлікте "жетпіс бес" деген сөздер "алпыс" деген сөзбен ауыстырылсын;
екінші бөлікте:
"құжаттар" деген сөз "құжаттардың толық пакеті" деген сөздермен ауыстырылсын;
"бұзуға" деген сөзден кейін "не еңбек шарты болмаған жағдайда, осы басшы қызметкердің өкілеттіктерін тоқтату бойынша шаралар қабылдауға" деген сөздермен толықтырылсын;
9-тармақтың екінші бөлігі "бұзуға" деген сөзден кейін "не еңбек шарты болмаған жағдайда, осы басшы қызметкердің өкілеттіктерін тоқтату бойынша шаралар қабылдауға" деген сөздермен толықтырылсын;
16) 41-бапта:
2-тармақта:
6) тармақшада "бір жинақтаушы зейнетақы қорынан екіншісіне" деген сөздер "басқа жинақтаушы зейнетақы қорына немесе бір жинақтаушы зейнетақы қорының ішінде басқа инвестициялық портфеліне," деген сөздермен ауыстырылсын;
13) тармақшада:
"жасасу және оны бұзу кепілдігін қамтамасыз етуге" деген сөздер "жасасуды және оны бұзуды, салымшының (алушының) не сенімді өкілдің жинақталған зейнетақы қаражаттарын аудару жөніндегі өтініштерін қабылдауын және орындауын қамтамасыз етуге" деген сөздермен ауыстырылсын;
17) 42-1-баптың 2-тармағында "1-1-тармағының 3)-6) тармақшаларында" деген сөздер "8-тармағының 3)-7) тармақшаларында" деген сөздермен ауыстырылсын;
18) 42-4-баптың 1-тармағында:
2) тармақшасында "және оның басшы қызметкерлерінің өкілеттіктері тоқтатыла тұрады" деген сөздер "өкілеттіктері тоқтатыла тұрады және оның басшы қызметкерлері жұмыстан шеттетіледі" деген сөздермен ауыстырылсын;
мынадай мазмұндағы 3-1) тармақшамен толықтырылсын:
"3-1) жинақтаушы зейнетақы қорын басқару жөніндегі барлық өкілеттіктер уақытша әкімшілікке (жинақтаушы зейнетақы қорының уақытша меңгерушісіне) өтеді;";
19) 45-2 -баптың 4-тармағында:
бірінші бөлігі "тағайындайды" деген сөзден кейін ", оған оның барлық органдарының өкілеттіктері беріледі. Жинақтаушы зейнетақы қорының ертерек іс-әрекет жасаған органдарының өкілеттіктері тоқтатыла тұрады," деген сөздермен толықтырылсын;
мынадай мазмұндағы екінші, үшінші бөліктермен толықтырылсын:
"Уәкілетті орган лицензиядан айырғаннан кейін он жұмыс күні ішінде жинақтаушы зейнетақы қорын заңнамада белгіленген тәртіппен мәжбүрлеп тарату туралы сотқа өтініш береді.
Уәкілетті орган лицензиядан айыру жөнінде қабылдаған шешімі туралы ақпаратты Қазақстан Республикасының барлық аумағында таралатын екі мерзімді баспасөз басылымдарында жариялайды.";
үшінші бөлігінде "Мәжбүрлеп таратылатын жинақтаушы зейнетақы қорының уақытша әкімшілігі" деген сөздер "Уақытша әкімшілік" деген сөздермен ауыстырылсын, "оның" деген сөз "жинақтаушы зейнетақы қорының" деген сөздермен ауыстырылсын;
төртінші бөлік мынадай редакцияда жазылсын:
"Уақытша әкімшілік (жинақтаушы зейнетақы қорын уақытша басқарушы) мәжбүрлеп таратылатын жинақтаушы зейнетақы қорының зейнетақы активтерін және зейнетақымен қамсыздандыру туралы шарттары бойынша міндеттемелерін басқа жинақтаушы зейнетақы қорына өткізуді аяқтағанша өз қызметін жүзеге асырады.";
сегізінші бөліктегі "тарату комиссиясын тағайындау туралы шешім қабылданған" деген сөздер "мәжбүрлеп таратылатын жинақтаушы зейнетақы қорының зейнетақы активтерін және зейнетақымен қамсыздандыру туралы шарттары бойынша міндеттемелерін басқа жинақтаушы зейнетақы қорына өткізу аяқталған" деген сөздермен ауыстырылсын;
20) 52-баптың 1-2-тармағының бірінші сөйлемі мынадай редакцияда жазылсын:
"1-2. Рейтинг агенттіктерінің бірінің белгілі бір рейтингін иеленген заңды тұлға - қаржы ұйымы ғана зейнетақы активтерін инвестициялық басқаруды жүзеге асыратын ұйымның Қазақстан Республикасының резиденті емес болып табылатын құрылтайшысы немесе акционері бола алады."
21) 55-баптың 2-тармағының 3) тармақшасында:
"мәмілелер мен" деген сөздер "мәмілелерді," деген сөзбен және тыныс белгісімен ауыстырылсын;
"шарттарды," деген сөзден кейін "эмитенттің жинақтаушы зейнетақы қорының инвестициялық портфеліндегі облигацияларды акцияларға айырбастауды, артықшылықпен сатып алу құқығын іске асыруды, эмитенттен жинақтаушы зейнетақы қорының инвестициялық портфеліндегі акцияларды сатып алуды талап етуді," деген сөздермен толықтырылсын.
4. "Бағалы қағаздар рыногы туралы" 2003 жылғы 2 шілдедегі Қазақстан Республикасының Заңына (Қазақстан Республикасы Парламентінің Жаршысы, 2003 ж., N 14, 119-құжат; 2004 ж., N 16, 91-құжат; N 23, 142-құжат; 2005 ж., N 7-8, 24-құжат; N 14, 58-құжат; N 23, 104-құжат; 2006 ж., N 3, 22-құжат; N 4, 24-құжат; N 8, 45-құжат; N 10, 52-құжат; N 11, 55-құжат; 2007 ж., N 2, 18-құжат; N 4, 28-құжат; N 9, 67-құжат; 2007 жылғы 21 шілдедегі Қазақстан Республикасының Заңы, N 17, 141-құжат;):
1) 1-бап мынадай редакцияда жазылсын:
"1-бап. Осы Заңда пайдаланылатын негізгі ұғымдар
Осы Заңның мақсаттары үшін мынадай негізгі ұғымдар пайдаланылады:
1) агенттік облигация - қаржы агенттігі шығаратын облигация;
2) айырбасталатын бағалы қағаз - акционерлік қоғамның шығару проспектісінде айқындалған талаптармен және тәртіппен оның басқа түрдегі бағалы қағазына айырбасталуға жататын бағалы қағазы;
3) андеррайтер - бағалы қағаздар рыногының брокерлік және дилерлік қызметті жүзеге асыруға лицензиясы бар және эмитентке эмиссиялық бағалы қағаздарды шығару мен орналастыру жөнінде қызмет көрсететін кәсіби қатысушысы;
4) бағалармен айла-шарғы жасау - бағалы қағаздар рыногы субъектілерінің ұсыныс пен сұраныстың объективті арақатынасы нәтижесінде бағалы қағаздарға белгіленген бағадан жоғары немесе төмен баға белгілеуге бағытталған іс-әрекеттері;
5) бағалы қағаз - мүліктік құқықты куәландыратын белгілі бір жазбалар мен басқа да белгілеулердің жиынтығы;
6) бағалы қағаздар рыногының кәсіби қатысушысы - өз қызметін бағалы қағаздар рыногында лицензия негізінде не заң актілеріне сәйкес жүзеге асыратын және акционерлік қоғамның ұйымдық-құқықтық нысанында қызмет істейтін (трансфер-агентті қоспағанда) заңды тұлға;
7) бағалы қағаздарды нақтылы ұстау - нақтылы ұстау шартына не осы Заңға сәйкес бағалы қағаздарда ұстаушылардың атынан және есебінен белгілі бір заңды іс-әрекеттерді жасау, сондай-ақ бағалы қағаздар бойынша құқықтарды есепке алу мен растау және осындай ұстаушылардың бағалы қағаздармен жасалатын мәмілелерін тіркеу;
8) бағалы қағаздарды ұстаушылар тізілімдерінің жүйесі - эмитент, эмиссиялық бағалы қағаздар және белгілі бір уақыт кезінде эмиссиялық бағалы қағаздар бойынша оларды ұстаушылардың құқықтарын бірдейлендіруді, бағалы қағаздармен мәмілелерді тіркеуді қамтамасыз ететін ұстаушылар туралы мәліметтердің жиынтығы, сондай-ақ осы бағалы қағаздар бойынша айналысқа немесе құқықтарды жүзеге асыруға арналып тіркелген шектеулердің сипаты және уәкілетті органның нормативтік құқықтық актісіне сәйкес өзге де мәліметтер;
9) бағалы қағаздардың бағасын белгілеу - ұйымдастырылған бағалы қағаздар рыногында белгілі бір уақыт кезінде бағалы қағаздар бойынша сұранымның және (немесе) ұсынымның жарияланған бағасы;
10) бағалы қағаздардың қайталама рыногы - орналастырылған бағалы қағаздардың айналысы процесінде бағалы қағаздар рыногының субъектілері арасында қалыптасатын құқықтық қатынастар;
11) бағалы қағазды ұстаушы - бағалы қағаздар бойынша құқықтары бар, бағалы қағаздарды ұстаушылар тізілімдері жүйесінде немесе нақтылы ұстауды есепке алу жүйесінде тіркелген тұлға, сондай-ақ пайлық инвестициялық қор;
12) базалық актив - стандартталған тауарлар партиясы, бағалы қағаздар, валюта, қаржы құралдары және сауда-саттықты ұйымдастырушының ішкі құжаттарында айқындалған өзге де көрсеткіштер;
13) бастапқы бағалы қағаздар рыногы - эмитенттің бұрын қайталама бағалы қағаздар рыногында өзі сатып алған эмиссиялық бағалы қағаздарын бұдан әрі орналастыруын қоспағанда, эмитенттің (андеррайтердің немесе эмиссиялық консорциумның) жарияланған эмиссиялық бағалы қағаздарды орналастыруы;
14) биржадан тыс бағалы қағаздар рыногының баға белгілеу ұйымы - акционерлік қоғамның ұйымдық-құқықтық нысанында құрылған, осы сауда-саттықты ұйымдастырушы клиенттердің арасында баға белгілеу арқылы айырбастау жүйесін пайдалану мен қолдау арқылы сауда-саттықты ұйымдық және техникалық қамтамасыз етуді жүзеге асыратын заңды тұлға;
15) брокер - бағалы қағаздар рыногының клиенттің тапсырмасы бойынша, соның есебінен және мүдделерін көздеп, эмиссиялық бағалы қағаздармен және өзге де қаржы құралдарымен мәмілелер жасайтын кәсіби қатысушысы;
16) бұйрық - қаржы құралдарын ұстаушы (сатып алушы) өзіне тиесілі қаржы құралдарына немесе қаржы құралдарын сатып алуға арналған ақшаға қатысты белгілі бір іс-әрекетті жүзеге асыруды көрсете отырып, бағалы қағаздар рыногының кәсіби қатысушысына табыс ететін құжат;
17) делистинг - бағалы қағаздарды сауда-саттықты ұйымдастырушының тізімінен уақытша немесе тұрақты шығарып тастау;
18) депозитарийлік қолхат - осы депозитарийлік қолхаттың базалық активі болып табылатын эмиссиялық бағалы қағаздардың белгілі бір санына меншік құқығын растайтын туынды эмиссиялық бағалы қағаз;
19) депозитарийлік қызмет - басқа нақтылы ұстаушылар үшін бағалы қағаздарды нақтылы ұстау қызметін көрсету және ұйымдастырылған бағалы қағаздар рыногында қаржы құралдарымен жасалған мәмілелер бойынша есеп айырысуларды жүзеге асыру жөніндегі қызмет;
20) депозитке салу - орталық депозитарийдің оның клиенттерінің жеке шоттарындағы қаржы құралдарын есепке алуы;
21) депонент - орталық депозитарийдің клиенті болып табылатын ұйым;
22) дефолт - эмиссиялық бағалы қағаздар және өзге де қаржы құралдары бойынша міндеттемелердің орындалмауы;
23) дилер - бағалы қағаздар рыногының ұйымдастырылмаған бағалы қағаздар рыногында және ұйымдастырылған бағалы қағаздар рыногында оған тікелей кіру құқығымен өз мүдделерін көздеп және өз есебінен эмиссиялық бағалы қағаздармен және өзге де қаржы құралдарымен мәмілелер жасайтын кәсіби қатысушысы;
24) жарияланған эмиссиялық бағалы қағаздар - шығарылуын уәкілетті орган тіркеген бағалы қағаздар;
25) жеке инвестор - институционалдық инвестор болып табылмайтын инвестор;
26) жеке шот - бағалы қағаздарды ұстаушылардың тізілімі жүйесінде немесе нақтылы ұстауды есепке алу жүйесінде бар, эмиссиялық бағалы қағаздар мен өзге де қаржы құралдары бойынша мәмілелерді тіркеу және құқықтарды есепке алу мақсатымен тіркелген тұлғаны сөзсіз бірдейлендіруге мүмкіндік беретін жазбалар жиынтығы;
27) жеке шоттан үзінді - бағалы қағаз болып табылмайтын, тіркеуші немесе нақтылы ұстаушы беретін және тіркелген тұлғаның эмиссиялық бағалы қағаздар бойынша белгілі бір уақыт кезіндегі құқықтарын растайтын құжат;
28) инвестициялық портфель - бағалы қағаздар рыногы субъектісінің меншігіндегі немесе басқаруындағы эр түрлі қаржы құралдарының жиынтығы не инвестициялық қорлар туралы Қазақстан Республикасының заңдарында белгіленген талаптарға сәйкес инвестициялық қордың мүлкі;
29) инвестициялық портфельді немесе зейнетақы активтерін басқарушы - бағалы қағаздар рыногының азаматтық құқық объектілерін басқару жөніндегі қызметті өз атынан, клиенттің мүдделерін көздеп және соның есебінен жүзеге асыратын кәсіби қатысушысы;
30) инсайдер - эмитенттің немесе оның аффилиирленген тұлғасының акцияларын (жарғылық капиталға қатысу үлесін) иеленуіне, эмитенттің немесе оның аффилиирленген тұлғасының басқару органдарына мүше болуына, эмитентпен немесе оның аффилиирленген тұлғасымен еңбек шартын немесе азаматтық-құқықтық шартын жасауына, оған мемлекеттік органның лауазымды тұлғасы ретінде берілген өкілеттіктерге байланысты инсайдерлік ақпаратқа қол жеткізе алатын тұлға;
31) инсайдерлік ақпарат - эмиссиялық бағалы қағаздар және олармен жасалған мәмілелер туралы, сондай-ақ осы бағалы қағаздардың эмитенті және ол жүзеге асыратын қызмет туралы үшінші тұлғаларға белгісіз, жария етілуі негізгі активтері осы бағалы қағаздар болып табылатын осы бағалы қағаздардың немесе туынды бағалы қағаздардың рыноктағы бағасына елеулі түрде әсер етуі мүмкін кез келген ақпарат;
32) институционалдық инвестор - Қазақстан Республикасының заңдарына сәйкес инвестицияны жүзеге асыру мақсатымен қаражат тартушы заңды тұлға;
33) инфрақұрылымдық облигация - эмитент міндеттемелерінің орындалуы мемлекет пен эмитент арасында мемлекетке берілетін объектінің құнының сомасына сәйкес жасалған инфрақұрылымдық жобаны іске асыру жөніндегі концессиялық келісім шеңберінде мемлекеттің кепілгерлігімен қамтамасыз етілген облигация;
34) ипотекалық облигация - ипотекалық қарыз шарттары бойынша талап ету құқығы кепілімен (ипотекалық куәліктердің кепілін қоса алғанда), сондай-ақ тізбесі уәкілетті органның нормативтік құқықтық актісімен белгіленетін өзге де жоғары өтімді активтер кепілімен қамтамасыз етілген облигация;
35) кастодиан - бағалы қағаздар рыногының қаржы құралдарының және клиенттер ақшасының есебін алуды және олар бойынша құқықтарды растауды, клиенттердің құжатты қаржы құралдарының сақталуы жөнінде өзіне міндеттемелер қабылдай отырып оларды сақтауды және Қазақстан Республикасының заң актілеріне сәйкес өзге қызметті жүзеге асыратын кәсіби қатысушысы;
36) клиент - бағалы қағаздар рыногының кәсіби қатысушысы көрсететін қызметті пайдаланушы немесе пайдаланғысы келетін тұлға;
37) қазақстандық депозитарийлік қолхат - Қазақстан Республикасының заңнамасына сәйкес шығарылған эмиссиялық бағалы қағаздарының белгілі бір санына меншік құқығын растайтын туынды эмиссиялық бағалы қағаз;
38) қамтамасыз етілген облигация - эмитент міндеттемелерін орындау эмитент мүлкінің кепілімен, банк кепілдігімен қамтамасыз етілген облигация;
39) қаржы агенттігі - Қазақстан Республикасының заңнамасына сәйкес экономиканың белгілі бір салаларында мемлекеттік инвестициялық саясатты іске асыруға уәкілетті және осы мақсатта Қазақстан Республикасының қаржы рыногында және (немесе) халықаралық қаржы рыногында қарыз алуды жүзеге асыратын банк немесе банк операцияларының жекелеген түрлерін жүзеге асыратын ұйым;
40) қаржы құралдарымен мәмілелер бойынша клиринг - қаржы құралдарымен мәмілелер жасасу нәтижесінде жүзеге асырылатын есеп айырысуға қатысушы тараптардың өзара талаптары мен міндеттемелерінің есебі;
41) қаржы құралдарын материалсыздандыру -құжатты нысанда шығарылған қаржы құралдары куәландыратын құқықтарды растау тәсілін осы құқықтарды орталық депозитарийдің есепке алу жүйесіндегі электрондық жазбалармен растау арқылы өзгерту;
42) қаржы құралы - қаржы рыногының халықаралық қаржылық есептілік стандарттарымен айқындалған бағалы қағаздары (туынды бағалы қағаздарды қоса алғанда) мен өзге де активтері;
43) қаржы рыногы - қаржы қызметін көрсету мен тұтынуға және қаржы құралдарының айналысына байланысты қатынастардың жиынтығы;
44) қор биржасы - акционерлік қоғамның ұйымдық-құқықтық нысанында құрылған, осы сауда-саттықты ұйымдастырушының сауда жүйесін пайдалана отырып, оларды тікелей жүргізу арқылы сауда-саттықты ұйымдық және техникалық жағынан қамтамасыз етуді жүзеге асыратын заңды тұлға;
45) құжатсыз бағалы қағаз - құжатсыз нысанда (электрондық жазбалардың жиынтығы түрінде) шығарылған бағалы қағаз;
46) құжатты бағалы қағаздар - құжатты нысанда шығарылған (қағаздағы немесе арнайы техникалық құралдарды пайдаланбай-ақ бағалы қағаздың мазмұнын тікелей оқуға болатын өзге де материалдық берілім көзіндегі) бағалы қағаздар;
47) левередж - эмитенттің міндеттемелері мен өз капиталы мөлшерлерінің арақатынасы;
48) листинг - бағалы қағаздарды қор биржасының бағалы қағаздар тізімінің санатына енгізу, оған енгізу және сол санатта болу үшін қор биржасының ішкі құжаттарында бағалы қағаздарға және олардың эмитенттеріне арнайы (листингтік) талаптар белгіленген;
49) лицензиат - уәкілетті орган берген лицензия негізінде бағалы қағаздар рыногындағы қызметті жүзеге асыратын заңды тұлға;
50) мемлекеттік емес эмиссиялық бағалы қағаздар - мемлекеттік эмиссиялық бағалы қағаздар болып табылмайтын акциялар, облигациялар және өзге де эмиссиялық бағалы қағаздар;
51) мемлекеттік эмиссиялық бағалы қағаз - қарыз алушы Қазақстан Республикасының Үкіметі немесе Қазақстан Республикасының Ұлттық Банкі болатын қарыз алуға қатысы жөнінен ұстаушының құқықтарын куәландыратын эмиссиялық бағалы қағаз;
52) мінсіз іскерлік бедел - кәсіби білікті, адалдығын растайтын факторлардың болуы, экономикалық қызмет саласындағы қылмыстар үшін немесе ауырлығы орташа қылмыстар, ауыр және аса ауыр қылмыстар үшін алынбаған немесе өтелмеген соттылығының жоқтығы;
53) мүдделер қақтығысы - бағалы қағаздар рыногының кәсіби қатысушылары мен олардың клиенттерінің мүдделері бір-біріне сай келмейтін жағдай;
54) нақтылы ұстауды есепке алу жүйесі - бағалы қағаздар рыногының кәсіби қатысушысының уақыттың белгілі бір кезінде оларды бірдейлендіруді, бағалы қағаздармен мәмілелерді тіркеуді қамтамасыз ететін бағалы қағаздарды ұстаушылар мен оларға тиесілі бағалы қағаздар туралы мәліметтер бар, нақтылы ұстау қызметін көрсететін есеп беру жүйесі, сондай-ақ осы бағалы қағаздардың айналысқа немесе олар бойынша құқықтарды жүзеге асыруға арналып тіркелген шектеулердің сипаты және уәкілетті органның нормативтік құқықтық актілеріне сәйкес өзге де мәліметтер;
55) облигацияларды өтеу - эмитенттің орналастырылған облигацияларды сыйақы және облигацияның нақтылы құнын төлеу (кейіннен сату мақсатынсыз) немесе оны облигациялар шығару проспектісінде белгіленген тәртіппен сол эмитенттің акциясына (акцияларына) айырбастау арқылы айналыстан алып қою жөніндегі іс-әрекеті;
56) облигацияларды ұстаушылардың өкілі - эмитентпен жасалған шарт негізінде қайталама бағалы қағаздар рыногындағы инфрақұрылымдық, сондай-ақ ипотекалық және өзге де қамтамасыз етілген облигациялар айналысы, облигациялар бойынша сыйақы төлеу және оларды өтеу процесінде облигацияларды ұстаушылардың мүдделерін көздеп іс-әрекет жасайтын ұйым;
57) облигациялық бағдарлама - эмитент бірнеше облигациялар шығаруды, оның ішінде шығарылымның тиісті проспектісі белгілейтін әртүрлі құрылыммен шығаруды жүзеге асыруға құқылы болатын шекте облигациялар шығару;
58) облигацияның нақтылы құны - облигация құнының ол шығарылған кезде белгіленген, купондық облигация бойынша процентпен көрсетілген сыйақы есептелетін ақшалай көрінісі, сондай-ақ облигацияны өтеген кезде оны ұстаушыға төленуге тиісті сома;
59) оқшаулау - бағалы қағаздарды ұстаушылар тізілімі жүйесінде және нақтылы ұстауды есепке алу жүйесінде бағалы қағаздармен жасалған азаматтық-құқықтық мәмілелерді тіркеуге бағалы қағаздардың сақталуына кепілдік беру мақсатында жүзеге асырылатын уақытша тыйым салу;
60) опцион - шарт, оған сәйкес бір тарап (опционды сатушы) осы шартта аталған мүліктің (базалық активтің) белгілі бір санын осы шартта келісілген баға бойынша сатуға немесе сатып алуға міндеттенеді, ал екінші тарап (опционды сатып алушы) сатып алу немесе сату құқығына ие болады; сауда-саттықты ұйымдастырушылар мұндай шартты стандарттаған жағдайда ол туынды бағалы қағаз ретінде пайдаланылуы мүмкін;
61) орналастырылған эмиссиялық бағалы қағаздар - бастапқы бағалы қағаздар рыногында инвесторлар толық төлеген эмиссиялық бағалы қағаздар;
62) орталық депозитарий - негізгі функциясы депозитарийлік қызметті жүзеге асыру болып табылатын мамандандырылған коммерциялық емес ұйым;
63) өзін-өзі реттейтін ұйым - бағалы қағаздар рыногында ез қызметінің бірыңғай ережелері мен стандарттарын белгілеу мақсатымен қауымдастық (одақ) нысанында бағалы қағаздар рыногының кәсіби қатысушылары құрған заңды тұлға;
64) өтініш беруші - бағалы қағаздар рыногында қызметті жүзеге асыру үшін лицензия алу мақсатымен уәкілетті органға құжаттарды табыс еткен заңды тұлға;
65) пруденциалдық нормативтер - уәкілетті орган белгілеген және лицензиат сақтауға тиіс нормалардың қаржылық көрсеткіштері;
66) рейтинг - белгілі бір эмитенттің шамамен алғандағы кредит қабілетін немесе оның бағалы қағаздарының сапасы мен сенімділігін белгілейтін бағаның жеке сан және әріп көрсеткіші;
67) сауда жүйесі - сауда-саттықты ұйымдастырушының материалдық- техникалық құралдарының, ішкі құжаттарының және сол сауда-саттықты ұйымдастырушының мүшелері арасында эмиссиялық бағалы қағаздармен және өзге қаржы құралдарымен мәмілелер жасауда пайдаланылатын өзге де қажетті активтері мен рәсімдерінің кешені;
68) сауда-саттықты ұйымдастырушы - қор биржасы және биржадан тыс бағалы қағаздар рыногының баға белгілеу ұйымы;
69) сауда-саттықты ұйымдастырушының тізімі - сауда-саттықты ұйымдастырушының сауда жүйесіне айналысқа жіберуге рұқсат етілген қаржы құралдарының сауда-саттықты ұйымдастырушының ішкі құжаттарына сәйкес және (немесе) Алматы қаласы өңірлік қаржы орталығының қызметін реттеу жөніндегі уәкілетті мемлекеттік органның нормативтік құқықтық актісіне сәйкес жасалған тізімі;
70) своп - екі тараптың белгілі бір мерзім ішінде белгілі бір талаптармен қаржы құралдарын айырбастау жөніндегі келісімін куәландыратын туынды бағалы қағаз;
71) төлем агенті - банк немесе банк операцияларының жекелеген түрлерін жүзеге асыратын ұйым;
72) трансфер-агент - бағалы қағаздар рыногының өз клиенттерінің арасында құжаттар (ақпараттар) қабылдау мен беру жөнінде қызмет көрсететін кәсіби қатысушысы;
73) туынды бағалы қағаздар - осы туынды бағалы қағаздардың базалық активке қатынасы бойынша құқықтарды куәландыратын бағалы қағаз;
74) тіркелген тұлға - бағалы қағаздарды ұстаушылар тізілімі жүйесінде немесе нақтылы ұстау есебі жүйесінде жеке шоты бар тұлға;
75) тіркеуші - бағалы қағаздар рыногының бағалы қағаздарды ұстаушылардың тізілімдері жүйесін қалыптастыруды, сақтауды және жүргізуді жүзеге асыратын кәсіби қатысушысы;
76) уәкілетті орган - бағалы қағаздар рыногын реттеу мен қадағалауды жүзеге асыратын мемлекеттік орган;
77) ұйымдастырылған бағалы қағаздар рыногы - мәмілелер сауда-саттықты ұйымдастырушының ішкі құжаттарына сәйкес жүзеге асырылатын эмиссиялық бағалы қағаздар мен өзге де қаржы құралдарының айналыс саласы;
78) ұйымдастырылмаған бағалы қағаздар рыногы - бағалы қағаздар айналысының бағалы қағаздармен жасалатын мәмілелер сауда-саттықты ұйымдастырушының ішкі құжаттарында белгіленген талаптар сақталмай жүзеге асырылатын саласы;
79) ұлттық бірдейлендіру нөмірі - эмиссиялық бағалы қағаздарды бірдейлендіру және есепке алуды жүйелеу мақсатында оларға уәкілетті орган беретін әріптік-сандық код;
80) фьючерс - белгіленген нысандағы стандарттық саны мен орындалу мерзімі бар және ұйымдастырылған бағалы қағаздар рыногында айналыста жүретін туынды бағалы қағаз, оны сатушы сатуға немесе сатып алуға міндеттенеді, ал сатып алушы мүліктің (базалық активтің) белгіленген санын келісілген баға бойынша және белгілі бір мерзім өткеннен кейін сатып алуға немесе сатуға міндеттенеді;
81) хеджирлеу - мүліктік мүдделерді жай-күйі қаржы құралдарымен мәміле жасасу арқылы бағалы қағаздар рыногы субъектілерінің кірістері мен шығындарының туындауына байланысты болатын бағанын, айырбастау бағамының, сыйақы ставкаларының немесе өзге де ықтимал көрсеткіштердің өзгеруі кезіндегі тәуекелдерден қорғау;
82) шетелдік мемлекеттік эмиссиялық бағалы қағаз - қарыз алушы шет мемлекеттің үкіметі болатын қарызға қатысты ұстаушының құқықтарын куәландыратын эмиссиялық бағалы қағаз не шет мемлекеттің заңдарына сәйкес мемлекеттік бағалы қағаздарға жатқызылған өзге де бағалы қағаз;
83) шығару құрылымы - шығарылатын эмиссиялық бағалы қағаздардың саны, олардың түрі, нақтылы құны (облигациялар үшін) туралы мәліметтер;
84) ішкі құжаттар - бағалы қағаздар рыногы субъектісінің, оның органдарының, құрылымдық бөлімшелерінің (филиалдарының, өкілдіктерінің), қызметкерлерінің қызмет жағдайлары мен тәртібін, қызмет көрсетуін және оларға ақы төлеу тәртібін реттейтін құжаттар;
85) эмиссиялық бағалы қағаздар - бір шығарылым шегінде біртекті белгілер мен реквизиттері болатын, осы шығарылым үшін бірыңғай жағдайлар негізінде орналастырылатын және айналысқа түсетін бағалы қағаздар;
86) эмиссиялық бағалы қағаздар айналысы - қайталама бағалы қағаздар рыногында бағалы қағаздармен азаматтық-құқықтық мәмілелер жасау;
87) эмиссиялық бағалы қағаздар шығарылымы - эмитенттің эмиссиялық бағалы қағаздардың азаматтық құқықтар объектісі ретінде пайда болуына бағытталған іс-әрекеті, немесе орналастырылуы, айналыста болуы және өтелуі осы эмиссиялық бағалы қағаздарды шығару проспектісіне сәйкес жүзеге асырылатын белгілі бір бағалы қағаздардың жиынтығы;
88) эмиссиялық бағалы қағаздар шығару проспектісі - эмитент, оның қаржылық жай-күйі, сатылады деп болжанатын эмиссиялық бағалы қағаздар, шығарылымның көлемі, шығарылымдағы бағалы қағаздардың саны, оларды шығару, орналастыру, айналыста болуы, дивидендтер (сыйақы) төлеу, өтеу рәсімі мен тәртібі туралы мәліметтер және инвестордың бағалы қағаздар сатып алу туралы шешіміне ықпал етуі мүмкін басқа да ақпарат бар құжат;
89) эмиссиялық бағалы қағаздар шығарылымының күшін жою -эмиссиялық бағалы қағаздың азаматтық құқықтар объектісі ретінде өмір сүруін тоқтату;
90) эмиссиялық бағалы қағаздарды орналастыру - бастапқы бағалы қағаздар рыногында бағалы қағаздарды сату;
91) эмиссиялық бағалы қағаздардың мемлекеттік тізілімі - уәкілетті орган қалыптастыратын эмиссиялық бағалы қағаздар шығарылымдары мен олардың эмитенттері туралы мәліметтердің жиынтығы;
92) эмиссиялық консорциум - андеррайтерлердің эмитентке эмиссиялық бағалы қағаздарды шығару мен орналастыру жөнінде қызмет көрсету мақсатында бірлескен қызмет туралы шарт негізінде құрылған бірлестігі;
93) эмитент - эмиссиялық бағалы қағаздарды шығаруды жүзеге асыратын тұлға.";
2) 9-баптың 4-тармағының бірінші бөлігінде:
"мәліметтер" деген сөзден кейін "және қоғам оларды сатып алу кезіндегі акциялардың құнын айқындау әдістемесі" деген сөздермен толықтырылсын;
"саны өзгерген" деген сөздер "саны кеміген" деген сөздермен ауыстырылсын";
3) 22-1-баптың 1 -1 -тармағының бірінші бөлігінде "құрылған" деген сөзден кейін "және (немесе) активтерінің кемінде үштен екі бөлігі Қазақстан Республикасының аумағында орналасқан немесе Қазақстан Республикасының заңнамасына сәйкес шығарылған" деген сөздермен толықтырылсын;
4) 23-баптың 2-тармағы мынадай редакцияда жазылсын:
"2. Облигацияларды төлеу ақшамен ғана жүзеге асырылады. Орналастыратын облигацияны толық төлегенге дейін эмитент облигацияларды ұстаушылар тізілімі жүйесіндегі (номиналды ұстаушыны есепке алу жүйесіндегі) оны иеленушінің жеке шотына осы облигацияны енгізу туралы бұйрық беруге құқылы емес";
5) 47-1-бапта "Алматы қаласының өңірлік қаржы орталығының қызметін реттеу жөніндегі уәкілетті мемлекеттік орган тіркеген", "сондай-ақ брокерді және (немесе) дилерді" деген сөздер алынып тасталсын;
6) 54-бапта:
2-тармақтың 3) тармақшасы мынадай редакцияда жазылсын:
"3) тізбесі уәкілетті органмен белгіленетін халықаралық қаржы ұйымдарында осы баппен белгіленген жұмыс стажы және (немесе) қаржылық қызмет көрсету және (немесе) оны реттеу және (немесе) қаржы ұйымдарына аудит жүргізу бойынша қызмет көрсету саласындағы жұмыс стажы жоқ;";
4-тармақта:
бірінші бөліктің 1), 2), 3) тармақшалардағы "қаржылық қызмет көрсету және (немесе) оны реттеу саласында" деген сөздер алынып тасталсын;
екінші бөліктегі "қаржылық қызмет көрсету және (немесе) оны реттеу саласында" деген сөздер "осы баптың 2-тармағының 3) тармақшасында көзделген" деген сөздермен ауыстырылсын;
5-тармақтың екінші бөлігінде:
"құжаттар" деген сөз "құжаттардың толық пакетін" деген сөздермен ауыстырылсын;
"бұзуға" деген сөзден кейін "не еңбек шарты болмаған жағдайда осы басшы қызметкердің өкілеттілігін тоқтату жөнінде шаралар қабылдауға" деген сөздермен толықтырылсын;
9-тармақтың екінші бөлігіндегі "бұзуға" деген сөзден кейін "не еңбек шарты болмаған жағдайда осы басшы қызметкердің өкілеттілігін тоқтату жөнінде шаралар қабылдауға" деген сөздермен толықтырылсын;
7) 56-бапта:
3-тармақтың 1) тармақшасындағы "он проценті шегінен аспайтын" деген сөздер "он процент және одан артық" деген сөздермен ауыстырылсын;
4-тармақтағы "тәртібі" деген сөзден кейін "мен талаптары" деген сөздермен толықтырылсын;
8) 72-бапта мынадай мазмұндағы екінші сөйлеммен толықтырылсын:
"Инвестициялық комитет мүшелерінің кем дегенде жартысы инвестициялық портфельді немесе зейнетақы активтерін басқаратын басшы қызметкерлер болып табылуы тиіс";
9) 84-баптың 3-тармағының екінші бөлігі "акционері" деген сөзден кейін "Қазақстан Республикасының заңнамалық актілерінде белгіленген жағдайларды қоспағанда," деген сөздермен толықтырылсын.
5. "Инвестициялық қорлар туралы" 2004 жылғы 7 шілдедегі Қазақстан Республикасының Заңына (Қазақстан Республикасы Парламентінің Жаршысы, 2004 ж., N 16, 90-құжат; 2006 ж., N 16, 103-құжат; 2007 ж., N 2, 18-құжат, N 4, 33-құжат):
1) 1-бап мынадай редакцияда жазылсын:
"1-бап. Осы Заңда пайдаланылатын негізгі ұғымдар
Осы Заңда мынадай негізгі ұғымдар пайдаланылады:
1) акционерлік инвестициялық қор - қызметінің айрықша түрі осы Заңда белгіленген талаптарға және өзінің инвестициялық декларациясына сәйкес осы қоғамның акционерлері оның акцияларын төлеу үшін қосқан ақшаны, сондай-ақ осындай инвестициялау нәтижесінде алынған активтерді жинақтау мен инвестициялау болып табылатын акционерлік қоғам;
2) әртараптандыру - инвестициялық қор активтерін олардың құнының төмендеу қаупін азайту мақсатында түрлі қаржы құралдарына және өзге мүлікке орналастыру;
3) басқарушы компания - инвестициялық портфельді басқаруға берілген лицензия негізінде инвестициялық қор активтерін сенімгерлік басқаруды жүзеге асыратын бағалы қағаздар рыногының кәсіпқой қатысушысы;
4) жылжымайтын мүлік қоры - қызметінің айрықша түрі осы Заңда белгіленген талаптарға және өзінің инвестициялық декларациясына сәйкес, осы қоғамның акционерлері оның акцияларын төлеу үшін қосқан ақшаны, сондай-ақ осындай инвестициялау нәтижесінде алынған активтерді жылжымайтын мүлікке және осы Заңмен өзге де рұқсат берілген мүлікке жинақтау мен инвестициялау болып табылатын акционерлік инвестициялық қор;
5) инвестициялық декларация - инвестициялау объектілерінің тізбесін, инвестициялық қор активтеріне қатысты инвестициялық қызмет мақсатын, стратегиясын, шарттарын және оны шектеуді, қор активтерін хеджирлеу және әртараптандыру шарттарын айқындайтын құжат;
6) инвестициялық кіріс - инвестициялық қор активтерін инвестициялау нәтижесінде алынған олардың ақшалай көрінісіндегі өсімі;
7) инвестициялық қор - осы Заңға сәйкес құрылған акционерлік немесе инвестициялық пай қоры;
8) инвестициялық қордың активтері - акционерлік инвестициялық қорға тиесілі немесе инвестициялық пай қорын құрайтын активтер жиынтығы;
9) инвестициялық қордың таза активтерінің құны - инвестициялық қордың барлық активтерінің құны мен оның инвестициялық қор активтері есебінен төленуге жататын міндеттемелері не есептелген шығыстары арасындағы айырма ретінде айқындалатын инвестициялық қор активтері құнының ақшалай көрінісі;
10) инвестициялық пай қоры - пайға, сондай-ақ оларды инвестициялау нәтижесінде сатып алынған өзге де активтерге ақы төлеуден алынған, пайларды ұстаушыларға ортақ үлестік меншік құқығымен тиесілі және басқарушы компанияның басқаруындағы ақша жиынтығы;
11) инвестициялық пай қорының ережесі - инвестициялық пай қорының мақсаттарын, жұмыс істеу және жұмыс істеуін тоқтату шарттары мен тәртібін айқындайтын құжат;
12) инвестициялық шешім - инвестициялық қордың активтерін басқару процесінде қабылданатын оның активтерімен мәміле жасасу туралы шешім;
13) пай - инвестициялық пай қорындағы оның иесінің үлесін, инвестициялық пай қоры жұмыс істеуін тоқтатқан кезде оның активтерін өткізуден алынған ақшаны алу құқығын, сондай-ақ осы Заңда айқындалған инвестициялық пай қоры қызметінің ерекшеліктеріне байланысты өзге де құқықтарды растайтын, шығарылымы құжаттандырылмаған нысандағы атаулы эмиссиялық бағалы қағаз;
14) пай ұстаушы - инвестициялық пай қорының пайларын ұстаушылар тізілімі жүйесінде немесе нақтылы ұстауды есепке алу жүйесінде жеке шоты бар және инвестициялық пай қорының пайлары бойынша құқықтары бар тұлға;
15) пайды сатып алу - басқарушы компанияның пайды ұстаушыдан оны сатып алу арқылы инвестициялық пай қорының активтерін сенімгерлік басқару шартын бұзу;
16) пайдың есептелу құны - инвестициялық пай қорының таза активтерінің құнына оның айналыстағы пайларының санына бөлу арқылы айқындалатын пай құнының ақшалай көрінісі;
17) пайдың нақтылы құны - инвестициялық пай қорының пайларын бастапқы орналастыру кезіндегі пай құнының ақшалай көрінісі;
18) пайларды бастапқы орналастыру - инвестициялық пай қоры активтерінің ең төменгі мөлшерін қалыптастыру мақсатында пайларды нақтылы құны бойынша орналастыру кезеңі;
19) сенімгерлік басқару шарты - осы Заңда белгіленген талаптарға сәйкес ақшаны сенімгерлік басқаруға беру туралы басқарушы компанияның акционерлік инвестициялық қормен немесе инвестициялық пай қорының инвесторымен жасайтын инвестициялық қор активтерін құрайтын инвестициялық портфельді басқару жөніндегі шарт;
20) уәкілетті орган - қаржы рыногын және қаржылық ұйымдарды реттеу мен қадағалауды жүзеге асыратын мемлекеттік орган.";
2) 4-баптың 4-тармағының екінші бөлігі "ұстаушысы" деген сөзден кейін ", егер өзгесі осы Заңмен және қордың ережелерімен көзделмесе," деген сөздермен толықтырылсын;
3) 8-баптың 2-тармағының бірінші бөлігіндегі "және тіркеуші" деген сөздер ", тіркеуші, аудиторлық ұйым және бағалаушы" деген сөздермен ауыстырылсын;
4) 9-бапта:
1-тармақта:
екінші бөліктегі "және жылжымайтын мүлік қорларына" деген сөздер алынып тасталсын;
мынадай мазмұндағы үшінші бөлікпен толықтырылсын:
"Осы баптың 1-тармағының 3), 4) тармақшаларымен белгіленген тыйым салу жылжымайтын мүлік қорларына қолданылмайды.";
3-тармақтағы "және тіркеуші" деген сөздер ", тіркеуші, аудиторлық ұйым және бағалаушы" деген сөздермен ауыстырылсын;
5) 10-баптың 2) тармақшасы "шығыстардың" деген сөздің алдынан "ағымдағы қызметке арналған" деген сөздермен және осыдан кейін ", оның ішінде" деген сөздермен толықтырылсын;
6) 11-баптың 2-тармағындағы "жобалары" деген сөз "көшірмелері" деген сөзбен ауыстырылсын;
7) 17-баптың 3-тармағында:
"және тіркеуші" деген сөздер", тіркеуші, аудиторлық ұйым және бағалаушы" деген сөздермен ауыстырылсын;
"ұйымдарды," деген сөзден кейін", сондай-ақ аудиторлық ұйым және бағалаушыны" деген сөздермен толықтырылсын;
8) 24-бапта:
4-тармақтың екінші сөйлемі мынадай редакцияда жазылсын:
"Өтінім берушіге ақшаны беру (оның ішінде ақшаны ол көрсеткен шотқа аударым жасау) пайларды сатып алған күні жүзеге асырылады.";
5-тармақтағы "өтінім қабылданған күннен кейінгі бірінші жұмыс күніндегі" деген сөздер "пайларды сатып алу күнінің алдындағы жұмыс күнінің соңындағы" деген сөздермен ауыстырылсын;
9) 26-бап мынадай мазмұндағы 7-тармақпен толықтырылсын:
"7. Басқарушы компания бұқаралық ақпарат құралдарында тоқтата тұру күніне дейінгі отыз күнтізбелік күннен кешіктірмей орналастыруды тоқтата тұру туралы міндетті түрде хабардар еткен жағдайда, пайларды орналастыруды белгілі кезеңге тоқтата түру мүмкіндігін аралық және жабық инвестициялық пай қорының ережесінде көздеуге құқылы.";
10) 27-баптың 1-тармағының 5) тармақшасындағы орыс тіліндегі мәтін өзгертілді, қазақ тіліндегі мәтін өзгермейді;
11) 28-бапта:
2-тармақ мынадай редакцияда жазылсын:
"2. Жабық инвестициялық пай қорының ережесіне өзгерістер мен толықтырулар пай ұстаушылардың жалпы жиналысының шешімі бойынша енгізіледі.
Жабық инвестициялық пай қорының ережесіне олардың құқықтарына нұқсан келтіретін өзгерістер мен толықтырулар енгізуге қарсы дауыс берген пай ұстаушылар, қор ережесінде пай ұстаушының пайларды сатып алу құқығының болуына қарамастан, баспасөз басылымында жарияланғаннан кейін немесе олардың уәкілетті органмен келісілгендігі туралы көрсетілген осы өзгерістер мен толықтырулардың мәтінін қор ережесінде белгіленген тәртіппен алғаннан кейін отыз күнтізбелік күн ішінде басқарушы компаниядан оларға тиесілі пайларды сатып алуды талап етуге құқылы.";
4-тармақтағы "басқа кастодианмен," деген сөздерден кейін ", тіркеушімен" деген сөзбен толықтырылсын;
12) 31-баптың 2-тармағындағы"ішінара" деген сөз алынып тасталсын;
13) 37-бапта: 2-тармақта: екінші бөлікте:
3) тармақша мынадай редакцияда жазылсын:
"3) ұсынылатын үйлер және ғимараттар, жобалау-сметалық құжаттама;";
мынадай мазмұндағы 3-1) тармақшамен толықтырылсын:
"3-1) басқарушы компанияның инвестициялық қордың есебінен және оның мүддесіне сай құрылысқа үлестік қатысу үшін жасаған шарттарынан пайда болған талаптар құқығы;";
үшінші бөлік "мүлікке" деген сөздің алдынан "осы тармақтың 1)-4) тармақшаларында аталған" деген сөздермен толықтырылсын;
2-1-тармақтың 1) тармақшасындағы "осы үйлер мен ғимараттар орналасқан" деген сөздер алынып тасталсын;
3-2-тармақтағы "процентін" деген сөзден кейін ", жылжымайтын мүлік қорларының активтерін құрайтын жылжымайтын мүлікті қайта бағалаудан түскен кірісті шегере отырып," деген сөздермен толықтырылсын";
5-тармақтың 1) тармақшасындағы "осы Заңда көзделген жағдайларды қоспағанда," деген сөздер алынып тасталсын;
7-тармақтың 3) тармақшасы алынып тасталсын;
14) 41-баптың 1-тармағының бірінші бөлігі мынадай мазмұндағы 13) тармақшамен толықтырылсын:
"13) жарнамада және бұқаралық ақпарат құралдарында инвестициялық қордың инвестициялық қызметінің бір жылға жетпейтін кезең ішіндегі кірістілігі туралы ақпаратты көрсету керек.";
15) 44-баптың 1) тармақшасы мынадай редакцияда жазылсын:
"1) инвестициялық қордың акциялары мен пайларын орналастыру және сатып алу жөніндегі барлық операциялардың есебін жүргізуге;";
16) 45-баптың 5-тармағы мынадай редакцияда жазылсын:
"5. Тәуекелмен инвестициялайтын инвестициялық қор туралы мәліметтер акционерлер мен пай ұстаушыларға қордың ережесіне өзгерістер және (немесе) толықтырулар енгізу туралы хабарлама беру, акционерлік инвестициялық қордың акционерлерінің жалпы жиналысын және жабық инвестициялық пай қорының пай ұстаушыларының жалпы жиналысын шақыру, пайларды орналастыруды тоқтата тұру, акционерлік инвестициялық қорды тарату және инвестициялық пай қорының қызметін тоқтату жағдайларын қоспағанда, бұқаралық ақпарат құралдарында орналастырылмайды және сыртқы (көрнекі) жарнама құралдары арқылы таратылмайды.".
6. "Қазақстан Республикасының кейбір заңнамалық актілеріне сәйкестендіру нөмірлерінің ұлттық тізілімдері мәселелері бойынша өзгерістер мен толықтырулар енгізу туралы" 2007 жылғы 12 қаңтардағы Қазақстан Республикасының Заңына (Қазақстан Республикасы Парламентінің Жаршысы, қаңтар, 2007 ж.(N 3 (2484), 20-құжат): 1-баптың 10-тармағының 1) тармақшасындағы "30)" деген сан "5)" деген санмен ауыстырылсын.
2-бап .
1. Осы Заң 2009 жылғы 1 қаңтардан бастап қолданысқа енгізілетін осы Заңның 1-бабының 3-тармағының 8) тармақшасының үшінші абзацын, 2) тармақшасының төртінші, бесінші абзацтарын, сондай-ақ 2010 жылғы 1 қаңтардан бастап қолданысқа енгізілетін осы Заңның 1-бабының 3-тармағының 16) тармақшасының үшінші абзацын, 9), 10), 12) тармақшаларын, 8) тармақшаның төртінші абзацын, 7) тармақшаның екінші, үшінші, төртінші, бесінші және алтыншы абзацтарын, 1) тармақшаның қырық төртінші абзацын қоспағанда, алғашқы ресми жарияланған күнінен бастап он күнтізбелік күн еткеннен кейін қолданысқа енгізіледі.
Алматы қаласы -өңірлік қаржы орталығының қатысушылары болып табылатын брокерлер және (немесе) дилерлерге осы Заң қолданысқа енген күннен бастап екі ай ішінде өз қызметін осы Заңға сәйкес жүргізетін болсын.
2. Жинақтаушы зейнетақы қорлары 2010 жылғы 1 қаңтарға дейінгі мерзімде инвестициялық портфельді таңдау жөніндегі салымшылардың (алушылардың) өтініштерін қабылдау бойынша жұмысты жүргізсін.
3. Жинақтаушы зейнетақы қорларына инвестициялық портфельді таңдау жөнінде өтініш бермеген салымшылардың (алушылардың), сондай-ақ 2010 жылғы і қаңтарда зейнеткерлік жасқа жетуіне жеті жыл және одан аз қалған салымшылардың (алушылардың) жинақталған зейнетақы қаражаттары консервативті инвестициялық портфельге жатқызылады.

Қазақстан Республикасының
Президенті