Қазақстан Республикасының 2007 жылғы 9 қаңтардағы Экологиялық кодексінің 288-бабының 4-тармағына сәйкес Қазақстан Республикасының Үкіметі ҚАУЛЫ ЕТЕДІ:
1. "Үлбі металлургиялық зауыты" акционерлік қоғамына 2011 жылғы 31 желтоқсанға дейін (8103 30 000 0 ТН ВЭД ЕурАзЭҚ коды) тантал құрамы бойынша 653 400 кг мөлшерінде тантал қалдықтарын және сынығын оларды Шығыс Қазақстан облысының аумағында өңдеу үшін Қазақстан Республикасына әкелуге рұқсат етілсін.
2. Қазақстан Республикасы Қоршаған ортаны қорғау министрлігі, Шығыс Қазақстан облысының әкімі осы қаулыдан туындайтын шараларды қабылдасын.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
