"2009 - 2011 жылдарға арналған республикалық бюджет туралы" Қазақстан Республикасының 2008 жылғы 4 желтоқсандағы
Заңына
, "Бюджеттің атқарылуы және оған кассалық қызмет көрсету ережесін бекіту туралы" Қазақстан Республикасы Үкіметінің 2009 жылғы 26 ақпандағы N 220
қаулысына
сәйкес Қазақстан Республикасының Үкіметі
ҚАУЛЫ ЕТЕДІ:
1. Қазақстан Республикасы Көлік және коммуникация министрлігіне Шетелдік инвесторлар кеңесінің отырысына дайындық кезінде әуе кемелеріне қызмет көрсету үшін арнайы техниканы сатып алу, әуежайға баратын жол бойында көшені жарықтандыру желілерін қалпына келтіру және жиектастар орнату, Қостанай қаласының Гашек көшесі - Абай даңғылы шекарасындағы Ворошилов көшесін күрделі жөндеу және орталық және батыс бөлігінің көшелері мен жолдарын орташа жөндеу жөніндегі жұмыстарды орындау бойынша көтерген шығындарды өтеу үшін Қостанай облысының әкімдігіне ағымдағы нысаналы трансферттер түрінде аудару үшін 2009 жылға арналған республикалық бюджетте көзделген Қазақстан Республикасы Үкіметінің шұғыл шығындарға арналған резервінен 576338000 (бес жүз жетпіс алты миллион үш жүз отыз сегіз мың) теңге сомасында қаражат бөлінсін.
2. Қазақстан Республикасы Қаржы министрлігі бөлінген қаражаттың мақсатты пайдаланылуын бақылауды жүзеге асырсын.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
