«2011 - 2013 жылдарға арналған республикалық бюджет туралы» Қазақстан Республикасының 2010 жылғы 29 қарашадағы Заңына және «Бюджеттің атқарылуы және оған кассалық қызмет көрсету ережесін бекіту туралы» Қазақстан Республикасы Үкіметінің 2009 жылғы 26 ақпандағы № 220 қаулысына сәйкес Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Төтенше жағдайлар министрлігіне Қырғыз Республикасына ізгілік көмек көрсету үшін көмір сатып алуға 2011 жылға арналған республикалық бюджетте шұғыл шығындарға көзделген Қазақстан Республикасы Үкіметінің резервінен 3335281,4 АҚШ долларына (үш миллион үш жүз отыз бес мың екі жүз сексен бір доллар қырық цент) балама сомада қаражат бөлінсін.
2. Қазақстан Республикасы Көлік және коммуникация министрлігі Қырғыз Республикасына ізгілік жүгін Луговая станциясына дейін тасымалдау және жеткізу үшін жылжымалы құрамды уақтылы беруді қамтамасыз етсін.
3. Қазақстан Республикасы Қаржы, Төтенше жағдайлар, Көлік және коммуникация министрліктері осы қаулыдан туындайтын өзге де шараларды қабылдасын.
4. Қазақстан Республикасы Сыртқы істер министрлігі ізгілік көмекті алушыны анықтасын және оны көрсету жөніндегі шараларды үйлестіруді қамтамасыз етсін.
5. Қазақстан Республикасының Төтенше жағдайлар министрлігі бөлінген ақша қаражатының мақсатты пайдаланылуын қамтамасыз етсін.
6. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
