Мемлекеттік органдардың атауы жазылған маңдайшаларды дайындау және оларды әкімшілік ғимараттарда орналастыру қағидаларын бекіту туралы

Қазақстан Республикасы Үкіметінің 2011 жылғы 22 қарашадағы № 1371 Қаулысы. Күші жойылды - Қазақстан Республикасы Үкіметінің 2024 жылғы 29 қаңтардағы № 45 қаулысымен

Ескерту. Күші жойылды - ҚР Үкіметінің 29.01.2024 № 45 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

"Қазақстан Республикасындағы сәулет, қала құрылыс және құрылыс қызметі туралы" Қазақстан Республикасының 2001 жылғы 16 шілдедегі Заңына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Мемлекеттік органдардың атауы жазылған маңдайшаларды дайындау және оларды әкімшілік ғимараттарда орналастыру қағидалары бекітілсін.

2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасының
Премьер-Министрі	К. Мәсімов

Қазақстан Республикасы Үкіметінің 2011 жылғы 22 қарашадағы № 1371 қаулысымен бекітілген

Мемлекеттік органдардың атауы жазылған маңдайшаларды дайындау
және оларды әкімшілік ғимараттарда орналастыру қағидалары
1. Жалпы ережелер

1. Осы Мемлекеттік органдардың атауы жазылған мандайшаларды дайындау және оларды әкімшілік ғимараттарда орналастыру қағидалары (бұдан әрі - Қағидалар) мемлекеттік органдардың атауы жазылған маңдайшаларды дайындау және Қазақстан Республикасының аумағындағы әкімшілік ғимараттарда орналастыру тәртібін реттейді.

2. Осы Қағидаларда мынадай негізгі ұғымдар пайдаланылады:

1) мемлекеттік органдардың атауы жазылған маңдайшалар - мемлекеттік органның атауы туралы анықтамалық ақпараты бар қасбеттің қабырғалық элементі;

2) мемлекеттік органдар - Конституциямен, заңдарымен және өзге де нормативтік құқықтық актілермен мемлекеттің атынан:

мінез-құлықтың жалпыға ортақ қағидаларын белгілейтін актілерді шығару;

әлеуметтік маңызы бар қоғамдық қатынастарды басқару және реттеу;

мемлекет белгілеген жалпыға ортақ мінез-құлық қағидаларының сақталуын бақылау жөніндегі функцияларды жүзеге асыруға уәкілеттік берілген мемлекеттік мекемелер;

3) төсем - маңдайшалардың негіздеріне арналған сәнді рамка.

2. Мемлекеттік органдардың атауы жазылған маңдайшаларды
дайындау және орналастыру

3. Маңдайша кемінде 60x80 сантиметр мөлшерінде жасалуға тиіс. Қажет болған жағдайда маңдайшаның мөлшерін ұлғайтуға болады, бұл ретте 3/4 арақатынасы сақталуы тиіс.

Маңдайшаны көлденең де, сондай-ақ тігінен де орналастыруға болады.

4. Маңдайша қалыңдығы 1 сантиметрден 4 сантиметрге дейінгі төсемге орналастырылады, төсемде мемлекеттік органның атауы жазылған графикалық жазба болады.

5. Маңдайшаларға Қазақстан Республикасының Мемлекеттік Елтаңбасы орналастырылады.

Қазақстан Республикасының Мемлекеттік Елтаңбасы маңдайшаның жоғарғы үштен бір бөлігінің ортасында орналастырылады. Қазақстан Республикасының Мемлекеттік Елтаңбасының диаметрі мынадай ара қатынасқа сәйкес келуге тиіс:

көлденең орналасқан жағдайда: маңдайшаның биіктігі елтаңбаның диаметріне 1/5;

тігінен орналасқан жағдайда: маңдайшаның биіктігі елтаңбаның диаметріне 1/6.

6. Қазақстан Республикасының Мемлекеттік Елтаңбасының астына маңдайшаның 2/3 бөлігінен төмен мемлекеттік органның атауы жазылады. Маңдайша мәтіні әріптерінің биіктігі кемінде 3 сантиметр болуы тиіс. Полотноның реңі көк түсті, ал әріптер алтын түсті болуға тиіс.

7. Маңдайшаның жиегі ені кемінде 3 сантиметр алтын түсті рамкамен қоршалады.

8. Әріптердің шрифті "Book Antiqua".

9. Егер мемлекеттік мекеме орталық, жергілікті өкілді және атқарушы органның құрылымдық немесе ведомстволық бағыныстағы бөлімшелері болып табылса, онда маңдайшада мемлекеттік органның атауын көрсету қажет.

Осы жазба Қазақстан Республикасының Мемлекеттік Елтаңбасының үстінде ортада орналасады. Жазбадағы әріптердің мөлшері кемінде 2 сантиметр болады.

10. Мемлекеттік органның атауы мемлекеттік және орыс тілдерінде, қажет болған жағдайда басқа да тілдерде жазылуға тиіс.

11. Мемлекеттік органның атауы мемлекеттік және орыс тілдерінде және басқа да тілдерде дайындалып, орналастырылған жағдайда олар бір-бірінен жеке орналасқан әртүрлі маңдайша түрінде жасалады.

12. Мәтінде шетелдік сөздерді, оның ішінде латын әріптерімен жазылған сөздерді, қысқартылған атауларды және аббревиатураларды пайдалануға болмайды.

13. Маңдайшаны орналастыратын орын мемлекеттік органның атауы мен орналасқан жері туралы ақпарат беруге және оған кіретін жерді көрсетуге тиіс. Маңдайша ғимараттың қасбетінде үй-жайға кіреберістен 10 метр қашықтық шегінде немесе мемлекеттік орган алып отырған үй-жай шегінде орналасуға тиіс.

14. Жұмыс уақытының режимі, қабылдау кестесі және басшылардың тегі сияқты басқа да ақпараттық деректерді маңдайшаға немесе мемлекеттік органның атауымен қатар орналастыруға болмайды.

15. Қасбеттегі маңдайшаларға кешкі уақытта жарық түсірілуге тиіс.

16. Мемлекеттік орган маңдайшаларды дайындауды, келісуді, ресімдеуді және орнатуды жүзеге асырады.

17. Мемлекеттік органдар мен мемлекеттік мекемелердің маңдайшалары олардың ресми атауы немесе мемлекеттік мекеменің бағыныстылығы өзгерген жағдайда, маңдайшалар табиғи тозудың және моральдық ескірудің салдарынан, сондай-ақ қажет болған жағдайда аумақтық орналасқан жерді ауыстырған (көшкен) кезде ауыстырылады.

18. Маңдайшаларды мемлекеттік орган пайдаланудың бүкіл кезеңінде тиісті техникалық және эстетикалық жай-күйде күтіп ұстауға тиіс.

On approval of the Rules for manufacture and placement of signs with the name of state bodies on administrative buildings

Resolution of the Government of the Republic of Kazakhstan dated November 22, 2011 № 1371. Abolished by the Decree of the Government of the Republic of Kazakhstan dated January 29, 2024 No. 45

Unofficial translation

A footnote. Abolished by Decree of the Government of the Republic of Kazakhstan dated January 29, 2024 No. 45 (effective ten calendar days after the date of its first official publication)

In accordance with the Law of the Republic of Kazakhstan dated July 16, 2001 “On architectural, town planning and construction activities in the Republic of Kazakhstan” the Government of the Republic of Kazakhstan hereby RESOLVED as follows

1. To approve the attached Rules for manufacture and placement of signs with the name of state bodies on administrative buildings.

3. This resolution shall be enforced upon expiry of ten calendar days after its first official publication.

Prime Minister of the Republic of Kazakhstan

K. Massimov

Approved by resolution of the Government of the Republic of Kazakhstan dated November 22, 2011 № 1371

Rules
for manufacture and placement of signs with the name of state bodies on administrative buildings
1. General provisions

1. These Rules for the manufacture and placement of signs with the name of state bodies on administrative buildings (hereinafter referred to as the Rules) shall regulate the procedure for the manufacture and placement of signs with the name of state bodies on administrative buildings on the territory of the Republic of Kazakhstan.

2. The following basic concepts shall be used in these Rules:

1) the sign with the name of state bodies - a wall element of the facade containing reference information on the name of the state body;

2) state bodies - state institutions authorized by the Constitution, laws and other regulatory legal acts to perform functions on behalf of the state on:

the publication of acts defining generally binding rules of conduct;

management and regulation of socially significant social relations;

monitoring compliance with the state's generally binding rules of conduct;

3) the substrate shall be a decorative frame for the base of the sign.

2. Manufacture and placement of signs with the name of state bodies

3. The sign must be at least 60 x 80 centimeters in size. If necessary, it is possible to increase the size of the sign, and the proportions of 3/4 must be observed.

The sign can be arranged both horizontally and vertically.

4. The sign shall be located on the substrate, thickness from 1 centimeter to 4 centimeters, on the substrate there shall be the sign with a graphic inscription of the name of the state body.

5. The State Coat of Arms of the Republic of Kazakhstan shall be placed on the signs.

The State Coat of Arms of the Republic of Kazakhstan shall be placed in the center in the upper third of the sign. The diameter of the State Coat of Arms of the Republic of Kazakhstan shall correspond to the following ratios:

in case of horizontal placement, the height of the sign to the diameter of the coat of arms 1/5;

in case of vertical placement: the height of the sign to the diameter of the coat of arms 1/6.

6. Under the State Coat of Arms of the Republic of Kazakhstan in the lower 2/3 part of the sign there shall be the name of the state body. The height of the letters of the sign text must be at least 3 centimeters. The background of the canvas must be blue and the letters gold.

7. On the edges, the sign shall be framed with gold-colour of at least 3 centimeters wide.

8. The font of the letters "Book Antiqua."

9. If the state institution is a structural or entrusted subdivision of the central, local representative and executive body, the name of the state body must be indicated on the sign.

This inscription shall be placed in the center above the State Coat of Arms of the Republic of Kazakhstan. The size of the letters of the inscription shall not be less than 2 centimeters.

10. The name of the state body shall be written in the state and Russian, and if necessary, in other languages.

11. In case of manufacture and placement of signs with the name of the state body in state and Russian, and in other languages they shall be made in the form of different signs, separately located from each other.

12. It shall be unacceptable to use in the text foreign words, including those made in Latin letters, abbreviations of names.

13. The placement of the sign shall inform about the name and location of the state body and shall indicate the place of entry. The sign shall be placed on the facade of the building within 10 meters from the entrance to the premises or within the premises occupied by the state body.

14. Other information data, such as the temporary mode of operation, reception schedules and the names of managers, cannot be placed on signs or near the name of the state body.

15. The signs on facades must be highlighted at night.

16. The state body shall prepare, agree, design and install the sign.

17. The signs of state bodies and state institutions shall be changed in case of amendments of the official name or subordination of the state institution, due to natural wear and tear and morally outdated signs, as well as when necessary to change the territorial location (relocation).

18. The signs shall be kept by the state body in proper technical and aesthetic condition throughout the period of operation.