Байланыс формасы

2002 жылғы 12 желтоқсандағы Қазақстан Республикасының Үкіметі мен Америка Құрама Штаттарының Үкіметі арасындағы Есірткіні бақылау және құқықтық тәртіпті қамтамасыз ету саласындағы өзара түсіністік туралы меморандумға Қосымша хаттамаға қол қою туралы

Жаңа

Қазақстан Республикасы Үкіметінің 2013 жылғы 26 тамыздағы № 856 қаулысы

      Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған 2002 жылғы 12 желтоқсандағы Қазақстан Республикасының Үкіметі мен Америка Құрама Штаттарының Үкіметі арасындағы Есірткіні бақылау және құқықтық тәртіпті қамтамасыз ету саласындағы өзара түсіністік туралы меморандумға Қосымша хаттаманың жобасы мақұлдансын.
      2. Қазақстан Республикасының Ішкі істер министрі Қалмұханбет Нұрмұханбетұлы Қасымовқа 2002 жылғы 12 желтоқсандағы Қазақстан Республикасының Үкіметі мен Америка Құрама Штаттарының Үкіметі арасындағы Есірткіні бақылау және құқықтық тәртіпті қамтамасыз ету саласындағы өзара түсіністік туралы меморандумға Қосымша хаттамаға қағидаттық сипаты жоқ өзгерістер мен толықтырулар енгізуге рұқсат бере отырып, Қазақстан Республикасының Үкіметі атынан қол қоюға өкілеттік берілсін.
      3. Осы қаулы қол қойылған күнінен бастап қолданысқа енгізіледі.

      Қазақстан Республикасының
      Премьер-Министрі                      С. Ахметов

Қазақстан Республикасы
Үкіметінің      
2013 жылғы 26 тамыздағы
№ 856 қаулысымен   
мақұлданған     

Жоба

2002 жылғы 12 желтоқсандағы Қазақстан Республикасының Үкiметi мен Америка Құрама Штаттарының Үкiметi арасындағы Есiрткiнi бақылау және құқықтық тәртiптi қамтамасыз ету саласындағы өзара түсiнiстiк туралы меморандумға
Қосымша хаттама

I. Жалпы ережелер

      А. Бұдан әрi Тараптар деп аталатын Қазақстан Республикасының Үкiметi мен Америка Құрама Штаттарының Үкiметi 2002 жылғы 12 желтоқсандағы Қазақстан Республикасының Үкiметi мен Америка Құрама Штаттары Үкiметiнiң арасындағы Есiрткiнi бақылау және құқықтық тәртiптi қамтамасыз ету саласындағы өзара түсiнiстiк туралы меморандумға (бұдан әрi – Меморандум) Меморандумның шарттарына сәйкес ағымдағы жобаларды және осы Қосымша хаттаманы қолдау мақсатында өзгерiстер енгiзуге келiседi. Жобалар мен олардың мақсаттары төмендегi II және III бөлiмдерде толық сипатталған. 2002 жылғы 12 желтоқсандағы Меморандумның барлық басқа мiндеттемелерi мен шарттары күшiнде қалады және толық көлемде қолданылады.
      В. Америка Құрама Штаттарының Үкiметi төменде сипатталған жобалар шеңберiнде Қазақстан Республикасының Үкiметiне қосымша көмек үшін 937010 (тоғыз жүз отыз жеті мың он) АҚШ долларын ұсынады. Америка Құрама Штаттарының Үкiметi Меморандумның және осы Қосымша хаттаманың шарттарына сәйкес Қазақстан Республикасының Үкiметi үшiн Америка Құрама Штаттары Үкiметiнiң басқа органдары және жағдайға байланысты басқа да институттары арқылы оқытуға ақшалай қаражат бөлу жолымен тиiстi оқытуды және жабдықты береді.
      С. Осы Қосымша хаттамада көзделетiн қаржы қаражаты Қазақстан Республикасының Үкіметі қабылдайтын күш-жігерде:
      1) есiрткiнiң заңсыз айналымына қарсы күресте;
      2) адамдарды сатуға, есiрткi заттарының, прекурсорлардың және басқа да контрабанданың заңсыз айналымына; террористер мен террористiк сипаттағы материалдарды өткiзуге; сондай-ақ заңсыз жолмен алынған табыстарды алып өтуге қарсы күрес мақсатында шекара қауiпсiздiгiн күшейтуде;
      3) адамдарды сатуға қарсы iс-қимылда;
      4) есiрткiге сұранысты азайту мақсатында қабылданып жатқан іс-қимылда;
      5) заңсыз жолмен алынған табысты жылыстатуға қарсы iс-қимылда жәрдем көрсетуге бағытталған бес жобаға қолданылады.
      D. Осы жобаларды қолдауда Тараптардың қабылдайтын iс-қимылдары мен ұсынатын ресурстары төменде көрсетiлген.
      E. Осы жобалар бойынша қаржыландыруды бөлу Америка Құрама Штаттары Конгресiнiң жыл сайынғы мақұлдауы мен қорларға ақша бөлуiне, сондай-ақ оларды Америка Құрама Штаттары Мемлекеттiк Департаментiнiң бекiтуiне байланысты.
      F. Салықтар мен басқа да алымдар туралы ереже 1992 жылғы 20 мамырда қол қойылған «Қазақстан Үкіметі мен Америка Құрама Штаттарының Үкіметі арасындағы жәрдем көрсетуді жеңілдету жөніндегі ынтымақтастыққа қатысты келісіммен» және ратификацияланған «Қазақстан Үкіметі мен Америка Құрама Штаттарының Үкіметі арасындағы жәрдем көрсетуді жеңілдету жөніндегі ынтымақтастыққа қатысты келісімді ратификациялау туралы» 2012 жылғы 27 қаңтардағы Қазақстан Республикасының Заңымен реттеледі.
      F. тармағын қолдану үшін мынадай қағидалар қолданылады:
      Осы Келісімнің шеңберінде өткізілетін кез келген іс-шара бойынша Қазақстан Республикасының тарапынан ұйымдастырумен айналысатын ведомство Қазақстан Республикасы Қаржы министрлігінің Кедендік бақылау комитетіне және Салық комитетіне іс-шараларды іске асыруға жұмылдырылған адамдар туралы мәліметтерді хабарлауға тиіс;
      осы Келісімнің шеңберінде өткізілетін іс-шаралар шеңберінде кез келген жабдықты және тауарларды сатып алу және импорттау туралы мәліметтерді Қазақстан Республикасының тарапынан ұйымдастырумен айналысатын ведомство Қазақстан Республикасы Қаржы министрлігінің Кедендік бақылау комитетіне және Салық комитетіне Қазақстан Республикасының кедендік шекарасын кесіп өткен сәтке дейін хабарлауға тиіс;
      Қазақстанның резиденттері емес қызмет көрсетушілерге төлемдерді Америка Құрама Штаттарының Үкіметі Қазақстан Республикасының қандай да бір ведомствосы арқылы емес, тікелей осы адамдарға төлейді.

II. Жобалардың сипаты, мақсаттары және бағалау

A. Есiрткiнiң заңсыз айналымына қарсы күрес жөнiндегi жоба

      1) Іске асыру мерзімі бес жылға дейінгі осы жоба құқық қорғау органдарының әлеуетiн арттыру және өңiрлiк әрі халықаралық ынтымақтастықты ілгерілету арқылы есiрткiнiң заңсыз айналымына қарсы іс-қимыл бойынша Қазақстан Республикасының күш-жiгерiне жәрдем көрсетуді жалғастырады. Америка Құрама Штаттарының Үкіметі тергеуді, қылмыстық тәртіппен қудалауды табысты жүргізу және есірткі сатушыларды жауапкершілікке тарту мақсатында Ішкі істер министрлігі Алматы Академиясының Есiрткiнің заңсыз айналымына қарсы күрес жөнiндегi ведомствоаралық оқу орталығының және басқа да оқу институттарының базасында есірткінің заңсыз айналымына қарсы күреске тартылған ведомстволардың жедел бөлімшелерінің қызметкерлері, сондай-ақ тергеушілер, прокурорлар мен судьялар үшін мамандандырылған оқу курстарын өткізуде қолдау көрсетуді жалғастырады. Осы жоба бұл жобаның кезең-кезеңімен іске асырылуына кепілдік береді. Сонымен қатар қаржы қаражаты тергеудің бастапқы кезеңінде есірткі қылмыстарын жасау нәтижесінде алынған табыстарды жылыстату бойынша фактілерді анықтау мәселелері жөніндегі оқу іс-шараларын және консультацияларды ұзақ уақыт бойы өткізуге бағытталады. Жобаның қаржы қаражаты есірткінің заңсыз айналымына байланысты қылмыстарды табысты тергеуді жүргізу мақсатында Қазақстан Республикасының құқық қорғау ведомстволары мен олардың шетелдегі әріптестері арасында кәсіби қатынастарды дамытуды қолдауға да бағытталатын болады. Америка Құрама Штаттарының Үкіметі Қазақстан Республикасының заңнамасын жетiлдiруге жәрдем көрсету мақсатында есiрткiнiң заңсыз айналымына қарсы күрес саласындағы заңнама мен басқа елдердiң озық тәжiрибесi жөніндегі ақпаратты ұсына алады.
      2) Қазақстан Республикасының Үкiметi:
      оқу iс-шараларын өткiзуге арналған орынмен қамтамасыз етедi;
      есiрткiнiң заңсыз айналымына қарсы күрес мәселелерi және оқу iс-шараларына қатысы бар басқа да мәселелер жөніндегі ұлттық заңнама саласында мамандар болып табылатын тең нұсқаушыларды ұсынады;
      жоба үшiн қажеттi ақпаратты (тегі, аты, әкесінің аты, жұмыс орны, туған күні мен жері) қоса алғанда, оқу iс-шараларына қатысу үшiн ұсынылған кандидаттардың тiзiмiн iс-шара басталғанға дейiн 15 жұмыс күнiнен кешiктiрмей ұсынады;
      Америка Құрама Штаттарының Қазақстан Республикасындағы Елшiлiгiне жобаны iске асырудың әрбiр жылдағы алынған есiрткiнiң, психотроптық заттар мен прекурсорлардың саны, есiрткiнiң заңсыз айналымына байланысты ашылған қылмыстардың саны және іс жүргізудегі iстер мен есiрткiнiң заңсыз айналымына байланысты қылмыстарды жасағаны үшiн шығарылған үкiмдер саны туралы статистикалық деректерді ресми арналар бойынша келесi жылдың 31 қаңтарынан кешiктiрмей ұсынады.
      3) Америка Құрама Штаттарының Үкiметi:
      нұсқаушыларды, сарапшыларды және қажеттi оқу материалдарын ұсынады;
      жобаның мақсаттары үшiн қажеттi сатып алулар жүргiзедi;
      жобаның талаптарына сай келетін құжаттарды ұсыну бойынша қазақстандық тараптан семинарларға қатысушылардың көлiк шығыстарын өтейдi;
      қазақстандық қатысушыларға тәулiктiк ақы бередi.
      4) Жобаның мақсаттарына қол жеткiзудегi табыс мынадай өлшемшарттар бойынша бағаланады:
      жоғары тұрған басшылар, сарапшылар мен оқытушылар оқу iс-шаралары шеңберiнде немесе техникалық жәрдем көрсету арқылы алынған дағдыларды тергеуде және жедел iс-шараларын өткiзуде колданылатынын растайды;
      қатысушылар тергеу, қылмыстық тәртіпте қудалау және жауапкершілікке тарту жөніндегі іс-шараларды өткізу барысында кәсіби білімдерін көрсетеді;
      тергеудің бастапқы кезеңінде есірткі қылмыстарын жасау нәтижесінде алынған табыстарды жылыстату фактілерін анықтау саласындағы кәсіби дағдыларын көрсетеді.

B. Шекара қауiпсiздiгiн күшейту жөнiндегi жоба

      1) Америка Құрама Штаттарының Үкіметі Қазақстан Республикасы Ұлттық қауіпсіздік комитетінің Шекара қызметі (бұдан әрі – Шекара қызметі), Қазақстан Республикасы Қаржы министрлігінің Кедендік бақылау комитеті (бұдан әрі – Кедендік қызмет) мен Америка Құрама Штаттарының құқық қорғау органдары арасында кәсіби қатынастарды дамытуға жәрдем көрсетуді жалғастырады. Қаржы қаражаты Қазақстан Республикасы шекарасының су және құрлық учаскелерінде операцияларды табысты өткізу мақсатында Шекара қызметінің, Кедендік қызметтің және осы ведомстволар жанындағы оқу институттарының қызметкерлеріне арналған мамандандырылған оқу іс-шараларын ұйымдастыруға бағытталады. Қаржы қаражаты оқу процесінің тиімділігі үшін қосалқы құралдар ретінде оқу өнімдерін әзірлеу үшін пайдаланылуы мүмкін. Іске асыру мерзімі бес жылға дейінгі жоба шеңберінде кинологиялық қызметтердің ғылыми әлеуетiн дамыту және қызметтiк иттері бар кинолог мамандарға арналған есiрткiні, жарылғыш заттарды және басқа да контрабанданы iздеуге үйрету, сондай-ақ қылмыстық және террористік актілердегі күдікті адамдардың іс-қимылдарының жолын кесу жөніндегі оқу курстарын өткізу бойынша жәрдем көрсетіледі. Бұл жоба сондай-ақ жағалау күзет мәселелері бойынша Шекаралық қызметтің қызметкерлері үшін біліктілікті арттыру курстарын өткізуге бағытталатын болады.
      2) Америка Құрама Штаттарының Үкiметi:
      есiрткiнiң заңсыз айналымына қарсы iс-қимыл жасау мәселелерi және оқу iс-шараларына қатысы бар басқа да мәселелер жөніндегі ұлттық заңнама саласында мамандар болып табылатын тең нұсқаушыларды ұсынады;
      оқу iс-шараларын өткiзуге арналған орынмен қамтамасыз етедi;
      бар болған жағдайда оқу процесiне арналған жабдықты ұсынады;
      жоба үшін қажеттi ақпаратты (тегі, аты, әкесінің аты, жұмыс орны, туған күні мен жері) қоса алғанда, оқу iс-шараларына қатысу үшiн ұсынылған кандидаттардың тiзiмiн iс-шара басталғанға дейiн 15 жұмыс күнiнен кешiктiрмей ұсынады;
      Америка Құрама Штаттарының Қазақстан Республикасындағы Елшiлiгiне жобаны iске асырудың әрбір жылдағы алынған есiрткiнiң, психотроптық заттардың, прекурсорлардың, өткiзу пункттерiнде ұсталған заңсыз мигранттардың, контрабандалық тауарлардың саны туралы статистикалық деректерді ресми арналар арқылы келесi жылдың 31 каңтарынан кешiктiрмей ұсынады.
      3) Қазақстан Республикасының Үкiметi:
      жобаның мақсаттары үшiн қажеттi сатып алулар жүргiзедi;
      нұсқаушылар мен оқу материалдарын ұсынады;
      жобаның талаптарына сай келетін құжаттарды ұсыну бойынша қазақстандық тараптан оқу семинарларына қатысушылардың көлiктiк шығыстарын өтейдi;
      қазақстандық қатысушыларға тәулiктiк ақы береді;
      Америка Құрама Штаттары Үкiметiнiң қаржыландыруы есебiнен өткiзілетiн алдағы тренингтер мен семинарлар туралы ақпаратты iс-шара басталғанға дейiн 30 жұмыс күнiнен кешiктiрмей ұсынады.
      4) Жобаның мақсаттарына қол жеткізудегі табыс мынадай критерийлер бойынша бағаланады:
      Есiрткiге қарсы халықаралық күрес және заңдылықты сақтау бөлімі (бұдан әрі – INL Бөлімі) бағдарламасы шеңберінде оқудан өткен кинологтар командалары қоғамдық іс-шараларды қамтамасыз етуді қоса алғанда, қауіпсіздікті қамтамасыз ету операцияларына, есірткі құралдары мен жарылғыш заттарды іздеуге, сондай-ақ қылмыстық және террористік іс-қимылдарда күдіктілерді ұстауға тартылады;
      шекара және кеден қызметтерінің өкілдері оқу іс-шаралары шеңберінде оқып-зерделеген әдістерді ескере отырып, шекараның құрлық және су учаскелерінде құқық қорғау операцияларын табысты жүргізеді.

C. Адамдарды сатуға қарсы iс-қимыл жөнiндегi жоба

      Іске асыру мерзімі бес жылға дейінгі жоба адам саудасы құрбандарын табысты анықтау, адам саудасына байланысты істер бойынша тергеу мен қылмыстық қудалау және адам саудалаушыларды жауапкершілікке тарту бойынша құқық қорғау органдары қызметкерлерінің, прокурорлар мен судьялардың, сондай-ақ басқа да мүдделі мемлекеттік органдар мен үкіметтік емес ұйымдардың әлеуетін арттыру бағдарламасын жалғастырады. INL Бөлімі Криминалдық полиция комитетінің адам трафигіне қарсы күрес жөніндегі мамандандырылған топтарынан жедел қызметкерлерді, көші-қон полициясы бөлімшелерінің қызметкерлерін, учаскелік инспекторларды, кезекші инспекторларды, тергеушілерді, Экономикалық қылмысқа және сыбайлас жемқорлыққа қарсы күрес агенттігінің (қаржы полициясының) қызметкерлерін, еңбек инспекторларын және Қазақстан Республикасында адам саудасы мәселелерімен айналысатын басқа да мемлекеттік қызметшілерді оқытуды қаржыландырады.
      INL Бөлімі Қазақстан Республикасы Ішкі істер министрлігінің Қарағанды академиясы Заңсыз көші-қонға және адам саудасына қарсы күрес жөніндегі оқу орталығының, Қазақстан Республикасы Бас прокуратурасы Біліктілікті арттыру институтының, Қазақстан Республикасының Президенті жанындағы Мемлекеттік басқару академиясының Сот төрелігі институтының базасында семинарлар, дөңгелек үстелдер, конференциялар өткізуді қаржыландырады. INL Бөлімі оқу іс-шараларын өткізу үшін жергілікті және халықаралық оқытушыларды/сарапшыларды ұсынады, олардың келуіне байланысты шығыстарды және гонорарларды өтейді, сондай-ақ оқу материалдарын жариялауды қаржыландырады. Кейбір оқу іс-шаралары Қазақстанның түрлі өңірлерінде, сол жерлерде қатысушылардың көбірек санын қамту үшін үкіметтік емес ұйымдардың қатысуымен облыстық немесе өңірлік деңгейде өткізілетін болады. INL Бөлімі мемлекеттік органдар өкілдерінің адам саудасы сияқты қылмыстың анықтаудан бастап қылмыстық жауапкершілікке тартуға дейінгі барлық кезеңдердерін түсінуін жақсарту үшін оларға арналған кейбір семинарларды және/немесе шетелге танысу турларын қаржыландырады. Қаржы қаражатының бір бөлігі Қазақстан Республикасы Ішкі істер министрлігінің Заңсыз көші-қонға және адам саудасына қарсы күрес жөніндегі оқу орталығын дамытуға бағытталатын болады.
      2) Қазақстан Республикасының Үкiметi:
      оқу iс-шараларын өткiзуге арналған орынмен қамтамасыз етедi;
      адам саудасына қарсы iс-қимыл мәселелерi және оқу iс-шараларына қатысы бар басқа да мәселелер бойынша ұлттық заңнама саласында мамандар болып табылатын тең нұсқаушыларды ұсынады;
      қажеттi ақпаратты (тегі, аты, әкесінің аты, жұмыс орны, туған күні мен жері) қоса алғанда, оқу iс-шараларына қатысу үшiн ұсынылған қызметкерлердің тiзiмiн iс-шара басталғанға дейiн 15 жұмыс күнiнен кешiктiрмей ұсынады;
      Америка Құрама Штаттарының Қазақстан Республикасындағы Елшiлiгiне жобаны iске асырудың әрбiр жылдағы Қазақстан Республикасындағы қамаудың, iс жүргізудегі iстердiң және шығарылған сот үкiмдерiнiң саны бойынша статистикалық деректерді ресми арналар арқылы келесi жылдың 31 қаңтарынан кешiктiрмей ұсынады.
      3) Америка Құрама Штаттарының Үкiметi:
      халықаралық және жергiлiктi сарапшыларды және оқу материалдарын ұсынады;
      жоба мақсаттары үшiн қажеттi сатып алулар жүргiзедi;
      Америка Құрама Штаттары Үкiметiнiң қаржыландыруы есебiнен өткiзілетiн алдағы тренингтер мен семинарлар туралы ақпаратты iс-шара басталғанға дейiн 30 жұмыс күнiнен кешiктiрмей ұсынады.
      4) Жобаның мақсаттарына қол жеткiзудегi табыс мынадай критерийлер бойынша бағаланады:
      жоғары тұрған басшылар, сарапшылар мен оқытушылар қатысушылардың адам саудасы құрбандарын анықтау саласында өткізілген оқу іс-шаралары шеңберінде немесе көрсетілген техникалық жәрдем арқылы, сондай-ақ жедел және тергеу іс-әрекеттерін жүргізуде алған кәсіби білімдерін қолданатынын растайды;
      қатысушылар тергеу, қылмыстық тәртіпте қудалау жүргізу және жауапкершілікке тарту барысында кәсіби білімдерін көрсетеді, мұның растамасы жүйелі түрде табысты жүргізілген тергеу, қылмыстық тәртіпте қудалау және жауапкершілікке тарту болады.

D. Есiрткiге сұранысты азайту бойынша шараларды күшейту жөнiндегi жоба

      1) Іске асыру мерзімі бес жылға дейінгі осы жоба шеңберiнде Қазақстан Республикасы Үкіметіне есірткіге сұранысты азайту саласында жәрдем көрсету бойынша Қазақстан Республикасы Ішкі істер министрлiгiмен және басқа да тиiстi ведомстволармен жұмыс жалғасады. Жоба шеңберінде мектеп инспекторларын оқыту, оқытушыларды оқыту, ақпараттық кампаниялар өткізу, оқу материалдарын шығару және жұртшылықтың хабардар болуын және нашақорлықтың алдын алуға арналған ресурстарды арттыру үшін оқу іс-шараларын жүргізу қаржыландырылады.
      2) Қазақстан Республикасының Үкiметi:
      оқу iс-шараларын өткiзуге арналған орынмен қамтамасыз етедi;
      қолда бар оқу жабдығын ұсынады;
      жобаға қатысуға ұсынылған кандидаттардың тiзiмiн (тегі, аты, әкесінің аты, жұмыс орны, туған күні мен жері) iс-шара басталғанға дейiн 15 жұмыс күнiнен кешiктiрмей ұсынады.
      3) Америка Құрама Штаттарының Үкiметi:
      оқытушыларды/сарапшыларды және қажеттi оқу материалдарын ұсынады;
      техникалық көмек көрсетедi және консультанттарды ұсынады;
      Қазақстан Республикасы мен Америка Құрама Штаттары Үкiметтерiнiң өзара шешiмi бойынша қажеттi жабдықты ұсынады.
      4) Жобаның мақсаттарына қол жеткiзудегi табыс мынадай өлшемдер бойынша бағаланады:
      қазақстандық мектептердің бағдарламаларына енгізу үшін есірткіге сұранысты азайту мәселелері жөніндегі курсты әзірлеу;
      Қазақстан Республикасында мектептердің оқушылары есірткіге сұранысты азайту саласында ақпараттық материалдарды алады.

Е. Заңсыз жолмен алынған табысты жылыстатуға қарсы iс-қимыл жөнiндегi жоба

      1) Америка Құрама Штаттарының Үкіметі Қазақстан Республикасының Бас прокуратурасымен, Қазақстан Республикасы Экономикалық қылмысқа және сыбайлас жемқорлыққа қарсы күрес агенттігімен (қаржы полициясы) және басқа да тиісті ведомстволармен ынтымақтастықта заңсыз жолмен алынған табыстарды жылыстатуға қарсы күреске арналған қажетті техникаға үйретеді. Осы Келісім жобаның бес жылға дейінгі мерзімде кезең-кезеңімен іске асырылуына кепілдік береді. Оқыту экономикалық және қаржы қылмыстарын тергеумен және қылмыстық қудалаумен айналысатын Қазақстан Республикасының барлық мемлекеттік органдарының өкілдері үшін, сондай-ақ экономикалық қызметтің қаржы мониторингіне жауаптылар және Қазақстан Республикасында экономикалық және қаржы ұйымдарының қызметін қадағалауды жүзеге асыратындар үшін жариялы болады.
      Америка Құрама Штаттары Үкіметінің көмегіне күмәнді операциялар туралы хабарламаларды анықтауға және одан әрі өңдеуге және талдауға оқытуды, есеп беруге міндетті ұйымдарды және басқа да тиісті субъектілерді қадағалау жөніндегі озық тәжірибеге үйретуді қоса алғанда, Қазақстан Республикасы Қаржы министрлігінің Қаржы мониторингі комитетіне, Қазақстан Республикасы Ұлттық банкіне, жеке сектор өкілдеріне көрсетілетін техникалық жәрдем де кіреді.
      1) Қазақстан Республикасының Үкiметi:
      оқу iс-шараларын өткiзуге арналған орынмен қамтамасыз етедi;
      қолда бар оқу жабдығын ұсынады;
      жобаға қатысуға ұсынылған кандидаттардың тiзiмiн (тегі, аты, әкесінің аты, жұмыс орны, туған күні мен жері) iс-шара басталғанға дейiн 15 жұмыс күнiнен кешiктiрмей ұсынады;
      ақшалай қаражатты жылыстатуға қарсы іс-қимыл мәселелері бойынша ұлттық заңнама саласында және оқу іс-шараларына қатысы бар басқа да салаларда мамандар болып табылатын жергілікті нұсқаушылардың қатысуын қамтамасыз етеді.
      2) Америка Құрама Штаттарының Үкiметi:
      нұсқаушыларды/сарапшыларды және қажеттi оқу материалдарын ұсынады;
      Қазақстан Республикасы мен Америка Құрама Штаттары Үкiметтерiнiң өзара шешiмi бойынша қажеттi жабдықты ұсынады;
      жергілікті серіктестіктермен ынтымақтастықта Америка Құрама Штаттары Үкіметі қаржыландыратын іс-шаралар кезінде техникалық қолдау көрсетеді.
      3) Жобаның мақсаттарына қол жеткiзудегi табыс мынадай өлшемдер бойынша бағаланады:
      Қазақстан Республикасының ресми статистикасында көрсетілген, ақшаны жылыстату жөніндегі маңызды істерді табысты қылмыстық қудалау;
      оқудан өткен қатысушылар күмәнді операцияларды анықтау тәсілдері, сондай-ақ осындай қызметті талдаудың үздік тәсілдері туралы білімдерін растайды;
      Қазақстан Республикасы Қаржы Министрлігінің Қаржы мониторингі комитетінің құқық қорғау органдарына берген есептерге негізделген ақшалай қаражатты жылыстату жөніндегі істерді табысты ашу.

III. Бағалаудың жалпы жоспары

      A. Осы Қосымша хаттаманың II бөлiмiнiң A-Е-тармақтарында көрсетiлген жобалардың әрқайсысын бағалау кезiнде Тараптар:
      1) осы Қосымша хаттамаға қол қойған күннен бастап жылына кемiнде бiр рет:
      жобалардың әрқайсысын іске асыру нәтижесінде қол жеткiзiлген мақсаттарды;
      жетiлдiру немесе жобаларға өзгерiстер енгiзу жөніндегі ұсыныстарды талқылау үшiн кездесуге.
      2) жобаларға енгiзiлген алдыңғы өзгерiстердiң қаншалықты табысты болғанын талдауға келiстi.
      В. Қазақстан Республикасы Үкiметiнiң және Америка Құрама Штаттары Үкіметінің өкiлдерi жоғарыда баяндалған мақсаттарға қол жеткізуде табысты бағалау критерийлеріне сәйкес әрбір жоба бойынша жасалған жұмыстың нәтижелерін бағалауды жүргізеді және болашақ жобаларды іске асыру тиімділігін арттыру мақсатында табыстарды және кемшіліктерді айқындайды. Тараптар жүргізілген бағалаудың нәтижелері бойынша бірлесіп қорытынды мен есеп дайындайды. Бағдарламалар мен іс-шаралардың ағымдық мониторингіне қосымша бұл бағалауды Тараптар айқындаған тиісті қызметкерлер жүргізеді.

IV. Жалпы ережелерге толықтыру

      А. Есiрткiнiң заңсыз айналымының анықтамасы
      Есірткінің заңсыз айналымы заңсыз егу, өндіру, дайындау, тарату, сату, қаржыландыру немесе тасымалдау мақсатында жасалған кез келген әрекетті, сондай-ақ есірткі немесе психотроптық заттарға, прекурсорларға немесе басқа да бақыланатын заттарға жатқызылатын, заңсыз жолмен алынған табыстарды жылыстатуды қоса алғанда, кез келген құқық бұзушылықты (заңсыз жолмен алынған табыстардың шынайы шығу жерін, көзін, бөлінуін, қозғалысын немесе тиесiлiгiн жасыру немесе жасырып қалу мақсатында оны алып өту, басқа шотқа аудару, басқа валютаға өзгерту, айналдыру немесе заңды жолмен алынған табыстармен араластыру процесі ретінде айқындалады) жасау мақсатында астыртын дем беруді, айдап салуды, қылмысқа қатысуды және қылмыстық сөз байласуды білдіреді.
      B. Қаржы қаражаты аудиті
      Үздiксiз қаржыландыру жағдайында Америка Құрама Штаттары Үкiметiнiң есептiлiгi бойынша ағымдағы бақылау талаптарына сәйкес қаржыландыруға жыл сайын тексеру (аудит) жүргiзiледi.

V. Қорытынды

      Осы Қосымша хаттама оған қол қойылған күннен бастап күшiне енедi және Тараптар осы Қосымша хаттамада көзделген барлық мiндеттемелердi орындағаннан кейiн өз қолданысын тоқтатады.
      2013 жылғы « » Астана қаласында, әрқайсысының бiрдей күшi бар қазақ, ағылшын және орыс тiлдерiнде екi данада жасалды.

      Қазақстан Республикасының        Америка Құрама Штаттарының
           Үкiметi үшiн                      Үкiметi үшiн

Қазақстан Республикасы Үкіметі мен
Америка Құрама Штаттарының Үкіметі арасындағы
келісімге Қосымша


Жобалар бойынша қаржыландыруды бөлу

      Қазақстан Республикасының Үкіметі мен Америка Құрама Штаттарыны Үкіметі арасындағы келісім шеңберінде бөлінген жобаларды қаржыландыру

АҚШ Елшілігіне бөлінген қаржы қаражаты

Бөлінген қаржы коды:    1911121022.0000           Бөлу коды: 0643

Жобаның нөмірі

Жобаның атауы

Жалпы сомасы

IN23KZ03

Есірткінің заңсыз айналымына қарсы күрес (бұрын – есірткінің жолын кесу)

$ 240000

IN14KZ04

Шекара қауіпсіздігі (бұрын – шекара қауіпсіздігі саласындағы қайта ұйымдастыру, реформа және операциялар)

$ 159000

IN35KZ06

Адам саудасына қарсы іс-қимыл (бұрын – адам саудасы)

$ 246000

IN25KZ08

Есірткіге сұранысты азайту

$ 120000

IN32KZ02

Заңсыз жолмен алынған табыстарды  жылыстатуға және қаржы қылмыстарына қарсы іс-қимыл

$ 172010

Жиыны

Барлық жобалар бойынша

$ 937010

INL кеңсесінде облигациялау үшін ұсталған қаржы қаражаты

Бөлінген қаржы коды:                                  Бөлу коды:

Жобаның нөмірі

Жобаның атауы

Жалпы сомасы



$



$



$






$

Жиыны

Барлық жобалар бойынша


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады