Байланыс формасы

"Astana Ballet" жауапкершілігі шектеулі серіктестігінің кейбір мәселелері

Жаңартылған

Қазақстан Республикасы Үкіметінің 2013 жылғы 12 қарашадағы № 1208 қаулысы

      «Cыйға тарту шарты бойынша мемлекеттің мүлік құқығына ие болу қағидасын бекіту туралы» Қазақстан Республикасы Үкіметінің 2011 жылғы 28 қыркүйектегі № 1103 қаулысына сәйкес Қазақстан Республикасының Үкіметі ҚАУЛЫ ЕТЕДІ:
      1. «Н. Назарбаевтың мәдениет, білім беру және әлеуметтік бағдарламалар қоры» жеке қорының (бұдан әрі – Қор) «Astana Ballet» жауапкершілігі шектеулі серіктестігінің (бұдан әрі – серіктестік) жарғылық капиталындағы 100 пайыз мөлшеріндегі қатысу үлесін республикалық меншікке беру туралы Қордың ұсынысын қабылдауға келісім берілсін.
      2. Қазақстан Республикасы Қаржы министрлігінің Мемлекеттік мүлік және жекешелендіру комитеті заңнамада белгіленген тәртіппен:
      1) осы қаулының 1-тармағынан туындайтын қажетті іс-шараларды жүзеге асырсын;
      2) серіктестіктің жарғылық капиталындағы қатысудың мемлекеттік үлесіне иелік ету және пайдалану құқықтарын Қазақстан Республикасы Мәдениет және ақпарат министрлігінің Мәдениет комитетіне беруді қамтамасыз етсін.
      3. Қоса берiлiп отырған Қазақстан Республикасы Үкiметiнiң кейбiр шешiмдерiне енгiзiлетiн толықтырулар бекiтiлсiн.
      4. Осы қаулы қол қойылған күнiнен бастап қолданысқа енгiзiледi.

      Қазақстан Республикасының
      Премьер-Министрi                                     С. Ахметов

Қазақстан Республикасы
Үкіметінің      
2013 жылғы 12 қарашадағы
№ 1208 қаулысымен  
бекітілген      

Қазақстан Республикасы Үкіметінің кейбір шешімдеріне
енгізілетін толықтырулар

      1. «Акциялардың мемлекеттiк пакеттерiне мемлекеттiк меншiктiң түрлерi және ұйымдарға қатысудың мемлекеттiк үлестерi туралы» Қазақстан Республикасы Үкiметiнiң 1999 жылғы 12 сәуiрдегi № 405 қаулысында (Қазақстан Республикасының ПҮАЖ-ы, 1999 ж., № 13, 124-құжат):
      көрсетілген қаулымен бекітілген акцияларының мемлекеттiк пакеттерi мен үлестерi республикалық меншiкке жатқызылған акционерлiк қоғамдар мен шаруашылық серiктестiктердiң тiзбесiнде:
      «Астана қаласы» деген бөлім мынадай мазмұндағы реттік нөмірі 21-163-жолмен толықтырылсын:
      «21-163. «Astana Ballet» ЖШС».
      2. «Республикалық меншiктегi ұйымдар акцияларының мемлекеттiк пакеттерi мен мемлекеттiк үлестерiне иелiк ету және пайдалану жөнiндегi құқықтарды беру туралы» Қазақстан Республикасы Үкiметiнiң 1999 жылғы 27 мамырдағы № 659 қаулысында:
      иелiк ету және пайдалану құқығы салалық министрлiктерге және өзге де мемлекеттiк органдарға берiлетiн республикалық меншiк ұйымдарындағы акциялардың мемлекеттiк пакеттерiнiң және қатысудың мемлекеттiк үлестерiнiң тiзбесiнде:
      «Қазақстан Республикасы Мәдениет және ақпарат министрлігінің Мәдениет комитетіне» туралы деген бөлім мынадай мазмұндағы реттік нөмірі 224-33-2-жолмен толықтырылсын:
      «224-33-2 «Astana Ballet» ЖШС».
      3. Күші жойылды - ҚР Үкіметінің 23.09.2014 № 1003 қаулысымен.

      4. Күші жойылды - ҚР Үкіметінің 28.08.2015 № 683 қаулысымен.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады