"Қазақстан Республикасы Мәдениет және спорт министрлігінің "Қазақстан Республикасының Ұлттық мұражайы" республикалық мемлекеттік мекемесін қайта ұйымдастыру туралы

Жаңартылған

Қазақстан Республикасы Үкіметінің 2014 жылғы 31 желтоқсандағы № 1439 қаулысы

      Қазақстан Республикасының Үкіметі ҚАУЛЫ ЕТЕДІ:
      1. Қазақстан Республикасы Мәдениет және спорт министрлігінің «Қазақстан Республикасының Ұлттық мұражайы» республикалық мемлекеттік мекемесі қайта құру жолымен Қазақстан Республикасы Мәдениет және спорт министрлігінің «Қазақстан Республикасының Ұлттық мұражайы» республикалық мемлекеттік қазыналық кәсіпорны (бұдан әрі – кәсіпорын) болып қайта ұйымдастырылсын.
      2. Мыналар:
      1) кәсіпорынға қатысты тиісті саланың уәкiлеттi органы болып Қазақстан Республикасы Мәдениет және спорт министрлiгi;
      2) кәсіпорын қызметінің негізгі мәні мәдениет саласындағы қызмет болып белгіленсін.
      3. Қазақстан Республикасы Мәдениет және спорт министрлігі заңнамада белгіленген тәртіппен:
      1) кәсіпорын жарғысын Қазақстан Республикасы Қаржы министрлiгiнiң Мемлекеттік мүлік және жекешелендіру комитетіне бекітуге ұсынуды;
      2) кәсіпорынның әділет органдарында мемлекеттік тіркелуін;
      3) осы қаулыдан туындайтын өзге де шаралар қабылдауды қамтамасыз етсін.
      4. Қоса берiлiп отырған Қазақстан Республикасы Үкiметiнiң кейбір шешiмдерiне енгiзiлетiн өзгерістер мен толықтырулар бекiтiлсiн.
      5. Осы қаулы қол қойылған күнінен бастап қолданысқа енгiзiледi.

      Қазақстан Республикасының
      Премьер-Министрі                                     К.Мәсімов

Қазақстан Республикасы  
Үкiметiнiң        
2014 жылғы 31 желтоқсандағы
№ 1439 қаулысымен     
бекiтiлген         

Қазақстан Республикасы Үкiметiнiң кейбiр шешiмдерiне
енгiзiлетiн өзгерістер мен толықтырулар

      1. Күші жойылды - ҚР Үкіметінің 28.08.2015 № 683 қаулысымен.
      2. Күші жойылды - ҚР Үкіметінің 31.12.2015 № 1193 қаулысымен (01.01.2016 бастап қолданысқа енгізіледі).
      3. «Министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелердегі адам санын ескере отырып, штат санының лимиттерін бекіту туралы» Қазақстан Республикасы Үкiметiнiң 2008 жылғы 15 сәуірдегі № 339 қаулысында:
      көрсетілген қаулымен бекітілген министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелеріндегі адам санын ескере отырып, штат санының лимиттерінде:
      3-бөлімде:
      «Қазақстан Республикасы Мәдениет және спорт министрлiгi, оған ведомстволық бағыныстағы мемлекеттiк мекемелердi ескере отырып, оның iшiнде:» деген жолда «2937» деген сандар «2406» деген сандармен ауыстырылсын;
      «Қазақстан Республикасы Мәдениет және спорт министрлiгiне ведомстволық бағыныстағы мемлекеттiк мекемелер, оның iшiнде:» деген жолда «2651» деген сандар «2120» деген сандармен ауыстырылсын;
      9) тармақша алып тасталсын.
      4. «Қазақстан Республикасы Мәдениет және спорт министрлiгiнiң мәселелерi» туралы Қазақстан Республикасы Үкiметiнiң 2014 жылғы 23 қыркүйектегі № 1003 қаулысында (Қазақстан Республикасының ПҮАЖ-ы, 2014 ж., № 58, 550-құжат):
      көрсетiлген қаулымен бекiтiлген Қазақстан Республикасы Мәдениет және спорт министрлiгi туралы ережеде:
      «Қазақстан Республикасы Мәдениет және спорт министрлiгiнiң қарамағындағы ұйымдардың тiзбесi» деген бөлім мынадай мазмұндағы реттік нөмірі 43-1-жолмен толықтырылсын:
      «43-1. «Қазақстан Республикасының Ұлттық мұражайы» республикалық мемлекеттік қазыналық кәсіпорны.».»;
      «Қазақстан Республикасы Мәдениет және спорт министрлiгiнiң қарамағындағы республикалық мемлекеттік мекемелердің тiзбесi» деген бөлімде реттік нөмірі 10-жол алып тасталсын.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады