"Мемлекеттік заңды тұлғаларға бекітіліп берілген мемлекеттік мүлікті мемлекеттік меншіктің бір түрінен екіншісіне беру қағидасын бекіту туралы" Қазақстан Республикасы Үкіметінің 2011 жылғы 1 маусымдағы № 616 қаулысына сәйкес Қазақстан Республикасының Үкіметі ҚАУЛЫ ЕТЕДІ:
1. Теңгерімдік құны 132000000 (бір жүз отыз екі миллион) теңге тұратын "Ертіс өзенінде Бұлақ СЭС-ін салу техникалық-экономикалық негіздемесін әзірлеу" техникалық құжаттамасы республикалық меншіктен "Қазақстан Республикасының Энергетика министрлігі" мемлекеттік мекемесінің теңгерімінен Шығыс Қазақстан облысы әкімдігінің коммуналдық меншігіне берілсін.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының Энергетика министрлігімен және Шығыс Қазақстан облысының әкімдігімен бірлесіп, Қазақстан Республикасының заңнамасында белгіленген тәртіппен осы қаулының 1-тармағында көрсетілген мүлікті қабылдау-беру жөніндегі қажетті ұйымдастырушылық іс-шараларын жүзеге асырсын.
3. Осы қаулы қол қойылған күнінен бастап қолданысқа енгізіледі.
| Қазақстан Републикасының | |
| Премьер-Министрі | Б. Сағынтаев |
