2015 жылғы 29 қазандағы Қазақстан Республикасының Кәсіпкерлік кодексінің 192-бабы 1-тармағының 1) тармақшасына, "Ұлттық қауіпсіздік туралы" 2012 жылғы 6 қаңтардағы Қазақстан Республикасының Заңы 6-бабының 1-тармағының 2) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. "СҚ-Фармация" жауапкершілігі шектеулі серіктестігіне 2020 жылғы 31 желтоқсанды қоса алғанға дейінгі мерзімде дәрілік заттар мен медициналық бұйымдарды кейіннен бөлшек сауда желісінде өткізу үшін көтерме саудада сатып алу бойынша өкілеттіктер берілсін.
Ескерту. 1-тармақ жаңа редакцияда – ҚР Үкіметінің 07.08.2020 № 507 қаулысымен.1-1. "СҚ-Фармация" жауапкершілігі шектеулі серіктестігінің үстеме бағасы сатып алу бағасының 6 % -і мөлшерінде айқындалсын.
Ескерту. Қаулы 1-1-тармақпен толықтырылды - ҚР Үкіметінің 23.10.2020 № 699 қаулысымен.2. Қазақстан Республикасының Денсаулық сақтау министрлігі мүдделі орталық мемлекеттік және жергілікті атқарушы органдармен бірлесіп, осы қаулыдан туындайтын шараларды қабылдасын.
3. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
А. Мамин |
