Қазақстан Республикасының Үкіметі ҚАУЛЫ ЕТЕДІ:
1. "Қазақстан Республикасы Ұлттық қорының жыл сайынғы сыртқы аудитін жүргізу үшін тәуелсіз аудиторды таңдау жөнінде конкурстық комиссия құру туралы" Қазақстан Республикасы Үкіметінің 2021 жылғы 28 сәуірдегі № 271 қаулысына мынадай өзгерістер енгізілсін:
кіріспеде орыс тіліндегі мәтінге өзгеріс енгізілді, мемлекеттік тілдегі мәтін өзгермейді;
1 және 2-тармақтар мынадай редакцияда жазылсын:
"1. Қазақстан Республикасының Ұлттық қорын басқару кеңесі мүшелерінің ұсыныстарын ескере отырып, мынадай құрамда Қазақстан Республикасы Ұлттық қорының жыл сайынғы сыртқы аудитін жүргізу үшін тәуелсіз аудиторды таңдау жөнінде конкурстық комиссия (бұдан әрі – конкурстық комиссия) құрылсын:
Жаналинов | Қазақстан Республикасының Қаржы вице-министрі, төраға |
Темірбеков | Қазақстан Республикасы Қаржы министрлігі Бюджеттік кредиттеу, Қазақстан Республикасының Ұлттық қоры және қаржы секторы мәселелері бойынша өзара іс-қимыл департаментінің директоры, төрағаның орынбасары |
Нұрмаханова | Қазақстан Республикасының Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары (келісу бойынша) |
Перепечина | Қазақстан Республикасы Парламентінің Сенаты Қаржы және бюджет комитетінің төрағасы (келісу бойынша) |
Жамалов | Қазақстан Республикасы Парламентінің Мәжілісі Қаржы және бюджет комитетінің мүшесі (келісу бойынша) |
Ахметов |
Республикалық бюджеттің атқарылуын бақылау жөніндегі есеп комитетінің мүшесі |
Жұмаділдаев | Қазақстан Республикасы Қаржы министрлігі Қазынашылық комитетінің төрағасы |
Вахидов | Қазақстан Республикасы Ұлттық Банкінің Монетарлық операциялар департаменті директорының орынбасары (келісу бойынша) |
Ержанов | Қазақстан Республикасының Ұлттық экономика министрлігі Мемлекет міндеттемелерін басқару және қаржы секторын дамыту саясаты департаментінің мемлекет міндеттемелерін басқару саясаты басқармасының басшысы. |
2. Конкурстық комиссия Қазақстан Республикасының заңнамасында белгіленген тәртіппен 2021 жылғы 1 қазанға дейін Қазақстан Республикасы Ұлттық қорының 2021 – 2022 жылдарға жыл сайынғы сыртқы аудитін жүргізу үшін тәуелсіз аудиторды таңдау жөнінде конкурс өткізсін және оның нәтижелері бойынша конкурс жеңімпазын анықтасын.".
3. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
А. Мамин |
