Ақтөбе облысын әлеуметтік-экономикалық дамытудың 2022 – 2025 жылдарға арналған кешенді жоспарын бекіту туралы

Қазақстан Республикасы Үкіметінің 2022 жылғы 31 қаңтардағы № 38 қаулысы

Ақтөбе облысын әлеуметтік-экономикалық дамыту мақсатында Қазақстан Республикасының Үкіметі ҚАУЛЫ ЕТЕДІ:

1. Ақтөбе облысын әлеуметтік-экономикалық дамытудың 2022 – 2025 жылдарға арналған кешенді жоспары (бұдан әрі – Кешенді жоспар) бекітілсін.

2. Орталық атқарушы органдар және Ақтөбе облысының әкімдігі Кешенді жоспарда көзделген іс-шаралардың уақтылы орындалуын қамтамасыз етсін және жартыжылдықтың қорытындысы бойынша 15 қаңтардан және 15 шілдеден кешіктірмей Қазақстан Республикасының Ұлттық экономика министрлігіне олардың іске асырылу барысы туралы ақпарат беріп тұрсын.

3. Қазақстан Республикасының Ұлттық экономика министрлігі жартыжылдықтың қорытындысы бойынша 1 ақпаннан және 1 тамыздан кешіктірмей Қазақстан Республикасының Үкіметіне Кешенді жоспардың іске асырылу барысы туралы жиынтық ақпарат беріп тұрсын.

4. Осы қаулының орындалуын бақылау Қазақстан Республикасының Ұлттық экономика министрлігіне жүктелсін.

5. Осы қаулы қол қойылған күнінен бастап қолданысқа енгізіледі.

Қазақстан Республикасының Премьер-Министрі

Ә. Смайылов

Қазақстан Республикасы Үкіметінің 2022 жылғы 31 қаңтардағы № 38 қаулысымен бекітілген

Ақтөбе облысын әлеуметтік-экономикалық дамытудың 2022 – 2025 жылдарға арналған кешенді жоспары

Кіріспе

Ақтөбе облысы елдің стратегиялық индустриялық-аграрлық өңірі болып табылады. Республика бойынша облыстың жалпы өңірлік өнімінің 2020 жылғы үлес салмағы 4,2 %-ды құрады.

Өнеркәсіп экономиканың негізгі драйвері болып табылады, ол облыстың жалпы өңірлік өнімінің 40 %-ға жуығын құрайды.

Металлургия, химия және мұнай-газ салаларын дамыту үшін өңірдің әлеуеті зор, облыстың жер қойнауында Менделеев кестесіндегі барлық дерлік пайдалы қазбалардың кендері бар. Мысалы, облыс хром кендерінің қоры бойынша әлемде 2-ші орынға ие, көмірсутек шикізаты мен мыс кендерінің қорлары бойынша Қазақстанда 3-ші орынға ие.

Облыс дамыған жол-көлік айрығы мен транзиттік мамандануының арқасында маңызды стратегиялық торап болып табылады.

Орта Азияны Ресейдің еуропалық бөлігімен байланыстыратын авиа және автомобиль магистральдарының бірнеше бағыттары қиылысады.

Тікелей жақын жерде тұрақты өткізу нарықтары орналасқан – 900 километр радиуста Ресей Федерациясы мен Қазақстан Республикасының 7 ірі қаласы бар, нарық көлемі 12 млн астам адамды құрайды.

Жалпы өңірде тармақталған көлік инфрақұрылымының қуатты негізі қалыптасқан. Алайда экономиканы дамытуға қосымша серпін беретін көліктік-логистикалық әлеуетті одан әрі жетілдіру қажет.

2016 – 2020 жылдары оң демографиялық сальдо қалыптасты, 59,5 мың адам келіп қосылды. Ұқсас кезеңде экономикалық белсенді халық саны 1,8 %-ға немесе 7,8 мың адамға артып, 437,3 мың адамды құрады.

Алайда облыс шешуді талап ететін бірқатар жүйелі тәуекелдерге тап болуда:

1) батыс Қазақстан өңірлерінің арасында Ақтөбе облысындағы орташа айлық жалақы ең төмен;

2) 2030 жылға қарай жаңа жұмыс орындарын құру қажеттілігі 2 есе артады;

3) қалыптасатын агломерацияда өмір сүру сапасын арттыру үшін қажетті инфрақұрылымды белсенді түрде салу қажет.

Үдемелі жаңғырту, әлеуетті инвесторлар үшін өңірдің тартымдылығын арттыру және өңірдің негізгі әлеуметтік-экономикалық проблемаларын шешу мақсатында Ақтөбе облысын әлеуметтік-экономикалық дамытудың 2025 жылға дейінгі кешенді жоспары әзірленді.

Жоспар 92 ұйымдастырушылық және іске асырылатын іс-шаралардан тұрады.

Кешенді жоспарды іске асырудан мынадай нәтижелер күтіледі:

1) Ақтөбе агломерациясы: агломерация орталығы – Ақтөбе қаласы батыс Қазақстан өңірлерінің аумағында хаб-қалаға және негізгі контрмагнитке айналады (қабылданатын шаралар өмір сүру сапасын арттыруға мүмкіндік береді, бұл халықтың агломерация аймағына, ең алдымен, Қазақстанның басқа облыстарынан және шекара маңындағы елдерден көшіп-қонуының едәуір өсуіне ықпал етеді);

2) Ақтөбе облысының аумағында жаңа кен орындарын игеру мұнай өндірудің одан әрі төмендеуін болғызбауға және оның жыл сайын 3 %-дан астам өсуін қалпына келтіруге мүмкіндік береді;

3) технологиялық жаңғыртуды жүргізу, сондай-ақ ірі кәсіпорындарды іске қосу жалпы өңірлік өнімдегі өңдеу өнеркәсібінің үлесін 2025 жылға қарай 16 %-ға дейін ұлғайтуға мүмкіндік береді, 4 жыл ішінде 39 мыңнан астам жаңа жұмыс орнын құру, сондай-ақ шамамен 4,8 трлн теңге тарту жоспарлануда, оның ішінде 3,6 трлн теңге – жеке инвестициялар, олар орта есеппен инвестициялардың жалпы көлемінің 75 %-ына жуығын құрайды;

4) көліктік және инженерлік инфрақұрылым. Ақтөбе облысы барлық экономикалық өсу орталықтарымен байланыс орнатқан. Өңіраралық байланысты нығайту қолданыстағы автомобиль жолдарын реконструкциялау және санаттарын көтеру есебінен қамтамасыз етіледі. Жақсы және қанағаттанарлық жағдайдағы жолдардың үлесі 66 %-дан 95 %-ға дейін артады.

Агроөнеркәсіптік кешенде жоспарланған әртараптандыру, жаңа технологияларды енгізу және цифрландыру жөніндегі іс-шаралар ауыл шаруашылығындағы еңбек өнімділігін 2 есеге ұлғайтуға мүмкіндік береді және өнімнің жалпы көлемінің жыл сайын 30 млрд теңгеге дейінгі өсімін қамтамасыз етеді.

Денсаулық сақтау саласында дәрігерлік амбулаториялар, фельдшерлік-акушерлік және медициналық пункттер салу 16 мың ауыл халқы үшін көрсетілетін медициналық қызметтердің сапасын жақсартуға, ауруларды уақтылы анықтауды және олардың уақтылы профилактикасын қамтамасыз етуге, 1000 туған нәрестеге шаққанда нәрестелер өлімін
7,6 жағдайға дейін төмендетуге, аналар өлімі жағдайларын болдырмауға, күтілетін өмір сүру ұзақтығын 75,5 жасқа дейін ұлғайтуға мүмкіндік береді.

Экология саласындағы жобаларды іске асыру өңір тұрғындарын ластаушы заттардың теріс әсерінен қорғауға, ластанған су қоймаларының экожүйесін қалпына келтіруге, сондай-ақ су тасқынының жойқын салдарын болдырмауға мүмкіндік береді.

Кәсіпкерлік саласындағы жобаларды іске асыру әлеуметтік маңызы бар азық-түлік тауарларының бағасын ұстап тұруға мүмкіндік береді, бұл халықты толғандыратын өткір мәселелердің бірі болып табылады. Бұдан басқа, шағын және орта бизнес объектілеріне инфрақұрылым жүргізу жаңа өндірістер құруға және жұмыс істеп тұрғандарын кеңейтуге мүмкіндік береді.

Учаскелік полиция пункттерін салу немесе сатып алу азаматтардың қауіпсіздігін және өңірдегі құқық қорғау жүйесі жұмысының тиімділігін жедел қамтамасыз етуге оң әсер етеді.

Білім беру саласында білім беру базасын одан әрі дамыту білім беру қызметтерінің сапасын айтарлықтай жақсартуға, кадрлар тапшылығын төмендетуге мүмкіндік береді.

Осы іс-шаралар кешенін іске асыру өңірдің дамуына сапалы жаңа серпін береді, халық санын арттырады, облыстың шикізатқа тәуелділігін төмендетеді және орта мерзімді перспективада жалпы өңірлік өнімнің жыл сайын 5-6%-ға өсуіне мүмкіндік береді, бұл халықтың әл-ауқатына оң әсер етеді және көші-қон процесін тұрақтандыруға мүмкіндік береді.

Р/с №

Іс-шараның атауы

Іс-шараның аяқталу нысаны

Жауапты орындаушылар, бірлесіп орындаушылар

Орындалу мерзімі

Қаржыландыру көлемі, млн теңге*

Қаржыландыру көздері

1	2	3	4	5	6	7
Күтілетін нәтижелер: 1) өңірдің жалпы өңірлік өнімін номиналды мәнде 2,9-дан 3,8 трлн теңгеге дейін ұлғайту; 2) 39 мың жаңа жұмыс орнын құру, оның ішінде 20 мың тұрақты жұмыс орны; 3) негізгі капиталға салынатын инвестицияларды 1,5 трлн теңгеге дейін жеткізіп 2,5 еседен астам өсіру; 4) өнеркәсіп көлемін 1,8-ден 2,8 трлн теңгеге дейін жеткізіп 1,6 есе өсіру; 5) жақсы және қанағаттанарлық жағдайдағы жолдар үлесін 61 %-дан 95 %-ға дейін ұлғайту.
1. Инфрақұрылымдық даму
1	Ақтөбе қаласында кәріздік-тазарту құрылыстарын салу	қабылдау комиссияларының актілері	ИИДМ, Ақтөбе облысының әкімдігі	2023 жыл	300,0	ЖИ
				2024 жыл	10 000,0
				2025 жыл	10 000,0
2	Ақтөбе қаласында тұрғын үй құрылысы аудандарын инженерлік-коммуникациялық желілермен қамтамасыз ету	қабылдау комиссияларының актілері	ИИДМ, Қаржымині, Ақтөбе облысының әкімдігі	2022 жыл	8 166,9	РБ
					810,0	ЖБ
				2023 жыл	15 000,0	РБ
					1 500,0	ЖБ
				2024 жыл	15 000,0	РБ
					1 500,0	ЖБ
				2025 жыл	15 000,0	РБ
					1 500,0	ЖБ
3	Халықтың осал топтары мен көп балалы отбасылар үшін жалға берілетін 20 мың шаршы м тұрғын үй салу	қабылдау комиссияларының актілері	ИИДМ, Ақтөбе облысының әкімдігі	2022 жыл	1683,6	РБ
					500,6	ЖБ
4	87,2 мың шаршы м кредиттік тұрғын үй салу	қабылдау комиссияларының актілері	ИИДМ, Ақтөбе облысының әкімдігі	2022 жыл	15 326,0	ЖБ
				2023 жыл	13 748,0
				2024 жыл	13 600,0
				2025 жыл	13 757,0
5	"Орталық-Батыс" дәлізін реконструкциялау (Қандыағаш-Шалқар учаскесі, 3 учаске, 1215-1259 км, 1174-1215 км, 1125-1174 км)	қабылдау комиссияларының актілері	ИИДМ, Ақтөбе облысының әкімдігі	2025 жыл	1 000,0	РБ
6	Батыс Еуропа – Батыс Қытай трассасы бойындағы "Ақтөбе-Хромтау-Қарабұтақ-Ұлғайсын" автожолын реконструкциялау, 763-1025 км учаске	қабылдау комиссияларының актілері	ИИДМ, Ақтөбе облысының әкімдігі	2022 жыл	1 700,0	РБ
				2023 жыл	8 500,0
				2024 жыл	8 500,0
				2025 жыл	15 000,0
7	149 км жергілікті маңызы бар автомобиль жолдарын салу және реконструкциялау	қабылдау комиссияларының актілері	ИИДМ, Қаржымині, Ақтөбе облысының әкімдігі	2022 жыл	3928,3	РБ
					3570,5	ЖБ
				2023 жыл	4832,6	РБ
					4849,9	ЖБ
				2024 жыл	3762,5	РБ
					3762,5	ЖБ
				2025 жыл	3150,0	РБ
					3150,0	ЖБ
8	Ақтөбе қаласының көше-жол инфрақұрылымын дамыту	қабылдау комиссияларының актілері	ҰЭМ, Қаржымині, Ақтөбе облысының әкімдігі	2022 жыл	5 589,7	РБ
					2 350,0	ЖБ
				2023 жыл	3 000,0	РБ
					1 500,0	ЖБ
				2024 жыл	2 000,0	РБ
					1 000,0	ЖБ
				2025 жыл	1 350,0	РБ
					150	ЖБ
9	1107,5 км жергілікті маңызы бар жолдарды күрделі және орташа жөндеу (облыстық және аудандық маңызы бар автомобиль жолдары)	қабылдау комиссияларының актілері	ИИДМ, Қаржымині, Ақтөбе облысының әкімдігі	2022 жыл	10 400,0	РБ
					10 400,0	ЖБ
				2023 жыл	10 400,0	РБ
					10 400,0	ЖБ
				2024 жыл	10 400,0	РБ
					10 400,0	ЖБ
10	Ақтөбе қаласында магистральдық газ құбырының үшінші желісін салу	қабылдау комиссияларының актілері	Ақтөбе облысының әкімдігі, ЭМ, "QazaqGaz" ҰҚ" (келісу бойынша), "Интергаз Орталық Азия" (келісу бойынша)	2022 жыл	14 600,0	ЖИ
				2023 жыл	14 600,0
				2024 жыл	14 600,0
11	Ақтөбе облысының 85 ауылдық елді мекендерін газдандыру	қабылдау комиссияларының актілері	ЭМ, Ақтөбе облысының әкімдігі,	2022 жыл	7 200,0	РБ
					837,3	ЖБ
				2023 жыл	9 100,0	РБ
					900,0	ЖБ
				2024 жыл	9 000,0	РБ
					1 000,0	ЖБ
				2025 жыл	9 000,0	РБ
					1 000,0	ЖБ
12	Ақтөбе облысының 2 қалалық елді мекенін сумен жабдықтау және су бұру	қабылдау комиссияларының актілері	ИИДМ, Ақтөбе облысының әкімдігі	2023 жыл	6 080,0	РБ
					1 520,0	ЖБ
				2024 жыл	14 880,0	РБ
					3 720,0	ЖБ
				2025 жыл	8 800,0	РБ
					2 200,0	ЖБ
13	Ақтөбе облысының 33 ауылдық елді мекенін сумен жабдықтау	қабылдау комиссияларының актілері	ИИДМ, Ақтөбе облысының әкімдігі	2022 жыл	4 080,2	РБ
					1 266,1	ЖБ
				2023 жыл	3 635,4	РБ
					908,8	ЖБ
				2024 жыл	-	РБ
					-	ЖБ
				2025 жыл	560,0	РБ
					140,0	ЖБ
14	Ақтөбе қаласының Батыс-3 шағын ауданында қазандық салу	қабылдау комиссияларының актілері	Ақтөбе облысының әкімдігі, ЭМ, ИИДМ	2023 жыл	1 000,0	РБ
					100,0	ЖБ
				2024 жыл	1 000,0	РБ
					100,0	ЖБ
15	Ақтөбе қаласында көше жарығын орнату	қабылдау комиссияларының актілері	Ақтөбе облысының әкімдігі	2022 жыл	2 000,0	ЖИ
				2023 жыл	2 800,0
				2024 жыл	120
16	Ақтөбе облысы әкімінің қалалық қосалқы басқару пунктін күрделі жөндеу	орындалған жұмыстар актісі	Ақтөбе облысының әкімдігі	2024 жыл	180,0	ЖБ
17	Ақтөбе облысы әкімінің қала сыртындағы басқару пунктін күрделі жөндеу	орындалған жұмыстар актісі	Ақтөбе облысының әкімдігі	2025 жыл	180,0	ЖБ
18	Ақтөбе су қоймасы тұстамасынан Ақтөбе қаласының Қурайлы кентіне дейін Елек өзені арнасындағы тазалау, түбін тереңдету және жағалауды нығайту жұмыстары	қабылдау-тапсыру актісі	ЭГТРМ, Ақтөбе облысының әкімдігі	2023 жыл	2 093,7	РБ
19	Садовое кентінен Елек өзеніне дейін Қарғалы өзені арнасындағы тазалау, түбін тереңдету және жағалауды нығайту жұмыстары	қабылдау-тапсыру актісі	ЭГТРМ, Ақтөбе облысының әкімдігі	2023 жыл	942,7	РБ
20	Жаңақоныс кентінен бастап Елек өзеніне құяр жеріне дейін Жіңішке өзенінің он бойының арнасын тазалау, тереңдету және жағалауды нығайту жұмыстары	қабылдау-тапсыру актісі	ЭГТРМ, Ақтөбе облысының әкімдігі	2023 жыл	1 505,4	РБ
21	Темір ауданы Құмсай кентінің қорғаныш бөгетін салу	қабылдау-тапсыру актісі	Ақтөбе облысының әкімдігі	2023 жыл	90,0	ЖБ
22	Темір ауданы Шитүбек кентінің қорғаныш бөгетін салу	қабылдау-тапсыру актісі	Ақтөбе облысының әкімдігі	2023 жыл	70,0	ЖБ
23	Темір ауданы Қопа кентінің қорғаныш бөгетін салу	қабылдау-тапсыру актісі	Ақтөбе облысының әкімдігі	2023 жыл	80,0	ЖБ
24	Ақтөбе облысының құлақтандыру жүйесін қосымша жарақтандыру	қабылдау-тапсыру актісі	Ақтөбе облысының әкімдігі	2023 жыл	302,8	ЖБ
				2024 жыл	302,7
25	Ақтөбе облысын цифрлық радиобайланыс құралдарымен жете жарақтандыру	қабылдау-тапсыру актісі	Ақтөбе облысының әкімдігі	2023 жыл	107,1	ЖБ
				2024 жыл	107,1
26	Интернет желісіне кең жолақты қолжетімділікті қамтамасыз ету (22 ауылдық елді мекен)	22 елді мекеннің интернет желісіне кең жолақты қолжетімділігі	ЦДИАӨМ, Ақтөбе облысының әкімдігі, "Восток Телеком" ЖШС (келісу бойынша)	2022 жыл	көзделген қаражат шеңберінде	ЖИ
				2023 жыл
				2024 жыл
27	Ақтөбе қаласында тұрғын үймен біріктірілген учаскелік полиция пункттерін салу немесе сатып алу	қабылдау комиссияларының актілері	Ақтөбе облысының әкімдігі	2022 жыл	240,0	ЖБ
				2023 жыл	288,0
				2024 жыл	144,0
					169,0	ЖБ
28	Ақтөбе қаласының Полиция басқармасының арнайы қабылдау орнын салу	қабылдау комиссияларының актілері	Ақтөбе облысының әкімдігі	2023 жыл	6,9	ЖБ
				2024 жыл	1 030,4
				2025 жыл	687,0
2. Индустриялық даму
29	Ақтөбе қаласының өнеркәсіп аймағын электрмен қамтамасыз ету үшін 57 МВт газ турбинасын орнату арқылы жылу электр орталығын жаңғырту және онда 10 жұмыс орнын құру	пайдалануға беру актісі	Ақтөбе облысының әкімдігі	2022 жыл	20 000,0	ЖИ
30	Әйтеке би ауданы Сұлукөл ауылындағы Бенқала кен орнында темір кендерін құрғақ магнитті бөлу фабрикасын салу (жылына 1 млн тонна темір рудасын бастапқы өңдеу), онда 60 жұмыс орнын құру	пайдалануға беру актісі	Ақтөбе облысының әкімдігі	2022 жыл	7 000,0	ЖИ
31	Ақтөбе қаласында мұнай өндіру үшін ұтқыр бұрғылау қондырғыларын өндіретін зауыт салу (жылына 24 ұтқыр қондырғы өндіру), онда 70 жұмыс орнын құру	пайдалануға беру актісі	Ақтөбе облысының әкімдігі	2022 жыл	3 100,0	ЖИ
32	Ақтөбе қаласында шөлмектелген ауыз су өндіретін зауыт салу (сағатына 5 мың шөлмек өндіру), онда 20 жұмыс орнын құру	пайдалануға беру актісі	Ақтөбе облысының әкімдігі	2022 жыл	2 000,0	ЖИ
33	Ақтөбе қаласында биологиялық ыдырайтын пакеттер өндіретін зауыт салу (жылына 6 мың тонна пакет өндіру), онда 60 жұмыс орнын құру	пайдалануға беру актісі	Ақтөбе облысының әкімдігі	2022 жыл	1 500,0	ЖИ
34	Ақтөбе қаласында мұнай өндіру кезінде пайдаланылатын мұнай-химия реагенттерін (бұрғылау қондырғыларына арналған майлау қоспасы) өндіру зауытын салу (жыл бойына 2,5-3 мың тонна реагенттер өндіру), онда 20 жұмыс орнын құру	пайдалануға беру актісі	Ақтөбе облысының әкімдігі	2022 жыл	300,0	ЖИ
35	Ақтөбе қаласында 15 жұмыс орнын құра отырып, ПВХ және алюминийден терезе-есік және қасбеттік бұйымдар өндірісі бойынша жобаны іске асыру (өндірісі жылына 32000 ш. м), онда 20 жұмыс орнын құру	пайдалануға беру актісі	Ақтөбе облысының әкімдігі	2022 жыл	130	ЖИ
36	Хромтау ауданында жылына қуаты 150 МВт "Хромтау 1" жел электр станциясын салу (өндірілген электр энергиясымен Хромтау ауданының тұрғындары мен өнеркәсіптік кәсіпорындары қамтамасыз етілетін болады), онда 20 жұмыс орнын құру	пайдалануға беру актісі	Ақтөбе облысының әкімдігі	2023 жыл	84 000,0	ЖИ
37	Хромтау ауданында Лиманное кен орнын игеру (жылына 1,3 млн тонна мыс кенін өндіру), онда 300 жұмыс орнын құру	пайдалануға беру актісі	Ақтөбе облысының әкімдігі	2023 жыл	41 000,0	ЖИ
38	Ақтөбе қаласында химиялық реагенттер (антифриз және мотор майы) өндіру бойынша жобаны іске асыру (жылына 10 мың тонна өндіру), онда 50 жұмыс орнын құру	пайдалануға беру актісі	Ақтөбе облысының әкімдігі	2023 жыл	700,0	ЖИ
39	Ақтөбе қаласында қасбеттік материалдар (жылу оқшаулағыш материалдар) өндіретін зауыт салу (жылына 150 мың ш. м өндіру), онда 25 жұмыс орнын құру	пайдалануға беру актісі	Ақтөбе облысының әкімдігі	2023 жыл	385,0	ЖИ
40	Мұғалжар ауданының Алтынды ауылында AltynEX тау-кен металлургиялық комбинатын салу (доре қорытпасы "алтынды алғашқы өңдеу"), (жылына 5 млн тонна кен өңдеу), онда 500 жұмыс орнын құру	пайдалануға беру актісі	Ақтөбе облысының әкімдігі	2024 жыл	120 000,0	ЖИ
41	Хромтау ауданында жылына қуаты 90 МВт "Хромтау 2" жел электр станциясын салу (өндірілген электр энергиясымен Хромтау ауданының тұрғындары мен өнеркәсіптік кәсіпорындары қамтамасыз етілетін болады), онда 20 жұмыс орнын құру	пайдалануға беру актісі	Ақтөбе облысының әкімдігі	2024 жыл	84 000,0	ЖИ
42	Байғанин ауданында цемент өндіретін зауыт салу, онда 250 жұмыс орнын құру (портланд маркалы цемент пен клинкер өндірісі, жылына 1,2 млн тонна)	пайдалануға беру актісі	Ақтөбе облысының әкімдігі	2024 жыл	70 000,0	ЖИ
43	Қарғалы ауданының Бадамша ауылында қоңыр көмірден органикалық тыңайтқыштар өндіретін зауыт салу (ауыл шаруашылығында пайдалану үшін тыңайтқыштар мен гербицидтер өндіру), (сұйық және түйіршіктелген түрдегі қоңыр көмірден жылына 4 мың тонна органикалық гуминді топырақ оқшаулағыш өндіру), онда 80 жұмыс орнын құру	пайдалануға беру актісі	Ақтөбе облысының әкімдігі	2024 жыл	13 500,0	ЖИ
44	Ерекше индустриялық аймақ құру (инвестициялар тартуға және жұмыс орындарын құруға мүмкіндік беретін технологиялар трансфері мен басқару моделі үшін)	Ақтөбе облысы әкімдігінің қаулысы	Ақтөбе облысының әкімдігі, ИИДМ	2024 жыл	талап етілмейді	-
45	Ерекше индустриялық аймақтың шекарасына дейін сыртқы инфрақұрылымды (газбен жабдықтау желілері, электрмен жабдықтау, сумен жабдықтау, кәріз, автомобильді және теміржол кірме жолдары мен жолдар) салу	қабылдау комиссияларының актілері	Ақтөбе облысының әкімдігі, ИИДМ	2024 жыл	11 000,0	РБ
				2025 жыл	11 000,0
46	Ақтөбе қаласында диализаторлар (токсиндерді жоятын және қанды пайдалы заттармен байытатын зарарсыздандырылған сүзгі) өндірісі бойынша жобаны іске асыру (жылына 1 млн диализатор өндіру), онда 60 жұмыс орнын құру	пайдалануға беру актісі	Ақтөбе облысының әкімдігі	2024 жыл	3 700,0	ЖИ
47	Хромтау ауданында қуаты жылына 250 МВт жел электр станциясын салу (өндірілген электр энергиясымен облыс тұрғындары және өнеркәсіптік кәсіпорындар қамтамасыз етіледі), онда 30 жұмыс орнын құру	пайдалануға беру актісі	Ақтөбе облысының әкімдігі	2025 жыл	450 000,0	ЖИ
48	Титан-цирконий кендерін өндіру және қайта өңдеу бойынша тау-кен байыту кешенін салу (металлургиялық және авиағарыш өнеркәсібінің мұқтажына арналған концентрат) (жылына 2,2 млн тонна кенді қайта өңдеу), онда 150 жұмыс орнын құру	пайдалануға беру актісі	Ақтөбе облысының әкімдігі	2025 жыл	152 000,0	ЖИ
3. Агроөнеркәсіптік кешенді дамыту
49	Облыстың ауыл шаруашылығы алқаптарының 100 %-ын цифрландыру	ҰЭМ-ге ақпарат	Ақтөбе облысының әкімдігі	2025 жыл	талап етілмейді	-
50	Ақтөбе қаласында 400 бас ірі қара малға арналған сүт-тауар фермасын құру	пайдалануға беру актісі	Ақтөбе облысының әкімдігі	2022 жыл	382,0	ЖИ
51	Әйтеке би ауданында 1000 бас ірі қара малды бордақылау алаңын құру	пайдалануға беру актісі	Ақтөбе облысының әкімдігі	2022 жыл	400,0	ЖИ
52	Мәртөк ауданында 400 бас ірі қара малға арналған сүт-тауар фермасын құру	пайдалануға беру актісі	Ақтөбе облысының әкімдігі	2023 жыл	400,0	ЖИ
53	Мәртөк ауданында 1000 бас ірі қара мал бордақылау алаңын құру	пайдалануға беру актісі	Ақтөбе облысының әкімдігі	2023 жыл	650,0	ЖИ
54	Хромтау ауданындағы өсімдік майын тазарту цехын салу	пайдалануға беру актісі	Ақтөбе облысының әкімдігі	2023 жыл	400,0	ЖИ
55	Ақтөбе қаласында құс фабрикасын салу	пайдалануға беру актісі	Ақтөбе облысының әкімдігі	2025 жыл	32 000,0	ЖИ
56	Әлеуметтік нан өндіру үшін "Азық-түлік корпорациясы" АҚ бидайының құнын 90,0 мың теңгеден субсидиялау	бюджет қаражатын бөлу	АШМ, Ақтөбе облысының әкімдігі	2022 жыл	475,0	РБ
				2023 жыл	590,4
				2024 жыл	713,6
57	АӨК субъектілерін субсидиялау	бюджет қаражатын бөлу	Ақтөбе облысының әкімдігі, АШМ	2022 жыл	6 861,0	РБ
				2023 жыл	7 205,0
				2024 жыл	7 565,0
				2025 жыл	7 950,0
58	Ұлттық жобалар шеңберінде АӨК субъектілеріне кредит беру	бюджет қаражатын бөлу	Ақтөбе облысының әкімдігі, АШМ	2022 жыл	4 000,0	РБ
				2023 жыл	4 500,0
				2024 жыл	5 000,0
				2025 жыл	5 500,0
59	Темір, Қобда, Ойыл және Қарғалы аудандарында 4 ветеринариялық станция салу	қабылдау комиссияларының актісі	Ақтөбе облысының әкімдігі, АШМ	2023 жыл	109,0	ЖБ
60	45 модульді ветеринариялық пункт салу	қабылдау комиссияларының актісі	Ақтөбе облысының әкімдігі, АШМ	2023 жыл	285,0	ЖБ
				2024 жыл	285,0
				2025 жыл	285,0
61	Балық өсіру шаруашылықтарын құру және дамыту үшін жер учаскелерін беру	Ақтөбе облысы әкімдігінің қаулысы	Ақтөбе облысының әкімдігі	2022 – 2025 жылдар	талап етілмейді	-
62	Акваөсіру (балық өсіру шаруашылығы) өнімінің өнімділігі мен сапасын арттыруды, сондай-ақ асыл тұқымды балық өсіруді дамытуды субсидиялау	көрсетілетін қызметті алушылардың өтінімі бойынша субсидиялар төлеу	Ақтөбе облысының әкімдігі	2022 жыл	111,5	ЖБ
				2023 жыл	205,9
				2024 жыл	371,5
				2025 жыл	518,7
63	Жұмыс істеп тұрған жоғары оқу орындары мен басқа да білім беру мекемелерінің базасында балық өсіруге оқытуды ұйымдастыру	шарт және басқа да растайтын құжаттар	Ақтөбе облысының әкімдігі	2022 жыл	1,5	ЖБ
				2023 жыл	1,5
				2024 жыл	2,7
				2025 жыл	2,7
64	Қайта өңделген балық өнімінің килограмын субсидиялау түрінде балық өңдеу кәсіпорындарын мемлекеттік қолдау мәселесін пысықтау	ЭГТРМ-ге тиісті есептеулері бар ұсыныстар	Ақтөбе облысының әкімдігі	2022 жыл	талап етілмейді	-
65	Балық өсіру шаруашылықтарын кеңейту және салу үшін инфрақұрылым құру жөнінде шаралар қабылдау	пайдалануға беру актісі	Ақтөбе облысының әкімдігі	2022 жыл	43,0	ЖБ
				2023 жыл	56,0
				2024 жыл	49,4
				2025 жыл	20,3
66	Торда балық өсіру шаруашылықтарын құру үшін инвесторлар тарту	балық шаруашылығын жүргізуге арналған шарттар	Ақтөбе облысының әкімдігі	2022 жыл	120,0	ЖИ
				2023 жыл	150,0
4. Шағын және орта кәсіпкерлікті дамыту
67	Кәсіпкерлікті дамыту жөніндегі 2021 – 2025 жылдарға арналған ұлттық жоба шеңберінде кредиттер бойынша сыйақы мөлшерлемесін субсидиялау және кепілдік беру	ҰЭМ-ге ақпарат	Ақтөбе облысының әкімдігі, Қаржымині	2023 жыл	5 000,0	ЖБ (РБ-дан субвенция түрінде түсетін жалпы сипаттағы трансферттер шеңберінде)
				2024 жыл	5 000,0
				2025 жыл	5 000,0
68	Кәсіпкерлікті дамыту жөніндегі 2021 –2025 жылдарға арналған ұлттық жоба шеңберінде ШОБ объектілеріне жетіспейтін инженерлік инфрақұрылымды жеткізу	ҰЭМ-ге ақпарат	Ақтөбе облысының әкімдігі, Қаржымині	2022 жыл	1 000,0	РБ
					500,0	ЖБ
				2023 жыл	2 000,0	РБ
					500,0	ЖБ
				2024 жыл	2 000,0	РБ
					500,0	ЖБ
				2025 жыл	2 000,0	РБ
					500,0	ЖБ
69	Жол бойындағы сервис объектілерін салу және реконструкциялау бойынша шығындардың бір бөлігін субсидиялау	ҰЭМ-ге ақпарат	МСМ, Қаржымині, Ақтөбе облысының әкімдігі	2023 жыл	субъектілерден РБ бойынша қаражат трансфертіне өтінімдердің түсуіне қарай	РБ
				2024 жыл
				2025 жыл
70	Орналастыру объектілерін салу және реконструкциялау бойынша шығындардың бір бөлігін субсидиялау	ҰЭМ-ге ақпарат	МСМ, Қаржымині, Ақтөбе облысының әкімдігі	2023 жыл	субъектілерден РБ бойынша қаражат трансфертіне өтінімдердің түсуіне қарай	РБ
				2024 жыл
				2025 жыл
71	Автомобиль көлік құралдарын сатып алуға арналған шығындардың бір бөлігін субсидиялау	ҰЭМ-ге ақпарат	МСМ, Қаржымині, Ақтөбе облысының әкімдігі	2023 жыл	субъектілерден РБ бойынша қаражат трансфертіне өтінімдердің түсуіне қарай	РБ
				2024 жыл
				2025 жыл
72	Санитариялық-гигиеналық тораптарды ұстауға арналған шығындардың бір бөлігін субсидиялау	ҰЭМ-ге ақпарат	МСМ, Қаржымині, Ақтөбе облысының әкімдігі	2023 жыл	5,0	РБ
				2024 жыл	5,0
				2025 жыл	5,0
5. Әлеуметтік саланы дамыту
73	Ақтөбе облысының тірек және спутниктік 18 ауылда дәрігерлік амбулаториялар, фельдшерлік-акушерлік және медициналық пункттер салу	қабылдау комиссияларының актілері	Ақтөбе облысының әкімдігі, ҰЭМ	2022 жыл	600,0	РБ
					60,0	ЖБ
				2023 жыл	1000,0	РБ
					100,0	ЖБ
				2024 жыл	500,0	РБ
					200,0	ЖБ
74	Ақтөбе қаласында мүгедектігі бар адамдарға арналған оңалту орталығын салу	қабылдау комиссияларының актілері	Еңбекмині, Ақтөбе облысының әкімдігі	2022 жыл	1 000,0	РБ
					317,6	ЖБ
				2023 жыл	4716,0	РБ
					318,4	ЖБ
75	Шағын қалаларда, аудан орталықтарында және ауылдарда 224 мектепті жаңғырту (2022 жылы – 56 мектеп, 2023 жылы – 56 мектеп, 2024 жылы – 56 мектеп, 2025 жылы – 56 мектеп)	БҒМ-ға ақпарат	Ақтөбе облысының әкімдігі	2022 жыл	2 027,0	ЖБ
				2023 жыл	1 700,0
				2024 жыл	1 862,0
				2025 жыл	1 200,0
76	Ақтөбе қаласында колледж студенттерін жатақханалардағы орындармен қамтамасыз ету үшін екі жатақхана салу	қабылдау комиссияларының актілері	Ақтөбе облысының әкімдігі	2022 жыл	1 060,0	ЖБ
				2023 жыл	270,0
77	Лизинг есебінен жалпы білім беретін мектептер үшін 32 автобус сатып алу	қабылдау-тапсыру актісі	Ақтөбе облысының әкімдігі	2023 жыл	394,0	РБ
				2024 жыл	300,5
				2025 жыл	284,9
6. Экологиялық жағдайды жақсарту
78	Орман қорында 29,7 мың гектарға 60,2 млн ағаш отырғызу	ЭГТРМ-ға ақпарат	Ақтөбе облысының әкімдігі	2023 жыл	79,2	ЖБ
				2024 жыл	67,9
				2025 жыл	82,5
79	Елді мекендерде 0,46 млн ағаш отырғызу	ЭГТРМ-ға ақпарат	Ақтөбе облысының әкімдігі	2022 жыл	51,2	ЖБ
				2023 жыл	68,3
				2024 жыл	68,3
				2025 жыл	68,3
80	Көкжиде құмының жерасты және жерүсті сулары сапасының мониторингі	ҰЭМ-ға ақпарат	Ақтөбе облысының әкімдігі	2022 жыл	100,0	ЖБ
81	Елек өзенінің жерасты суларының алты валентті хроммен ластану ошағының жай-күйін зерттеу бойынша ғылыми-зерттеу жұмыстарын жүргізу	ҰЭМ-ге ақпарат	Ақтөбе облысының әкімдігі	2022 жыл	96,5	ЖБ
82	Елек өзенінің жерасты суларының алты валентті хроммен ластану ошағын жоюдың ТЭН әзірлеу	ТЭН	Ақтөбе облысының әкімдігі	2023 жыл	170,0	ЖБ
83	Бұрынғы Алға химия зауытының, оның ішінде қауіпті өнеркәсіптік қалдықтарды түгендеу. Қалдықтардың паспорттарын жасау	орындалған жұмыстар актілері	Ақтөбе облысының әкімдігі	2022 жыл	50,0	ЖБ
84	"Ақтөбе облысы, Киров атындағы бұрынғы Алға химия зауытының аумағында орналасқан қауіпті қалдықтарды (химиялық және өнеркәсіптік қалдықтарды, шламжинағыш қалдықтарды) жою" ЖСҚ түзету	ЖСҚ	Ақтөбе облысының әкімдігі	2023 жыл	150,0	ЖБ
85	Киров атындағы бұрынғы Алға химия зауытының аумағында орналасқан қауіпті қалдықтарды (химиялық және өнеркәсіптік қалдықтарды, шламжинағыш қалдықтарды) жою	орындалған жұмыстар актілері	ЭГТРМ, Ақтөбе облысының әкімдігі	2024 жыл	3 000,0	РБ
				2025 жыл	5 000,0
86	Ақтөбе облысының 10 шағын су қоймасын салу	қабылдау комиссияларының актілері	Ақтөбе облысының әкімдігі	2023 жыл	2 000,0	ЖБ
				2024 жыл	2 000,0
87	Жем өзенінің арнасын тазарту	орындалған жұмыстар актілері	Ақтөбе облысының әкімдігі	2024 жыл	4 000, 0	РБ
88	Ақтөбе облысының 6 ірі су қоймасын салу	қабылдау комиссияларының актілері	Ақтөбе облысының әкімдігі	2023 жыл	3 500,0	РБ
				2024 жыл	3 500,0
89	Жем өзені бассейніндегі су шаруашылығы құрылыстарын, оның ішінде иесіз және экономикалық тұрғыдан орынсыз құрылыстарды түгендеу	ЭГТРМ-ға ақпарат	Ақтөбе облысының әкімдігі	2022 жыл	талап етілмейді	-
90	Ойыл өзенін зерттеп-қарау актісінің қорытындысы бойынша әзірленген Ойыл өзенін сауықтыру жөніндегі іс-шаралар жоспарын іске асыру	Іс-шаралар жоспарын іске асыру жөніндегі есеп	ЭГТРМ, Ақтөбе облысының әкімдігі	2023 жыл	4 800, 0	РБ
91	Ақтөбе су қоймасын реконструкциялау	қабылдау комиссияларының актілері	ЭГТРМ	2023 жыл	1 100, 0	РБ
92	Қарғалы су қоймасын реконструкциялау	қабылдау комиссияларының актілері	ЭГТРМ	2023 жыл	1 000,0	РБ
				2024 жыл	1 000,0
				2025 жыл	1 000, 0

Қаржыландыру көзі	2022 жыл	2023 жыл	2024 жыл	2025 жыл	БАРЛЫҒЫ
Республикалық бюджет	56 684,6	96 900,2	103 126,6	86 599,9	343 311,3
Жергілікті бюджет	39 718,8	47 619,0	47 253,9	30 997,1	165 588,8
Жеке инвестициялар	51 532,0	145 385,0	315 800,0	644 000,0	1 156 717,0
ЖИЫНЫ	147 935,4	289 904,2	466 180,5	761 597,0	1 665 617,1

Ескертпе:

* - республикалық және жергілікті бюджеттер қаражатының есебінен қаржыландырылатын іс-шаралар бойынша шығыстар көлемі бюджет заңнамасына сәйкес Ақтөбе облысының әкімдігі қажетті құжаттаманы ұсынған кезде тиісті жоспарлы кезеңге республикалық және жергілікті бюджетті қалыптастыру және нақтылау кезінде нақтыланатын болады.

Аббревиатуралардың толық жазылуы:

АШМ	–	Қазақстан Республикасының Ауыл шаруашылығы министрлігі
Еңбекмині	–	Қазақстан Республикасының Еңбек және халықты әлеуметтік қорғау министрлігі
ЖБ	–	жергілікті бюджет
ЖИ	–	жеке инвестициялар
ЖСҚ	–	жобалау сметалық құжаттама
ИИДМ	–	Қазақстан Республикасының Индустрия және инфрақұрылымдық даму министрлігі
"Интергаз Орталық Азия" АҚ	–	"Интергаз Орталық Азия" акционерлік қоғамы
Қаржымині	–	Қазақстан Республикасының Қаржы министрлігі
МСМ	–	Мәдениет және спорт министрлігі
РБ	–	республикалық бюджет
ТЭН	–	техникалық экономикалық негіздеме
ҰЭМ	–	Қазақстан Республикасының Ұлттық экономика министрлігі
ЦДИАӨМ	–	Қазақстан Республикасының Цифрлық даму, инновациялар​ және аэроғарыш өнеркәсібі министрлігі
ШОБ	–	шағын және орта бизнес
ЭГТРМ	–	Қазақстан Республикасының Экология, геология және табиғи ресурстар министрлігі
ЭМ	–	Қазақстан Республикасының Энергетика министрлігі
"QazaqGaz" ҰҚ" АҚ	–	"QazaqGaz" ұлттық компаниясы" акционерлік қоғамы