"ИНТЕРВОЛЬФРАМ" БIРЛЕСКЕН КӘСIПОРЫНЫ ТУРАЛЫ

Қазақстан Республикасы Министрлер Кабинетiнiң ҚАУЛЫСЫ 10 қаңтар 1994 ж. N 51

Халық шаруашылығының вольфрамға сұранысын қамтамасыз ету мен Жоғарғы Қайрақты кен орыны базасында экспорттық ресурстарды дамыту мақсатында Қазақстан Республикасының Министрлер Кабинетi қаулы етедi:
1. Қайрақты кен-металлургия комбинатының және "Дженерал Беринг" (АҚШ) корпорациясының қатысуымен "Интервольфрам" бiрлескен кәсiпорнын құру туралы Қазақстан Республикасының Өнеркәсiп министрлiгi мен Қайрақты кен-металлургия комбинатының ұсынысы мақұлдансын.
2. Қазақстан Республикасының Өнеркәсiп министрлiгi Қазақстан Республикасының Экономика министрлiгi жанындағы Шет ел инвестициялары жөнiндегi Ұлттық агенттiк:
"Интервольфрам" бiрлескен кәсiпорны ұсынған жобаның техникалық-экономикалық негiздемесi мен "Солтүстiк Қатпар" кен орынын игеруге арналған контракт (шарт) жобасын пысықтасын және қажеттi келiссөздер жүргiзсiн.
Келiссөздер нәтижесi бойынша келiсiлген контракт (шарт) жобасын бекiтуге енгiзсiн.

     Қазақстан Республикасының
          Премьер-министрi