Қазақстан Республикасының Экспорттық өнiмдер шығаратын өнеркәсiп орындарының тұрақты жұмысын қамтамасыз ету жөнiндегi шаралар туралы

Қазақстан Республикасы Министрлер Кабинетiнiң қаулысы 19 тамыз 1994 ж N 928

Дағдарыстан шығу, экспорттық өнiм шығаратын кәсiпорындарда өндiрiс көлемiн тұрақтандыру мен арттыру үшiн жағдай жасау мақсатында Қазақстан Республикасының Министрлер Кабинетi қаулы етедi:
1. Қазақстан Республикасының Өнеркәсiп және сауда министрлiгi, Энергетика және көмiр өнеркәсiбi министрлiгi, Көлiк және коммуникациялар министрлiгi және экспорттық өнiмдер шығаратын өнеркәсiп орындары 1994 жылғы 1 тамыздағы жағдай бойынша электр энергиясы және жүктердi темiр жол көлігiмен тасымалдау жөнiндегi көрсетiлген қызмет берешектерiн қайтару кестесiн келiссiн.
Экспорттық өнiмдер шығаратын өнеркәсiп орындары электр энергиясы және жүктердi темiр жол көлiгiмен тасымалдау жөнiнде көрсетiлген қызмет үшiн ағымдағы төлемдердi алдын-ала жасалатын елу проценттiк төлемдердi ескере отырып қамтамасыз етсiн.
2. Қазақстан Республикасының Ұлттық Банкi мен қызмет көрсететiн банктерге 1994 жылғы 1 тамыздағы жағдай бойынша экспорттық өнiмдер шығаратын өнеркәсiп орындарының негiзгi несие берешектерiн директивтi кредитке, ол бойынша берешектiң отыз процентiн 1994 жылғы 5 қазанға және қалған жетпiс процентiн 1995 жылғы 5 қаңтарға дейiн қайтаруды көздей отырып, қайтадан ресiмдеуге ұсыныс жасасын.
Бұл кәсiпорындардың мерзiмi өткен несиелерi бойынша үстеме

есептеу және айып өндiрiп алу мен өсiм төлету 1994 жылғы 
8 тамыздан тоқтатылсын.
     3. Қазақстан Республикасының Қаржы министрлiгi экспорттық
өнiмдер шығаратын өнеркәсiп орындарының кепiлдiк мiндеттемелерi
негiзiнде, олардың банктерде жатқан шет ел валютасындағы
қаражаттарын қоса, тиiстi кепiлдемелер ресiмдесiн.

     Қазақстан Республикасының
         Премьер-министрi