Батыс Қазақстан облысының халқы үшiн электр энергиясына арналған тарифтер туралы

Күшін жойған

Қазақстан Республикасы Үкiметiнiң Қаулысы 1996 жылғы 24 қыркүйек N 1167. Күшi жойылды - ҚРҮ-нiң 1997.02.07. N 179 қаулысымен.

Электр жүктелiмiн өтеуге республикада өз электр көздерiнiң болмауына және "Запказэнерго" республикалық Мемлекеттiк кәсiпорнының Орал филиалымен "Қазақстанэнерго" Ұлттық энергетикасы жүйесi босатқан электр энергиясына көтерме тарифтiң шегiнен асқан мөлшердегi тарифтерi бойынша "Ресей БЭЖ" ОДҚ-мен 1996 жылғы 9 шiлдеде N 04398-9606 электр энергиясын берiп тұруға тiкелей шарт жасасуға байланысты Қазақстан Республикасының Үкiметi Қаулы Етедi:
1. Батыс Қазақстан облысының халқы үшiн 1996 жылдың 1 қазанынан бастап электр энергиясына арналған тариф 1 кВт.с. үшiн 3.0 теңге мөлшерiнде белгiленсiн.
2. Қазақстан Республикасының Баға және монополияға қарсы саясат жөнiндегi мемлекеттiк комитетi Батыс Қазақстан облысының басқа тұтынушыларына электр энергиясын пайдаланғаны үшiн төлемнiң қажеттi қайта есептеулерiн сонымен бiр мезгiлде жүзеге асырсын.

     Қазақстан Республикасының
       Премьер-Министрi