Оқулықтар мен оқу құралдарын жазу үшiн шығармашылық демалыстар беру туралы

Күшін жойған

Қазақстан Республикасы Үкiметiнiң Қаулысы 1997 жылғы 7 сәуiрдегi N 492. Күшi жойылды - ҚР Үкіметінің 2002 жылғы 17 маусымдағы N 665 қаулысымен. ~P020665

Педагогикалық және ғылыми қызметкерлердi бiлiм берудiң барлық деңгейлерiнде арналған оқулықтар мен оқу құралдарын әзiрлеуге тарту мақсатында Қазақстан Республикасының Үкiметi қаулы етедi:
1. Оқу және ғылыми орындардың басшылары педагогтiк және ғылыми қызметкерлерге оқулықтар мен оқу құралдарының қолжазбаларын аяқтау жұмысы үшiн негiзгi жұмыс орнында орташа айлық жалақысын сақтай отырып, белгiленген тәртiппен конкурстық негiзде 3 ай мерзiмге дейiн шығармашылық демалыс беруге құқылы.
2. Қазақстан Республикасының Бiлiм және мәдениет министрлiгi мен Ғылым министрлiгi - Ғылым академиясы және Қаржы министрлiгiнiң келiсiмiмен бiр ай мерзiмде мыналарды әзiрлесiн және бекiтсiн:
Оқу және ғылым орындарының қызметкерлерiне шығармашылық демалыстар беру тәртiбi туралы ереже;
Оқулықтар мен оқу құралдарының авторы болған қызметкерлердi конкурстық негiзде материалдық көтермелеу туралы ереже;
Авторлардың қолжазбаларына конкурс өткiзу тәртiбi туралы ереже.
3. Қазақстан Республикасының Бiлiм және мәдениет министрлiгi мен Ғылым министрлiгi - Ғылым академиясы министрлiктердiң, мемлекеттiк комитеттердiң, өзге де орталық атқарушы органдардың келiсiмi бойынша жыл сайын оқу жылының басында басылымдардың тақырыптық жоспарларын бекiтсiн.

     Қазақстан Республикасының
         Премьер-Министрi