Мемлекеттiк сәулет-құрылыс бақылау инспекциясы

Қазақстан Республикасы Премьер-министрiнiң өкiмi 6 тамыз 1993 ж. N 335-ө

1. Қазақстан Республикасының Президентi жанындағы Бас бақылау инспекциясының, Қазақстан Республикасының Төтенше жағдайлар жөнiндегi мемлекеттiк комиссиясының, Қазақстан Республикасының Сәулет және құрылыс жөнiндегi мемлекеттiк комитетiнiң Бiрыңғай мемлекеттiк сәулет-құрылыс бақылау инспекциясын ұйымдастыру туралы ұсынысы құпталсын.
2. Қазақстан Республикасының Президентi мен Қазақстан Республикасы Министрлер Кабинетi Аппаратының мемлекеттiк басқару органдары бөлiмi (В.В. Шевелев) мүдделi министрлiктермен және ведомстволармен бiрлесiп, бiр апта мерзiмде Қазақстан Республикасы Министрлер Кабинетiнiң осы мәселе жөнiндегi қаулысының табыс етiлген жобасын пысықтасын және белгiленген тәртiп бойынша республика Үкiметiне енгiзсiн.

Премьер-министр