Газ жарылысының зардаптарын жоюға қаржы бөлу туралы

Қазақстан Республикасы Премьер-Министрiнiң өкiмi 1996 жылғы 27 желтоқсандағы N 586

1. Қазақстан Республикасы Үкiметiнiң Төтенше жағдайларды қаржыландыруға арналған резервтiк қорынан Семей облысының әкiмiне Семей қаласындағы тұрғын үйдегi газ жарылысының зардаптарын жоюға 25 (жиырма бес) млн. теңге бөлiнсiн, оның iшiнде:
зардап шегушiлер үшiн пәтерлер сатып алуға 17 (он жетi) млн. теңге;
жоғалтқан мүлiктерiнiң орнын толтыру үшiн зардап шеккендерге материалдық көмек көрсетуге 8 (сегiз) млн. теңге.
2. Қазақстан Республикасы Премьер-Министрiнiң кейбiр шешiмдерiне мынадай өзгерiстер енгiзiлсiн:
Қазақстан Республикасы Премьер-Министрiнiң 1996 жылғы 8 ақпандағы N 62 өкiмiнiң 1-тармағындағы "175 (жүз жетпiс бес) млн, теңге" деген сөздер "170 (жүз жетпiс) млн, теңге" деген сөздермен ауыстырылсын;
Қазақстан Республикасы Премьер-Министрiнiң 1996 жылғы 24 шiлдедегi N 354 өкiмiнде:
екiншi абзацтағы "165 (жүз алпыс бес) млн, теңге" деген сөздер "145 (жүз қырық бес) млн, теңге" деген сөздермен ауыстырылсын;
үшiншi абзацтағы "123 (жүз жиырма үш) млн, теңге" деген сөздер "103 (жүз үш) млн, теңге" деген сөздермен ауыстырылсын;
3. Семей облысының әкiмi 1993 жылдың қорытындысы бойынша орындалған жұмыстардың көлемi мен құны туралы Қазақстан Республикасының Төтенше жағдайлар жөнiндегi мемлекеттiк комитетiне баяндасын.
4. Қазақстан Республикасының Қаржы министрiнiң жанындағы Қаржы-бақылау комитетi бөлiнген қаражатты нысаналы пайдалануға бақылауды қамтамасыз етсiн.

Премьер-Министр