Реформалардың жекелеген бағыттарын iске асыру жөнiндегi жауапты мемлекеттiк органдарын белгiлеу туралы

Қазақстан Республикасы Үкiметiнiң Қаулысы 1998 жылғы 1 тамыздағы N 148

Мемлекеттiк сектордың ресурстарын пайдалануды жақсарту бойынша реформалар кешенiн iске асыру жөнiндегi жұмыстарды үйлестiру мақсатында:
1. Реформалардың жекелеген бағыттарын iске асыру жөнiндегi жауапты мемлекеттiк органдар ретiнде мыналар белгiленсiн:
1) мемлекеттiк инвестициялар мен макроэкономикалық болжамдар бағдарламаларын қалыптастыру мен орындау саласында - Қазақстан Республикасы Энергетика, индустрия және сауда министрлiгiнiң Экономикалық жоспарлау жөнiндегi комитетi;
2) бюджеттiк процесс, аудит және сырттан қарыз алу саласында - Қазақстан Республикасының Қаржы министрлiгi;
3) тұрғын үй-коммуналдық салада - Қазақстан Республикасы Үкiметiнiң Тұрғын үй-коммуналдық реформасы жөнiндегi комиссиясы және Қазақстан Республикасының Табиғи монополияларды реттеу және бәсекелестiктi қорғау жөнiндегi комитетi;
4) әкiмшiлiк реформалар саласында - Қазақстан Республикасы Үкiметiнiң Мемлекеттiк қызметтi реформалау жөнiндегi комиссиясы және Қазақстан Республикасының Қаржы министрлiгi.
2. Осы өкiмнiң 1-тармағында көрсетiлген жауапты орындаушылардың жұмысына бақылау жасау Қазақстан Республикасы Премьер-Министрiнiң бiрiншi орынбасары О.Ә.Жандосовқа жүктелсiн.

Премьер-Министрi