Байланыс формасы

Қазақстан Республикасы Конституциялық Кеңесінің 2002 жылғы 19 сәуірдегі N 1 қаулысымен бекітілген, Қазақстан Республикасы Конституциялық Кеңесінің Регламентіне өзгерістер мен толықтырулар енгізу туралы

Жаңа

Қазақстан Республикасы Конституциялық Кеңесінің 2005 жылғы 31 наурыздағы N 9-3/I Қаулысы

      "Қазақстан Республикасының Конституциялық Кеңесі туралы" Қазақстан Республикасы Конституциялық заңының  9-бабы 2-тармағына және  41-бабы 2-тармағына, Қазақстан Республикасы Конституциялық Кеңесі Регламентінің 34-бабына және 29-бабының екінші абзацына сәйкес Қазақстан Республикасы Конституциялық Кеңесі  қаулы етеді:
      1. Қазақстан Республикасы Конституциялық Кеңесінің 2002 жылғы 19 сәуірдегі N 1 қаулысымен бекітілген, Қазақстан Республикасы Конституциялық Кеңесінің Регламентіне (Қазақстан Республикасы Конституциялық Кеңесінің Жаршысы, 2002 жыл, N 5 басылым; "Юридическая газета" 2002 жылғы 15 мамыр, N 19) мынадай мазмұндағы өзгерістер мен толықтырулар енгізілсін:
      1) Регламент мәтініндегі "Қазақстан Республикасы Президентінің "Қазақстан Республикасының Конституциялық Кеңесі туралы" конституциялық заң күші бар Жарлығы" және "Жарлықтың" деген сөздер "Қазақстан Республикасының Конституциялық заңы" және "Конституциялық заңның" деген сөздермен ауыстырылсын;
      2) Регламенттің 29-бабының екінші абзацы "... республикалық ресми басылымдарда ..." деген сөздерден кейін ", Қазақстан Республикасы Конституциялық Кеңесінің Жаршысында, сондай-ақ Қазақстан Республикасы Конституциялық Кеңесінің нормативтік қаулылары Жинағында" деген сөздермен толықтырылсын.
      2. Осы қаулы:
      1) мемлекеттік органдар мен лауазымды адамдарға жіберілсін;
      2) Қазақстан Республикасы Конституциялық Кеңесінің Жаршысында, "Юридическая газетада" және "Заң газетінде" жариялансын.
      3. Осы қаулы оны қабылдаған күннен бастап күшіне енеді.

      Қазақстан Республикасы
      Конституциялық Кеңесінің
      Төрағасы

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады