"Қазақстан Республикасында бәсекелестікті қорғау мен дамытудың 2022-2026 жылдарға арналған тұжырымдамасын бекіту туралы" Қазақстан Республикасы Президентінің 2022 жылғы 22 маусымдағы № 938 Жарлығына өзгерістер мен толықтырулар енгізу туралы

Қазақстан Республикасы Президентінің 2023 жылғы 26 қыркүйектегі № 361 Жарлығы.

ҚАУЛЫ ЕТЕМІН:

1. "Қазақстан Республикасында бәсекелестікті қорғау мен дамытудың 2022-2026 жылдарға арналған тұжырымдамасын бекіту туралы" Қазақстан Республикасы Президентінің 2022 жылғы 22 маусымдағы № 938 Жарлығына мынадай өзгерістер мен толықтырулар енгізілсін:

жоғарыда аталған Жарлықпен бекітілген Қазақстан Республикасында бәсекелестікті қорғау мен дамытудың 2022-2026 жылдарға арналған тұжырымдамаға қосымшада:

реттік нөмірі 1-жолдан кейін мынадай мазмұндағы жолмен толықтырылсын:

"

1-1.

1-1-іс-шара. Биржадан тыс мәмілелерді тіркеуді қамтамасыз ету және тиісті жауапкершілікті бекіту

Бұйрық

2025 жылғы IV тоқсан

СИМ

";

реттік нөмірлері 2 және 15-жолдар алып тасталсын;

реттік нөмірі 17-жол мынадай редакцияда жазылсын:

"

17.

17-іс-шара. Мемлекеттік кәсіпорындарды, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғаларды және олармен үлестес заңды тұлғаларды жекешелендіру жөнінде ұсыныстар енгізу

ПӘ-ге ұсыныстар

IV тоқсан, жыл сайын

БҚДА

";

реттік нөмірі 21-жолдан кейін мынадай мазмұндағы жолмен толықтырылсын:

"

21-1.

21-1-іс-шара. Бірыңғай операторлардың санын азайтуға бағытталған Заң жобасын әзірлеу

Заң жобасы

2023-2025 жылдар IV тоқсан

БҚДА

";

реттік нөмірі 22-жол мынадай редакцияда жазылсын:

"

22.

22-іс-шара. Квазимемлекеттік сектор субъектілері үшін рұқсат етілген қызмет түрлері тізбесінің жаңа форматын қалыптастыру

ПӘ-ге ақпарат

2024 жылғы II тоқсан

БҚДА

";

реттік нөмірі 31-жолдан кейін мынадай мазмұндағы жолмен толықтырылсын:

"

31-1.

31-1-іс-шара. Электр энергиясының бөлшек сауда нарығын ұйымдастыру және оның жұмыс істеуі, сондай-ақ осы нарықта қызмет көрсету қағидаларына тұтынушының электр энергиясын берушіні ауыстыру рәсімінен өтуіне жұмсалатын жұмыс күндерінің санын кезең-кезеңімен қысқарту бөлігінде өзгерістер мен толықтырулар енгізу

Бұйрық

2025 жылғы IV тоқсан

ЭМ, БҚДА, "ЭҚРҚО" АҚ (келісім бойынша)

".

2. Осы Жарлық қол қойылған күнінен бастап қолданысқа енгізіледі.

Қазақстан Республикасының Президенті

Қ.Тоқаев